黃記煌三汁燜鍋 (已結業)

天氣開始凍，梗係又係打邊爐出爐嘅時間啦。不過今次覺得打邊爐比較悶，所以我哋揀咗間比較特別嘅，燜煮火鍋。餐廳位置都非常好喺地鐵站行兩三分鐘就到，環境都唔錯唔會好逼夾。佢呢度最特別嘅係仲有許留山嘅飲品同埋甜品食👍🏻👍🏻我哋揀咗個牛肉鍋， 牛肉分量非常足料，燜煮最特別嘅係，冇水係個鍋入邊，將牛肉嘅鮮味，加埋呢度嘅特別炮製嘅醬汁。夠晒入味。佢依個牛肉鍋裏面，仲有唔同部位嘅牛同埋唔同款式嘅牛肉😍😍燜都幾啱我哋呢啲牛魔王。之後我哋叫咗幾樣嘢食，聖子，大大隻夠晒新鮮，同埋海鮮盤，各式各樣嘅海鮮，有蝦有生蠔等等。打邊爐當然唔少得，我嘅最愛午餐肉同埋蔬菜啦。👍🏻最後叫埋兩杯許留山，香芒果甜品，滿足晒。

今日約咗個舊同學出嚟聚舊，咁耐冇見梗係好多嘢傾，我哋揀咗去打邊爐，同事介紹過尖沙咀黃記煌燜鍋，好有質素，上到去地方非常寬敞，招呼都好周到。我哋揀選咗海鮮麻辣燜鍋，食材好豐富，為數唔少嘅大大虎蝦，爽甜麻辣 全隻由頭食到尾。紅魚柳同樣鮮美，麻辣加幼嫩集一身。墨魚仔都好滋味，滿滿麻辣香氣，魚質爽滑。另一個牛魔王燜鍋配招牌鹹鮮汁，佢個招牌鹹鮮汁調配得非常出色，肉件牛香濃郁，肉質幼嫩，每一件都吸收住招牌鹹鮮汁，不用多久已經給我倆把全部送進肚裏，跟著放進上湯，牛柏葉，繼續大快朵頤。一款涼拌鮑片海蜇頭，雜菜配搭海蜇頭，非常爽口 清新不油膩，鮑片軟腍鮮甜。佢嘅甜品都幾出色，芒果糯米糍，軟綿綿，蜜蜜糯糯，內心芒果香甜。另一款多芒小丸子，滿滿一大碗，蜜香果肉，粒粒蜜糯糯小丸子，非常匹配。飲品都不遑多讓，一杯粒粒芒果爽跟粒粒芒蘆薈爽，都平分秋色，優質嘅食材之外加上師傅嘅手作，好難唔令人鍾意佢。

一個好有特色嘅雞煲選擇非常多可以自選或者佢已經選擇好嘅配料我哋叫咗個海鮮煲新鮮滾熱辣㗎店員會幫你煮熟左食物之後就幫你撈勻佢當你食晒啲嘢之後就會可以叫打邊爐嘅材料

見到賣相好吸引，似乎係新式既打邊爐，上星期同朋友去左試！當日係星期日晚上，餐廳人流唔多，都有3成吉位。我地叫左個牛肉炆鍋再加幾個小菜同飲品。首先服務員會拎呢個塔過黎，食物同調味料就放晒係入面，再一層一層放我地叫左麻辣小辣,但食左一陣已經覺得好辣，比平時既雞煲辣好多。最後加入醬汁，要等多一陣就食得。真心愈食愈辣，佢D辣醬放晒係底食到尾可以加水打邊爐小菜唔夠味，有D hea。火鍋料好普通，無咩特別。總括黎講，成個食法同雞煲一樣，只係雞轉左做其他料。味道唔係特別吸引，無咩特別。溫暖提示：如果想試既朋友記得要飲芒果汁！芒果汁係許留山果汁，好好飲。芒果汁係唯一驚喜🤣🤣

