點姐泰菜

營業中

休息中

呢間泰國菜餐廳令我整個味蕾都活躍起來！首先，個冬陰公啊，湯底夠晒鮮味，辣得嚟又唔會過火，仲有隻蝦咁豪邁，咬落去蝦肉爽口得嚟又甜，簡直係正到不得了！轉頭食埋隻生蝦，呢下清新走一轉，生蝦肉質鮮嫩，又彈牙，真係食到停唔到口。再嚟就係個燒烏頭，又大份又欖㗎，肉質又鮮，一啲泥味都探唔到，完美！當然，最掂嘅就係要提提大家，你問啱時間去，可能仲有機會食到佢哋嗰香甜芒果糯米飯，但係我今次就未夠薑，未食到😂。見人見事嘅服務態度，真係使到人心情又好，食得又開心。無論係想揾個地方滿足吓泰國菜嘅慾望，定係想嚟個開胃小食，都實話呢度值得bookmark！下次我一定要預早少少，挑戰下佢哋其他嘅招牌菜！👍🏽🌶️🔥

點姐泰國菜, 我以前細個住附近有幫襯開!!但係因為搬走左好多年, 就無再食過喇!!不過今日同肥妹仔行經觀塘所以黎試下!!以前點姐得一間鋪, 多數做外賣, 堂食好少枱!!而家隔離多左間鋪, 可以容納更加多D食客!!泰式小食拼盤, 正!! 70幾蚊咁多野食!!尤其蝦餅同魚餅都好出色!!豬頸肉沙律, D豬頸肉多到成碟都係!!調味好開胃, 酸酸辣辣, 仲有花生碎吊味!!成件事好夏日!! 好爽!!蟹肉炒飯, 其實無乜蟹肉,不過有鑊氣搭夠, 加埋個價錢咁抵!!咁都OK既!! 抵食!!碟菜用馬拉盞炒好夠鑊氣!!條條菜都好爽脆, 正!!泰式凍奶菜, 味道OK, 似足泰國手標菜!!不過冰多左少少, 飲兩啖就無晒...整體黎講, 性價比好高, 經過會再幫襯, 好抵食!!不過最好早少少黎, 6點鐘最好!! 人少D上菜快D!!

點姐泰菜 - 抵食高質隱世泰菜🇹🇭呢間泰國菜隱藏於屋邨商場，位置比較難搵，但味道絕對正宗又抵食😋 不過環境就麻麻啦，因為係屋邨街市樓上🙈串燒 (豬，牛，雞) $37串燒啲肉都醃得好入味，肉質正常，串燒配嘅沙嗲花生醬係超好食，一定一定要點住黎食☺️燒豬頸肉 $51豬頸肉嘅肉同肥脂比例係8:2，對我呢啲唔多食肥肉嘅人黎講堪稱完美☺️ 仲要燒得岩岩好，有少少焦香👍🏻不過要提一提嘅係呢到嘅燒烤類食物要等得耐少少，因為佢地得一個細size嘅烤爐🙈菠蘿海鮮炒飯 $57炒飯好足料，味道正常，都夠鑊氣。當然係絕對無燒烤類咁有驚喜啦，但都值得一試☺️味道😋：8.5/10價錢💰：9.5/10服務💁🏻‍♂️：7.5/10環境🪑：5/10

在屋村處有一間不起眼既泰國菜 卻十分受街坊歡迎😳——————————————.🔶串燒豬沙嗲 $36/3串(💡7.5/10)豬肉軟腍而且燒得香口沙嗲醬汁惹味 仲有粒粒花生😆——————————————.🔶泰式金邊粉 $44(💡7.5/10)金邊粉的調味恰到好處麵條爽滑 醬汁豐富👍🏻呢個價錢真係好抵食呀😆——————————————.🔶蠔餅 $68 (💡7/10)蠔仔份量十分多！而且粒粒都飽滿肥大😋不過餅底用粉漿而非蛋食落就差少少——————————————.🔶燒豬頸肉 $51 (💡7/10)豬頸肉燒得香口如果可以厚切口感會更好😬——————————————.🔶馬拉盞炒通菜 $53 (💡8/10)泰國菜必叫！夠哂鑊氣同香濃 正🤤🤤——————————————.🔶芒果糯米飯 $30 (💡7.5/10)雖然已經好飽但都要叫個甜品食😜糯米飯口感煙韌配上濃濃既椰漿🤤不過芒果可能當造 唔係好夠甜——————————————整體質素雖然冇辦法同九龍城嗰啲相提並論 但在屋村地方及價錢十分相宜 故仍然推薦比一眾街坊😬

雖然係泰國餐廳但係佢做嘢真係好慢好慢好慢很重要所以要講三次！叫咗個外賣估唔到要等成個半鐘先有不過平心而論佢啲食物質素唔錯嘅我最鍾意食佢嘅冬陰公湯粉，冬陰公味好香但係略嫌椰汁唔夠但係配料非常十足配埋金邊粉亦都叫做不錯👍但我多數都係叫外賣返屋企食因為堂食嘅環境唔太好，而且仲要等好耐

兩個人唔知食乜好，行過翠屏街市發現有間泰國菜就試下啦⋯叫左3個菜分別係1.(豬，牛)串燒共6串2.泰式炒金邊粉3.脆肉炒芥蘭首先，本人明白星期六人會多一點，預了時間等的。 串燒等了20分鐘就到了，心想都算快⋯⋯但點知道炒嘢等左1小時。。。係1小時都未到🤨，打算搵人跟下張單，如果未炒就唔等啦，誰不知仲有一張單先到我張枱，咁咪等囉⋯⋯個老闆娘竟然叫唔好追張單😤😤谷氣。最後等多半個小時，兩個炒菜終於都到齊了⋯⋯

