黃金雞

營業中

休息中

講真，今日嚟到呢間舖頭食黃金雞飯💛，真係一個字—正! 雞飯擺上枱嘅時候，就已經香氣四溢，啲飯金燦燦嘅樣子，飯粒Q彈得嚟一啲都唔油膩，真心揾到驚喜。雞肉嘅話，就真係滑得出神，咬落去，雞皮啖啖肉，嗰份鮮嫩同濕潤感直接撲鼻而來，啖啖肉嘅鮮香，好食到停唔到口啊😋！加上班配菜，特別係酸酸甜甜嘅醃蘿蔔絲同鮮嫩嘅豆苗，一於解乏又提鮮，個人嘅嗜好話，佢哋個辣醬真係㨂晒手指，辣得嚟又唔會蓋過雞肉嘅滋味，調味做得就夠曬嘟噜🌶️。坐喺呢度食，四圍都係文宣，令到食飯嘅氛圍更加添色，仿佛唔單止係味蕾，連心情都跟住滿足咗。這餐黃金雞飯，真係叫人回味無窮，食物質素同價錢比一比，絕對係物超所值🤤。有機會一定再嚟，下次帶埋朋友一齊享受呢份黃金滋味啦!

呢間朋友介紹嘅良心小店，主打食雞，每年嘅過時過節佢都會推一啲特別嘅活動係關於佢嘅招牌黃金雞我都幾鍾意買呢隻雞返屋企同屋企人食有一次開party嘅時候就叫咗佢哋嘅到會服務，食物非常之多啊，款式都係你講得出嘅泰式嘢都有，所以老闆自己一個做晒咁多嘢真係好犀利希望可以有更多嘢街坊支持佢啦

吃了幾年的雞飯，好像一直陪著我的人生成長由味道因人手不足，有點失準，到今日又回到起點🛣️每一次食都有一點驚喜！無骨黃金雞飯 $45🩷可轉雞髀飯表的辣椒醬，十分之辣，但很上癮，是老闆自製的，整碟飯食完了☺️

友人介紹黃金雞十分出色咁最喜歡海車雞既我當然要去試一試啦。地點還可以，在橫街，距離地鐵站都是3，4分鐘路程。不過似乎是做外賣生意為主，鋪內只有兩限吧枱，一大一細，坐5個人應該是極限。落單很快，畢竟選擇較少，加上我目標明確就是黃金雞。上菜速度很快，加上有例湯提供，的確不錯。不過呢，黃金雞夠滑但是味道偏咸，黃色的飯亦沒有油香，像是白飯。要自己加上雞汁先有味道。整體不過不失，考慮到價錢相宜（$45）份量亦足夠，所以都算ok。不過就唔係好岩我口味，應該不會再去。

這是一間在內街的小店，看似是家庭式作業，店舖細少，但仍然有小量堂食空間。進食其間，絕大部份的客人都是點外賣，我們實屬極少數的堂食客。這類黄油雞以其原汁原味、色香味俱佳為特點。烹飪方法雖然看似簡單，但還是要用心地去操作，才能制作出口感细腻、口味濃郁的黄油雞，给人帶來美麗的味覺體驗。小店的廚房內有著一隻隻金黃色的掛雞，沒有理由不點此店最經典的菜色。見餐牌內有豬脾飯，想起不是很多地方有，便也點了這個。襯等候食物上枱其間，四處望望，原來也有自家包的餃子，口味甚獨特。飲品也不是一般的選擇。有趣～兩盒滿滿、以紙盒裝上的飯到了，還奉上兩杯例湯。例湯原來是雞湯，味道不算太鮮濃，但既是跟餐贈送的，沒有太大要求。無骨黃金雞飯，口感鮮嫩，在雞的鮮味上卻不算很高。但豐富的配菜，濃厚的醬料伴襯下，還是有一定的滿足感。這五香豬脾飯還不錯的，豬皮部份入口即化，豬肉也煮得非常入味柔軟，也挺喜歡的。有點意猶未盡，立刻再加兩份小食。避風塘薯角，這種配搭不常見，卻又效果不俗，鬆脆爽口，但也感覺挺熱氣的，二人分一個細盒已是剛剛好，不能貪吃～脆卜卜雞軟骨，確是脆卜卜的，也用上很香濃的香料作配，很快又吃清光了。

