黑蒜 (太古廣場) (已結業)

金鐘PP3原來呢個位開左新舖，叫黑蒜！之前有認識黑蒜，係一個好健康嘅食物，終於有餐廳將黑蒜發揚光大！？呢度午餐餐盒有幾款食物可以揀，不過今日遲左放飯，黎到已經魚同肉碎，既然係咁就揀左呢兩款！呢度用嘅係健康紅米飯，仲有適量菠菜。主食方面，魚係健康嘅脂肪含量，未至於係超嫩身，但又絕對唔係鞋口，調味係芝麻同鹽。至於肉碎亦唔算多脂肪，同時又幾有肉味。整體感覺健康。黑蒜呢個元素就係一款豚肉嘅汁度，可惜今日賣曬。另外仲有Black Garlic Latte，係落左黑蒜甜漿嘅奶，應該幾特別，不過今日就試左Flat White，係nutty嘅咖啡，聞落超香，飲落醒神🥰。另外呢度仲有Cookies同其他飲品，下次再試。

出嚟灣仔做野經過太古廣場，打唔成風又落大雨，一於買個Lunch返公司食，見到地庫呢間店嘅菜式主打Home Made, 都想試一試。飯類有幾款不同選擇👇🏻🐟「陳皮豆醬蒸魚」一打開好香呀，原條魚肉無骨，肉質都好滑，啖啖肉。陳皮豆醬好惹味，辣辣地😋🍱飯裡面加入紅米．黑芝麻．白芝麻，好香口。配埋兩粒巨型魚蛋🍡，爽口又彈牙。大大盒，份量都唔少。店舖乾淨衛生，仲有其他飲品同包點。確係外賣唔錯嘅選擇👍🏻

金鐘最近新開左賣有營午餐嘅外賣店，佢主打嘅飯都係以家常便飯為主，食得出面重口味嘅野多真係想食返啲簡單又健康嘅午餐佢午餐嘅選擇以中式小茶為主，去到嘅時侯店員話其得返一個蒸魚可以揀，其他都賣晒，估唔到咁受歡迎，店員都表示好唔好意思，仲幫我將佢仲有嘅素滷肉加埋落個飯度比我，認真唔話得佢跟餐可以加錢加奶茶或者其他飲品，見紫荊奶茶好少見，所以加錢試下個飯有陳皮豆醬蒸魚同香菇素滷肉，雜穀飯，飯素同車厘茄，成個飯嘅份量好大，兩個女仔share食都得魚肉完全無骨，肉質都算嫩滑，陳皮味唔會好濃烈，平時唔多食陳皮嘅我都接受到。素滷肉滷得好入味又唔會好鹹，佢嘅質感有啲似烤麩，好啱撈飯紫荊奶茶第一次飲到紫荊花嘅味都幾得意，奶茶都高質，茶底香濃，同奶嘅比例啱啱好，又唔會太甜，如果可順滑啲就更好

呢排無飯帶，日日lunch諗食啲咩都諗到頭痛😵茶餐廳太油膩，沙律食得多又寡，所以呢日就試咗呢間位於金鐘嘅外賣店～呢間外賣店主打住家飯菜，一個便當已經有齊曬肉、菜、飯，營養滿分，而且俾一般嘅三餸飯無咁油膩，所以就算係貪靚嘅OL都啱食！黑蒜牛肋條便當+追加陳皮豆醬蒸魚及咖喱大魚蛋（$80+$18）便當本身跟一款小菜，有肉、海鮮、素食選擇，每日都會轉menu，所以食多幾日都唔怕悶！今次揀咗招牌黑蒜牛肋條，仲加錢追加咗陳皮豆醬蒸魚同咖哩大魚蛋。牛肋條好入味，而且炆得好腍，份量都俾得幾多，好食！陳皮豆醬蒸魚都幾好食，魚肉唔會腥，加咗陳皮同豆醬所以更加惹味～咖喱魚蛋大大粒，爽口彈牙，咖哩汁香得黎唔會太辣😆味道唔錯！另外便當仲跟糙米飯同自家製飯素、有機青菜、無味精嘅老火湯或者飲品，非常豐富，而且比較健康，啱曬注重養生嘅上班一族！

