麻神麻辣火鍋 (已結業)

難得齊人一齊食飯，朋友極力推介麻神一班朋友最適合打邊爐，今次我哋一行七人，叫咗兩個鴛鴦湯底一個係唔辣嘅雞湯而另一個係麻辣湯底，店員叫我地湯底滾左之後每人先飲一碗雞湯！果然冇介紹錯湯底非常濃郁趁湯底未落肉之前我哋先落冰菜先！冰菜平時喺市面並唔容易搵到，見到菜單裏面有當然要點左先另外當然唔少得雪花肥牛，呢個都冇得輸！入口即溶我哋重點左酒浸雞子，個人覺得好普通食落口亦都冇酒味因為有朋友唔食牛肉所以點咗個豬拼盤，裏面有豚肉，粉腸，同埋豬潤，豚肉非常新鮮而內臟亦都唔錯牛骨髓朋友極力推介，我之前從來未食過牛骨髓感覺好得意同湯底亦都好夾鴨血果凍係麻必食之一，果然冇失望!台式火鍋一般都有鴨血但係麻神做得非常出色入口有非常Q旦感覺，其實點左麻辣湯底每人都會有一份鴨血果凍而且一舊鴨血份量比正常大，但因為太好食嘅關係我哋另外點多咗一份另外我地點左一些海鮮，炸芋頭，炸魚皮， a菜總括來講真係好好食，再加上環境亦都適合一班朋友聚餐最後原來9:30後有七折，我哋食左咁多野每人都係大約$500，食物質素來講算係非常高質嘅火鍋

Lunch 經過見到$59有一人一煱打邊爐，見咁抵食緊要試下，原來$59係包一個麵，湯底，同埋3個餸，即係其實係車仔麵，但以打邊爐黎講都真係幾抵。推介麻辣湯底，雖然唔夠辣但好味道，粉麵公仔麵，烏冬，薯粉，米線，我就左薯粉因為最夾麻辣湯。餸有好多款，我揀左白蘿蔔，炸魚角頭，同埋芥末丸。除左芥末丸之外其他兩個餸我都好滿意，份量亦足夠，佢有牛肉雞肉豬肉但我唔想食太多肉所以留返俾其他人叫算。好味道，抵食，好坐，過癮，仲有杯野飲，加埋一都唔洗$70，仲想點？

開左一排,而家先有機會黎食到由台灣進駐,鼎鼎大名既麻神(God of 麻辣),麻神既食材出名高質高檔同麻而不辣,好多明星都係捧場家人怕辣今次齋試花膠湯底先,個鍋一到有少少嚇親,肉眼都睇得出好足料既花膠湯,用黎打邊爐夠晒串野食到前飲下湯先,一飲就停唔到飲左幾碗已經半飽,仲有大大舊煲湯果d花膠比你食,refill係加花膠湯比你,除左基本調味料之外,仲有黑醋,係個盤搬黎搬去果陣唔好係穩陣咁果凍鴨血,未食過以為同豬紅無分別,可以有咩咁出名呢?仲要用刀叉食咁型原來真係幾好食  好入味有口感,不過食得多應該會好快飽叫左個海鮮拼盤同蠔,擺設有襯花滿天星果然聞如其名,海鮮係非常新鮮,如果有6星我會比記得第一啖咬落隻海蝦既感覺係,哇!咁好食既!話晒都半個打邊爐達人,未食過d蝦可以咁彈牙咁鮮甜,所以之後決定追加多客蝦,實在太好味!仲有蠔大大件,大蜆,鮑魚同帶子,可能配埋花膠湯底既關係,總之全陪都好鬼鮮好鬼正,2個人唔係食到好多野,又唔食牛,但打邊爐又點可以無肉!點左個黑毛豬梅花,淨係睇個樣已經非一般既豬肉肉味濃無得頂好少地方有得食冰菜,如果未食過記得試下(我都係第一次食),表面一粒粒好似水珠咁幾得意,淥一

4/5麻辣湯底超正，花膠雞湯都好飲。Soup is really good here.鴨血真係好食，入哂味，又滑又嫩。其他食材就正常普通。Duck blood is really nice, tender soft. Other food are just okay.#instafood #吃貨 #吃貨人生 #美食 #vancouver #vancity #yvr #yvreats #vancouvereats #vancouverfoodie #yvrfoodie #yvrfood #溫哥華 #溫哥華美食 #foodporn #queenbeoly #hkfood #queenbeoly_middine