聽聞呢個黃金雞咁出名特登揸車到筲箕灣幫襯,入到去店舖買咗黃金雞飯,當正在等外賣嘅時候我留意店舖嘅環境和衛生,衛生情況一般,乾淨一定冇份但係又未至於太差,算係中下嘅感覺,對於我嚟講埋可接受啦！我覺得可以做得好啲！大概等咗幾分鐘就可以攞走速度好快,攞返到屋企即刻同我老婆分享！一打開飯盒,首先見到蘿蔔絲芫茜放面,蘿蔔絲下面係黃金雞之後油飯先試蘿蔔絲,我開頭以為蘿蔔絲係酸,所以一大膽擺落個口,點知係鹹,直頭鹹到我標曬眼水,頂唔順吐返出嚟！之後再試雞,個黃金雞味道一般,絕對唔算滑,比出面嘅海南雞飯味道鹹少少,唔知道係咪因為蘿蔔絲放面嘅原因！,之後再試埋醬汁非常多味精,我食完係好口渴！其實我唔介意出去食嘢係有味精,不過你呢個醬汁嘅味精非常之多,過咗火至於油飯乾到不得了！我唔知道呢個係咪店舖嘅特色,不過我接受唔到太乾！我老婆畀我要求更高,佢食咗兩啖就唔食,為免浪費我就食埋佢嗰啲雞,但個飯就冇食啦！整體嚟講算係非常失望！特登揸車入去買返去孝敬老婆,點知食完係咁難受,飲咗非常多水！但好老實講,45蚊一個雞飯算係平！但如果45元係呢個質素我寧願畀多20蚊出去食好啲！

值得被記錄的美味一直以來都只吃蔥油餅不過他都沒有再賣餛飩湯 只賣餅了後來看到陳家有許多人推薦早上就來嚐嚐吧餛飩湯非常好吃超合我胃口一度想買餛飩回家囤貨但還沒有要馬上回家 怕壞不敢買蔥油餅則是跟周家差不多都很好吃一早吃個美味的餛飩湯幸福感爆棚已列入每次去必吃清單Tanawat 賣得跟一般泰式料理的菜色不太一樣非常推薦一試尤其是經典打拋不過一開始拿到菜單真的不知道該怎麼點才好點了兩道主食 河粉也非常美味現在回來起來一直分泌口水一定要預約 不然會撲空還有一隻很可愛的店狗 很會撒嬌喔 

黃金雞係一間係內街既小店，細細間一眼睇哂，但呢幾日佢地都放假，大家留意下唔好摸門釘啦~.黃金雞飯 $36海南雞唔難搵，雞好滑好食，價錢好平! CP值好高!可以轉雞脾加$10，但小編覺得味道差不多~好味指數 : 8.5/10.青檸梳打 $16青檸任加，泰國梳打水真係好多氣好好飲好味指數 : 8.5/10.另外佢跟飯會送個個湯，但係無咩味好淡由於佢放假前夕，佢又請左我地食雞軟骨同雞翼但係普普通通，無咩特別(不含加一服務費).- 整體評分 -環境 : 8/10 味道 : 8/10 抵食 : 8.5/10.黃金雞筲箕灣海利街6號海利大廈地舖.

📍黃金雞💛 地址:- 筲箕灣海利街6號海利大廈地舖- 鰂魚涌鰂魚涌街123號太隆樓地下I號舖作為一個新界人，加上黃金雞位於一個超級隔涉既地段，我都係咁啱透過一個youtube channel先得知佢既存在🤣見到openrice同social media既review全部都係好評，所以搵個機會山長水遠都去試下佢(˙𐃷˙)試過之後真係覺得咁遠水路都係值得，如果得閒既話我都會為左佢再入去食🤭亦都明白點解大家對佢既評價係咁好！„ಡωಡ 賣海南雞既舖頭周街都係，但係要搵到間高質既真係唔易呀～不過黃金雞主要都係做街坊生意，主打外賣，所以舖面既位置都比較少啲，都係得2-3枱，想食既話可能都要將就下或者外賣翻屋企食都唔錯架✌🏻• 無骨黃金雞飯🐔 ($45):見到呢個價錢都覺得真係好抵食呢～如果想轉脾既話都可以加多$10👅一盒飯入面大概就有5-6件雞，份量拎黎送飯就勉強啱啱好🙈如果可以再多兩三舊就會更加滿足🥹雞件偏薄身啲，但係食落好滑身勁淋！🤤而且完全食得出雞既鮮味，個人認為就算唔點醬都好夠味，反而食到本身食材既原味🥰另外都配有酸酸地既蘿蔔絲作為配菜，幾fresh(๑•ᴗ•๑)醬料方面佢有黑豉油同埋辣雞

