麻辣川米線

營業中

休息中

上網見多人講呢間米線，鍾意食米線嘅我就搵日買返去試下先，因為多數見啲人話好辣，如果譚x食開小辣呢到要叫小辣，譚x食5小就要最小辣，所以嚇一嚇好似好辣咁麻辣湯米線，小辣，蘿蔔夠淋身同甜，湯底夠味幾好味麻辣湯米線，最小辣，豬軟骨唔會好肥又入味，呢個幾岩我口味總結米線份量夠，睇個碗細細個以為好少，但原來都幾深下，同埋佢分湯放咁老遠拎到返屋企唔怕索哂啲湯，湯底又惹味，而且食完唔會口渴，因為會飲唔少湯最怕味精重，下次可以挑戰辣啲先

難食，完全唔掂好耐以前幫襯過 (講緊幾年前)以前印象中味道還可以今日路過附近覓食就姑且試一下點知, 大中伏叫咗雞湯米線，滷水豬腸, 炸醬湯底叫正常, 唔係特別有味滷水豬腸，完全冇滷水味重點嚟啦個炸醬係我食過最難食嘅炸醬賣相已經完全唔掂食落個味仲嘆為觀止完全冇肉碎，唔知入邊係咩嚟服務亦非常一般賺人錢都唔該都俾返少少個心出嚟其他嘢食我唔知，依一碗嘢我食到完全覺得係非常𣎴濟我寧願返屋企食杯麵都唔食佢(人生第一篇食評，難食到咁可想而知)

上網睇到呢間係被推薦既米線皮舖頭之一，於是就黎試下🙊叫左椒麻湯 小辣 送方面就揀左份椒麻牛肉，魚腐同埋酸菜🐮首先講個湯底 麻香味十足 成個嘴麻曬 湯底唔會好咸第一次食魚腐係一個波咁😂😂中間係空心 有小小厚度 少少煙韌 都幾得意🙊酸菜一般冇乜特別🤔椒麻牛肉係正既😋個人認為都幾辣 味道濃郁😳呢個牛肉係一定比湯底既小辣更加辣 相比椒麻湯底 椒麻酸辣就冇咁出色啦🤔比較之下酸辣既比較清淡 而且唔夠香😳再食既話都係會揀椒麻湯😋

我對呢啲貴又小氣嘅飲食體驗好唔開心。我花咗51蚊，換咗兩粒雞腎同三粒魚蛋，但份量咁細，只夠食一口就冇啦。我覺得呢啲做法好唔公平，消費者應該得到更好嘅對待。我認為呢間店應該重新諗下佢哋嘅價格策略同埋食物份量。佢哋嘅價格好明顯高過食物嘅價值，而份量都唔夠滿足消費者嘅需要。希望佢哋可以意識到佢哋嘅錯誤，改變經營方式，提供更好嘅服務俾消費者。作為一個消費者，我覺得我哋有權利得到物有所值嘅飲食體驗，唔係被欺騙同剝削。希望呢啲情況唔好再發生，同埋希望消費者可以更加警覺同埋堅定，唔好俾呢啲商家搞到得逞。我感到極度不滿，因為我花了$51，只換來兩嚿雞腎和三粒魚蛋，而這些配料連一口氣都吃不夠。這種貴又小氣的做法令我非常失望，消費者應該得到更好的對待。我認為這家店應該重新考慮他們的價格策略和食物份量，讓消費者感到更加滿意。

好耐冇寫食評.::在深水埗附近返工，放lunch嚟咗呢度食米線，湯底方面叫咗麻椒湯底，餸唔知揀咩好，於是選了招牌麻椒牛腩（+14）同埋魚腐（+8），湯底夠麻，小辣已經算幾辣，湯底偏重口米線方面，特意選了”爽d”, 但黎到都係偏淋..冇咩咬口..餸方面個麻椒牛腩真係令人失望，d肉碎到我懷疑自己食緊五香肉丁咁完全唔覺得係食緊牛腩👎🏿$14蚊黎講質素可以好少少..有待改善..魚腐就冇咩特別，不過不失啦…整體來說真係唔特別出色, 有更好的選擇冇咩都唔會再試了