老公又帶左我去食新野，佢係內地工幹時同事帶左佢食麻辣燜鍋，感覺味道也不錯，所以就帶左我係尖沙咀一間同樣食到嘅店鋪，其實他們主打燜鍋。當晚兩公婆上去入門口已經聞到陣陣麻辣味了。Menu亦都好吸引，可惜有作病老公提意食三黃雞燜鍋，二來都係好有名的。order後就好快送上，先黎兩個涼菜小食，因為有優惠，第二碟半價 夫妻肺片 $48起初誤會送錯，因為材料勁多種類，牛脷，牛輾，牛肚有必於其他店，麻辣味夠的，又嚼頭每樣都好厚身增加口感。涼伴鮑片海踅頭口感爽脆食落微微酸，超醒胃。跟著店完拿著一個鮮紅大壺放枱上，實在好好笑，原來係分層嘅食物盛器，內有乾坤。店員將順序按材料放落鍋中，先係白油底，再落蔬菜如西芹紅蘿蔔洋蔥青椒蒜頭，再落雞鋪係蔬菜面，最後主角就係自己嘅醬汁，焗到差不熟就會開蓋炒，香味撲鼻，最後加埋芫荽完成。全程專人負責，我們負責食就是！同雞煲類同但佢地嘅醬燜就無咁熱氣咁，而且都惹味非常，微微香辣雞肉亦好保留肉汁，蔬菜都好甜，食到八八九九就會幫我地加湯火鍋，其實都好飽下，再食點菜同墨丸滑就好滿足。鵝腸用上冰鮮的，但放落燜鍋同煮後同樣彈牙有咬口。最後整翻杯許留山特飲 芒果爽 真爽晒💯

之前係澳洲都食過幾次「黃記煌」，覺得唔錯，雖然佢係內地大型連鎖店，但我就未有機會係內地試，都係同朋友傾計先知原來香港都有開「黃記煌」，今日就帶爸爸黎試下！環境位於尖沙咀，位置好方便，位於一樓，全層都係佢，地方唔算特別大，但已經夠哂寬敞同埋地方都夠哂大，一入去已經聞到好香既燜鍋味道，急不及待快啲點餐！餐牌有各式各樣既燜鍋，但除左燜鍋，仲新出左麻辣燜鍋，諗左好耐食哂，因為想比老豆試下佢招牌燜鍋，但見到佢新出既麻辣燜鍋又想試下牛氣麻辣燜鍋 $198呢款係新出Menu，之前係澳洲食都係食佢既招牌燜鍋，今次見到佢有新Menu就試下佢。呢款係採用壓力煲烹調，再加入秘製麻辣醬汁，用高壓鎖佳肉汁同埋令佢更加入味。有別於招牌燜鍋，呢個唔會係你面前炒，而係煮好左再端出來，等左大約10-15分鐘左右，揀左小辣，「牛氣麻辣燜鍋」包括左牛仔骨、西冷扒以及配菜，估唔到小辣都非常有料到！我食得辣既人都覺得小辣頗為辣，係先麻後辣，你又唔會覺得辣到喉嚨覺得唔舒服，不得不讚，牛肉既份量十分之多，無論係牛仔骨定西冷扒，而且肉質十分嫰且入味，特別係西冷扒，唔算厚身，但食落肉質鬆化，帶股麻辣勁，好正！至於牛仔骨相對上冇西冷口感

食呢餐晚餐，唯一可放入口的就是生啤同埋芒果蘆薈爽。海鮮，牛肉全不新鮮，海鮮有臭味，我比較易話為，都無要求退$，只想快點吃完能吃的就走人。肥肥地後生少少的，真係生人勿近，無禮貌到一個點，只係追一追個豉油，她就答你：整緊攞喎，但唔知係咪你個喎。OMG，點解可以咁冇禮貌，真係傳說中嘅俾錢買難受。海鮮不新鮮，吃了即吐出來。三個人食要$13xx。去稻香食任食每人$1xx，質素還好過佢。奉勸要來的人真係要三思！

