麻神麻辣火鍋 (已結業)

都真係未試過咁夜去打邊~~~見呢間仲開就入去試下，當晚無咩人，可能太夜....我地幾個人黎到已經餓到....即場睇下MENU，見晚餐9:30後原來有75折，一於盡食!我地叫左鮮餃拼盤、炸響鈴、牛丸、蝦丸、萵筍、菜、鵝腸、黑毛豬肉同桶蠔~講真見餐牌選擇咁多，我地都諗左陣，不過太餓，基本上係見咩想食就叫!首先講下個麻辣湯底，爆香夠麻辣，個麻味超濃，食落對我黎講唔辣，不過其中一個朋友就覺得辣!個炸響鈴一浸湯底，真係正又爽，滿口麻辣湯味，好惹味!再黎講下個鮮餃拼盤，有齊魚皮餃、冬菇椰菜餃、九菜餃同鮮蝦雲吞，呢個拼盤唔錯，最鐘意個鮮蝦雲吞，爽口又滑，大大啖蝦肉!至於個美國桶蠔，食落麻辣中帶鮮甜，軟滑又肥美，好好味，如果鐘意食海鮮，黎到呢個一定要食!另外好少食嘅鵝腸都比想像中正，爽口吸滿湯汁後辣辣地，入口更好味~

有冇諗過晏就lunch都可以打邊爐，食麻辣鍋呢？😋 係銅鑼灣依間台式火鍋店晚市都唔平㗎，平均都要$400/1位！而午市時段竟然連$100都唔洗就可以食到🤩 睇下食物質素究竟會係點先！-牛肉涮涮鍋🐮($88,已包加一) 湯底可以揀麻辣湯或者昆布菜湯，食辣嘅冇理由唔揀前者😍 湯底有辣勁，唔係搶喉個隻，唔會好油，香料味十足！越煮會越辣~ 牛肉係美國牛脊肉，入口幾軟淋，肉味都重😀 之後可以揀綜合鮮餃或者綜合丸子，🍔揀左餃🥟，包括有雲吞，魚皮餃，韭菜餃同蝦肉餃(款式唔知會唔會變) 全部都幾足料，索埋啲湯汁簡直一流~ 蔬菜幾新鮮🥬 主食叫左烏龍麵，掛湯一般但勝在幾滑身！嘢飲一樣唔會馬虎，叫左水果茶，幾大杯，果果都幾濃🍊 另外一杯叫灰姑娘，係橙汁溝菠蘿同紅石榴加梳打水，飲落似雜果賓治，唔會太甜🙃-依個價錢🍔絕對會encore! 多款色選擇，仲要質素唔錯！服務都幾好，幾有禮貌🥰

又同🐷先生一起去覓食了。馬神開咗咁耐都冇試過，終於決定今日lunch Time行過去試吓！好似話呢排做緊優惠，所以午市套餐變得都好抵！我叫咗個牛肉涮涮鍋 （$88），而🐷先生就叫了個麻神招牌老饕煱（$88），原來係麻辣鍋加牛雜！牛腩，牛筋超焾！湯底亦都充滿藥材味，相當唔錯！我就叫了昆布鍋。而我都會建議如果係情侶，或夫婦二人的話可以咁做，因為到辣得滯，或者唔想用麻辣鍋的時候起碼有清湯。因為自己鍾意放肉類，丸類，和少量烏冬在麻辣鍋，然後蔬菜，餃子，和剩下的烏冬就放在昆布鍋 （因為這些比較以吸油或變得太辣）。兩個人食嘅話，相當休息！但係因為麻神以鴨血果凍出名，所以也決定一試。熱騰騰出來，真係好好味，質感真的像果凍一樣。之後扮放進麻辣鍋內，除了吸了湯底的辣味，還隱約有一些甜味！👍👍👍雖然牛肉不是特別出色，但以這個價錢來說，已經很不錯了。還要配合舒適的環境，極之適合一班人週末上來打個邊爐呀！

好食嘅火鍋已經越來越少，貴得嚟又好食嘅，都越來越少。麻神唔平，但好食！我會叫好多人嚟！一定要試試個果凍鴨血、牛骨髓、黑牛百葉、湯底味道好濃。雖然火鍋橱房齋切，但切得好薄！下次一班人party, 可以book房，房又近路台可以方便食煙嘅人。路台有一排排長枱坐低cock tail 最佳。又要s h e l t e r , 唔會比雨整濕。餐廳計劃新潮，又每枱基本上會有「枰封」不會同隔離枱用膳者對望。anyway, 一定會返𠻘。

平日Lunch上來坐左半個鐘可以一個鍋一份野食都冇來，侍應人手非常不足，次次吹單都冇人理，見到廚房（開放式）入面既職員切菜非常慢！有咩理由火鍋店坐低半個鐘連個鍋都冇，火鍋係要時間淥㗎！唔會再來！

