麻聚

營業中

休息中

朋友請食飯，正好搵到呢間試一試👍🏻首先呢間野菜單花多眼亂，以為淨係酸菜魚同串燒，點知仲有雞煲，火鍋，海鮮，小菜….淨係頭盤都2-3x 款，三個人都係蝕，食唔到太多款野。求其點左個雞煲，幾個小食飲下酒，諗住睇下係咪樣樣都咁掂。雞煲小辣，味道夠，雞肉最欣賞佢夠滑👍🏻皮蛋同魚皮，好少見到用「黃金皮蛋」啲汁特別好味，魚皮就涼拌，唔係普通生魚皮，餸酒一流👍🏻串燒就乾身，又有肉汁，係茄子唔夠淋，應該太大條嘅原因😁係錯在一開頭就每人兩隻生蠔，點知啲蠔好大隻，下次叫一隻就夠，起碼可以叫多兩個小菜🤤題外話，好欣賞佢個廁所，一間小店，個廁所乾淨程度同屋企一樣，由其飲完酒會常去，乾淨係值得加分。應該短期會同老豆阿媽再去食😁👍🏻啱啱想tag 地址，原來社交平台都未有，間野叫「麻聚」深水埗九江街👌🏻

之前已經去過，試過招牌菜，海洋干鍋和孜然羊扒，好好味！材料新鮮，味道一流。跟負責人溝通，今次一行11人為朋友慶祝生日，可以自㩦海鮮，新煮意新食法。一向剩係識薑蔥蒸東星斑，估唔到可以水煮東星斑，起肉厚厚魚片，加入支竹，蓮藕片，紅薯粉（寬，我最like)，超級好味！炒蟹保留蟹鮮味，唔會過多調味料搶晒。另外驚喜就係鮑魚，麻辣水煮鮑魚，煮完一d都唔硬，唔會難𡁻，去咗殼方便食。京蔥炸蠔，唔會成口粉漿。仲有炒米粉，真係好好味！醉豬手同秘製雞脚，好入味！好味到食左先記得影相。**記得預早打電話訂枱**可選辣的程度

第一次食到咁垃圾雞煲，完全無味兼且無汁。返到嚟打開見到雞煲完全無汁，打電話去問，佢地話係無汁。第一聽。我食雞煲咁多年都有汁。以上圖片見到汁係我自己加啲上去。個雞煲完全無乜味，垃圾，無下次。

剛行過見到呢間店門面光猛。原來開張只有3個月。新派川菜。店舖雖然唔大。環境好。交通方便。店舖細細最緊要廁所好乾淨。菜式味道很好。老闆善於交際。還會介紹一些菜色給你。酸菜桂花魚。香辣烤魚。辣子雞丁。烤羊髀。麻婆豆腐。樟茶鴨。。好正。仲有好少見到有串燒。還有串燒選擇。一路飲啤酒一路食串燒。串燒雞皮。燒雞腎。蒜蓉焗蠔。。深水埗區值得推介