上openrice搵有咩泰菜喺觀塘係好食又抵食， 就搵到呢一間喺翠屏街市就去諗住試下， 都算有驚喜， 叫咗一個椰子雞湯， 仲有一個泰式炒河粉， 椰子雞湯53蚊， 香茅味好重， 有個小傑爐好夠誠意 但係椰汁略欠， 泰式炒河粉係即炒， 夠熱， 不過就好似落多咗茄汁， 辣味唔夠， 仲叫咗個菠蘿冰，20蚊，有新鮮菠蘿打做碎冰，抵飲 ，地方係難搵咗啲，而且又係街市， 地方有啲似大排檔有啲污糟， 不過店員嘅服務都好好， 唔收加一，價錢實惠， 值得一試

朋友旅行，幫手睇貓，之後落樓食晚餐，呢間之前佢帶我去，可惜遇著休息，今晚去到，街市內兩個舖位，一個廚房，一個座位，桌椅簡陋（不成套桌椅膠櫈）地方殘舊，坐下睇餐牌，叫了兩樣食物，店員姨姨會問清楚辣度！香葉肉碎炒飯（$48）賣相簡單，即炒夠熱，飯炒得鬆，香葉落得唔多（略失色）好在豆角同肉碎都夠，肉碎略嫌大塊，醬油比材料吸晒，好香口惹味！木瓜絲沙律（$44）叫了少辣，份量幾大，賣相不錯，木瓜爽脆，撈嘅汁酸酸辣辣，少辣剛好（對我來說）蕃茄爽口清爽！姨姨店員睇場，我慢慢食無人催促，食飽去廚房嗰邊比錢，無單據！街市中的泰國菜

新開的，第一次試試，環境雖然較簡陋，但算安靜，每道食物色香味全部好有泰國地道風味，，價錢又抵食 好好食真心！一定會再來！絕對在本人泰國餐廳排行榜排頭三位丫！正正扑

今日落街諗住求求其其食個Lunch啦,行下行下就去左呢間點姐度喇!!我揀左個B餐, 黃咖喱雞扒飯...點知個飯黎度, D汁又凍D飯又凍,之後D雞扒唔知點解混入左豬頸肉喎...都無所謂, 最慘係D肉全部炸到好乾好黑...真係好唔開胃, 雖然係$$$26街坊生意,唔應該要求咁多, 但食完都覺得好慘囉!!唉,,, 好失望, 相都唔想幫佢影喇!!

係OPENRICE睇完去試下, 一去到...係無冷氣既舊街市, 是晚氣溫應該無30度啩, 不過都有D熱...既然去到, 無理由唔食架...得鋪入店有超微既冷氣, 而入面得2張台, 其他都坐走廊, 我地都係坐左入面...不過一D都唔涼...叫左生蝦刺生...幾有口感, 但好淡口串燒...都幾好味, 但唔夠香口青木瓜沙律...竟然最後先黎, 仲要唔凍既, 我攞左返屋企雪凍D先食, 不過可能第2日先食, 出晒水, ANYWAY...OK LA泰式濕炒河...以為佢比錯左湯河...不過呢個幾好味香葉海鮮炒飯...呢個都幾香, 好味椰汁沙冰...呢個GOOD呀, 推介~結果老公食到成頭大汗...發現呢間野好奇怪, 好似無做定準備功夫, 所有野都係叫先做, 包括切碼...因為都幾耐先上到, 沙律又唔凍

上次出外工作家訪時見呢度有間隱蔽泰菜館有得賣海南雞飯,上o黎openrice又見有網友話呢度d海南雞飯抵食,決定襯今日提前放工,o黎買一盒俾朋友試o下!雞肉頗多,比出面其他店多兩三件!但質感太稔,亦唔太入味!飯亦唔出色,冇乜雞油香!兜湯最唔掂,似味精溝水!總括o黎講,試一次夠喇!

冬蔭公：size比起其他泰菜食肆既份量大，味道好，香料、配料足，蝦大隻、而蝦肉又好鮮甜，整個烹調配合好好，真係好好味真係幾抵食！生蝦刺身：肥美新鮮。燒烏頭：size巨大，烏頭新鮮冇泥味，肉質嫩。芒果糯米飯中午已售完......服務態度親切

某天朋友說翠屏邨有間泰菜唔錯~我以為屋邨唔會有驚喜..但出乎意料之外...泰式蝦餅仲食左2碟...仲見到由泰籍廚師主理,食物水準完全係想像之上~唯一美中不足既係...啤酒唔夠凍呀~老細..下次唔該俾凍d既我.. ^_^

翠屏村既食肆選擇真係少之又少,往往都去觀塘市中心搵食但自從呢間泰國菜開左之後,平時週末都係度食,費事出觀塘同人迫~呢度既首選推介係:海南雞飯$23 ,d雞夠嫩,又細細件易入口,最特別既係佢d薑蓉汁,有d辣又有d酸,可以送幾碗飯都得另外值得推介既係:生蝦刺身 $58有8隻,d蝦中size,好新鮮加上佢秘制酸辣汁,一流呀! 鍾意食辣既朋友一定要試試仲有泰式炒什菜,嘩,d什菜好甜,正到食晒,一條菜都冇剩個炸軟殼蟹就有少少失望,唔夠脆唔夠熱飲品方面,佢既芒果冰都好正,即叫即整,我見到佢拎住個大大隻既芒果去整,好fresh,不過可能唔係時候,芒果有d酸至於環境,真係唔好奢求咁多,始終係街市入面,只要對眼望住d餸菜,唔好周圍望就會安心好多ga啦PS d伙計好好禮貌,好親切