晏晝一個人，凍凍地走左去食呢間麻神，之前聽過好多次，未正式黎食過，既然行開銅鑼灣，就食啦!入到黎無諗到晏晝都幾多人，呢度環境唔錯咁，好寬敞，而且座位間隔比出面D火鍋店感覺較大，坐得都舒服。我最後揀左個牛肉涮涮鍋，雖然晏晝，不過份量都幾多!主菜當然係牛，仲有蔬菜、粟米、蕃茄....最特別的是可以自己選擇餃子拼盤或丸拼盤，而且仲有得揀烏冬、飯或者手工麵，都有幾多choice，感覺較自由，想食咩都可以揀到。牛肉質唔錯，鮮嫩，食落啖啖肉，好有口感。個湯底辣得黎係帶麻味，超香，最正係連個麵一齊食，沾左湯汁，超滋味﹗呢個餐lunch黎講，價錢都OK，份量足，食到勁飽~

肯定係我窮所以覺得貴，兩個人冇食海鮮冇食牛肉都過千埋單。所謂鴛鴦鍋$228(兩人份)3人或以上再要加錢，一半麻辣一半清水，跟鍋底得兩舊鴨血，追加要$88蚊5舊，手打丸子$88蚊8粒、雜錦四款$98蚊8粒、雜錦四款唔要一款變咗叫做自選$118蚊8粒(餐牌冇寫，落單時亦都冇講)，埋單時問waiter仲話係你自己揀嘅就係呢個價錢，完全係個客錯，佢講得冇錯，最錯係我揀去呢度食飯。埋單話送咩優惠券，我話唔洗喇，肯定唔會再嚟食架喇！

凍凍地，行完街去打邊爐~呢間係銅鑼灣的麻神，比想像中好食!入到黎，環境唔錯，當晚都有幾多人食緊...地方寬敞感覺唔會好逼，坐都舒服。食物方面，估唔到都幾多野揀，不過實在太多都有D難選擇，樣樣想食，最後選左個有海鮮的套餐。呢個餐感覺都幾抵食，佢有鴨血、和牛、黑毛豬、海蝦、青口、魚、油條同菜~份量適中，勝在款式多，可以一次過食幾種野!果凍鴨血都幾有驚喜，一來少見同唔多地方食到，二來食落口感幾有趣，真係超似果凍，一放入口係超滑。而牛呢，幾新鮮肉嫩，口感不錯，有咬口而且加埋個麻味，好正!有海鮮打邊爐都正d，個青口好味，肉質鮮甜帶點爽，加上麻辣味，超滋味。個人推介油條都係邊爐要食啊，浸過湯底即食，索左好多汁，如果鐘意食辣的話，超爽!

黎到銅鑼灣呢頭，我地幾個人行到攰，又諗唔到食咩，最後就黎左打邊爐!呢間名叫麻神的火鍋店，之前未黎過，不過朋友話食過唔錯，咁就帶埋我地黎食!我地幾個人食量都麻麻，所以都唔敢叫餐，最後散叫，呢度食物都幾多款，仲有d平時好少見到gei!話麻辣湯底好正，不過又驚太辣所以叫左個鴛鴦鍋，估唔到咁樣食落又幾好，可以試兩邊唔同gei味，原來湯底唔同，食落個分別都幾大。我地叫左韭菜餃、炸魚皮、菜、魚皮餃、響鈴、油條、牛同叫左碟鹵水鵝腎，份量適中，我地食完岩岩好，都OK唔會太飽。個鹵水鵝腎食落唔錯，幾入味，而且好有口感，沾上汁食，口感層次更豐富。牛方面，肉質鮮嫩，食落有口感，同麻辣湯底一齊食更滋味，麻味濃又香!炸魚皮係我打邊爐的最愛，浸浸即食，又脆又可以帶點麻辣味，係超過癮~個油條都幾特別，平時都係食響鈴多，呢個浸一浸即食，非常索汁，好鬼正!

好耐無打邊爐啦，朋友決定就黎食啦~我地幾個都鐘意食辣，所以見到menu即刻就決定食麻辣鍋~湯底係香中帶麻味，食落辣辣地，但之後係麻架!食物都幾豐富，揀左萵筍、桶蠔、鮮餃拼盤、牛丸、豬肉丸、響鈴、王子面...份量方面幾足夠，食完夠飽!食物幾新鮮，個蠔食落鮮甜帶點麻，肉質相當肥美同軟滑，好正~而響鈴係打邊爐必食，就咁碌一碌，一咬d麻辣味就已經滲出，想試湯底的話，一定要食。個手打賴尿牛丸我自己個得讚，食落好juicy，爽口彈牙，牛味好濃，配埋麻辣湯底，超好味。鮮餃拼盤呢，多汁有口感，一口一隻，食到勁飽!

