黃記煌三汁燜鍋 (已結業)

經常行尖沙咀，見到黃記煌三汁燜鍋，都想試很久了，今日終於有時間與先生一齊來到試嚇。餐廳門口的招牌非常澄眼，光燦燦的，大部份座位都是卡位，藍色為主調的座位非常寬闊舒適。餐廳介紹黃記試煌三汁燜鍋，打破傳統火鍋形式,，無水烹調以保持食材最原汁原味，我今晚就要試真㸃了哦。海鮮大軍燜鍋$298。侍㒣先送上一個大紅色非常美麗的大花瓶，花瓶掀開原來內有乾坤，裡面裝著一整個火鍋的料及配料，一應俱全。蔬菜配料有紅蘿蔔，大量的蒜頭，洋蔥，青紅椒，紅棗，芹菜，肉類有白蝦，紅魚柳，廣島蠔及墨魚仔。侍㒣先放一小杯已凍結成啫喱狀的油到鍋內，然後鍋底平均地放上所有蔬菜，再在蔬菜面上鋪上肉類白蝦，紅魚柳，廣島蠔及墨魚仔。鋪好後再落調味料，再蓋好蓋煮上差不多十零分鐘，鍋蓋是透明的玻璃蓋，眼看鍋𥚃的蝦由帶半透明狀漸漸轉變為紅色，這個烹調過程都很少欣賞到，所以等待過程並不會感覺悶，反而感覺非常精彩。由自己一路看著整個烹調過程的海鮮大軍燜鍋終於可以食了，一掀開蓋，蒸氣一涌而出，及聽著滾到卟卟卟的聲音，忍不住垂涎欲滴。墨魚仔細細隻，所以先試墨魚仔，因為剛剛熟，熱辣辣，爽口鮮甜。白蝦因剛好熟，入口爽中帶彈，証明夠新鮮。紅魚柳很嫩

最近天氣真係凍左好多好岩食啲熱野暖下個身上網睇到呢到可以點許留山既飲品咁就吸引左我黎試下喇！地鐵站一出直行就到位置好方便而且外牆有好搶眼既招牌唔洗驚搵唔到呢到最特別既係燜鍋相傳係清朝一位姓黃既後人將呢個煮食方法傳承更加帶到黎香港記得係先食後加湯！難得呢到有許留山既飲品提供真係令人急不及待呀！都幾大杯架同埋有芒果肉！ 正呀！食物方面我地點左海鮮大軍呢樽紅色既樽就放哂我地個鍋需要既食物店員會過黎幫你放落個鍋到唔洗自己郁手而且放得好整齊添話明海鮮大軍當然唔少得海鮮喇有蝦 蠔 魚 等等非常惹味！海鮮熟左之後 就會再加芫茜同醬咁就大功告成可以食喇！最後加左白蘿蔔好甜 吸哂之前食物既精華！留到最後食 係最正的！另外一樣加左既係生菜好新鮮肥牛肥肉唔多而且好薄切所以一變色就要夾起煮得太耐就會變老！雙拼水餃有魚皮餃同韮菜餃岩哂想過口癮既我今晚味覺好滿足