肥妹仔早排去咗尖沙咀嘅呢一間黃記煌三汁燜鍋度食海鮮燜鍋。肥妹仔之前係未食過嘅，但係見到佢近期做緊優惠， 而且仲可以即場叫許留山嘅飲品同甜品，真係非常特別。食完仲會送許留山嘅優惠卷， 非常之抵。海鮮自選燜鍋  $298我哋叫咗個海鮮自選燜鍋， 肥妹仔我哋就揀咗石斑魚柳，白蝦，墨魚仔，大腸。醬料方面就揀咗個海鮮鹹醬，雖然話係鹹醬，但係一啲都唔鹹，但係就有海鮮醬油嗰陣鮮味，同自選嘅海鮮非常夾。先講佢嘅海鮮，魚柳好嫩滑，白蝦同墨魚仔就爽口彈牙，大腸洗得好乾淨，完全冇異味，質素非常高。涼拌鮑片海蜇頭  $48呢一個涼拌鮑片海蜇頭非常開胃，酸酸地，但係海蜇頭鮑片就非常爽口，仲有青瓜絲蘿蔔等配菜，食落去口感非常豐富。涼拌土麻辣土豆絲  $17.5依家做緊涼菜第二盒半價，所以就叫多一客土豆絲嚟食。佢嘅麻辣唔算非常麻，辣亦都唔算好辣， 肥妹仔接受到，食落去都幾刺激開胃。澳洲霜降牛肉頰面  $198呢一個霜降牛肉真係好好食，佢個牛味係超濃，可以係肥妹仔食過呢一個霜降牛肉真係好好食佢個牛尾係超隆可以係肥妹仔食過牛肉之中數一數二嘅牛肉。鵝腸  $68鴨血 $38鵝腸同鴨血係肥妹仔打邊爐必要嘅火鍋配料，吸曬啲湯

好耐無出街食飯，天氣轉涼就食打邊爐啦，行開尖沙咀呢邊，周圍都係打邊爐既宣傳，俾呢間個黃色招牌同燜鍋吸引住，原來呢度係賣三汁燜鍋。雖然唔知乜係燜鍋，但見價錢同普通打邊爐差唔多，咁不如就試下啦。今日一行二人都鍾意食海鮮叫左個「海鮮大軍燜鍋」有蝦魚蠔墨魚仔。上鍋時，有專人係個鍋底放一層菜和上湯，之之後整齊咁擺海鮮。等水滾無耐，就，放一啲好撻撻，外觀好似蠔油既汁。再焗一焗就食得啦。原來啲杰撻撻既汁係我地五選一既其中一種汁-咸鮮汁，食唔出有蠔油既味道，但係嗰鮮味就遠勝蠔油。個汁同啲海鮮好夾。

冬天飯局往往都不外乎係打邊爐呀雞煲呢d，而最近我就發現咗一樣較特別嘅菜式。位於尖沙咀加拿分道嘅「黃記煌」，主打燜鍋，有十幾款唔同嘅選擇，有海鮮有牛有雞有豬，而每一款仲可以從三款傳統秘製宮廷醬汁中揀一款，包括招牌鹹鮮汁，香辣豉皇汁同埋香辣汁。今日我地揀嘅係「海鮮大軍燜鍋」，喜歡食辣嘅我地當然揀香辣汁啦。值得一讚嘅係店方提供兩種唔同辣度嘅香辣汁，咁就可以迎合唔同口味嘅客人啦。落單之後，店員好快就為我地送上一個紅色橢圓形嘅壺，裡面裝住唔同嘅材料，店員係我地面前慢慢逐層逐層咁打開，又精緻又整齊地放係鍋度，十足冬至時食到嘅盤菜咁。第一層蔬菜，有蒜頭，紅棗，洋蔥，彩椒同埋紅蘿蔔。第二層係海鮮，有白蝦，紅魚柳，廣島蠔同埋墨魚仔。第三層係我地選擇嘅香辣醬。而最底果層係芫茜。鍋裡面嘅食物煮過後好快就食得，打開蓋後更散發出陣陣香味，真係令人流晒口水。每件食材都掛上廚師炮製嘅辣汁，極有層次感，小辣嘅辣度對於喜歡食辣嘅我黎講真係剛剛好，醬汁亦都帶出左各款海鮮嘅鮮味，白蝦同墨魚仔相當彈牙，紅魚柳入口嫩滑，廣島蠔都相當爽口。隨著烹調時間，醬汁會變得越來越杰，當我地食到七七八八時店員就幫我地加湯，開始打邊爐啦。我地

