點心宗司 (已結業)

點心宗司❌❌❌完全不推薦❌❌❌我哋11:15左右嗌咗個蒸飯同埋其他點心，當時店員已經表明蒸飯最少等20分鐘，我哋話冇問題，但係到咗11:45眼見同我哋差唔多時間嗌蒸飯嘅人都陸陸續續出晒啲飯...我都到11:50先至問店員：唔該幫我睇睇個蒸飯幾時到？店員當時用差語氣答： 講咗蒸飯要等20分鐘啦！！我答佢：我話我搭3落單，而家等咗兩個20分鐘啦下話跟住企收銀位嗰個阿姐問我：咁你而家仲爭幾多個點心未嚟呀？我話仲爭三個，跟住我聽見佢同廚房講，話我哋張枱仲爭三個點心...因為佢哋啲點心係即叫即蒸，我就即時同佢講話：如果你啲點心而家先蒸嘅話，咁你幫我取消佢，我唔要喇...跟住個阿姐同個店員異口同聲一齊嗌出嚟：啲點心而家咪出緊嚟囉！(真係齊心做事情齊心就事成咁樣）然後個收銀阿姐仲精彩，好大聲喝咗我一句：唔使催下話！吖我真係整你個製吖，我全程都係好好態度問佢，呢一刻我真係要爆，我同佢講：係你哋話20分鐘搞掂，我都差唔多40分鐘先問下你哋幾時有，你哋態度唔使咁差呀，好似我唔啱咁樣！🤬🤬之後就不停聽到收銀阿姐發脾四掟碟掟碗嘅聲音，我唔知佢係咪老闆啦，如果佢係員工，呢間嘢請著咁嘅員工就真係精彩喇，可以掟公司

喺附近上堂，見就近新開咗間點心就試下啦，估唔到有驚喜，呢日決定再戰！基本上試過嘅蝦類點心都好正，蝦餃同蝦腸入面隻隻靚蝦；鹹水角外脆內糯；蒸排骨又係一個驚喜，真係有骨嘅靚位，唔知係堅揀過定只係咁啱呢；蒸包類算係standard好食啦，暫時未遇到好「嘩」嘅款式；佢哋似乎會定期出新野，呢個大紅袍荔枝都好有趣，我無試，試咗嘅朋友話好食；遲join的朋友叫咗個蒸飯加燉湯set都話好足料；臨尾追加糖水，上次試完核桃露，今次想叫芝麻糊但賣哂，咁就試下杏仁糊，兩次都係好滑好rich😍；懷疑係家庭式經營，服務態度好到唔習慣🤣本來無寫食評嘅習慣，但咁高性價比晚市竟然咁少人，可能因為唔近地鐵？決定撩幾隻字撐一撐！所以剩係臨尾影咗幾張相，下次再影多啲😋

由綱上介紹，專程來試一下，這間【點心宗司】，位于太子長沙灣道29號地鋪。店鋪門面玻璃設計，從外可窺視店內環境，里面裝修也算精致簡潔，12點前，店舖幷無顧客，每張枱都間着一塊膠板，我們隨意座下，很擁擠，順手推一推那膠板，但推不動，女服務看見，很不高興説，稍後會有很多顧客不能拿開，她那種態度令我真想即刻離座，因開了茶，就忍着將就留下吧。而另外一名服務員就立即過來抽開膠板，這個動作也化解了我內心一半的不快，欣賞她。可加可减就是這個靈活的動作，令顧客心情愉快才可以做到更多的客源。我們點了四個點心。品茶吃點心也衹不過40分鍾，12點35分我們已離座了，當時衹來了兩枱顧客。當膠板可伸可縮時，那是挺考究對環境處理的靈活性，那怕我們離座前顧客不斷亦可加上膠板，不會失去半個客源，而顧客未到能坐得舒適寬松些回頭客是我們或更多的人。

早前網上見到好多人介紹呢間點心舖，今日卒之來試一試佢嘅功夫，講到話叫做點心宗司，諗住一定有啲料到，都冇諗過食到喊咁口😩蝦餃皮十分之厚，仲要餡料好鹹，感覺上唔知係咪落咗好多味精，食完半個鐘之後，口入面有種麻痹的感覺，仲要勁口渴。春卷又係油到阿媽都唔認得，一咬落去成口都係油。燒賣只可以講係中規中矩，食完都唔係好記得。比較上有啲記憶點嘅就係蝦多士，不過都係超級油，總之呢餐就食到喊晒口，絕對唔會再有下次

