黑木亭居酒屋 (金馬倫道)

營業中

休息中

第一次食飯食到一肚火 條氣唔順就走黎講下首先係服務態度唔知點解要比錢受服務員氣有個waiter遞兩支酒埋黎 然後大大力噠落黎我地度 加上明顯睇到佢西面㗎啦跟住仲有，叫極都冇人理明白店鋪工作忙但都唔係望一眼就走左去吧？講一聲唔好意思請等等好難嗎？唔知以為我食緊茶記 但你地又唔係茶記嘅價錢窩😅跟住係上餐速度我唔明點解一碟豆腐可以等成一個鐘都未到？？？係完全不能理解 唔知以為我食緊法國餐廳跟住我地叫左個壽喜燒鍋，追加左一碟牛肉然後碟牛肉半個鐘都未到大佬我要嘅牛肉係生㗎窩。。。真係差啲想入廚房親自攞出黎 唔知以為你即場同我劏牛肉添個壽喜燒食曬凍曬碟追加牛肉都未到然後仲要限時九十分鐘 你憑咩😅出餐都一個鐘嬲到直接食到一半cancel曬剩低未到嘅埋單走人 然後環境 就係好焗好窄 四個人正常身形坐卡位都差啲逼出去 唔明自己點解要比一個咁高嘅價錢買難受 又冇話特別好食 出餐慢服務西 真係唔會再有下次😅

同朋友諗住開心去玉桂狗主題餐廳慶祝生日。我哋只係點咗火煱同串燒。等咗一小時除咗飲品之外一樣野都冇嚟。催單三次都冇用。十分氣憤。啲嘢都冇乜特別。 連個火煱一個鐘頭都出唔到。真係冇下次。

係玉桂狗主題餐廳呀😍😍😍一入餐廳已經好有日本氣氛牆身又貼滿曬玉桂狗，超正😆😆忌廉咖哩汁蝦飯團配炸洋蔥圈🍛🍛🍛玉桂狗樣既飯團好Q，完全唔捨得拆爛佢，浸係藍白配色既咖哩汁，好香忌廉味，咖哩味好濃雜錦漁上刺身四點配日本珍珠米飯團🍣🍣🍣厚切新鮮刺身，配上有玉桂狗樣既紫菜，三文魚魚籽好新鮮，入口脆爆，真係神仙級享受忌廉蟹仔冷麵🦀🦀有3隻蟹仔餅係到衝浪既冷麵，溝埋忌廉一齊食，個味道好新鮮

本人今日28 Nov 2024在黑木亭餐廳丶已經準時12:00pm, 出席4 人之訂座丶但餐廳沒有掃描我的openrice之訂座QR code丶這樣會影響我的良好記錄嗎？

見廣告黑木亭推出玉桂狗主題限定菜式，book左位星期六同囡囡試下。囡囡點了兩款玉桂狗主題菜式：主題市場三竹籃配日本珍珠米飯糰和布丁配馬卡龍甜品。我們12:43分下單，足足等了50分鐘仍未到。追單後侍應又冇回應，最後等了一個鐘先到。囡囡由興奮等到不耐煩和失望。雖然明白主題菜要等耐一點是正常，但要等一個小時有點過份吧。食物質素普普通通，又沒有服務可言，唔會再有下次啦。如果帶小朋友去試，真係要考慮等候時間，免得小朋友空歡喜一場。

最近依間靚裝居酒屋，同玉桂狗有聯乘合作😍 門口已經有大大個玉桂狗打卡位等緊你😚 餐廳內大大小小嘅牆飾佈置都充滿著玉桂狗😆 真係可愛又精美👍 啱曬鐘意公仔嘅朋友🌟 試咗佢哋嘅玉子吉列豬扒三文治🤤 玉子燒同埋白麵包上都印有玉桂狗嘅圖案❤️ 超靚靚😘 中間夾住嘅炸豬扒超級厚🤩 新鮮炸起熱辣辣香噴噴🥰 咬落軟嫩又多汁👍 同甘甜可口嘅玉子勁match📍 配埋超惹味嘅特調南蠻醬一齊食，更加惹味可口🤭 甜品㨂咗好精美嘅雪糕多士盛合❤️ 多士同樣用玉桂狗作造型😍 超級可愛😚 海鹽味嘅雪糕鹹香又清新😋 雲呢拿雪糕香甜又可口🤤 仲有大量脆香嘅多士粒同埋彈牙嘅海鹽啫喱作伴🤭 大滿足之選😎 㨂咗杯玉桂狗限定特飲🥰 士多啤梨荔枝梳打🥰 飲落清爽又醒神👍 滿滿嘅草莓同埋荔枝嘅果香😘 甘甜可口✅ 