話說同事忽然間叫我一齊食呢間嘅外賣仲話好好食咁既然同事一場叫到 冇理由唔食掛所以就叫咗外賣 黃金雞飯喺公司食-講一講價錢先🤑$45包飯包湯包醬汁老老實實我都冇咩特別要求啦😂😂-叫得黃金雞咁首先講咗啲雞先啲雞幾滑 連埋雞皮唯一要挑剔嘅係 明明叫無骨雞但唔知點解會有骨🫠🫠🫠另外值得一提本身有跟兩隻醬初初以為黃色嗰啲係甜酸醬點知食落口係辣醬仲要幾好食🉐搞到我由頭到尾都冇食豉油😂😂😂另外飯嘅份量偏小男士們可能未必夠食❗️-湯品方面$45仲有碗湯我都唔知有咩要求不過可能平日食嘢比較清淡覺得碗湯偏鹹入面亦都冇乜湯料當係一碗普通既湯都叫合格🤣-總括嚟講 呢間嘢價錢取勝雞嘅質素都唔差如果唔係好肚餓 又或者變咗大食我都會encore🤣🤣🤣

👅無骨黃金雞拼五香豬髀飯海南雞肉質真係非常爽滑，雞肉偏細件🤪鍾意食嘅辣嘅朋友應該會覺得佢哋嘅酸辣醬汁好正，夠辣👍 豬髀肉質已經淋到化開🤤一次過可以試曬兩款人氣餸菜真係好滿足😍 仲有靚湯送！👅炸雞軟骨(細) 非常惹味同脆口，但真係油咗啲，唔建議獨食🥵細杯份量適宜1-3 人食

以前試過堂食，覺得很美味。18:25打電話去叫外賣，步行過去要多等10分鐘，過咗6:50才能拿走外賣，回家享用。步行回家大約需要7分鐘。- 雞湯很好味，放在紙杯拿回家，仍然溫熱。-小食拼盤：雞翼有啲硬和燶，雞軟骨好味，芝士薯球有少許淋左，相信係三樣小食最先做起的一種。-海南去骨雞髀飯，雞肉嫩滑有雞味，蘿蔔絲很好吃，但係雞油飯已經凍咗，焗係個盒裏面有啲濕，應該係個飯最先整好放入盒等小食拼盤出。雖然有少少失望，下次再會幫襯，試吓其他的食物例如五香豬髀和牛腩。都係堂食好味啲

附近叫外賣 唔知叫咩好黃金雞係熊貓仔個外賣app到 有折頭打 決定食佢啦！叫得黃金雞 點可以唔叫黃金雞丫！ 首先講下個油飯先啦 黃色粒粒企身嘅飯！ 又唔會太油！剛剛好！💛個黃金雞 好嫩 好滑 不過份量就差咁少少 男仔食就應該唔太夠飽肚！ 至於on top 嘅豆苗同酸蘿蔔唔係好夾！ 不過整體來講 都係幾好食嘅😋😋另一個飯 叫左個蜜糖薯仔牛柳粒飯成個餸都被啲蜜糖封住 好入味不過啲餸就份量少咗啲個飯就好多 好夠了所有飯都會跟個湯 幾好飲😋每個飯都係$43

行完山 諗住食番少少野頂肚先番屋企知道太安樓個邊有檔雞飯但食過覺得還好上網見到有人推介哩間就過黎試下個海南雞飯————————————黃金雞飯（$40）一上枱果然名符其實雞肉同飯都系金燦燦既樣子咁試啖雞肉食一食雞肉真心好有驚喜好耐無食過咁嫩滑既雞肉 醃得好香入味米飯唔油 粒粒分明 軟硬適中 爽口既醃蘿蔔絲酸酸甜甜 可以解膩成個雞飯既份量都唔少拎黎做做正餐都可以佢仲會比埋杯雞湯黎又係好濃味幾好飲———————————個雞真係好出色如果唔係屋企煮左飯會想買番隻番去食

每次黎到黃金雞都掙扎緊食海南雞、麻辣手撕雞、椒鹽豬排定係黃金雞每次都叫左黃金雞...味道帶甜同黑椒味 幾岩我口味 送一杯雞湯（好飲）黃金雞係經髮型師推薦 話呢間一定要試呢間良心店 確實無介紹錯如果住得近 可以考慮下外賣 坐得舒服啲鋪頭座位唔多 不過想堂食都唔洗排好耐嘅$48-$50一個飯 算係合理價錢Openrice價錢💸：7.5/10抵食👍：7/10環境🤳：6/10味道😻：7/10份量🍽️：9/10良心♥️：8/10