黑炙 (已結業)

謝斐道其實有很多食肆。有茶餐廳小食店, 也有看上去高級不已的餐廳。但它們都有一個共通點, 就是人客並不多, 少有門庭若市的景況。食客大多都很溫文, 談天的聲音都小小的, 很安靜。這一晚和T先生來到黑炙, 一是為了用一用The Entertainer的優惠, 二是為了同事所介紹的北海道蟹粉多士。因為今次的The Entertainer優惠寫明了是「一個hot dish送一個hot dish」, 而hot dish 之中的鹽燒魚鮫又不得我心, 最後決定了一人獨吃一個蟹粉多士, 奢侈一番。店員表示驚訝, 並說, 蟹粉多士都幾大個的, 一般都是兩個人分享啊。嗯, 再大也不過是一個蟹殼吧, 能有多大呢? 我心想。結果還是堅持己見, 決不與T先生分享。 沒想到黑炙是一家小小的小店, 但裝潢非常的豪華, 由地板到吧枱到牆身到天花板, 可觀賞性甚高。保養也得宜, 不說, 真看不出店子已經開業了超過兩年。餐單上的選擇不是很多, 多為串燒小食, 都是一些適合下酒的食物。 奉送的小食, 她們說是おでん 海鰻骨HK$48 +10% 紫蘇葉芝士天婦羅 HK$48 +10% 牛舌 HK$48 | 黑豚腩肉 HK$

今晚生日飯，朋友想食下串燒飲下啤酒，結果就選擇左灣仔呢間串燒店鋪頭唔算太大，我哋一行八人可以坐一間房，感覺幾私隱度高全晚食咗好多唔同嘅串燒，我最鍾意既係燒鱈魚干同雞泡魚干，好香濃嘅魚味，燒得好乾身但加埋 d 燒汁感覺好 juicy另外燒雞翼，燒豚肉串都燒得好好，雞翼燒完鎖住肉汁，所以好 juicy，另外燒豚肉串亦燒得好入味，加埋調味粉送啤酒一流比較覺得普通嘅係個叉燒包，份量比較少，叉燒亦唔算太特別，可能叉燒都係燒味咁整會好食 D，但加埋個包，感覺冇咁油膩串燒店黎講，呢間價錢算中上，但食物質素相對都算中上，但未至於會令人有食完要再黎食嘅衝動

跟同事來午餐, 她們都叫了串燒套餐, 但我對串燒完全不感興趣, 亦看到其他食客的牛扒看很美味, 便選了網燒牛扒定食。整個套餐包括小沙律, 昆布小食, 麵鼓湯, 白飯, 牛扒及水果。整個餐最主要的是牛扒, 其他真的沒有特別。牛扒算是薄薄的, 但不靭, 塗上醬汁來燒。 醬汁微甜, 另外應該是混了丁點蘿蔔蓉, 醬汁令牛扒超好味 若再多點醬汁, 可以吃兩碗白飯 老實講, 對我來說價錢真的很貴, 一個牛扒餐要$168, 可以足夠我吃三天午餐了

肥柑太轉左工作時間，可以係我Lunch過黎搵我食飯，於是大家就去左灣仔食下日本野，有次行過見到黑灸出面裝潢幾特色，於是就提議去幫襯。由於食午飯時間比較多人,而我又無預先訂位，所以就要係出面等大約5分鐘。順便睇下間餐廳既介紹，發覺佢地出色既係串燒，用信州備長炭去燒，燒出黎既食物特別內外均勻，而且有一陣天然香味。入座時，發覺店面唔大，大約只可以有十檯內，我同柑太就點左炸豬排飯定食同埋燒物定食大家些牙。前菜先上一個凍豆腐同埋沙律，沙律既菜幾嫩同新鮮，無乜雪味，而豆腐配上蘿蔔蓉，淡淡既豆腐味道更顯特出。之後就豬排飯，大大塊豬排竟然畀另一間炸豬排專門店(兩個字既)好食，最近一次幫襯兩個字果間店，發覺D豬排又硬又無汁。呢間反而炸得好好味，豬排新鮮炸起，炸皮極脆，入面豬排嫩滑入口鬆化。白飯底係煲得剛好既珍珠米，而味噌湯既白味噌底好清好易入口，食完油膩既炸野再飲啖湯真係享受。而柑太既燒物定食更加一流左起：冬菇、免治雞肉、雞肉、黑豚、豆腐及露筍冬菇燒得好好，食落仲有汁滴出黎，免治雞肉一般，串燒雞腿肉同黑豚好好食，黑豚肥瘦平均，每啖都食落都覺得自己食緊頂級和牛，雞腿肉既皮好薄，一燒就好脆，搞到平時唔食雞皮

