麻辣娘子 (新都城中心) (已結業)

用 QR code自助落單大大碟 辣子雞雞粒多 細細粒 粒粒香口 重有 腰果 一齊炒 又有小小菇 好好味😋 但下次可以試中辣（辣度可以自己揀）叫左 迷你小饅頭脆卜卜咁 yummy yummy 一口一個當晚 係 咁岩 有 得+$38-$48叫 每人最多 2隻 大閘蟹呀我地 個晚 叫左 2毑1公唔算太大隻 但都可以過到口忍 幾好幾好炒左碟 食極都食唔完既 荀條 🤣🤣 環境 係似 food count 內餐廳 好彩個日早少少入座遲10-15分鐘 都要等位啦整體 都是可以過到忍既 想食辣野 抵食 夾 大大碟 格局 好 內地感 鐘意北上既朋友去感受下 疫情下 不能北上既癮記得到時早少少去 咁就唔洗等咁耐啦

原本想食個間餐廳無開經過麻辣娘子感覺唔錯就試試啦嘢食一般 無話特別好好食叫咗酸菜魚 一個乾鍋 同炸豆腐甜品叫咗紅糖糍粑同黑糖桂花冰粉事源我朋友早到雪蛋糕同講好咗比切餅費OK 但叫完甜品都未上蛋糕 咁朋友就諗住去完洗手間返嚟叫佢起蛋糕點知佢去既途中有位疑似經理既人就行過嚟問我地係咪起蛋糕 之後我望住佢無岀聲佢再問個蛋糕 咁唯有叫佢起啦 佢都有幫我執晒張枱既但佢收我50蚊切餅費 連埋個紙袋原封不動放我枱面我都算 你叉碟都唔比 真係有啲嬲希望餐廳教育下員工

8號風球下 反正無聊 就去了新都城中心 因為不是所有食店在營業 選擇不多 雖然不是很喜歡麻辣 也只有去了這店裝修紅彤彤的 充滿喜慶又吸晴 店內採用掃描二維碼下單 很方便 一看 午市套餐真的很吸引 實在太超值了 我們5大1小 要了4個客飯 5個小吃 4杯飲品 1個甜品客飯可以自由選擇辣度 配料 加錢換飲品 各適其適菠蘿咕嚕黑豚肉飯酸菜魚麻辣牛肉香鍋麻婆豆腐全部選了BB辣 味道正宗 份量也合理 小吃是涼拌萵筍炸鮮奶饅頭涼拌土豆絲蒜泥白肉泡椒豬手最好味的是蒜泥白肉 饅頭炸得很香 豬手稍嫌有啲硬甜品是紅糖糍粑 熱辣辣的 外脆內軟 甜度適中相比之下晚市比較貴 大家如果要去試下 強力推薦先去吃午餐呢

呢一餐食完之後感覺呢位“娘子”好似都唔太食到辣嘢喔😜兩個人，食咗整少蚊。起初嗌嘢嘅時候稍稍覺得可能係叫多咗，但係食吓食吓先發覺可以食嘅食材分量唔算多。保留個伏筆，陣間解釋……主菜三個，涼菜兩個。麻辣小龍蝦：大份40隻，每隻尺寸算係中等。話就係話有十三香，但品嘗時不明顯。升到中辣後的味覺刺激感其實都唔係好明顯，我懷疑以我呢個去酒樓食飯要求少鹽條脷，今日係唔係罷咗工。😜不過蝦肉緊實、新鮮，較為彈牙，比較加分。小龍蝦尾嘅中間有一條尾鰭依然存在，證明蝦線內臟仲係度。奄尖嘅食客可以挑剔下。總的來講，還可以，超過合格線。一兩個人想食下宵夜都可以嗌個外賣，慢慢品嘗。水煮安格斯牛肉：先講優點，牛肉比較嫩，易咀嚼易下咽。不過佢個牛肉睇肉嘅紋理似乎用錯咗位置，而且安格斯三個字，讓人覺得賣家驚你忘記咗呢個餸點解貴啲味道方面，保留咗牛肉嘅香味。不足嘅係缺少咗川菜嘅粗狂同霸氣。超大碗，超多辣椒，但味覺上唔夠豐富，缺少層次。唔夠麻唔夠辣。整體上講，啱啱踩到合格線。吐槽一下，水煮牛肉入面加入唔同款式嘅配菜係要睇餐廳心情，但竟然有鴨血……乜鬼啊？毛血旺表弟咩！酸菜魚：不合格！不推薦！不會再試！開始以為好大分量，點食得