睇見食評咁多人讚，我諗住上去試下食新嘢，上到店，得小貓三幾隻，心知不妙，但係一心嚟到即管試下，職員介紹海鮮鍋($298)，海鮮唔新鮮！職員係枱邊拎住碗汁搞咗足足5分鐘，吾知攪乜，食物份量太少(個名就好勁，叫海鲜大軍燜鍋)，唔夠食,跟住就叫咗牛肉($138)畀啲任食火喎質数还要差，份量不又係得幾塊！最後决定叫兩碟烏冬($30蚊)，食包走人！！最後四個人埋單食咗$700！轉頭落樓下食麥當勞 !之後佢仲好大方送咗一張一百蚊嘅現金劵我轉頭畀咗隔離枱!!真係吾明，点解會咁多人讚！

之前係考試期間，又就黎聖誕節，朋友就話想食聖誕大餐，禁我都明白「飯就日日都要食」所以我都無咩所謂就答應了朋友既聖誕飯局，只要唔洗我諗食咩就咩都我，所以我都係按時出現就可以了！黎到尖沙咀同朋友食聖誕大餐緊行下行下朋友就話到了，就黎到 黃記煌三汁燜鍋 由於係我朋友選擇，我都唔知有咩食，但地理位置唔難搵，就係尖沙咀加拿分道16號金輝大廈1樓所以枱面都係禁既擺設，都幾搞笑睇下有咩食先！呢間 黃記煌三汁燜鍋 著名無汁煮熟食物就係迫食物既汁出黎變得軟熟呢個有4個鍋可以選擇：海鮮大軍燜鍋、牛魔皇燜鍋、牛蛙燜鍋、三黃雞燜鍋，亦都可以自選4款食物組成一個燜鍋！由於我同朋友有意見分歧，呢個自選組合就岩哂我地！我地分別叫了牛小排、廣島蠔、石斑魚柳、杏飽茹，另外叫左三黃雞、響鈴、手工餓肝蝦丸同手工海膽墨魚丸 係食物既選擇過程中，店員會送上魚皮花生既小食！唔好意為唔洗錢，已經要$10 唔講唔知食物都等得算耐，等左半個鐘先黎到飲品可能店員唔多，又見佢地做唔停手唯有等啦，之黎黎到呢個，嚇親禁大壺咩黎？原來係一層屠既食物店員會係你面前把食物放入鍋內，唔掛得禁耐啦！切完好似成個盤菜禁一鍋熟盤菜？其實聞落好吸引，店員放好

港人熱愛打邊爐，所以火鍋餐廳無處不在，在競爭激烈底下紛紛也搞盡腦汁，推出不同湯底、獨家食材或自家手打丸等等，務求做到與別不同。對於打邊爐開始生厭的我表示火鍋店食材及湯底大致相似，沒有太大新意。今日經同事介紹來到黃記煌預祝聖誕節才知道什麼火鍋是真正的「與別不同」！樓梯上1樓便會看到光亮的霓虹燈牌，絕不會錯過餐廳門口主要以紅黃藍及淺木色為主色調，更設有宮延擺設，看來餐廳想以宮廷作主題入座後檯上已放有碟、筷子、餐紙及打邊爐用具，而燜鍋已放在檯面上，金色外表與尖頂蓋確實頗有氣勢，而鍋的深度明顯比一向火鍋爐淺餐牌為迎合主題採用了古代城門概念，內裡例出所有食物及其圖片，決定後可在點單紙下單，意外地餐廳更供應許留山甜品，不其然令我懷疑是否同屬許留山集團點菜紙背後有說明燜鍋的由來及食用方法，原來燜鍋源於清代御膳「香辣汁魚」，最後一直流傳及現變至現今的燜鍋，怪不得餐廳以宮廷作主題燜鍋有4-5個系列選擇，有魚類、海鮮、豬牛、三黃雞及自選。經過同事們一番脣槍舌劍後，我們決定點選自選燜鍋，食材有石班魚柳、廣島蠔、美國安格斯牛小排及杏鮑菇。另外點了三款涮菜供打邊爐品嚐率先到來的是小吃魚皮花生，少見黑色外表，酥脆