記得首篇食評都是關於這間餐廳，想不到只是數月，服務質素已下降了。首先，我用餐當曰的下午二時許打電話給他們想做booking,點知兩次都飛到一個留言信箱。我亦順理成章留下名字電話及預約時間。最後等到六時許都無人覆我，我只有再打一次。終於有人接電話，但無解釋點解無人回覆我。算了，我想食物好食，朋友開心就夠了。食物水準係ok既，尤其係個$480嘅螺同埋芝士年糕，所有人都鍾意。lamb chop 都好味，不過無論你叫全熟或半熟，出來的應該都變成全熟。有個第一次來的朋友八卦走去chef table, 見到佢咃唔係用炭火燒，就問係咪廚房煮嘅先會用炭火？我哋無再去查究了，因為覺得只要食物質素高，點煮都無大問題。小朋友就特別喜歡個豆腐同埋隻半生熟蛋，因為後者可以跟麵包一齊食。整體而言，我還是會繼續支持，Aburi,但希望你們要跟進啲訂抬服務以免得失客人。

來吃Aburi至少5次以上啦！每次都有不同的驚喜等著我！所以只要想吃yakitori 一定是到黑炙！雖然價格較高些，但我一直相信一分錢一分貨，尤其是Aburi 挑選的食材讓我更加放心，小朋友也吃的健康開心！很難得有一間不管是朋友聚會或是公司聚會抑或是家庭聚餐都會想來的店！不僅自己吃得舒服且招待朋友也很有面子呢～

夏日炎炎，實在不願意也沒有精力在街上溜漣找地方吃飯，只想儘快找個舒適的地方鑽入去享受空調。路經這間小店，門面的裝修甚為低調，而且帶點神秘感，再加上主打日式串燒，極之適合B女喜愛香口肉類的口味，馬上鑽入去。本來店主說大部分已經訂枱，但由於時間尚早，只是晚上六點多，未到晚飯高峰期，仍然有一張四人枱，剛好容納我們一家三口。店子面積真的很細，只有一張容納五六人左右的吧檯，以及幾張四人枱，及一間私人包廂。吧枱的一角放了一個小小的魚缸，內裡養了十數隻南非鮑魚，正是當日的特色推介海鮮，好像要90多元一隻；另一角則用竹筲箕放置了一些尚未燒熟的蔬菜類串燒。當然，其他肉類串燒不會暴露在空氣之中，絕不衛生嘛！店舖面積雖小，但裝修的風格非常有特色，牆壁及天花均利用水喉銅管及水管閘掣的開關圓環作為裝飾材料，再加上昏暗帶黄的燈光，真的很有氣氛。根據餐牌說明，店子的串燒全部採用竹炭鹽，所以這裡的串燒基本上只有鹽燒，沒有汁燒。事實上，日本國內的高級串燒店都以鹽燒為主，而且鹽燒也適合我們的口味；汁燒帶甜，並不是我們的那杯茶；所以即使只有鹽燒也沒有所謂。所謂竹炭鹽，乃是採用含有豐富礦物質的日本深層海鹽，放進生長三年以上的