每次喺寶琳行街都見到呢間好多人食 今次終於有機會試試佢 手機落單幾方便 佢有lunchset 可以揀 有主食 配飯加錢有台式飲品 幾抵食 酸菜魚見到每台都有嗌 食佢實冇死 食得出係新鮮魚片 可惜份量唔算特別多只有五六塊 酸菜唔會太酸都好味 仲有寬粉同埋豆芽 豆芽份量好多 令到湯底都好濃豆芽味好似飲緊豆芽湯咁 而寬粉就煮得好煙韌 雖然魚片唔算多但呢個價錢都ok麻辣香鍋雞翼一上菜就聞到陣陣嘅孜然香 炒得好有鑊氣好香口 材料有好幾種唔同嘅蔬菜加埋雞翼一齊炒好惹味 好送飯 蔬菜包括蓮藕萵筍 花椰菜 每樣味道都唔錯蒜泥白肉呢度嘅蒜泥白肉真係第一次見 因為佢嘅蒜泥係打到好似漿咁 蒜頭味更加濃郁 食落好似蒜味嘅yogurt 口感非常得意 白肉切得薄薄一片 減少肥膩感台式飲品好似係同隔離鋪合作 試咗佢嘅芝士奶蓋炭燒烏龍茶同埋黑糖珍珠奶茶 飲品偏甜 但係質素都唔差味道唔錯 珍珠煙韌有咬口 奶蓋濃郁 份量都足夠整體性價比唔錯 見到佢嘅雞煲都好似好吸引 下次有機會再嚟試吓

今晚食酸辣菜 川菜 最近幾年除左過江龍日本美食外 第2受歡迎就係麻辣美食香港人越黎越受香辣川菜菜式如下 酸菜魚片 辣炒腩片 辣炒大腸 台式水果茶係麻辣鋪可以飲到台式飲品真係少見酸菜用上秘製自醃既出品 酸香美味入口醇厚 去骨魚片嫩滑鮮美配料有豆卜 辣椒 芽菜 薯粉等,一碗已經足1-2人分享點少得黎返碟爆炒辣肉 用五花腩肉薄切用上大量辣椒炒香,麻辣味濃 肉片吸盡香辣勁度,入口肥嫩鮮辣另一碟係辣炒大腸 走過油既脆大腸切細再爆炒乾鍋辣椒蔥 香辣鮮麻,香口惹味 大腸肥而脆口台式水果茶正好解辣,夠甜夠清新麻辣娘子將軍澳欣景路8號新都城中心2期2樓2035-2036號舖消費$500評分8/10

約朋友將軍澳行街，午飯去了麻辣娘子店內環境清潔整齊，座位之間很寬敞，服務員禮貌招待，二維碼點菜非常方便清楚，除了川菜還有粵菜，任君選擇。鮮菠蘿咕嚕黑豚肉(客飯）$56酸甜味剛好，外酥肉嫩多汁，鑊氣很好的小炒，配上新鮮菠蘿粒青紅椒洋蔥，色香味俱全，好食。川式口水雞(客飯）$56雞肉嫩滑，份量適中，客人隨自己喜好選擇麻辣度，川式製法醒胃好味。蒜泥白肉 $48薄切腩肉片，爽脆彈牙，配以青瓜絲伴食，肥而不膩，喜歡蒜蓉的朋友更覺美味可口。川汁皮蛋$38食川菜必吃的小食，皮蛋晶瑩剔透，有別廣東菜的處理烹調，入口溶化，一件接一件，非常可口。黑糖桂花冰粉$38又是一川菜必食的甜品，軟滑如豆腐花，但也有些爽脆度，口感很特別，配上濃濃的黑糖汁，混合枸杞粒，確是飯後最佳甜品。客飯追加飲品- 天地一號蘋果醋$8, 黑糖珍珠奶奶$12食了川菜，蘋果醋是解麻辣最好的飲品。煙韌爽脆的珍珠加上濃香的凍奶茶也是餐後的絕配。