天氣凍左咁多，約埋一大班fd食下啲熱辣辣既野食，食火鍋係冬天既最好選擇因為齊班人顧住傾計又唔會怕野食變凍～～朋友話唔好次次都食火鍋🍲所以話戴我地食下新野👀就係呢個叫燜鍋，是無水烹調的令我覺得好特別又好奇😆我地個個都係牛魔王🐮，就簡左呢個牛魔煌燜鍋 $298岩曬我地了🙆🏽‍♀️侍㒣送上了一個很大紅色好似一個花瓶的盒子，原來呢個係叫「六寶盒」🔮牛魔煌燜鍋既食材喺「六寶盒」入面，侍應會幫我地將食材放喺個鍋入面~~首先第一步就會放點麻油之後侍應就會將唔同既材料放係鍋裏，有蒜頭、洋蔥、青紅椒、紅棗、紅蘿蔔等等的蔬菜，夠曬健康呀🏃🏽‍♀️舖曬蔬菜配料後，就放重點牛魔王🐮，侍應排得精緻又快手～～鋪上了牛仔骨、牛小排、牛肉片舖滿了牛肉，份量真係有好多最底果層就係醬汁，侍應要拌太約3次左右就倒進鍋了，之後等到熟就食得啦食到一半咁相下就加湯打邊爐因為以經食左咁多肉，所以就叫左手打丸雙拼、炸響鈴和雲南紅薯粉太特別啦～～呢店有得叫許留山既飲品和甜品🍮🥂

食雞煲食到厭厭地，今次食間類似雞煲嘅嘢，即係先乾煮一堆主菜，之後加湯打邊爐，呢間叫黃記煌，我諗好多人都未試過，至小我係其中一個，價錢同雞煲一樣，都係2百幾蚊個煲👍，邊爐料再另叫，一個好驚喜嘅地方就係飲品竟然係許留山嘅嘢飲，未講間舖係尖沙咀加拿芬道，隔離就地鐵站，勁方便惹味牛魔王🐮3個人叫一個煲，嚟到份量好多，店員 一層一層咁將牛肚，牛柏葉，牛脷，牛肉🐂等食材擺好，之後加特制醬汁再蒸，叫咗小辣，食落會比平時其他地方嘅小辣再辣啲，愛食辣嘅巴打絲打啱晒，真係辣得好過癮自家制松露墨丸 鵝肝蝦丸😋呢個配搭絕對無得頂，蝦丸裡面仲留住鵝肝油，食落口感極之豐富，鵝肝勁香口，松露同墨丸嘅配搭唯之一絕，而手打關係，非常爽口彈牙海鮮拼盤最愛當然係蠔啦，啲蠔全部都好肥😱，一啖咬落去，啲蠔汁流晒落個口裡面，果種鮮味再加埋啲辣汁，我只可以講呢啲就係新鮮，必食推介許留山甜品最愛都係芒椰蘆薈同芒果小丸子，以前成日食，估唔到嚟食晚飯嘅地方都有懷舊嘅許留山😍甜品，唔洗食完再去搵其他甜品食，一舉兩得溫馨提示🤗唔食得辣嘅記住同店員講聲，叫佢地輕手小小🤣，難得嘅係寸金尺土之下，仲有闊落嘅座位👏