天氣凍左咁多，真係令人好想食啲一鍋鍋既野，暖下！😬但成日都食雞煲打邊爐，有d厭又驚熱氣。點知朋友介紹我食呢間新野，燜鍋。放哂啲材料，慢慢燜熟去！又幾正。間野就係地鐵站口一出，好易搵到。環境夠大夠闊落，卡位坐得夠舒服。首先揀左個鍋底先，主要有魚，雞，海鮮鍋！我地就揀左: 海鮮大軍燜鍋，貪佢有好多野食！有 蝦，紅魚柳，廣島蠔，墨魚仔🐙個鍋好特別，好有宮廷feel. 鍋底，醬汁，材料會分成幾層，成個花瓶咁。好搞笑。職員會每層咁幫我地放好，再調味，撈匀。一路整一路睇，已經嗅到好香既味道！我地揀左海鮮鹹鮮汁，所以夠哂鮮味。啲材料慢慢燜，令到好入味，超濃郁！又唔會話好鹹！😻每款既份量都幾多，蝦肉食落好彈牙！廣島蠔好鮮甜肥美，都算大粒！紅魚柳食落嫩滑，幾好味！味道夠哂惹味，幾鐘意個汁！食完就可以加湯打邊爐喇！呢個湯底梗係要叫烏冬，索哂個湯食啦。夠哂正😋仲叫左雙拼丸：松露墨魚丸 同鵝肝蝦丸兩款都幾好味，好大粒！食落好濃味，爽口彈牙。鵝腸大大盤， 都幾大條。食落好爽，無腥味。薄切白膳片 ，都幾新鮮。滾幾滾就食得，食落鮮味爽口😋食呢啲咁濃味既野，當然要叫啲啤酒飲。呢度都有幾多款手工啤，麥味都幾香幾昜入口

喺尖沙咀返工咁耐，好多時都淨係食樓上嗰間好出名嘅米線，但係今日想打邊爐又想食啲重味嘢，於是就同幾個同事揀咗呢間試下，話晒都未食過燜鍋，今次大開眼界我哋叫左個牛仔骨燜鍋，店員攞個六寶盒出黎，好似叮噹個百寶袋咁有好多配料！牛油放最底，之後有洋蔥、大蒜、紅蘿蔔等等10幾樣蔬菜放在牛油上！再把醃製過的牛仔骨放上面，蓋上煲蓋煲十幾分鐘就食得，由於用無水烹煮，食落去牛仔骨比較嫩滑，同埋蔬菜吸收左牛肉的精華，變得非常惹味！牛仔骨差不多熟的時候再加上他們秘製的醬料，食起嚟非常香口惹味！食完牛仔骨我地加湯打邊爐，湯底依然非常濃。我哋叫咗幾樣海鮮，海中蝦、蟶子王、貴妃蚌！幾樣海鮮都無令我失望，海中蝦大大隻而且蝦頭有好多膏，肉厚，抵讚！長過隻手掌既蟶子王，出面街市買都唔平，$198/4隻都唔過份呀！貴妃蚌同出面差唔多價錢，份量仲比出面多，而且非常彈牙。手工鵝肝蝦丸同埋手工松露墨魚丸係必食的！因為蝦丸同埋墨魚丸非常足料，啖啖都係蝦肉同埋墨魚，而且唔會非常假非常彈牙，正常的彈度👍🏻👍🏻總結，燜鍋好惹味火鍋料新鮮性價比高

一行6人訂位，朋友食完話幾好！今次去試菜心態，不過要扣分有好多點、仍有進步空間！大約7點半到了餐廳，環境一入去有好大味，開始比較焗，因為只有三至四枱客人，叫店員開冷氣、沒有提供水，每樽6元！因為焗要叫野飲，主打許留山、第二杯半價（要同款）。我們人齊就叫了兩個燜燒鍋，一個三黃雞，一個海鮮，上菜比較慢，因為只有兩位職員👩🏻‍💼👨‍💼，上菜係用花瓶上好靚，而且燜燒鍋外形酷！個人覺得雞煲好味！外擕蛋糕切不切都要收費呀！各位注意⚠️⋯⋯吃了燜燒鍋再叫加湯變成火鍋叫了安格斯牛小排178/8片，安格斯肥牛138/6片，白飯15元三碗、黑松露墨魚丸麻麻（黑松露味強烈無晒墨魚丸味）價錢好貴，下次未必會來！開飯訂座係無折扣呀！送現金卷100元或留發票下次用有折！