深水埗點心宗司早排見到人哋網誌介紹呢一間點心舖，特登慕名而黎， 嗌咗五個點心，可惜質素不如預期。橙汁卷質感膠膠地，好似芝麻卷同埋啫喱嘅混合體，味道食落好似橙樹化痰素咁， 好artificial。 瑤柱花菇湯餃嘅餃子皮好厚粉，上檯果陣已經浸到林曬。 雖然口感麻麻地，但餃子尚算足料，味道都ok。 牛油果蝦春捲有啲油膩， 咬落去啲油唧曬出嚟 。內裏嘅牛油果餡好少， 食落去冇乜牛油果味。百花蘿蔔糕幾好食， 蝦肉配上蘿蔔糕攞去炸，意外地夾， 可惜一碟只有一嚿，個量真係有啲少。五個點心入面最好食就係合桃包，包身軟熟， 餡呈流質狀，入面伴有合桃碎芝麻， 甜甜地幾好食。五個點心入面有三個點心都唔合格，如果冇改善，大概唔會再次幫襯。

已經係第二次食😋多得楊明燉湯關門大吉之後，變咗呢間由米芝蓮富聲魚翅海鮮酒家大廚開嘅「點心宗司」 食過食物真係水準以上，每款都睇到佢哋嘅心思！價錢都唔算貴，個瑤柱花菇灌湯餃粒瑤柱好大粒，今次呢碗算細，應該係日本瑤柱$36真係一定要食😋餃子🥟大隻足料，平時要酒樓先食到，夜麻麻食點心可以食到好幸福呀！其他推介仲有鵪鶉蛋燒賣$32/4件呢個好特別入邊有合桃同蕎麥麵墊底，調味亦有，口感同配搭都好新穎酥炸百花蘿蔔糕 $22好少見面層做到蝦多士咁又厚身，加左一層蝦膠酥炸，唔洗甜醬都好好食👍🏻牛油果蝦春卷 $24牛油果同蝦做春卷好夾，加埋沙律醬仲正！其他蝦餃燒賣都有水準蒸飯略嫌啲飯唔夠乾身，不過不失，可能係器皿問題啦，冇影到相呢度茶芥$5/位大部分一籠係兩件，所以可以每樣食少少，今次冇叫蒸飯所以食多啲點心。不過次次都食唔到腸粉同燉湯，下次要早過5點先得！👍🏻👍🏻

喺街坊群組見呢間嘢新開，24/6同屋企人去試下，咁佢叫嘢食係用個過膠紙水性筆感覺係幾環保嘅，但疫情下感覺上就唔夠衛生，先講食物，蝦餃唔算細粒正常size肥粒唔算多都可接受，咖哩魷魚入味算好，但得一條魷魚鬚全部都係魷身，最滿意就係腸粉皮滑，蝦有醃過爽口嘅有夠味，但粉皮冇米香味，炸薯波冇炸老到，口感味道適中，但內嘅芝士就超級少一d都食唔到芝士味，橙汁卷見外邊其他點心店冇抱住好大期望，咁口味好個人嘅，我本人唔飲汽水，其實佢就係一條芬達橙汁汽水味嘅卷，口感係啫喱和啫喱糖之間都算煙韌，而小鳥豆沙包，外觀靚仔包皮正常鬆軟不硬，但內裏嘅餡就好差，超級的乾，丁點甜味都沒有，豆沙要有少少甜先帶得起佢個味。食物講完了講佢嘅服務第一天來是正常的，咁我見其他食物我未試諗住同家人第二日25/6再試試，因為第一天看見有人吃碗仔翅賣相幾靚仔想試啦，咁第二天來到真的一肚子的氣，我叫咗碗仔翅仲有其他點心，咁點傳菜員得一個人，畀張點卡紙佢嘅時候，佢就想就咁記唔拎過去點心嗰度睇寫低，咁冇所謂你冇落錯咪得囉（最後錯了），當時得3-4台客，因為有一個好講笑嘅唔知係熟客定朋友，其中一枱4人是在我們之後落單的，佢哋全部都係點糖水。

本來想試下飲早茶，都唔早了，10點去到鋪頭，點知摸門釘，真估唔到，點心店11點半先開門，真少有，一般都是飲早茶，就算做唔到開7點，起碼都開9點啦~ 失望而回，唔記得睇開門時間，唸住點心店一般都唔會開咁晏。

$18紫米露糖水外賣，不算貴，但個外賣盒只有60%滿，味道正常。我寧願俾多少少去第二間，附近有很多選擇，至少份量足，顧客不會有被騙感覺。雖然現在食材價格上漲，都不應該這樣吧。