聚會諗唔到食咩，最好就係揀打邊爐，唔使就，又可以食返自己鐘意GEI~仲可以傾耐D!我地幾個聚親都揀邊爐，黎到呢間銅鑼灣的麻神，麻辣鍋好似出名，不過因為有朋友唔食辣，所以我地最後揀左鶯鴦鍋!至於食物方面，叫左牛、雞、黑毛豬、高麗菜、金針菇、豆腐、蛋餃同椰菜餃，食物種類都算多，所以我地揀左D少見GEI食!個雞肉幾好味， 口感鮮滑，我就放左係麻辣個邊，好惹味，香帶麻味，對我黎講係少辣，可接受!另外，個蛋餃同椰菜餃，食落好有口感，餃子皮唔會太厚，內裡餡料都幾足。而少有的高麗菜就幾特別，好少邊爐可以食到，佢係整完都好脆好爽口，超有口感。

去開銅鑼灣，晏晝無咩人，同朋友就黎左呢間麻神食啦!之前係網上見過話呢間係明星都會去，咁應該質素應該都唔差~入到黎，環境都幾好，地方都幾大，舒服自在。睇下餐牌有咩食，我地最後叫左一人一鍋，而且好牛的我們，牛肉涮涮鍋就岩哂!成個餐除左主菜牛之外，都幾特別，有兩款比你揀，可以揀餃子或丸拼盤，而且仲可以揀飯、烏冬或者台灣面!湯底一黎，真係見到都興奮，超級紅，睇落勁辣，超香麻辣味!食起黎無想像中辣，反而比較麻!食物都幾新鮮~牛肉質夠鮮，食落軟腍唔會鞋，口感一流!讚!個D丸都唔錯，豬肉丸、鯪魚丸、墨魚丸同蝦丸，超級爽口彈牙，食落口感豐富!如果兩個人叫，可以一個揀丸，一個揀餃子，試齊兩款!估唔到晏晝打邊爐雖然飽，但好味又唔算太貴，地方周腳仲可以行街!

早排聽朋友黎過呢間麻神，食過話唔錯，黎開銅鑼灣我同朋友都走黎試下啦!環境唔錯，地方都幾寬敞，坐得都舒服!見到Menu，食物種類都幾多，感覺仲多過平時酒樓打邊爐!雖然見到有套餐，不過我地比較細食，唔敢叫太多，就散叫想食的就算…我地叫左牛骨髓、鵝腸、牛頸、墨魚丸、炸魚皮同鴨血.....個湯底幾有驚喜，超香濃的麻辣味，但食落又唔算太辣，食一食就覺得有D麻…個炸魚皮好正，一浸即食，好有口感而且帶點麻味!至於個牛，真係唔錯，肉質鮮嫩，有咬口，同麻辣湯底超夾，可能因為我地都好辣，所以覺得特別滋味!仲有打邊爐都係要飲埋啤酒先爽啊~

同男朋友兩個打邊爐，超滿足!因為食到我地兩個都鐘意的麻辣鍋!呢間麻神第一次食.....一心諗住試下，但估唔到有意外驚喜!我地一人一鍋，鐘意食辣的話，絕對LIKE我地一個叫左牛肉涮涮鍋，一個叫左豚肉涮涮鍋，咁就可以試哂兩款!講下個湯底先，一見到咁紅已經覺得好惹味，食完真係唔會失望!一黎已經香到呢....麻味好濃，D食物好入味，真係食完都覺得好正!兩SET都唔同架其實，牛就跟餃，豚肉就跟丸.....其實係可以自選餃子或丸拼盤....咁我地兩個當然叫唔同啦，一次過可以食唔同.....而且仲可以揀飯、烏冬或者台灣手工面!其實食落呢個餐都幾飽!食物都新鮮，個牛肉質不錯，食落有咬口，但唔會韌!我個人係鐘意豚肉多，肉質鮮嫩，同個湯底配埋食真係好正!好味......呢餐真係好滿足~

好耐無打邊爐，點知今次試呢間，幾特別，後悔無影多d相!呢間叫麻神的邊爐係銅鑼灣，之前未聽過，誤打誤撞黎食，去到剛好有位就唔理啦~~~見到個鍋好紅，初頭都驚，不過黎到一試，比想像中好味!我地叫左二人餐，夠哂份量，鴨血、和牛、青口、蛋餃、油條、豬....樣樣都有咁，比想像中多!個油條好推薦，滾一滾即食，浸透湯底，一入口係麻味即出，超爽，少少麻又辣辣地!大家都好鐘意呢個湯底，因為夠麻夠辣!另外我個人鐘意蔬菜，所以個蔬菜拼盤正，有菜、蕃茄、粟米、南瓜!!!!呢次入黎試呢間都算中上，打邊爐選擇都幾多，而且食物都新鮮wo~