天氣開始凍，又落毛毛雨放工同朋友聚搵個近鐵路站又坐得舒服既地方食野見大家寫呢度多卡位，就試下la未食過燜鍋，見介紹寫無加水方式煮落單叫野食後，充滿期待地等上菜見到一個紅色六寶盒第一層係一個叫白底油既油，店員放入鍋再放第二層係一堆菜，有紅棗，西芹，蘿蔔，蕃薯，洋蔥，煲到尾紅蘿蔔好甜可以解辣然後加入三黃雞件雞件都幾大件，店員再加左調味料芝麻，胡椒，煮左陣再加個麻辣醬汁，再繼續燜煮燜好後雞都沾滿麻辣醬汁，好似平時食既麻辣雞煲食完雞後加湯打邊爐響鈴夠香夠脆口 加埋佢地嘅秘製鹹鮮汁惹味韮菜餃拼鮮蝦雲吞 原隻鮮蝦 韮菜餃鮮甜讚崎烏冬 爽滑煮一陣就食得飲品方面係許留山芒椰奶西入面有好多西米芒椰蘆薈爽， 蘆薈係啫喱狀食火鍋飲凍飲👍🏼

冬天 我終於都感覺到你就黎黎到亦同樣地姐係又係圍爐既季節不過圍爐 都圍左咁多年 今年係時候搵下新食法今次試一試燜鍋 所有食材新鮮送上店員會係係我地面前將食材擺落鍋度 即刻燜煮聽講係可以保留食第原有營養 原汁原味咁話！上到去先發現上面有許留山飲 呢個絕對係我童年回憶 以前真係好多時候落堂買返杯黎飲同一杯飲品 依定仲要第二杯半價 Omg!!一路圍爐 一路飲許留山 真係第一次我地叫左兩杯粒粒芒蘆薈爽 係一樣既味道 依然飲落去feel 到好多芒果果肉其實原本想食海鮮大燜鍋 一黎見佢海鮮多多(廣島蠔 墨魚仔 紅魚椰 白蝦 等等） 同埋店員話呢個鍋 配埋香辣豉皇汁 會幾野味二黎見佢呢排做緊promote 話follow左佢地IG/facebook 可以7折食呢個鍋 (好似做到黎緊12月20號）可惜朋友係牛肉愛好者 唯有 下次先試試呢個海鮮鍋不過食完呢個 牛魔煌燜鍋 其實都認為係一個唔錯既選擇 肉份量多 三個人食應該唔係問題 配合埋佢地個醬汁 mix 埋牛肉原有鮮味 又幾match留意到店員會係煮既過程keep 住 留意鍋入到既肉熟既程度 所以可以確保肉質繼續

做完facial好肚餓，舉頭三尺就見到個大招牌，黃記煌，是中菜嗎？ 行近啲睇寫御膳名餚，三汁燜鍋！！！ 即係乜嘢呢原來有一段歷史， 下刪100字， 簡單啲嚟講係以前皇帝宴會嘅一道名菜， 利用無水烹調先吃後燙嘅方法滋補膳食，帶出食物原有嘅鮮味。咁樣嘅佈陣第一次見畀多張相大家了解下究竟係咩嚟我估計應該好似雞煲咁囉， 今次試下新意思叫咗個掌上明豬燜鍋， 麻辣汁小辣， 裏面有豬腸豬肚同埋豬肉。上菜嘅時候呢咗一個大花樽， 其實係一層層嘅盒，叫六寶盒，裏面載住哂所有配料。仕應全程都服務得好好, 先做鍋底放相白底油， 再加上不同嘅蔬菜、 豬肚豬腸同豬肉、 最後加上秘製嘅滷汁。你睇下我嚿豬大腸幾咁肥美， 洗得好乾淨冇乜肥膏。味道恰當嘅麻辣汁配上特別嘅手工鵝肝蝦丸同松露墨魚丸加埋雲南紅薯粉， 煙煙靭靭配上秘製嘅醬汁，好味。整體感覺黃記煌服務周到、食物特色而且座位寬敞。

