影片
港鐵寶琳站 A1 出口, 步行約7分鐘
繼續閱讀
營業時間
星期一至日
11:30 - 15:00
17:30 - 21:30
公眾假期
11:30 - 15:00
17:30 - 21:30
公眾假期前夕
11:30 - 15:00
17:30 - 21:30
以上資料只供參考, 請與餐廳確認詳情
好耐之前已經想試麻辣娘子，但又怕真係好辣 😬 怕腸胃攪唔掂！今日趁星期日來刺激一下味蕾🥵 好好味道，份量超多，食極都仲有，痴線 🤣 本來同老公講應該唔會想成日食，點知兩日後已經想再食 🤤🙈本來以為要食成個煲，但原來今日假期都有午餐 (客飯)，超正！可以少少地試下味先 😊 因為成個煲的話都百幾二百，唔好食就喊囉！所以好彩有午餐可以試味👍🏼其實價錢真係唔貴，好大眾化，酸菜魚都係六十幾！超抵食！份量超足料，食到最後都仲有魚囉，痴線！！魚唔腥，有魚皮㗎，但我無問係咩魚。老公叫麻辣香鍋-牛肉，五十幾，又係超多牛肉、萵笋同蓮藕片，都只係五十幾，仲要係好味！！追加：蒜泥白肉 (優惠價) ＆ 夫妻肺片 (原價，因為老公㩒錯掣🙄🤣)，普通但好味 👍🏼 下次都會追加，唔後悔！飲品：太耐無飲過台式飲品，仲可以選擇甜度，好好，因為我地都好少飲甜野！芝士奶蓋炭燒烏龍茶：50%甜，感覺清新，我鍾意！黑糖珍珠奶茶：老公表示好鍾意d珍珠 🤣By the way，有得選擇辣度，我地只係選BB辣，過左癮又對腸胃好D 😚😚😚呢間肯定會 Encore！！！😋😋😋
繼續閱讀
抵食午餐客飯，經常爆場，回鍋肉：腩肉多，青椒椰菜炒麻辣香味，絕！ 麻婆豆腐：不太辣蛋夠麻，我喜愛！ 生炒古老肉大碟又好食，再配珍珠奶茶半價，諗起都流口水。晚餐食過酸菜魚，有得揀各種辣嘅程度，魚肉夠滑！ 生炒咕嚕肉😙咕嚕肉脆卜卜加上佢哋用嘅係新鮮菠蘿，炒得好有水準！ 幫襯過咁多年，每次都好夠鑊氣keep到水準，廚房師傅應該唔係浪得虛明，環境清潔又衛生，侍應態度好好抵讚，晚上經常都係爆場，大家不妨可以去試一試
繼續閱讀
呢間麻辣娘子，有時我都會幫襯佢嘅lunch，感覺lunch平好多，今晚即興試埋佢嘅晚市，老實講晚市同lunch個價錢都爭得幾遠，可能lunch係有set啦，感覺平好多，今晚我哋叫咗個娘子最愛酸菜魚（小）$248，呢盤魚上咗台之後我終於明白個價錢嘅分別係邊度，晚市嘅酸菜魚係多好多，魚嘅份量好多，我哋兩個人食都食唔晒要打包走，佢個湯底加埋木薯粉，真係連飯都唔使叫、另外叫咗個小食脆皮小豆腐，新鮮炸起上枱熱辣辣，送啤酒一流。
繼續閱讀
太耐無食辣野喇！咁岩經過麻辣娘子，之前食過1次覺得唔錯，一於再食過點了娘子辣雞煲（半隻），雞肉肉質相當滑嫩惹味，入面仲有魷魚鬚和肥腸，三樣食材加埋一齊配上「娘子」特別調製醬汁，先辣後麻，咬口勁有層次；我揀左中辣，辣得好過癮，成個煲令人好回味另外加$38火鍋配料：鴨血，送飯一流！
繼續閱讀
麻辣乾鍋（牛肉）味道ok，炒得乾爽入味，偏大陸既炒法。但係肉既份量少得可憐，表面得5-6件大舊d既牛肉，底下係細粒既牛肉粒同埋大量既蓮藕、薯仔、椰菜花。午市連加一$61畀呢個份量既肉真係好低性價比，普通茶記既乾炒牛河都抵過佢。大陸人生意手法，唔額外加錢唔會畀返同價錢相等既肉量，唔會再幫襯！！！
繼續閱讀