一向都好鍾意食酸菜魚，今次試一試依間四川菜。酸菜魚二人分量非常足夠，有好多塊魚片，冇骨，酸菜好味，湯底夠酸辣，仲有我至愛嘅薯粉，好滿足。脆皮豆腐，大大碟，外脆內軟，熱辣辣。娘子香辣鍋，如果鍾意重口味嘅朋友一定要試，配料點了午餐肉，嫩牛肉，鮮魷，土豆，全部都好入味，尤其係嫩牛肉，好淋。仲叫左兩杯台式飲品，好好飲呀。

想當年，一個月點都返深圳/廣州一兩次去食好西，自從疫症之後，都冇返過上去。而當年食嘅太二/祿鼎記酸菜魚，而家諗起，想食，但其實都唔太記得係咩味。今日我同Mcdull去食晏，埋單連加一$179：鮮菠蘿咕嚕黑豚肉$56嗰外皮有啲硬，啲漿多咗少少，肉都少少爽口，唔會柴。喺一間食北方嘢嘅舖頭，其實你都唔好期望依個咕嚕肉會好好食，咕嚕豬頸肉都係太興好食啲。酸菜魚$66平時我喺譚仔最盡都係叫中辣，依個都係中辣嘅酸菜魚，我覺得都唔太辣。酸菜普普通通，魚係滑嘅，都有少少少少魚味，仲有芽菜薯粉墊底，一定夠你飽。但硬係差啲唔知咩味，冇比較冇傷害，喺香港食到咁嘅質素，仲要只係俾$66都算係咁。如果你嗌一整條酸菜魚，個盤上面會寫「酸菜比魚好吃」，當然依句野佢都係抄太二，但依度嘅酸菜魚同太二比，車尾燈都見唔到。「酸菜比魚好吃」其實有幾難丫，最難要係兩樣都咁好食。涼拌土豆絲$18我都係叫中辣。依碟係我喺香港食過暫時最好食嘅土豆絲。夠凍，爽脆，麻辣適中，必食。川汁皮蛋$18我叫左BB辣。Mcdull 話味道同三哥差唔多，我就冇咩感覺，麻麻地中意食皮蛋。Mcmug綜合評分：6/10。價錢幾抵，味道都唔錯，想食辣嘢可以

新開張的時候已經試過一次，當時已經覺得小菜都好有鑊氣 ，顯示到師傅功架！ 相隔 一段時之後再嚟幫襯, 水準依然保持由於只有兩個人食，只可以叫到三碟餸 。唯有望住人哋嘅酸菜魚流口水，有機會再叫多啲朋友一齊嚟試朋友不太能吃辣，我們每碟餸都是叫小辣。1) 農村鍋肉 已經係第二次食 回鍋肉切到很薄片,半肥瘦的狀態,炒得很爽口,一點都不油膩非常好食 唯獨是椰菜有一少部分炒得不夠耐，有點生，如果可以再煮熟多謝分鐘應該perfect淨係呢碟餸已經可以送一碗白飯！但今次最好失望係個白飯，太硬太乾希望餐廳可以改善。2) 菠蘿咕嚕黑豚肉 非常惹味, 酸酸甜甜很開胃。黑豚肉炸到外脆內軟，就算食到後段尾聲已經凍了，依然係外皮很脆的 。而且菠蘿是新鮮菠蘿，不是罐頭菠蘿， 洋蔥都係用上紫洋蔥非常鮮甜。有誠意3) 乾扁四季豆四季豆爆炒得很乾爽，香口，唔會又濕又淋， 配上肉碎，非常惹味又係送飯一流而且店舖同隔離嘅珍珠奶茶 應該係合作關係，叫埋一杯奶蓋鳥龍奶茶，配辣味嘢食， 解辣之餘 又解渴 一流嘅配搭總括嚟講 呢間餐廳係推介的而且會一試再試。下次一定要食酸菜魚，試試佢嘅手勢！

上星期叫左個酸菜魚，流沙包，涼拌萵筍，口水雞，蒜泥白肉。口水雞好滑，但辣度可以再加強少少萵筍就中規中矩，味道較淡流沙包：奶皇份量較少，如果再多啲就好但味道不錯 奶皇味蒜泥白肉：蒜味超濃，而且份量多。岩曬我呢啲重口味人士而且白肉切得較薄。酸菜魚：酸味濃，份量足，好多魚、寬粉。但間唔時食到魚片有骨 而且辣啲就更加好！整體而言，食物質素唔錯，而且晚飯時段好快有得拎外賣會再幫襯

