點心廊 (已結業)

環境新和光麗金色配木系同雲石枱，lunch time時間多返工人嚟。朋友帶我嚟陪佢飲午茶，一小時夠嗎，哈哈。桂花烏龍茶 $10一個人茶位外間少見，推薦！桂花味十足，烏龍味香醇。飲左好多杯。平時覺得烏龍茶太濃既朋友，可以飲依個，易入口。金箔墨汁蟹粉鮮蝦餃 $68外觀飽滿，金箔點燃。朋友推薦話原隻蝦好彈牙，當中蟹粉唔會腥耐鮮。蝦同蟹粉夾既，唔會搶大家風頭。海膽凰眼餃 $68原片原片海膽係餃上面，非常鮮甜。之後點少少龍蝦汁豉油提鮮。咬落去少少芹味，原舊料好正，一口蝦餃肉。我比較喜歡依個。因為原片海膽令人好滿足，最重要無見過點心店有依種做法！金瑤柱脆皮蘿蔔絲腸粉 $58 配龍蝦汁豉油外觀好似種花草咁，幾可愛。腸粉皮有點硬度支撐住，中間係瑤柱脆皮薄脆，最入就係一堆蘿蔔絲清甜。龍蝦汁豉油點少少就野味d，始終係有炸物係當中。黑蒜凰爪排骨飯黑蒜甜甜好好味，比起普通蒜少左辣口感覺，可以食哂！凰爪好軟同清理乾淨，排骨無豬腥味同雪味。排骨多肉既，唔會蒸到老。石鍋蒸飯，每粒飯都爽口帶q，粒粒爽。下次要再嚟食其他點心，同預多時間等個個創作六式拼盤。

聽朋友說，旺角雅蘭中心新開了一間主打新派點心的「點心廊」。餐廳走年輕路線，懷舊點心都變得精巧。餐廳裝潢雅緻高尚，坐得舒適。看看菜牌，點心真的與別不同，款款都想試。連茗茶都與別不同，我點選了《桂花烏龍茶》（茶位$10）。《金箔墨汁蟹粉鮮蝦餃 $68》每隻餃都十分飽滿，有原隻蝦彈牙爽口，半隻餃都是蟹粉，用上翠玉瓜墊底不會粘。《麻婆豆腐日本帶子餃 $58》用麻婆豆腐加上帶子作餡料很有特色，十分飽滿，輕咬開，香氣和餡料溢出，味道不錯，還用上紅蘿蔔片墊底，不會粘底，很有心思。《黃金啤梨鹹水角 $38》外表像啤梨一樣很特別，外層酥脆，餡料飽滿調味正好，用苦瓜墊底，中和鹹水角膩感。《富士竹炭叉燒飽 $38》全黑色的外型很討好，上層酥麵包質感鬆軟有口感，叉燒餡料足很汁潤，很喜歡這款富士竹炭叉燒飽。《鳳城欖仁冰肉千層糕 $48》這款是懷舊點心，香港已經很少地方食到，新鮮出爐夠熱夠鬆軟，口感豐富，個人覺得甜味稍稍蓋過蛋香。