成日經過見到都冇幫襯過，今日就同朋友試下☺️。我哋嗌左兩個飯，每個Set包括有一個自選餸、有菜、有糙米紅米飯、老火湯或飲品。店員好好，嗌餸時會問洗唔洗少飯😌。我幾鍾意個飯盒係紙造，環保呀嘛。泰式豬頸肉 $80有別於平時食嘅泰式豬頸肉，平時食嘅多數係切到一片片，然後燒到好香油香味😆。相反依到係一舊舊豬頸肉。個醬汁好似咕嚕肉咁，有好多洋蔥同埋菠蘿，我好鍾意，送飯一流😍！個飯係紅米飯再加左啲穀物，超級健康嘅，所以我覺得係openrice見到呢間餐廳mark左自己係快餐店有啲怪🤣，明明啲野食咁健康。黑蒜清湯牛肋條 $80+$10牛肋條唔似係港式嗰啲煮到淋晒既，相反依隻係有少少咬口，咬得來絕對唔會韌😛。呢個餸要額外加$10嘅，值得加！好好食好入味，用埋啲汁嚟撈飯絕對一流🥰。嗰兩粒魚蛋係額外加嘅，$18有2粒，以依個地段黎講都算正常價錢，出乎意料既好食😂。如果用以上既餸去排好味程度 牛肋條>魚蛋>豬頸肉每個餐都跟湯或飲品，我地揀左一杯豆漿，豆腐一杯好飲冇乜特別評語😂。個湯嘅料好足，湯裏面有蓮藕、薯仔、紅蘿蔔等等，全部湯底都食得嘅🤤。埋單$196（無加一）

尋日放假約咗friend去灣仔書展，中午諗住同佢嚟到金鐘太古廣場呢邊搵嘢食，見到呢間新開嘅外賣店好似幾吸引，就嚟幫襯下～佢主打台灣菜同泰國菜嘅外賣，午市套餐只需$80 ，包嘢飲，唔錯糖醋肉飯一大盒飯🍱係有機紅米飯，感覺好健康～仲有好多舊糖醋豬肉，大大嚿，調味幾香，咬落幾有口感，煙煙韌韌，仲會有兩大粒魚蛋，好似長洲魚蛋咁，幾彈牙，而且有幾多蔬菜🥬係一個健康嘅午餐～仲包左一大杯凍奶茶🥤幾香滑，甜甜地，奶茶味幾濃郁～瑞士汁無骨雞髀有好大隻雞髀🍗好香嘅滷水汁，肉質幾滑，食落啖啖肉，同樣係紅米飯，仲有兩大粒魚蛋同唔同嘅蔬菜🥬配左無糖豆漿，真係冇糖喺入面，豆漿味好濃郁

今日接寶貝女放學, 係太古三期見到有新店黑蒜, 主打用有機食材做創意亞洲菜, 又幾吸引下。外賣坐太古露天花園, 嚟個悠閒午餐都唔錯丫！黑蒜清湯牛肋骨清湯牛肋骨喺呢度嘅招牌菜, 脂肪較少唔油膩, 炆煮得淋身入味, 入口即化。雜穀飯好似紅米飯, 較腍身軟熟易入口。加入黑白芝麻、紫菜絲和飯素, 香口惹味, 帶有清淡嘅肉骨茶藥膳味道！陳皮豆醬蒸魚陳皮配豆瓣蒸魚無腥味, 仲散發發淡淡豆豉清香, 鹹鹹地唔會搶走魚嘅鮮味, 魚柳無骨啖啖肉, 大人細路都啱食！配餐可揀飲品和自家湯水, 紫荊奶茶幾吸引, 但早餐飲咗咖啡, 留待下次再試。自家湯今日就係紅蘿蔔瘦肉, 無味精健康滋潤暖胃, 好有住家feel！

