黑鉄屋 (已結業)

入秋啦 食拉麵啦 😙.隱, 黑, 金, 銅兵衛，全部都係叉燒拉麵, 有溏心蛋：溏心蛋流心程度佳區別在湯底有雞骨或豚骨, 和有辣醬醬油與否豚骨湯底不走濃厚路線, 飲落自然舒服得多, 但不夠熱每碗有兩片厚薄適中的叉燒, 輕輕烤過後色澤誘人 香氣十足豬皮位置略帶煙韌, 瘦肉部分則好腍麵身偏幼, 掛湯能力一般, 可選硬度今次試既係硬同適中, 硬既更為爽滑, 適中掛湯能力多點**燒物最愛帆立貝*餐牌有日文亦有中文, 唔會睇唔明*有機會去試下d 飯先

難得今日周六同朋友聚會，大家想食日本拉麵，於是決定去黑鐵屋試下我同fd叫左兩款拉麵，一款係黑兵衛，另一款係赤兵衛，味道唔錯！黑兵衛湯底比較清，有木魚係湯麵上，仲有兩片叉燒和紫菜，賣相不錯，而且紫菜上還印有黑鐵屋的圖案我最欣賞糖心蛋，幾好味呀！赤兵衛味道比較辣，但係都好味，可以試試！呢間店既服務唔錯，我同朋友食得好開心

Went here for lunch with a colleague and the place was actually empty. The exterior decor made it seem like a pretty legit Japanese restaurant but I was rather disappointed. I ordered a pork based broth ramen and was quite disappointed with the taste. The soup base wasn't flavourful enough and the noodles were just average. I don't think it was worth it for that price and you can probably get better ramen elsewhere with that price.

一直以來都覺得好的拉麵，可遇不可求！濃郁香醇湯底、軟硬適中的麵條，和豐厚紮實的肉，缺一不可！所以，能打進我覺得好吃的拉麵店不多。這天午飯時間，原本想吃的餐廳已滿座，便臨時改為到旁邊的這間日式小店-黑鉄屋進餐。我點了豬軟骨拉麵套餐（$98），餐廳包括一份小食、主食、和汽水。慣例，吃拉麵我先喝一口湯的精華；湯底沒有一般應有的濃郁，顯得過分清淡；麵條硬度剛好；豬軟骨軟身醬料入味，不錯；雞蛋不是流心而且偏鹹。吃到一半，發現麵條黏在一起，應該是還沒有煮得熟透。幸好，向店員反映以後，立刻安排換了一碗，服務非常好。拉麵味道一般，在我心目中還未達至好吃的水平，可是店員服務態度良好，換回印象。

實在諗唔到食咩就同同事行左嚟呢頭揾野食，見咁啱有位唔洗等就入去try try lar. 午市套餐98蚊，包當日小食，主食同野飲。小食係汁煮蘿蔔，幾淋身，入味嘅！主食揀左赤衛兵，係麵豉湯底，有粟米，叉燒咁。湯偏咸，飲左2啖要即刻吹左成杯水麵就煮得適中，亦幾彈牙！叉燒半肥瘦，好軟身，幾唔錯。另外一讚，粟米好甜，成碗麵入面最好食嘅配菜同事叫左豬軟骨嘅，湯底反而較淡味麵亦有d冇煮開，不過反映之後就換左一碗，服務算幾好

啱啱食完lunch，食咗一份金兵衛，一份黑兵衛，份量太少唔夠飽，蛋整隻上無切開，湯唔夠熱，雖然义燒夠軟糯，但食物整體實在令人不滿意，不會再幫襯。其實環境很好，坐得舒服，地方又整潔，但食物方面真的需要改善，大廚應當多參考別的鋪頭再改進。

The pork ramen is good here. Hearty servings, and the chasu is sweetly grilled to a state you'll crave for more. The noodles are also fine and extra firm. I was charged an extra 6HKD, perhaps it was the appetizer they placed right after I sat, but I thought it was complementary.

從open rice看到介紹而來。星期五晚，大概七點半，餐廳坐了一半人，不用等位真好。餐點來之前店家奉上前菜三款：微辣的芽菜、潰物(海帶、菌類)、小魚乾；以及涼麥茶享用。我先點了：醬油豚過湯底，濃郁！豬軟骨很入味，點點咽韌口感，但肉又入口即化，超好味！麵身較幼，可選硬身、普通或軟身。再來是：主角炭火叉燒味道濃，五花肉肥瘦比例很好，也是入口即化，推介！加了醬油的珍珠米飯為舌頭解膩，份量適宜；切開了一半的流心蛋為此菜畫龍點睛。蒲燒鰻魚似乎是此店人氣，但兩個胃食不下太多，唯有點一串過過癮⋯⋯ 鰻魚燒得剛好，外面不會太乾，好吃。另外我們還點了42元6件的餃子，但味道只屬一般，未有拍下照。店的氣氛不錯，我們二人坐靠收銀台的一邊，適合聊天，店員也不會趕走，還殷勤地加麥茶；唯一不足是座位較大冷氣。