旺角雅蘭中心又有新餐廳登陸，今次是一間非常新穎的「點心廊」，餐廳裝修很前衛帶中國風，燈火光猛，座位舒適，嘆茶同點心一樣都享受。點心廊位於雅蘭中心3樓，主要是點心為主，有經典懷舊點心、招牌點心、蒸點，炸焗煎，創作六式拼盤、手工拉腸粉。還有石鍋盅頭飯，粉麵，開胃小茶，甜點及精選特飲，款式豐富，樣貌精緻，打卡一流。茶款很新穎，不單普通的茶款，還有女士最愛的玫瑰荔枝茶，名叫「 瑰麗堂皇」，玫瑰味香濃，荔枝甜美，好滋潤養身。這次就點了「創作六式拼盤」，賣相已經好吸引，究竟拼盤有什麼，有金箔墨汁蟹粉鮮蝦餃，外觀黑漆漆口感爽口彈牙，蟹粉味濃郁，蝦肉鮮甜。海膽鳳眼餃，鋪滿鮮甜的海膽，夾上新鮮蝦肉，入口超鮮香，好正!黃金啤梨鹹水角，酥脆惹味，不太油膩。黑白芝麻流心煎堆仔，香口煙韌，芝麻夠香，也很不錯。一口燕窩蛋撻，堆積如山的燕窩，加上香甜的蛋撻，每口都令人很滿足。我最愛原隻鮑魚雞粒酥，鮑魚超嫩滑，雞粒惹味，愈食愈滋味。朋友喜歡燈籠泡椒肥腸，酸酸辣辣，十分開胃，肥腸真係好肥美，腸很彈牙，沒有腥味，朋友大讚!驚喜之選，爆口叉燒飽，用黑芝麻混在麵包，麵面酥脆，帶點微微芝麻香，裡面叉燒不算多，味道帶點鹹肉香，這

放假日，訓到自然醒，出旺角食午餐，老公話帶我試新野。來左旺角雅蘭中心飲茶，非一般的茶樓，點心廊✨✨裝修別緻優雅，格局一點都不MK,入去座位舒適闊落，環境打造出有藝廊既氣息，令人有種遠離煩囂鬧市既感覺。聽老公分享點心廊開業不久，主打星級點心，有懷舊都有新派的點心，掌廚是入行逾五十年大廚陳小麒師傅，陳師傅注重點心賣相，希望每件點心如藝術品般呈現。聽完老公分享，急不及代要下單，期待試新野😍😍點心紙精簡得來又別有特色，分別有六大類：❤️有經典懷舊點心❤️招牌點心❤️蒸點❤️炸焗煎❤️創作六色拼盤❤️手工拉腸粉還有其他特飲和飲品系列，真係多源化選擇！茶水方面我倆點了香片，清香甘甜。點心方面，我同老公都偏向點新派精緻點來品嚐：黃金啤梨鹹水角：精美的賣相，炸得像個啤梨，食落外脆內軟。龍蝦湯蒸鮮竹卷：龍蝦湯十分鮮味，蒸出來鮮竹卷特別薄，食落淡淡豆味。富士竹炭叉燒包：外表好西式，食落驚喜同有口感，瘦瘦叉燒粒，加埋包裹少少汁，完美的配搭。百花翡翠金魚餃：精緻美麗，肥美金魚裹面是包住厚厚的蝦蛟。也點了兩款主食：沙薑北菇蒸滑雞飯及鮑汁花膠撈飯沙薑北菇蒸滑雞飯係用石鍋來蒸，食入口，飯香雞滑，味道非一般酒樓既蒸飯。鮑汁花膠撈

今晚又喺旺角上堂，覓食覓返嚟雅蘭，呢到間間餐廳都排晒長龍，行入啲見到間食點心，原來係sell精緻點心😍呢啲就最啱我胃口，因為普通茶樓嘅點心已經食到膩膩哋😂呢到嘅招牌係麻婆豆腐日本帶子餃，佢個皮係綠色，十分煙韌，仲有塊紅蘿蔔墊底方便夾，食落真係有淡淡麻婆豆腐味，加埋啲蝦肉同帶子，真係色香味俱全！呢個係金箔墨汁蟹粉鮮蝦餃，黑汁皮已經夠特別！仲有啲金箔喺面，重點係佢啲蟹粉一啲都唔小家，真係餡料十足，一流！下一個點心係金瑤柱脆皮蘿蔔絲腸粉，呢個真係夠晒gimmick🤣上桌已經好吸睛，鋪面啲瑤柱真係又多又香，一咬落去即係食到啲白蘿蔔味，好fresh好juicy!竹笙上素野菌春卷好抵食，有六小件，每件都足料👍🏻配落個沙律醬真係有提鮮作用！黑白芝麻流心煎堆仔我當甜品食，甜度適中 流心效果，熱辣辣咁上桌，但係又一定唔會燙口，每一碟點心都做到哩樣嘢真係殊不簡單！💥💥💥順帶一提，呢到啲staff 仲要好有禮貌！呢間我一定會帶埋屋企人再嚟幫襯👍🏻