今日同家人嚟食黃記煌，地方幾闊落，4人枱6人枱都好夠位。餐廳職員主動介紹食物，我哋叫咗牛魔煌炆鍋，入面有齊牛小排、牛仔骨同牛排片。職員會幫我哋處理，先將蔬菜放底，然後逐塊肉鋪平，唔駛落水，積習炆熟啲肉同蔬菜，第一次食。3款肉類醃得入味，我哋叫嘅麻辣小辣都幾惹味，落埋芫茜好香！食完肉就可以加湯食其他配料，原理就好似食雞煲火鍋咁。我哋叫到一枱都係配料，有海鮮有菜有丸餃類。粟米、芝士腸等係必點，配埋個湯汁真係好掛湯～聖子同鮮蝦比較一般，肉質比較腍身，唔係好夠爽～珊瑚蚌就好好食，淥一陣就食得，夠晒爽甜，唔韌。

同一班好姊妹吃飯傾計，當然要找個有特式的好地方！其中一個姊妹在深圳吃過黃記煌，極力推薦，咁我們就一齊來試下啦！入口係一間商業大廈，不過個招牌都夠大啦！估唔到7:45pm去到竟然唔full! 全場都係卡位，4至6個人剛剛好！也好適合吃燜鍋！個menu設計好好，圖文並茂，一看就知道我要選的係咩啦！先吃小食先！第一碟正價，第二碟就半價！叫左4個不同的涼菜，但食落個味咁似的？！不過個汁都有辣有唔辣，幾開胃！來之前都未吃過燜鍋，其實真係雞煲昇華版！姐姐會先將配料放曬入鍋，再放你叫的料，呢個係海鮮大軍燜鍋！之後再放調味料！燜左一陣再加特製的醬！燜緊就係咁樣啦！燜下又搞下，搞下又燜下，終於得左！我們6個人叫了兩個鍋！第二個係石班魚柳燜鍋！魚。全部都係魚！Yeah!燜鍋的味偏濃，辣道任君選擇，料係幾新鮮，整個presentation又幾唔錯！而且坐得舒服😌吃完燜鍋之後就加湯打邊爐啦！火煱配料幾新鮮，可惜價錢偏貴，份量偏少！相對燜鍋又無咁有特色啦！

星期日去尖沙咀影畢業相, 影到肚餓想食雞煲, 見依間食評不錯, 和女朋友一行兩人去試下.餐廳位置商業大廈一樓, 需要行樓梯上, 面積很大, 座位空間十分充足, 裝修有特色.點了一客三黃雞燜鍋(麻辣汁小辣), 一份小食和數樣火鍋配料.前菜是麻辣豬皮和鴨血, 小小一碟但味道不俗, 豬皮爽脆充滿麻辣風味, 鴨血也不會太淋有彈牙口感. 主角燜鍋以六寶盒形式呈上, 有滿滿的蔬菜, 和一大隻雞, 店員全程細心講解和烹調, 把雞和蔬果燜至半熟再加麻辣汁, 成品極之美味, 雞肉嫩滑, 蔬果和雞肉混合得很好. 女友不太吃辣, 這裡的小辣她不太受得了, 點餐時需要注意.之後直接加湯打邊爐, 點了安格斯牛柳粒意外的美味, 小小一口牛肉味濃, 牛油味亦很香, 其他蔬菜就時普普通通.當晚餐廳客人不算多, 寧靜的空間坐得很舒服, 價錢亦屬於合理水平, 推介各位朋友可以一試

今日老友相聚，本身諗住打邊爐，不過又唔想太熱氣，最後選了依間就岩哂😁燜未唔怕熱氣囉🤣佢個menu都幾精緻，一般叫野食睇完d圖都唔會諗到食乜，但e間就好唔同，睇完你係會樣樣都想食～最後我地因為樣樣都想食的關係，結果選了自選4款。係你面前即叫即整，火喉十足。有石斑魚柳、安格斯牛小排、墨魚仔、廣島蠔😋😋石斑魚柳夠新鮮，一d腥味都冇👍🏻👍🏻安格斯牛小排唔洗講你齋睇圖就知好味😋😋係可以令人食唔停口的😏另外叫左2碟涼菜，仲有飲品😍涼菜同特飲都有第二碟/杯半價的優惠，真係抵到冇朋友😌