I like dining out with friends and trying different types of cuisines.  But very rarely would I write any commentary about the places I have visited. At most I would share them on some social media platforms. Friends of mine keep asking me where I have been after seeing all the lovely photos that I have posted so eventually I have decided to do all a favour. I am a very picky person and I don't like wasting time earing junk as it comsumes my time to sit down and eat and swallow the food. So I li

由於為食美人Z的推介，smart bunny 這天到黑炙吃午餐。與Z一樣選了串燒午餐B,看來是最豐富的選擇。頭盤是薯仔沙律，還不錯。串燒是一次過上的（牛柳除外），可幸串燒還算熱的，最怕一大批燒好才上的串燒，温温不夠熱簡直是糟撻了串燒。牛柳及雞翼非常美味，冬菇走驚喜，很難弄得好，這裡的不錯。要一彈是這裡播放的音樂，像跳線般，那麼前衞，還是在夜店播放比較適合。

夜晚去灣仔吟彩提早慶生食蟹宴，lunch都要食好啲先不負Happy Friday嘅定義！最近backdate寫番之前啲食肆，去到備長食串燒，於是今個星期响區內試咗間新店鳥居。今日繼續搵香口嘢，索性全日跨區，去咗鄰區嘅黑炙。要咗燒物定食B。由於店方選用竹碳鹽，所有食材燒完上枱都仍可看到淡淡的灰點印。沙律－切粒青瓜配以麵豉，清爽鹹香🌿銀鱈魚－軟彈肥滑而非一般嘅腍削，魚皮吸埋醬汁甜美，同鉄人鮨花整嘅一樣係最好🐟豚肉露荀卷－露荀嫩口無渣多汁，肥膏薄薄依附露荀，有少少油脂香，個人認為多番少少肉會更香🐖車厘茄－酸甜爆汁，夾雜其他肉食減低滯膩感🍅冬菇－燒得略乾，但加上燒汁同吃不錯，調味適中冇過鹹🍄雞翼－皮脆肉嫩滑多汁，邊位少少焦香夠脆🐤安格斯牛柳－軟腍重牛味，店方拿捏生熟度準成冇令肉過熟過韌。有一嚿黐住少少肥膏好香牛油味🍖蕃薯－紅皮黃心，蕃薯味濃，纖維細密幼滑軟腍，食完唔覺滯🍠白飯－食落有種稻米略焦嘅香甜，軟硬適中，除咗蟹一嘅鮮甜美白飯，呢度嘅係我食過咁多間店最好🍚麵豉湯－香䓤味四溢但麵豉味稍淡，整體不錯🍲咖啡－甘香夠濃度夠熱，隻杯外表cyber metallic，好薄輕身但保溫不錯又唔辣手。茶－選

星期五晚即興想食串燒，即刻上 openrice search 一下灣仔有冇好推介，看看圖片同價錢幾吸引，便試下walk in 有沒有位。去到幸好有枱，之後進來的客人大都預早booking 的。門面店內裝修高雅，金色加黑色卻出奇舒服，睇睇 facebook 原來這設計還得獎的。這晚因不太餓，所以只點了幾款串燒牛舌 － 彈牙紫蘇免治雞肉捧 － 加了紫蘇葉多了一重香味帶子釀雞翼 － 很花心機的一道菜白鱔 － 口感味道一流，皮脆肉彈豚肉露荀卷 － 這道菜又是傑作，豚肉包在外面像薄膜一樣，吃到肉香但絕不油加上冰凍啤酒絕配驚喜還有這裡的總廚十分友善，傾談中看到她對食材及食品的要求和堅持。