麻神品牌係台灣只係創立五六年度，已經風頭唔小，佢曾被《 女人我最大 》評為 「 台北最難訂枱的餐廳 」。麻神係上年終於係香港開左舖頭。打從麻神進駐香港後就一直想黎試試。我同我男朋友本身都好鐘意食台灣嘅麻辣火鍋麻神最出名嘅，一定係佢嘅獨門湯底。麻神嘅老闆用左7年時間，研發出這個只用生果、蔬菜、香料及自家秘製麻辣醬做成嘅湯底。每日都經過煎、煮、炒、炸、熬三個多小時繁複工序炮製而成，有食家形容能夠做到「 只麻你口， 不辣你喉 」嘅境界。今晚好肚餓，我同男朋友兩個人叫到成枱野食。佢每樣食材都好新鮮好正！另外，終於比我地食到佢個招牌鴨血，果真名不虛傳，味道好香濃，配埋飲得嘅麻辣湯底絕對係一流我仲覺得好味過台灣鼎王嗰個鴨血添..我最推介係佢嘅手打丸，水餃同牛肉

友人生日飯話必食台式麻辣火鍋🍲天氣涼涼地啱哂！其中一位友人唔食辣，所以店員推介麻辣拼花膠雞鍋($228)。冇諗過火鍋嘅湯底咁好味～ 花膠鍋真係小小膠，好濃好濃嘅雞湯呀！我都飲左一大碗，至於麻辣湯原來似藥膳湯，唔太辣但惹味。 由於我個人麻麻地鴨血呀，牛腸牛肚之類，所以只點了D 港式火鍋嘅食物：  🥩肉類：美國牛小排($388)，加拿大穀飼豚肉 ($258)，兩款都有肉味，唔錯🍟炸類：老油條- 超唔得好油好硬，即炸響鈴-有水準，唔油 🍢丸類： 手打墨魚丸，蝦丸，份量少，味道可以  🥟餃類：鮮蝦雲吞，魚皮餃，兩款都普普通通🥗時蔬拼盤： 新鮮蔬菜 總括黎講吸引我再黎都係個花膠湯！打邊爐嘅款式同質數中上，但價錢都係中上！店員態度有禮，而且座位舒適。整體唔錯。  

Where can you find a $59 dollar taiwan spicy hotpot in Causeway Bay ????? Standard menu starting from $59, with three choices of food from meat to vegetables and one additional noodle or rice ! Also with one drink option ! Ever additional topping will charge $10 ! Not too bad ! Beside duck blood which will be $18 ! Spicy spirit is always famous for their delicious soup based and how they are super expensive ! I guess lunch is the time you should really go try out spicy spirit soup base ! The spi

今晚麻辣火鍋癮又起，最終揀咗去銅鑼灣燈籠街～麻神😋呢間源自台北的麻神麻辣火鍋，湯底可以直接喝，真正名副其實「只麻你口，不嗆你喉」今晚點了鴛鴦鍋，除無肉類麻辣湯另一邊是響螺花膠雞湯，用大量西非響螺、鮮雞加上花膠淆煮，味道鮮甜濃郁👍😋牛肉是美國認證特級安格斯牛小排，必食特選牛頸脊🎉牛味濃而且雪花漂亮均勻🤤起動前記得要先享受由店員提供的慢煮食法，服務員會用滾起的麻辣湯把牛肉片淋至7，8成熟，再澆上麻神特製辣油，牛肉香、滑、軟腍再淋上辣油，惹味迅間大增，滋味無比呀！推薦千萬不要錯過要用刀叉品嚐擁有台灣獨有的鴨血香，細緻柔嫩非常入味的「果凍鴨血」，切面完全沒有氣孔，整個完全光滑。厲害👍仲有台灣老油條、晶讚紫米糕、炸魚皮、綜合丸子拼盤、綜合鮮餃拼盤、花雕鮮雞子⋯⋯⋯食材款款新鮮，絕對係高水準之作。必試菜蔬；台灣水蓮菜及冰菜，仲有南極冰藻，均有脆滑，爽口的質感👍👍食火鍋邊少得海鮮，呢個特選海鮮拼盤；有鮑魚、扇貝、花蛤同蝦，樣樣鮮甜肉質彈牙，超級新鮮🤤🤤素食朋友佳音🎉🎉全新素菜餐牌雲集素鮑魚、素海鮮、素豬腰、素丸和素餃等⋯⋯令茹素人士同樣盡享火鍋的樂趣👏🏻👏🏻火鍋前不可不吃的美物；～麻神特選老饕鍋～用