如果湯另上，要加一蚊（多個碗嘛）我明但我汁另上，係用盒仔裝，你收多我一蚊？定你個盒仔對你地黎講係碗？我突登打電話黎問，汁另上可以嗎？你答我可以，但你無講明要加一蚊喎！外賣盒要加一蚊你就識講！唔該大家唔好再吹棒呢間野俾錢買難受！

過年時凍凍地想找些辣的暖暖身體。食米線就合適不過，熱的湯+麻辣非常暖胃。我和小絲一人點了一碗米線+飲品+2個小食=$160。價錢合理。我點了酸辣米線+豬肉韭菜餃（小小辣）。湯底普通，見到水餃未吃已經穿了，很失望，是可以避免的低級錯誤。豬肉比例佔多。這裡的米線是粗身少許的，韌度較低。不過份都幾多。小絲點了麻辣米線+竹笙（中小辣）。小絲比我胃口更好，食完整碗米線。小食有芥蘭苗和烤燒花雕雞翼。芥蘭苗加了柱候汁味道不錯，但沒有切走花芯部分。烤燒花雕雞翼更加像煎的，很有家庭風味，就是出不到花雕味。

聽聞呢間米線舖幾好食，叫咗碗椒麻小辣湯的雞肉鮮支竹花雕酒溏心蛋同埋香草雞翼試吓。嗰椒麻湯底嘅花椒味幾香，不過整碗湯底鹹咗啲，椒麻味比較片面，對我來講只係湯包開出嚟咁。鮮枝竹正常，雞肉有皮亦都有啲腥，浸唔到湯底味，茶餐廳食到嘅雞肉絲，而嗰隻花雕酒溏心蛋唔知係咪因為擺喺湯上面，冇乜花雕酒味，而入面完全冇浸到酒嘅香味入去。成餐最難食就係香草雞翼，衰過我喺屋企自己煮，又唔脆又冇肉汁，似擺喺氣炸鍋整熱三次拎出嚟俾我食咁，佢香草係煮完就咁痴上去，食落去就好似就咁食咗一啖香草碎，香草同雞翼係大家唔識大家咁。係咪我咁識揀揀中唔好食嘅嘢

位於長沙灣嘅麻辣川都係我最愛米線店之一，個人特別鍾情佢既酸辣湯底，又辣又酸，非常開胃過癮。🤪🤪🤪有一排冇嚟過堂食，原來而家已經轉咗做QR code落單，小店黎講算係非常先進🤩🤩🤩米線default煮得偏腍身，鍾意食爽口d嘅朋友點餐時可選米爽。呢度嘅雞絲同譚仔唔同，應該係選用左雞髀肉，比較嫩滑。😋魚腐吸湯能力十分之高，好入味。麻辣雞翼辣辣地都幾惹味開胃，皮就唔算脆口。環境方面，餐廳店內位置唔多，地方就比較淺窄。

23/9同兩個FD去食米線，大家都鐘意食的，之前都試過，但今次每人都係食左一半就唔食喇，原因簡單：轉左個廚，一個麻，一個酸麻，一個酸，中伏，湯有湯味，餸有餸味，唔好以為好好味，完全唔夾

麻辣川可以話係我心目中最好食嘅米線店之一，原因係因為佢嘅湯底真係清甜而且有雞湯味，10分吸引。而另外，我好鍾意嗌佢嘅粟米酸菜豆卜鮮雞絲米線，配以麻酸辣湯底。入口主要有啲麻痹嘅感覺但係主要都係清甜又帶點酸味。我通常都會嗌多碟豬頸肉來食！

