黃記煌三汁燜鍋 (已結業)

四個人去，叫左一個海鮮大軍燜鍋。同大陸分店唔同，係香港一個燜鍋係唔會夠飽既，所以叫左肥牛/丸/菜等等之後再做涮涮鍋。肥牛好好味，D手工丸都好正，環境清幽枱亦都坐得舒服，慢慢食傾足三粒鐘，埋單每位220，算係幾好。

今日約左朋友去睇中秋免仔所以就係尖沙咀食飯喇係尖沙咀搵有得訂位既餐廳就搵到呢一間見到佢既邊爐同其他有d分別而且係用燜鍋添加上有9折就決定試啦認住金輝大廈招牌就得啦都算易搵既店內環境設計簡單而且可以睇到街上既行人感覺都幾特別架淨係簡咩鍋都用左好多時間實在太花多眼亂最後朋友提議食魚d材料一層層咁放哂係個壺都幾得意而且店員會幫你放好哂d食物我地等食就可以喇估唔到d魚都幾多肉質都幾滑唔散淨食d魚都幾飽架難得呢到係同許留山合作當然唔可以錯過點佢地既飲品啦我就飲芒果蘆薈最後加添左白蘿蔔同出錢一丁吸哂啲湯底超正未試過既都可以黎試下

上開飯網看到網友對此店的評述，更說此店在內地甚具名氣，於是便帶著好奇心與朋友訂枱一試，地點非常易找，出地鐵站行兩分鐘便到，我們訂了5點半，是第一枱客。甫出電梯便見到大大的招牌，空間寬敞，布置簡潔。我們詢問侍應如何落單，建議先燜後打邊爐，於是便點了海鮮燜鍋，更點了飲品，原來此店與許留山合作，可喝到芒果粒粒爽等飲品。我們先點了夫妻肺片及海哲作小食，之後侍應端來一個花瓶，原來內裡盛載著配菜、海鮮及秘製醬汁，更替我們將材料一一下鍋，排列整齊有序，過了數分鐘後便打開鍋蓋，我們便開始品嚐食材，有蝦、蠔、魷魚及魚等，味道濃郁，墊底的有紅蘿蔔、洋蔥及辣椒等，已吸收醬汁精華，非常惹味。不消一會兒便給我們吃清光，接下來落清水打邊爐，點了三黃雞、鵝肝墨魚丸及自家製雲吞等，用料新鮮，讓我們吃了一頓豐富的晚餐。

今晚約咗兩個相識差不多廿載的姊妹食飯，而其中一個就book咗尖沙嘴呢間樓上燜鍋店，佢去開內地，介紹我地知黃記煌係內地好出名，好多分店，可能香港店開係2樓，所以就算係尖沙咀，都未算有太多人知。由於另一姊妹陀緊B，所以海鮮同牛都不在我哋考慮之列，而最後我哋就揀咗豬大煌燜鍋，鍋入面已經包括排骨、黑木耳、菇菌同蔬菜。Order咗一陣，有個侍應就拿了個紅色花樽過嚟，原來呢個東東係裝住所有材料同醬汁，我哋見佢將材料一層一層咁拆解放入個煲度，先蔬菜，後肉同菇菌，最後有秘制醬，唔加水，佢話咁先原汁原味。其實無論賣相定實制佢都幾大份，3個(半)女仔食其實好夠，至於味道，我覺得係好食但偏鹹同重口味，可能我哋叫排骨，所以無好似海鮮咁有多層次的鮮甜，呢款比較突出咗秘製醬ge味道而已。不過有肉有蔬菜有菇菌，咁都尚算均衡健康。

這篇是我的午餐系列的第7篇，今次就試這間吧！午餐套餐共有4款肉食選擇，包括豬、牛、雞、魚，必定有一款啱你。另外可以自選配飯或烏冬，連1杯冷飲或熱飲，另加1粒芒果糯米茲。當這個熱氣騰騰的鍋上桌，店員會提醒你小心熱鍋。這時，第一時間要把它拌勻，讓每條麵條都充滿醬汁😋味道濃郁，蔬菜份量較預期多，好味。環境也不錯，裝修也有心思，雖不是豪華裝修，但也見到細微的處的心思。看到它的火鍋煲，心裡盤算著何時來一嘗它的晩市火鍋😊

