影片
港鐵太子站 E 出口, 步行約5分鐘
繼續閱讀
營業時間
星期一至日
08:30 - 21:00
以上資料只供參考, 請與餐廳確認詳情
點心宗司❌❌❌完全不推薦❌❌❌我哋11:15左右嗌咗個蒸飯同埋其他點心，當時店員已經表明蒸飯最少等20分鐘，我哋話冇問題，但係到咗11:45眼見同我哋差唔多時間嗌蒸飯嘅人都陸陸續續出晒啲飯...我都到11:50先至問店員：唔該幫我睇睇個蒸飯幾時到？店員當時用差語氣答： 講咗蒸飯要等20分鐘啦！！我答佢：我話我搭3落單，而家等咗兩個20分鐘啦下話跟住企收銀位嗰個阿姐問我：咁你而家仲爭幾多個點心未嚟呀？我話仲爭三個，跟住我聽見佢同廚房講，話我哋張枱仲爭三個點心...因為佢哋啲點心係即叫即蒸，我就即時同佢講話：如果你啲點心而家先蒸嘅話，咁你幫我取消佢，我唔要喇...跟住個阿姐同個店員異口同聲一齊嗌出嚟：啲點心而家咪出緊嚟囉！(真係齊心做事情齊心就事成咁樣）然後個收銀阿姐仲精彩，好大聲喝咗我一句：唔使催下話！吖我真係整你個製吖，我全程都係好好態度問佢，呢一刻我真係要爆，我同佢講：係你哋話20分鐘搞掂，我都差唔多40分鐘先問下你哋幾時有，你哋態度唔使咁差呀，好似我唔啱咁樣！🤬🤬之後就不停聽到收銀阿姐發脾四掟碟掟碗嘅聲音，我唔知佢係咪老闆啦，如果佢係員工，呢間嘢請著咁嘅員工就真係精彩喇，可以掟公司啲碗碗碟碟嚟發洩到最後我出去埋單，我唔知佢係報仇定咩啦，我拎張單出去，佢係望咗張單一眼然後走咗出去問客：你爭啲乜嘢？然後又跑返去廚房同廚房講話出邊邊張枱爭乜嘢爭乜嘢，喂，我埋嚟嘅時候你都企咗喺度，點解你唔係應該收咗我錢，然之後先至出去處理其他事情嘅咩？其實呢間嘢點心質素唔算差，不過員工態度極差，以上係我今日嘅經歷，所以我完全絕對唔推薦大家去，除非大家唔怕等又唔怕俾人鬧
繼續閱讀
喺附近上堂，見就近新開咗間點心就試下啦，估唔到有驚喜，呢日決定再戰！基本上試過嘅蝦類點心都好正，蝦餃同蝦腸入面隻隻靚蝦；鹹水角外脆內糯；蒸排骨又係一個驚喜，真係有骨嘅靚位，唔知係堅揀過定只係咁啱呢；蒸包類算係standard好食啦，暫時未遇到好「嘩」嘅款式；佢哋似乎會定期出新野，呢個大紅袍荔枝都好有趣，我無試，試咗嘅朋友話好食；遲join的朋友叫咗個蒸飯加燉湯set都話好足料；臨尾追加糖水，上次試完核桃露，今次想叫芝麻糊但賣哂，咁就試下杏仁糊，兩次都係好滑好rich😍；懷疑係家庭式經營，服務態度好到唔習慣🤣本來無寫食評嘅習慣，但咁高性價比晚市竟然咁少人，可能因為唔近地鐵？決定撩幾隻字撐一撐！所以剩係臨尾影咗幾張相，下次再影多啲😋
繼續閱讀
由綱上介紹，專程來試一下，這間【點心宗司】，位于太子長沙灣道29號地鋪。店鋪門面玻璃設計，從外可窺視店內環境，里面裝修也算精致簡潔，12點前，店舖幷無顧客，每張枱都間着一塊膠板，我們隨意座下，很擁擠，順手推一推那膠板，但推不動，女服務看見，很不高興説，稍後會有很多顧客不能拿開，她那種態度令我真想即刻離座，因開了茶，就忍着將就留下吧。而另外一名服務員就立即過來抽開膠板，這個動作也化解了我內心一半的不快，欣賞她。可加可减就是這個靈活的動作，令顧客心情愉快才可以做到更多的客源。我們點了四個點心。品茶吃點心也衹不過40分鍾，12點35分我們已離座了，當時衹來了兩枱顧客。當膠板可伸可縮時，那是挺考究對環境處理的靈活性，那怕我們離座前顧客不斷亦可加上膠板，不會失去半個客源，而顧客未到能坐得舒適寬松些回頭客是我們或更多的人。
繼續閱讀
早前網上見到好多人介紹呢間點心舖，今日卒之來試一試佢嘅功夫，講到話叫做點心宗司，諗住一定有啲料到，都冇諗過食到喊咁口😩蝦餃皮十分之厚，仲要餡料好鹹，感覺上唔知係咪落咗好多味精，食完半個鐘之後，口入面有種麻痹的感覺，仲要勁口渴。春卷又係油到阿媽都唔認得，一咬落去成口都係油。燒賣只可以講係中規中矩，食完都唔係好記得。比較上有啲記憶點嘅就係蝦多士，不過都係超級油，總之呢餐就食到喊晒口，絕對唔會再有下次
繼續閱讀
深水埗點心宗司早排見到人哋網誌介紹呢一間點心舖，特登慕名而黎， 嗌咗五個點心，可惜質素不如預期。橙汁卷質感膠膠地，好似芝麻卷同埋啫喱嘅混合體，味道食落好似橙樹化痰素咁， 好artificial。 瑤柱花菇湯餃嘅餃子皮好厚粉，上檯果陣已經浸到林曬。 雖然口感麻麻地，但餃子尚算足料，味道都ok。 牛油果蝦春捲有啲油膩， 咬落去啲油唧曬出嚟 。內裏嘅牛油果餡好少， 食落去冇乜牛油果味。百花蘿蔔糕幾好食， 蝦肉配上蘿蔔糕攞去炸，意外地夾， 可惜一碟只有一嚿，個量真係有啲少。五個點心入面最好食就係合桃包，包身軟熟， 餡呈流質狀，入面伴有合桃碎芝麻， 甜甜地幾好食。五個點心入面有三個點心都唔合格，如果冇改善，大概唔會再次幫襯。
繼續閱讀