係金鐘PP3附近見客，所以諗住快食買外賣，見到間餐廳名稱叫黑蒜幾特別，D野食又算唔錯，所以叫左黎試下!佢地全外賣無得堂食，裝潢都幾簡潔光猛，同埋係走中式路線，食物方面亦好味，讚讚讚!飯係健康糙米，配送方面都幾多選擇，豬、牛、雞、魚、菜都有，梗有一款O岩口味。我同同事各人都叫左D，我果款叫左牛肋條、咖哩魚蛋、冬菇娃娃菜同蒸龍利柳，另外仲有當日時菜提供。而我同事就叫左甜酸豬頸肉、咖哩魚蛋、素齋菜，當然又係有時菜提供啦~估唔到幾款配送都幾好味，我覺得外賣黎講算高質。個LUNCH SET仲包一杯食品，可以揀湯或者豆漿添!呢餐食得健康又方便，如果有得堂食一定好爆呢~

套餐中住家湯味道好奇怪 酸酸的像壞了 套餐的住家湯味道好幾次都有點酸酸的 可以說一下用了什麼原料嗎 味道真的好奇怪 不敢喝了 但菜和飯都還不錯 下次只能不點住家湯了 希望有改進

想同大家分享一下佢地既cookiessss😳 黑蒜一共提供3款曲奇嘅選擇俾大家，分別係：Earl Grey（$38）、Peanut Butter Filled（$45）、Sea Salt Chocolate Lava（$45）⚠️警告⚠️ 如果自問唔係真·朱古力控千萬唔好輕易嘗試🤭呢塊朱古力曲奇我真係用間尺度過，佢足足有成3.5 cm厚！呢塊Sea Salt Chocolate Lava屬於軟身既曲奇，中間仲會有朱古力流心作為餡料🍪 相信大家都見到朱古力曲奇上面大大粒嘅海鹽，佢地的確為濃郁朱古力嘅甜味起到中和既作用🤔我晏晝真係食完呢塊曲奇之後就食唔落午餐😂希望下次可以挑戰下佢地Earl Grey嘅軟曲奇🤤

.I am a vegetarian so it is hard for me to find a good place to buy food from but I was fortunate enough to come across the black garlic shop one day. They have a great selection of vegetarian options. They also serve it with a healthy multi grain rice and organic fresh vegetable and because I am working in Pacific place they gave me a option of free soup or free drink of a day because of the promotion they have been doing. A must try if you are in admiralty.

約咗人係星街開會，經過PP3見到新開咗間餐廳仔，有早餐賣，即刻入去望望有咩食。由於趕時間，有啲擔心會等好耐，又怕食唔切，打算睇吓方唔方便先決定買唔買，定係去另一間食個快早餐。佢哋有中式早餐，有我最鍾意食嘅混醬腸粉，又有魚蓉燒賣，選擇困難症又發作⋯⋯好彩個Staff同我講可以兩樣都要！仲要跟餐有豆漿！開心仔！

午餐時間，想在附近買外賣聽說黑蒜的賣點是營養餐，而且送飲品，於是一試我好怕太油膩的菜汁最後，決定試吓這個娘惹咖哩雞飯+紫荊奶茶是驚喜首先，外賣都整得咁精緻，絕不馬虎沒有太多汁，沒有很膩的感覺。雞塊已經去皮蔬菜已經切到可入口的大小，而且加上杞子和杏仁片煮，健康感提升。看看這個飯底是糙米飯！而且加了飯素！放心，不是很重味，很多味精那種，是淡淡的紫菜芝麻味至於紫荊奶茶，原來名字的由來是因為茶底用上紫荊茶！未試過呢少少甜，奶味不會太重，太膩。重點是茶味好突出！好飲！整體來說，非常好如果個飯再熱啲就更好了

I met my old colleagues for lunch. Passing by pp3, I was attracted by a restaurant. The name is Black Garlic. The restaurant offers different dishes, focusing on the taste of home. The manager recommended signature BG beef. The beef ribs with black garlic are very fragrant and sweet, and the meat is soft. My colleague ordered a Green curry snapper and Thai Pork neck. The fish quality and taste are good. Pork neck with our own spicy lime sauce, great!

成日經過也未幫襯過，今日決定試吓 ，叫了黑蒜牛肋條跟飯、菜心苗及湯，今日是南瓜湯，牛肋條不韌，入味，用嚟送飯不錯，伴菜有舊大蕃茄，好甜好juicy，湯不會太杰，用料充足，整體幾好味，份量充足，但比較貴，合共要$90.