大學同學聚會，提議食依間，無乜所謂就試下囉，反正用Openrice預約有9折。樓上店嚟，地面入口不起眼，要花花眼力。初頭以為係食中式小菜，原來係類似雞煲，再打邊爐嘅模式！一如雞煲嘅做法，先叫一個燜鍋，再係菜單點食材打邊爐。最大路當然係海鮮啦，咩牛蛙田雞完全唔敢試。基本上店員全程服侍打點，幫你開火熄火落醬調味，唔洗自己郁手。所謂燜鍋，即係無落水而煮熟海鮮（不過有一大舊牛油防止焦燶），鮮味都有既，不過$300份量就偏少，廣島蠔每人得一粒左右，八爪魚仔都係得好少。相信係想客人多點其他菜單上既食材吧。所以我地都叫左「澳洲霜降牛面頰肉」、「響鈴」、「蜂巢豆腐」等等，不過質素實在只屬一般，不提也罷。銀菊露則好似由許留山提供，偏甜。總體而言：食物普通，唯獨勝在人少、地方夠大，座位好坐，店員都會主動幫手打點個鍋。同時幸好埋單並唔貴，除開每人$214，唔算伏亦唔算超正囉。

每一個扮工日子最放鬆既莫過於放Lunch時間。尖沙咀呢個遊客多車多食肆多既地方，搵到間連飲品甜品既套餐又正常價錢既時候，小妹又要出動啦😂黃煌記位置係恆生對面，星林居(3樓)既1樓。去到既時候十分之清靜，大概係準備緊晚市...店員介紹可以一班人分享一個大煲或者每人一個午市燴燒飯。咁當然要試下燴燒飯系列啦～紅魚柳燴燒飯 $53上菜時店員用個盤載住煲飯，個煲係好熱架！要小心啲！最高層係魚肉、中間係蔬菜(紅蘿蔔絲、西蘭花、金菇等等）、最底係飯。襯個煲仲熱既時候攪下啲配料同飯，令入面既食物均勻受熱。如果鐘意有飯焦既朋友，可以參考煲仔飯既攪法～好有趣既係魚係白色架～仲以為紅魚柳係紅色添。魚好香既魚味，有海鮮醬入唔到落啲魚度，所以得魚味。配搭蔬菜食就更加清淡🍵由於小妹食哂啲蔬菜先既關係，已經飽了...建議大家三五成群黎食既話，可以share食！黑毛豬梅爽肉 $56同事分享左一塊豬肉比我，好易咬開，有少少入口即溶既感覺。醬汁入哂落豬肉度，好香濃既味道。飲品係銀菊露或者可+$8選4款許留山飲品，包括芒椰蘆薈爽，西瓜蘆薈爽，超多芒水晶晶，芒椰雪蛤爽）。我地加左杯拎返公司飲🤣🤣+$8有一杯許留山飲品都幾抵架

之前同朋友係灣仔食過，印象中唔錯。今次既朋友鐘意食中菜，咁啱見佢搬左去尖沙咀，就帶佢地黎食。不過今次食返，味道尚可，但無印象中個種驚豔既感覺。呢間野d涼菜，夠酸，好正，好爽口！我同朋友點左石斑魚柳燜鍋，職員係你面前將食物調味，仲會提醒你幾時食得，感覺幾正。燜既時候，聞落幾香。入口個陣，魚肉滑溜，如果魚肉入晒味就好好食。可惜鍋中間有些魚肉未完全入味，食落變左汁還汁，魚肉還魚肉。食完燜鍋，可以將個鍋變火鍋，有好多食物款式揀，但價錢偏貴，每碟數量亦很少。建議夏季時，不要揀魚腐之類，因有少少變味。總括而言，這間餐廳的燜鍋不錯，可一試。