呢一間位於尖沙嘴嘅日式料理之前食過好有特色🌟，所以今日夜晚就帶朋友嚟試下啦🥳流心芝士醬薯仔沙律 $98前菜呢個薯仔沙律好有特色🤩，倒上芝士醬之後賣相好特別😝熊之壽喜鍋 $399作為呢度嘅招牌菜當然要點🔥，呢個鍋有A5宮崎和牛100g同埋爽脆豚肉片150g😋，特別要讚下和牛超級肥美，入口即溶😛百香果荔枝梳打呢杯飲品酸酸甜甜👅，百香果嘅果香同荔枝味道好搭，氣泡爽口，真係好適合夏天飲😙紫幻檸檬青瓜梳打檸檬酸酸嘅味配上清新青瓜😎，顏色靚到不得了，氣泡輕盈，飲落去好清爽😆

今次就去到尖沙咀嘅一間日式居酒屋，成間居酒屋嘅氣氛都帶有濃厚日式風味🍃，室內嘅燈光都比較昏暗🌙，所以成個感覺都好舒服，就好似身處於日本🍽️🇯🇵。餐廳有多款唔同美食選擇，而我同我嘅朋友就選擇咗新推出嘅**熊之壽喜鍋**🐻，有A5宮崎和牛🥩+爽脆豚肉片係入面㗎，仲有火焰鵝肝🔥和牛青蘋果卷🍏及爆多芝士🧀嘅流心芝土醬薯仔沙律🥗，仲有兩杯特色飲品🍹，百香果荔枝梳打🍊同藍蝶花佛手柑熊🐻，打卡超好睇📸！🌟 熊之壽喜鍋（A5宮崎和牛+爽脆豚肉片）最鍾意就係食壽喜燒啦🔥，呢個火鍋中間有一個由壽喜燒汁做出嚟嘅熊仔🐻，蔬菜上就係油花豐富又平均嘅和牛🥩，同埋一片一片嘅豚肉片🍖。和牛入口即溶，豚肉就吸收晒壽喜燒汁的精華😋。🌟 火焰鵝肝和牛青蘋果卷當奶香十足嘅鵝肝遇上香濃嘅和牛簡直係完美嘅配搭✨，再用青蘋果去減輕鵝肝同和牛嘅油膩感🍏，成個配搭都好夾👍😋。🌟 流心芝土醬薯仔沙律堆到成座山咁樣嘅薯蓉沙律⛰️，沙律中間就係流心芝士🧀，橙黃色的芝士從薯蓉山中間流出來，食落去淡淡芝士香味😋。🌟 百香果荔枝梳打由透明漸變成橙色的百香果🍊，賣相非常之吸引，而飲品頂上係兩粒冰凍的荔枝🍇，超岩夏天去飲！☀️🌟 藍蝶花佛手柑熊飲落去就好似

黑木亭居酒屋．萬聖節派對味，食得驚喜開心最近我去咗尖沙咀嘅黑木亭居酒屋，驚喜之餘仲感受到濃厚的萬聖節氣氛！一入到餐廳，就覺得整個地方好有節日嘅feel，店員們化妝得好靚，穿上各種可愛又驚悚嘅服裝，營造出歡樂的派對氛圍，真係好適合同朋友一齊慶祝！佢哋嘅特飲，兩款飲品都超可愛！第一款「紅火龍佛手柑熊茶」飲落去酸酸甜甜，帶有一種清新的果味最吸引的是入面嘅熊仔冰塊，唔單止好飲，仲真係好可愛第二款「蜜桃烏龍熊茶」聞落去就已經有一種香香甜甜的味道入口就是濃濃的蜜桃味搭配烏龍茶嘅清香令人心情大好小食方面，試咗「牛油蒜蓉燒日本元貝」一上枱就被香味吸引牛油同蒜蓉結合一起濃到化不開令元貝嘅鮮味更加凸顯咬落去肉質鮮嫩，口感一流主食：「A5宮崎和牛眼蓋塔子」呢款和牛薄切得好粉嫩粉嫩，引人流口水！一口咬下去，香嫩又香滑，令人陶醉主食：「松葉蟹芝士石鍋海鮮飯」蟹腳好大隻，視覺效果好有料！飯飯吸收咗蟹汁，芝士飯味香濃再搭配海鮮，口感層次分明令人每一口都驚喜另外，主角蟹肉夠鮮甜加上芝士的香氣，真係好滿足，食完之後仲想再來一碗！黑木亭居酒屋唔單止好味仲充滿咗創意同趣味尤其係萬聖節期間整個環境都好有節日氣氛