朋友話佢幫襯開一間台式麻辣火鍋店好掂, 想帶我地去試試。我同另一朋友早到, 諗住叫D飲品飲住等, 問服務員有冇竹庶矛根、酸梅湯 --- 係冇的! 於是我地打開MENU, 話要餐牌上的青檸SODA ---- “SORRY, 賣哂”, 心諗咩料, 晚市7點未到就賣哂?! OKAY, 於是我地飲水及可樂。朋友到發板落單, 叫哂佢認好味道的食物。我係一個好咀刁的人, 加上經常往返台港兩地, 食盡台灣火鍋, 係半個台式火鍋專家, 個人呢間火鍋店好普通啫! 牛肉及其他火鍋配料都係普普通通, 食完唔會回味果種。反而令我覺得驚喜的, 係個花膠湯底, 好濃味好香, 根本上我成餐飯飲湯飲到飽都得, 亦係成餐飯我認為最滿意的食材~

去年已經在香港吃過一次麻神，我在這裏也奉獻了我的第一次，因為從來都唔吃豬紅鴨紅，不過在這裏我奉獻了第一次。還記得我唔食鴨紅係因為唔鍾意嗰個口感，但呢度嘅鴨紅個口感真係好正。今晚我哋當然係要叫個麻辣火鍋，呢度店員推介有個新嘅花膠雞湯好正，咁就當然要試吓，就兩溝吧。花膠雞湯好正，大大塊花膠，而且雞都好滑，唔會好韌，飲左幾口，特別啱女人，因為真係好補好滋潤。來到這裏當然要幾個一定要吃嘅選擇，首選一定要係牛小排同牛頸脊，我個人來講鍾意牛小排多一點，雖然牛頸脊味道好濃，但牛小排的細緻，叫人感受到更多。而且加上了蔥花和那個辣椒油，個感覺更加唔同，味道更加多元化。我又好鍾意呢個西班牙黑毛豬，啖啖梅花肉都充滿黑毛豬嘅香氣，特別好配麻辣味。今晚也叫了一條魚刺身，我也忘記了那魚是什麼，不過條魚勁新鮮，而且賣相靚，同外邊以食活魚刺身的火鍋店質素技巧同樣咁高。老公推薦一定要食呢度嘅菜，水蓮雖然唔知係咪時候，但都好甜好好食。還有呢個孔雀鮑魚同埋聖子王，兩個海鮮都好新鮮，而且價錢喺銅鑼灣來講一點也不貴，用雞湯煮一流，麻辣太搶味。當晚也叫了不少餃類，其中我最鍾意這個牛肉蛋九，牛香不知點解會令我想起新香園蛋牛治。另外

麻神登錄香港應該都已經有一段時間，有年半沒有來過，原因係香港太多火鍋了，再訪，一定要找個適合的原因，人物和時間。之前來過三次，有一次更加和公司同事搞event，三次經驗都非常好，那口迷人的鴨血，是想起也會呑口水的。今年12月台灣準備米芝蓮飲食之旅，其中一個地點目標就係麻神，當然吃的不是普通火鍋店，而是麻神私人招待所。暫時未知約唔約到，但為咗準備下睇下到時食乜好，心想不如在香港來番個麻辣聚都好，碰巧聽說這裏有新menu，那麼來吃番餐就最好。麻辣湯底當然少不了，也不用多介紹，不過香港方面多咗個花膠雞鍋，麻辣拼花膠雞鍋是當晚選擇，平時都一定會飲碗麻辣湯先，但今晚店方推介花膠雞湯，我也覺得奇怪，如果仲搶鏡過麻辣湯，應該都唔係小野。放低半分鐘，都已經有一層膠質係面，飲落去，那種甜那種足料那種堅，是不能言喻。第二樣要食嘅當然係鴨血，不過太耐冇食，不顧儀態唔用刀叉了，那種滑和軟綿綿，還有嗰種台灣獨有的鴨血才有的香，最是迷人。然後當然係食佢哋最出名嘅美國頂級牛小排，當然還有員工幫你處理不同食法。另外特選牛頸脊絕對係另一首選，牛味濃而且非常大片，雪花漂亮而均勻，吃幾塊都唔會夠喉。雪花一口牛相對冇咁精彩，