四川惹味餐廳又在將軍澳搵食🙂，路過一間叫「麻辣娘子」，掛滿紅燈籠🏮，覺得幾有趣，就決定一試🤓。此店屬大集團連鎖經營，有幾間不同類型的餐廳如日本菜、馬來西亞菜小編也有試過😋。餐廳以四川麻辣🌶及酸菜魚🐟為主打，就決定試試：🔥酸菜魚 (客飯)賣相幾靚仔🤵‍♂️！魚肉及薯粉份量頗多😚，叫了少辣所以不算辣🌶，味道濃郁酸味不「喇」喉😋，好味😙！🔥麻辣香鍋牛肉(客飯)有驚喜🥳！香鍋屬乾炒類製作，超級惹味😋！而且有大量蔬菜濃味同炒，超級惹味好下飯🤩！🔥涼拌土豆🥔絲 至愛必叫小食😙！爽脆可口！食唔停口🤪！

今日嚟到新都會廣場同朋友食飯，太耐無食辣野咁岩又經過麻辣娘子就一於試試佢！我哋點左份娘子辣雞煲，份量比想像之中大，入面仲有魷魚鬚同肥場配搭埋，我哋揀左小辣都辣得好過癮，味道十分之香，送飯一流！另外點左個小菜涼伴小木耳，價錢38但份量超驚人，真係抵到爛，食落好爽口，越食越開胃，岩曬飯錢點嚟食一食！我哋仲點左份乾篇四季豆，肉醉炒得好入味，十分香口，配搭埋啲四季豆一齊食十分香口，又係送飯一流必點之選！呢間野同時都有做阿里山茶飲，可以係到食飯都點到茶飲，我哋叫左杯手作鮮果茉香綠茶，飲落好清新，食辣野飲佢就岩曬！最後都點左道甜品炸鏝頭，炸得岩岩好，唔會過左喉，食完辣野整返件甜品解下辣絕配！

呢期天氣真係好熱，攪到成日口淡淡無乜胃口，好想找一些野味既野食。住係大西北既我，難得黎到寶林探朋友，便聽左朋友推薦，一齊落左新都城試下呢間新派川菜。川汁皮蛋 $38上碟既賣相色彩好豐富，切開左既皮蛋隻隻都晶瑩剔透，蛋黃糖心半溶，食落仲散發出陣陣既皮蛋清香，配上麻辣醬汁，相當醒胃。娘子辣雞煲 (半隻） $188呢個雞煲真係相當出色。海陸空界都各有代表，除左半隻雞既雞肉肉質相當滑嫩惹味，仲加入左唔少爽口彈牙既魷魚鬚同豬大腸。三樣食材結合起來，配上由「娘子」既特別調製醬汁，先辣後麻，後勁豐富，咬口勁有層次。成個煲令人好回味！乾扁四季豆 $68四季豆炒得乾身爽口，無油膩感，配埋肉碎，相當好食😋。芝士奶蓋黑糖珍珠炭燒烏龍茶 $32茶味濃厚，而不澀，並輕輕回甘。黑糖珍珠亦相當Q彈，配上微鹹既濃郁芝士奶蓋，相當合拍。雖然成餐都好似好濃味，但係呢一杯清新既特色台飲，剛剛就中和返呢陣濃味。值得推薦！

筲箕灣嘅麻辣娘子喺我平時做gym 既健身中心對面，成日都見到好多人幫襯，所以今日特登同阿女去食個lunch😋😋雖然餐廳名有麻辣兩字，但係都有唔辣嘅選擇囡囡仲好鍾意食添。套餐幾平 $50至60，叫咗鮮菠蘿咕嚕肉，酸酸甜甜超好味，即叫即製既咕嚕肉脆卜卜。我就叫咗酸菜魚，魚片好滑，分量好多，裏面仲有好多芽菜及寬粉。另外仲用優惠價配咗小食，蒜泥白同涼拌土豆絲夠開胃。飲品就叫咗低糖豆漿同黑糖珍珠奶茶，我鍾意豆漿唔太甜，夠健康。最後食埋紅糖糍粑同冰粉，真係飽飽。