自從喺朋友屋企嗌過麻辣川米線外賣之後，一直念念不忘嗰個麻酸辣嘅味道忍唔住自己都幫襯咗兩次！嘅豬大腸做得非常出色，比起坊間好多米線店個大腸好食得多大腸乾淨，味道適中，唔會太鹹，一定要試！米線底煙靭度適中，麻酸辣唔係坊間好多小店咁一味好酸，麻味亦都係非常過癮，真係令人食完一啖又一啖！另外叫咗鮑魚粒同埋金錢肚配料，鮑魚粒非常好食。金錢肚只係略嫌個汁鹹咗少少，將佢放返落湯就可以接受喇！總括嚟講，麻辣川米線令人一試難忘！

試試長沙灣貴價人氣米線 見到網上幾多好評 仲比人話係香港十大米線 去咗試試簡單記錄下.佢哋有兩個2個舖位 都幾忙去到主店面冇店 店員好hea 咁話 去第2間啦第2個舖位幾低調 冇招牌 誤打誤撞先搵到同網上某負評一樣 的確幾唔休做店內冷氣極凍 怕熱人仕表示好爽.叫左⭐️麻酸辣米線$39 ⭐️酸辣米線$39如果求其加2個餸都$50-$60up 小貴湯麵好大碗 湯底方面係重點😋麻酸湯 麻味好重 惹味👌🏻酸辣湯 酸味足夠但的我個人鐘意麻酸湯重口味多啲.⭐️甜酸炸醬$6👍🏻唔貴 味道好特別嘅炸醬😋味道係付味八爪魚加蕃茄feel肉醬👍🏻口味偏甜 用碗另上 份量好多😰但用到一半 就覺得好重甜食唔哂.⭐️藥材花雕酒浸糖心蛋$8👎🏻藥材味重到好苦 👎🏻唔甜🤔過熟 👌🏻但都有少流心.⭐️豬軟骨 🥲軟骨唔夠軟 都唔夠入味.⭐️豬肉椰菜餃 👌🏻正常 ok啦.整體湯底特別 湯多配料少價格小貴 餸菜一般 香港十大？.#hkfunfoodrecord窮遊香港#hkfunfoodrecord_長沙灣.#麻辣川米線 (長沙灣)地址：長沙灣元州街213號美居中心商場地下22號舖.⭐️評分：味道：3/5環境：3/5 冷氣加分服務：2.5

之前每個禮拜都會嚟一轉長沙灣，好多時候都會食 麻辣川米線 做晚餐，將近一年時間無經常嚟呢頭，今次嚟重溫番那一種味道。🥹平時食開一餸米線，但嚟呢度真係忍唔住要叫夠三餸食盡個湯底精華。湯底叫咗麻椒中小辣，三餸分別是雪花肥牛、豆卜、蘿蔔。上菜速度極快，還未聽完一首歌就噴住煙咁熱辣辣到了。因為非常足料，賣相都自然很好。豆卜蘿蔔最吸湯，好味不在話下，肥牛亦都有質素，配麻椒湯米線很搭配。喺其他鋪頭如果點多幾款餸，每款嘅份量係會遞減，而呢度依然係好足料，好抵食好滿足。🫶🏽麻椒湯米線賣相：⭐️⭐️⭐️⭐️味道：⭐️⭐️⭐️⭐️⭐️價錢：⭐️⭐️⭐️⭐️⭐️

米線關注組長期都有人討論既麻辣川米線，地理位置有少少隱閉，店舖採用自助QR code落單形式，當中仲可以揀米線質地：爽啲/淋啲，比較特別既係除咗芽菜同韭菜仲有菜脯粒，唔係間間米線都有。而唔係酸辣愛好者既我叫左三餸麻椒米線。呢到既辣度都幾辣下，平時食開譚仔五小/三小辣，呢度食小小辣已經覺得辣。平時冇食開辣既人食BB辣好喇！湯底好香，唔會得個辣字；餸方面推薦豬軟骨，肉質嫩滑唔會好肥，而且滷得好入味。比較特別啲既係佢有黑柏葉，有興趣嘅朋友可以一試～