臨時臨急今日5點先決定嚟呢度食，用OpenRice book到最快8:30pm先有位，不過我哋早到左，都有好多位喎其實。其實呢間餐廳喺大陸已經火咗好耐，聞說而家國內分店少咗，之前喺灣仔嗰間我都試過嘅，味道唔及大陸啲店，開左冇耐又摺咗。今次喺尖沙咀再開就試下啦。我哋叫咗呢個麻辣三黃雞鍋，店員一舖啲雞嘅時候,望到雞分量唔少，而且多數係雞脾，俾我上次喺珠海食嘅多同大件👍🏻等個鍋嘅其間，兩個小菜嚟喇麻辣土豆絲，啲薯絲好入味，雖然係少麻少辣，但個汁好好味夫妻去食晚點可以少咗呢碟夫妻肺片呢。啲調味係唔錯嘅，但佢雪得耐食落有啲實，擺耐咗軟返就好好多。主角～雞煲。我地揀麻辣小辣，對於我嚟講愈食愈辣。個汁同大陸嘅一樣好惹味，值得讚係佢比好多雞脾肉，又唔會斬到好碎👍🏻啱啱滾起食得時啲肉好嫩滑。配菜仲有洋蔥同好多蕃薯西芹。其實兩個人食都幾飽。我地加咗呢碟牛小排，啲脂肪唔算太多，食落好香牛味，就算淥耐啲都唔鞋喎😋嗰碟牛栢葉雖然好大碟，但我未食過咁冧嘅牛栢葉，一啲都唔爽😕鴨血同薯粉都唔錯，鴨血唔夠台灣嗰啲火鍋咁滑，有少少調味。個鍋係一加湯就淡晒，一啲都唔辣。最可惜呢度冇大陸嗰隻扯麵啦，唔係一定會叫。

燜鍋聞到已很香，今我們胃口大開，尤其麻辣味汁，足料好味，魚皮鬆化香脆，午餐肉厚切，牛摩王燜鍋多蔬菜，小食夫妻肺片也可口。許留山甜品選擇多，地點方便B2出口，座位寬闊

餐廳位於加拿芬道，在尖沙嘴的旺區，交通便利。悶鍋除了特定的菜式外，還可以自選。我們選了海鮮配肉和菜的配搭和特色的調味，菜式味道很入味，適合重口味的人士。最興奮的是可以配許留山的飲品，一次過滿足兩個享受。

朋友生日, 一齊想食雞煲, 第一次到呢間, 無限時, 坐得舒適, 飲品(小麥啤酒, 西瓜汁新鮮, 許留山芒果汁) 食品, 甜品 都不錯, 係食物份量細左 dd , 雞煲 d 雞 唔算差 , 又係只係細件左 食落骨皮多過肉! 服務員態度友善 , 要星期五晚係尖沙咀區, 整晚可以慢慢食下傾下 唔比人趕走 , 算係唔錯 , 唯獨批評食物當中 豬天梯 , 一心以為廚師推介試下點知 硬同有 dd 未徹底清潔的 "狎"味, 另大家失望左!結帳時 每人二百幾 , 算滿意 會再約朋友聚會黎一試!

明明好多檯，但唔俾人坐。等咗20分鐘之後，仲唔俾，態度又差。好似自己大曬！明顯係服務員偷懶，唔想做生意。老闆要注意啦，呢間員工根本冇心機做嘢！快D提升你哋服務質素！！！

尖沙咀火鍋店一地都係，難得有一間主打正宗燜鍋😋。二人入座，點一份牛氣沖天燜鍋，鍋料有齊牛肉片、牛肚、牛脷、牛柏葉再加大量配菜，無水烹調，味道更濃香惹味，且一鍋份量足兩至三人食，只需點少量配料已極飽，人均只需二百多，唔算太貴。同場可點埋許留山做甜品～幾方便，但味道就一般般啦😂

是晚4人點了自選4餸，招牌鹹鮮汁正，唔會太濃味，味道剛剛好。食材新鮮，牛肉類、石斑魚值得推介，且有職員在旁放料及提醒食用，服務好好，叫埋暖暖銀菊露，每人埋單$170