尖沙咀🚇呢間黑木亭居酒屋經常有新款🎊創意菜式推出，臨近萬聖節仲充滿不同裝飾👻氣氛十足，加上出品質素又穩定所以人氣🔥同回頭率都好高！佢哋除咗又唔同嘅日本酒🍶之外，亦有好多唔同款式嘅冇酒精特飲🍹。百香果荔枝梳打入口十分香甜🤤，紫幻檸檬青瓜梳打配搭新穎，入口好清新🤩。特選刺身沙律🥗份量十足，入面有好鮮味嘅三文魚🐟、北寄貝、魷魚🦑同埋油甘魚刺身，加上新鮮爽脆嘅🥬沙律菜同埋香甜嘅胡麻醬，十分之令人開胃🥰！呢度仲有充滿fusion口味嘅薄脆taco🌮；鵝肝牛肉口味大大件，啲料多到滿瀉，薄脆裏面係🍚壽司飯，食起上嚟層次超級豐富；原條鰻魚taco份量亦都唔少，充滿🇲🇽墨西哥x日本風味。三味鐵板A5和牛🪿鵝肝十分之豐盛，入面有大蔥🧄蒜蓉和牛卷、鐵板鵝肝、厚切A5和牛🥩，仲配咗多士添。大蔥蒜蓉和牛卷味道香濃，鐵板鵝肝配🍎蘋果片同埋多士一齊食好甘香又有層次😋，不過最正嘅都係厚切A5和牛，入口肥美👍啖啖肉！

最近去尖沙咀，朋友說他有一間飯堂係用嚟聚會慶生，常常光顧的居酒屋，今晚有朋友生日就訂了位一嚐滋味。位於金馬倫道國鈀大廈地舖至1樓嘅日式爐端燒【黑木亭居酒屋】。餐廳外觀古色古香，入到去後即刻感受到一股反差，因為有意想不到濃厚嘅日式風情，樓梯上嘅紙傘擺設富有藝術感，令人感覺好似走入一個充滿色彩同故事嘅異國角落。牆上嘅木牌同手寫字，營造出傳統居酒屋嘅氛圍，配合柔和燈光，坐低就感覺輕鬆自在，係三五知己聚餐嘅好地方。Menu選擇眾多，兩個人兩個胃，點了三樣菜式已棒著肚子離開了。✨黑糖啤酒拉麵 呢道黑糖啤酒拉麵真係玩味十足，唔係用一般嘅拉麵碗上菜，反而用咗一個啤酒杯盛載，令我哋啱啱見到已經充滿驚喜。啤酒湯底帶有微甜嘅黑糖香氣，質感順滑，淡淡嘅啤酒味令人忍唔住一啖接一啖。最特別嘅係，杯頂仲有一層cream cheese，好似一層綿密嘅泡沫，食落去帶有微鹹嘅味道，同甜中帶鹹嘅湯底完美融合，口感豐富又有層次，真係一次全新嘅拉麵體驗。✨山葵滿盤烤肉 山葵滿盤烤肉可以話係呢度嘅招牌菜之一。呢盤烤肉真係豐富多樣，有五花肉、洋蔥肥牛、和牛、菠蘿片、茄子同甜椒，每一種食材都經過精心烤製。五花肉烤到金黃香脆，油脂滲