香港真好，一年四季都可以打邊爐，近年麻辣火鍋越來越受歡迎，所以星加坡、澳門、內地及台灣名店，紛紛係香港插旗，真係百花齊放。早兩年立足香港的「麻神」，一個湯鍋，一道鴨血，已經令人魂牽夢縈，今次叫多幾位嗜辣的朋友，齊齊去滾。麻辣拼花膠雞鍋（$268） 兩種不同鍋底，好啱唔同既朋友，但店員建議開餐前飲返啖湯，尤其是花膠湯底，濃稠得放低一兩分鐘，表面已經起薄膜，真誇張，至於名物麻辣湯底，更是由水果蔬果熬煮而成，大口大口呷都不會嗆喉或涸喉，好正。特飲「秋」（$78） 餐廳有四季特飲，既然家陣係秋天，就來一杯「秋」吧！呷落有陣陣桃茶的香味，不錯，但如果價錢可以相宜一點更好。美國頂級牛小排（大）（$288） 牛肉與火鍋是緊扣的情侶，牛小排是店方名物，共有三款食法，先係由店員用滾起的麻辣湯淋至7，8成熟，第二款係加入蔥粒包起一齊食，第三種係再澆上麻神特製辣油，倍添滋味。當然，作為牛魔皇，更加可以第一時間灼幾下就食，肉味濃郁，真係人間美味。特選牛頸脊（大）（$328） 個人最愛的其中一個部位，肉質鬆軟有嚼口，就算不蘸點醬汁都超好味。雪花一口牛（$128） 至於一口牛就要煮耐少少，肉味

台灣過江龍 岩岩開個陣吃過一次現在見出左新既花膠雞火鍋 所以再來過香港興花膠雞鍋 所以香港既麻神最近加入左見新野 來試下 花膠大約一隻到 半邊雞雞肉仲嫩滑 唔會話煮耐左會老同埋個湯好濃郁 喝左2碗 麻神既麻辣湯底相對其他火鍋店冇咁油辣度都幾好 但又唔會去到好似四川個d咁辣但今次和上次比較 麻味差緊d果凍鴨血一如既往地好吃 後尾再叫多份哩嗰係手切牛頸脊 油花同肉味都好好放8秒就ok 如果唔係過熟 老左會韌哩嗰喺手打丸子拼盤有豬 魚 牛 蝦 墨魚豬肉丸加左梅菜 出來效果都ok魚 就一般 牛丸 彈牙 有牛味蝦丸和墨魚最出色 新鮮 彈牙最後就係澳洲水果玉米水果玉米甜度會比一般玉米高所以哩個係超甜粟米最後放左去花膠雞湯個邊咬落去 正呀 吸哂d精華麻神整體價錢都會偏高 但起碼有質素保證喺一間值得吃嘅火鍋

麻神 Spicy Spirit湯底，不麻，也不辣，帶有輕輕的藥材味以麻辣火鍋作招徠，湯底不麻不辣，實在是說不過去，向店員查詢過，是可以加辣的加辣的意思，是加辣，而並非加麻辣這樣只有辣味的麻辣火鍋，是没有意思的幸而，食材相當不俗牛肉羊肉，口感相當不錯，肉質鮮嫩牛栢葉，在炎炎夏日天仍然爽脆彈牙，實屬相當難得雲吞，十分出色，蝦與肉的比例恰當，咬下去時既有蝦的彈牙，亦有肉的咬口響鈴，沾湯一秒即可入口，是可口的，但略嫌豆味不足鴨血，不明白為什麼要收費，理應免費無限添加總體來說，湯底不足，食材出色

今日幾個朋友去咗麻神度打邊爐環境都唔錯，服務態度都好好，嘢食整體都好好味好推介王子麵好好味🥰🥰肉質都好新鮮，不過個辣就唔夠，嘢食方面選擇唔係太多，同埋冇飲品攤牌，調味都比較少，如果可以多啲就好啲啦^_^