晒完太陽想要個輕食。記得上次行灣仔揾野食既時候見過呢間，於是今日過黎。七點幾到，俾左張四人枱我地（雖然我地得兩個人）但因為我地食壽喜燒，所以就可以坐得鬆動d。見其他客都食拉面。但今日想食壽喜燒，所以拉面就等下次啦。湯底唔係平常甜甜地既，而係雞湯或者辣豚肉湯。分量唔算細有兩隻雞蛋、一個烏冬、兩隻大蝦、兩隻帶子、兩隻生蠔、一籃野菜、一碟肥牛，我再加左豆付！開爐既時候，伙記好細心幫手睇火，全程都不停幫我地加茶。唔知點食兩隻蛋，佢好細心話俾我地知食既次序。由於餐廳有燒烤，食緊大蝦果陣先問佢地如果我地隻蝦想烤唔知得唔得！伙記話係可以安排既。咁下次就要試下喇，因為隻蝦有膏又大隻，打邊爐好似浪費左d 囉。雞湯食壽喜燒令平時唔太食豉油既我係咁用蔥去加調味。唯一感覺差小小既地方。

黎到灣仔上openrice搵野食，誤打誤撞來到這裡俾佢出面張鰻魚飯相吸引了。上桌時，都認唔住嘩一聲喔！鰻魚肥美，但飯就不夠熱，有些飯好似冷冷的 （心諗唔通d飯係冷飯番叮？？）所以我地叫左佢再番熱一下。拉面就普普通通冇乜特別，叉燒比較肥，紫菜林林地，但特別一讚係個糖水蛋好好味！！Surprised另外再叫左2款串燒(冇影相😝) , 但價錢貴喔，差不多成$50 1串，得幾舊～ Short Rib 就幾juicy, 牛舌就太乾，唔好食

接近一時的午膳時間，各大食肆都擠滿了人潮。我們當機立斷，走進了這間紅紅燈籠高高掛的黑鐵屋。午市套餐包括當日小食、主食和飲料 (HKD98)同事選擇了赤兵衞，我則選擇了日式海鮮冷麵。日式海鮮冷麵賣相不俗，色彩繽紛，排列整齊，感覺清爽不油膩。印象中上一次來吃的冷麵比較軟稔的；今天的冷麵，用上了拉麵的麵條，煮得偏硬了一點。元貝和蝦是雖然用上急凍雪藏的，但經過處理，雪味被徹底去掉，蝦肉亦爽口。然而，沒有經過任何調味，元貝和蝦均淡而無味。總結，人家是拉麵店，下次還是點拉麵吧！

個日響灣仔行下行下見到呢間拉麵無咩人就入左去，睇落唔錯。呢度仲有鰻魚飯食，下次可以試下。叫左一人一碗拉麵，金兵衛同赤兵衛。我既係赤兵衛，有少少柚子味咁，其實兩碗既湯底個味都有啲奇怪，但其實最好食既係叉燒，一碗有兩塊，超級厚，差唔多係入口即溶，好好味，係我食過最好味既叉燒。

🗓1月6約舊同事食飯 一個中環返工 一個銅鑼灣 所以就灣仔 大家中間甘 約係修頓等 我先到 就去搵野食先 行行下又去返平時上畫畫堂會經過個條大王東街 重入左鸚鵡店睇左陣 🤣🤣 提外話 D鸚鵡真係好可愛🤣🤣🤣Anyway 同事唔想食西餐又唔想食越南 So 就一於日本拉麵 ☝🏻☝🏻12:30前重好多位 近一點就full 哂 好在尼得早 唔駛等我個拉麵就冇乜驚喜 正常水準同事個鰻🐟飯賣相好好 我冇問佢好唔好食 不過佢食到清哂 應該唔會差

晚飯唔知想食咩，就開openrice search下附近有咩食。見到li間食拉麵嘅有咁多個like,應該唔會差得去邊，去到門口見入面得兩三枱，再睇佢門口餐牌又好似唔對路，(好怕拉麵鋪除咗拉麵會賣其它嘢，又飯，又sukiyaki)本來想走，但係有個伙計出嚟叫我入去試下。我就即管試下。一坐低俾碟前菜我，我一望好似俾人食剩咁款，心諗不如唔好送啦，叫咗一碗麵同煎餃子，麵一般啦，湯唔夠熱先擺命。餃子偏淡同埋又係唔夠熱。心諗又一次證明多like未必好，叫賣單一睇，碟所謂前菜居然收錢，我真係食咁多拉麵未見過有人會收前菜錢。生意難做都唔係咁搵錢。

話說上個星期五同女朋友去左星街🌟既聖誕市集，之後又巧遇朋友，因為大家係市集都唔太飽，所以就決定去食拉麵做我地既晚餐，之前食過「黑龍」，我個人就幾鍾意既😌所以今次就諗住試下另一間，「黑鐵屋」，依間拉麵係我朋友個排行榜，排三田製麵屋之前，個人應為三田製麵幾好食🙂所以對佢都有少少期望，但我同朋友一坐低已經發現唔對路🙄點解隔離枱全部都唔係食拉麵😂個個喺度食緊壽喜燒🙃已經心知不妙，不過既然都坐低左，所以就硬着頭皮都要叫，果然中伏都痴線🌚🌚🌚🌚隱兵衛-HKD88$碗麵一上枱嘅時候，望到個湯底都知大獲，咁稀既🙃飲落同水真係差唔多，分分鐘味千個湯底都好過佢🤔算！我明明叫個面嘅硬度係「硬」，硬條毛！條條麵食落都脹晒，我真係俾佢吹到脹晒🌚我影相都唔係影咗好耐姐，最多3分鐘，整體上成個野都唔係好熱，啲叉燒絲京蔥，啲叉燒我唔知消失左去邊🤔加埋都唔知有冇食到三粒😡唯一叫有啲可取嘅係隻蛋囉！係流心囉！其他嘢真係垃圾！得罪啲講句不如你地直接轉做壽喜燒店把啦！分分鐘可能仲賺錢🤑🤑