金馬倫道58-60號，門面唔高調，有萬聖節Decoration，要上樓梯去上層，裝修好有日本感覺❤️一入去長長嘅卡位，旁邊有日本裝飾設計，加埋萬聖節裝飾，環境不錯，同朋友嚟食住飲住酒傾住計嘅好地方。平日晚餐都幾滿座，但好在仲有位，同埋位置開揚闊落，坐得舒服。🥢山葵滿盤烤肉 $198有牛肉、肥牛、東坡肉、茄子、黃橙椒、台灣墨魚腸，配生菜，可以包住食，感覺有啲似韓燒。🥢時令海膽天婦羅$198紫蘇葉包住滿滿嘅海膽之天婦羅，非常特別，第一次食海膽天婦羅！外脆，仲可以食到海膽嘅入口即溶。🥢紫菜燒年糕紅豆蓉及煉奶$88幾特別既日式甜品🍹紅火龍佛手柑熊茶 $78所謂熊茶好可愛有一大粒熊仔冰粒，賣相好靚！火龍果加底部嘅柑桔蜜，記住要攪勻先飲。🍹百香果荔枝梳打 $68百香果同埋荔枝，甜甜的。

這家位於尖沙咀的日式餐廳，環境清雅，富有日本傳統文化的氛圍，讓人剛進門便感受到日本風味。櫻花蝦炸豆腐，這道菜的外觀十分引人注目。豆腐外層酥脆，內裡卻依然保持了滑嫩的口感，搭配香脆的櫻花蝦，鹹香交融，一口接一口，停不下來。火焰鵝肝和牛青蘋果卷，獨特的組合讓人耳目一新。鵝肝的香滑與和牛的鮮美相得益彰，青蘋果的酸甜增添了一絲清爽，層次感令人驚喜。燒喜知次，魚肉鮮嫩，經過精緻的燒烤工藝，表層微焦，散發著誘人的香氣，每一口都能感受到海鮮的鮮美，搭配上特製的醬汁，更添風味。飲品方面，選擇了士多啤梨乳酸汽水和水の棉花雲朵（藍蝶花佛手柑熊茶）。士多啤梨的清甜與微微的氣泡感絕對是消暑良品，藍蝶花佛手柑熊茶則是一道美麗的飲品，色澤誘人，香氣宜人，伴隨著淡淡的花香，昇華不少。

就快Halloween ，好多店舖都會佈置得別具氣氛，而呢間餐廳就滿佈咗勁多打卡位⚰️ 最引人注目嘅當然係門口嘅骷髏骨☠️ღ牛油蒜蓉燒日本元貝 $48用咗牛油同蒜茸燒，肥大肉厚嘅元貝，吸收晒蒜茸同牛油嘅香味，食落份外鮮甜ღA5宮崎和牛眼蓋塔子 $238和牛眼蓋係肉眼牛排最精華嘅部位，入口滑嫩如絲🤤加上蛋汁同醬汁更加滑嫩ღ松葉蟹芝士石鍋海鮮飯 $279wow🤩店員由遠處拎嚟嘅時候已經見到松葉蟹腳同我say 緊hi👋海鮮飯熱辣辣出晒煙將大大隻嘅松葉蟹腳拎出嚟再將海鮮飯撈均，香氣十足！每一啖都充滿芝士同海鮮嘅香氣ღ紫幻檸檬青瓜梳打 $68ღ百香果荔枝梳打 $68梳打冰涼清爽，解渴一流！

今日同朋友去尖沙咀黑木亭食日本嘢，之前嚟過覺得唔錯，臨近萬聖節，餐廳裝修得好有萬聖節氣氛。入到餐廳，店員推介一個新款特色，松葉蟹芝士石鍋海鮮飯，松葉蟹腳，燒得香噴噴，配芝士撈飯，簡直一流，加上用石鍋器皿，熱辣辣，芝士仲可以拉絲。跟住A五宮崎和牛眼蓋塔子，和牛大大片，切成和牛塔，和牛入口即溶，充滿牛油香，超正。牛油蒜蓉燒日本元貝，燒得時間啱啱好，元貝完全唔韌，配埋牛油蒜蓉，簡直係完美配搭。飲品：蜜桃烏龍熊茶，藍蝴蝶花佛手拑熊茶，杯上面有兩隻熊仔雪成冰形，非常可愛，而且兩杯紅茶都好好飲，各有特色。總括嚟講：呢間餐廳，食物款式多，味道好，環境舒適，同朋友食飯傾偈，不錯的選擇！