宜家食飯最想就係坐得舒舒服服，可以慢慢食，邊食邊傾。早幾日又發掘到新聚腳點，都真係幾唔錯，食物都好食，主要食串燒，仲有啤酒飲，係傾計既好地方我地3個女仔，都想輕食，所以都係叫左幾款串燒試下。侍應推介必食鵪鶉蛋串燒，同帶子雞翼，另外我地仲叫左豚肉露筍、免治雞肉棒 & 銀鱈魚鵪鶉蛋係流心的，超驚喜，唔怪之得大家都推介帶子雞翼係我最鍾意，因為mix左我最愛既食物，雞翼又滑，外皮好脆，包住半熟帶子，好鮮甜，我推介呢個!!!豚肉露筍係薄切豚肉包住露筍，露筍好fresh，咬落去爽脆多汁免治雞肉棒香，點埋個生蛋黃一齊食，perfect match銀鱈魚就好甜，好稔臨尾仲叫左個柚子雪葩，酸酸甜甜，超冰凍~我地仲一人叫左杯麒麟生啤，可以一邊食，一邊嘆啤酒，仲可以傾計，一個開心既晚上其實串燒既選擇係多既，但如果想食其他熱食之類就唔多，更加無刺身壽司嗰啲另外個冷氣都真係幾凍，建議都係帶定件外套仲有嗰度位唔多，一定要book!!!

昨夜一心到MIRA MOON跟同事HH 及試一試TAPAS, 誰知遇著餐廳的龍蝦周...只獨沽一味供應龍蝦菜單...還好有KETTLE薯片充飢, 淺嘗一杯就閃人. 記得之前走過一間門面設計特別又帶點神秘的日式店子, 就進去看看餐牌, 發現原來主打串燒~正好配合3個女生夜間輕食的原則~ 值得一提的是, 店子用竹炭燒製串燒, 所以店名為'黑灸'串燒好味道, 另外點了稻庭烏冬都不錯, 鹽燒鯖魚就不過不失~ 店員服務都很細心喔, 餐後送上寫有'黑'字的黑白色薄荷糖~ 可愛~因為是次只是輕食, 所以價錢不太貴, 送啤酒之選 

同Friend食飯，上網搵到呢間居酒屋，見佢facebook啲相都幾吸引，就試下，都真係幾ok!!我地三個人，叫左好多野食，我地最鍾意既係溏心鵪鶉蛋，佢真係粒粒都流心，個醬汁都好好味!!另外推介既帶子釀雞翼都係無得輸，帶子鮮味十足，配埋去骨既雞翼，啖啖肉，外脆內嫰仲有免冶雞肉棒都好好食!! 雞肉棒配埋蛋黃，又特別，又好食我地仲試左羊扖，份量十足，味道不錯銀鱈魚都好好食，好嫰滑鮮甜，我地揀左鹽燒，鹽味岩岩好，佐啤酒一流，但份量偏少，只夠一人食只可惜無dinner set，同埋呢度啲冷氣都幾大

上星期同爸爸去預祝父親節，真心覺得做得幾好，值得補番篇食評。黑炙個門口位幾型，感覺幾貴格。座位不算多，8點鍾人滿滿，好彩有訂枱。首先叫左水雲菜同雞泡魚乾，用黎”送” 啤酒一流。之後叫左吉列廣島蠔。粉薄，大隻又多汁，滿意!串燒方面，重點推介帶子、牛脊、粟米同帶子釀雞翼!!帶子最好食! 燒到表面岩岩熟，內裡半生熟，好鮮甜~牛舌每次食串燒必點，牛脊啲肉好嫰，唔會韌，兩款都有質素。粟米超甜! 唔通係日本超甜粟?!個人就鍾意食帶子，帶子和雞翼的砲搭則是第一次食! 好特別!! 雞翼同帶子好夾!! 無骨雞翼，啖啖肉!! 正爸爸就堅持叫銀杏，佢話”送”酒一流，不過個人對白果興趣不大。每張枱仲有個竹籤筒畀你放竹籤，睇下我地食左幾多~10分滿分我畀8分，的確係一個同朋友摸杯底食好野既好地方!