對上一次吃雞煲已是幾個月前的事了，所以今次同朋友的聚會就決定去吃雞煲，放肆一次其實之前在深圳已經見過黃記煌，想不到他們在香港也有開分店，還收購了許留山，吃雞煲之餘還能吃到許留山的甜品黃記煌位於尖沙咀加拿分道，所以從地鐵站走到餐廳只需3分鐘，十分方便我們大概7:30到達餐廳，馬上點了一個雞煲過了不久後，侍應會呈上一個大壺，每層分別盛著不同的配料首先侍應會把牛油放進鍋裏第二層鋪的是蔬菜如紅蘿蔔和洋蔥等等，然後第三層是已經腌好的雞件最後侍應會先讓雞件蒸大概5分鐘，然後會加入我們點的豉汁辣椒醬最後等多大概10分鐘便可享用雞的肉質非常鮮嫩，十分新鮮，不像其他雞煲般乾秘制醬汁與雞件十分合配，惹味十足然後我們再分別點了白魚蛋和韭菜水餃，十分足料最後怎能不吃許留山的甜品呢

今晚同老公去左尖沙咀行街，之前聽朋友講過呢一間燜鍋唔錯，所以今日同老公出咗去試下，上到去非常闊落，裝修非常舒適，服務員都幾好禮貌，我同我老公研究左好耐食乜嘢，因為成日都可以喺出邊食到雞煲😂，所以今次決定試吓食佢個石斑魚柳燜鍋，佢仲有幾個味道俾你選擇，有招牌鹹鮮汁、海鮮鹹鮮汁、香辣鼓皇汁、麻辣汁（小辣）同埋麻辣汁（大辣），我哋揀咗香辣豉皇汁，其實淨係食啲魚已經好飽，因為個份量真係好多，個汁味道都唔錯，但略嫌冇咩辣味，而d魚好新鮮，唔錯，配料方面我就叫左：蜂巢豆腐，油麥菜，魚皮餃拼鮮蝦雲吞，手工松露墨魚丸拼手工泡菜蝦丸，再加多一壺西瓜汁，配料非常新鮮👍🏻，到食完埋單走嘅時候，職員送咗一張$100現金卷俾我哋👍🏻👍🏻可以留返下次用😝

係尖沙咀行完街都唔知食乜好之時！一抬起頭就是到黃記煌個大招牌，行近少少八下食乜，原來係食燜鍋既，仲有海鮮鍋，見價錢又唔貴，所以就上左去試下啦...海鮮大軍燜鍋 HK$298我地目標清晰，就係黎食佢個海鮮大軍燜鍋，上枱係一個紅色既六層塔，再由店員一一將配料排入鍋中，先落油，再放入配菜，再將蝦，魚，蠔同魷魚鋪係上面，燜一陣後再倒入秘製醬料，再燜多一陣就食得啦！食落海鮮好入味，秘製醬料提鮮了海鮮味道，非常之惹味涼拌鮑片海蜇頭 HK$48尖椒皮蛋 HK$19 （半價）係等食既同時，我地叫左d前菜黎食下，而家做推廣，第二份前菜有半價呀！海蜇頭好鬼爽口鴨血 HK$38滷水大腸 HK$48鮮淮山 HK$42食完海鮮後，同坊間一樣，店員會幫我地加入上湯用作打邊爐～由於唔係太肚餓既關係，我地只係叫左三款火鍋配料，鴨血比坊間其他店較厚實，比較有咬口的～食完後繼績行街！哈哈