既然放長假期，母親大人又是一位點心控，所以跟我們一起去吃點心就最好不過。一來可以品嚐美食，二來又可以增進我們之間的母女之情，所以最終二話不說便選擇到「點心廊」用膳。未吃點心之前，我們已經被這裏獨特而高貴優雅的裝潢吸引了。餐廳用了六角形的獨特設計配以優雅的金魚圖案、木製品和六角形鏡來做出別出心裁的環境。除此之外，這裏不論是燈光還是色調都十分柔和，看上去不只給予人舒適的感覺，同時亦做出優雅脫俗的感覺。餐牌上的食物種類繁多，點心新穎獨特之餘，就連點心店比較少有的黃金鮮蝦炸粉果和順德倫教糕也有。老實說就是因為這裏的食物種類繁多，我們亦很不容易才能決定最終要點甚麼。玫瑰堂皇我們來的原因都是為了點心，真的好沒想過他們就連茶也如此出色! 玫瑰堂皇其實就是玫瑰荔枝茶，它不只有濃郁的荔枝味，荔枝味之中又滲透出淡淡的玫瑰香，喝上去舒服，味道又討好!創作六式拼盤來這裏吃點心之前，我們已在雅蘭中心看到「點心廊」用上創作六式拼盤作為廣告，當時我們已經為之心動，加上來到的時候，這裏差不多每一枱都點了創作六式拼盤，所以就在種種的引誘底下，我們便把它點下來。創作六式拼盤賣相極為精緻，同時又色彩繽紛，未吃這拼盤已感受到

呢間酒樓由榮獲多個國際點心大獎嘅師傅主理，點心相當出色呢！裝修舒摩登，環境舒適。🥢流心鵪鶉燒賣必食喔‼️一咬落口，鵪鶉蛋汁爆發，令人相當滿足😆比起傳統全熟嘅鵪鶉燒賣無咁滯胃喔！🥢麻婆豆腐日本帶子餃口味相當創新！綠色皮口感煙靭又唔會太厚。內裡包著麻婆豆腐及日本帶子，辣勁十足！但就蓋過了帶子鮮味！🥢百花翡翠金魚餃金魚造型可愛精緻😍特別係魚尾壓紋做得相當仔細。金魚餃入面係蝦膠，口感爽彈！🥢韭王滑蛋鮮蝦腸腸粉皮晶瑩剔透，隔著腸粉皮都見到原隻大蝦，令人流哂口水喇！🤤🤤🤤蝦隻新鮮爽口，腸粉皮滑嘟嘟，超推介大家必吃喔！🥢富士竹炭叉燒飽外層口感酥脆，裡面叉燒勁足料！每啖都食到粒粒叉燒喔！💕💕💕值得一提嘅係呢度嘅紫紅色點心蒸籠係用上有機紅菜頭汁噴染，不含人工色素。美美的，而且唔洗擔心會影響健康呀

旺角雅蘭中心開左間點心廊，做為一名點心控，又點可以唔去湊下熱鬧。中午食飯時間，約左同事來到點心廊，餐廳環境氣派典雅，頗有古典韻味。餐廳很有誠意，選用上等紫沙瓷餐具，感覺很高級。除左經典懷舊點心，仲有招牌點心，蒸點，煎炸點，創作六式拼盤，手工拉腸粉，小菜，湯，飯/粉麵...選擇真系好多，不過今日我地主要系來食點心。招牌點心勁吸睛，佢地用木頭飯盒籠仔呈上，賣相一極棒！非一般靚仔！金箔墨汁蟹粉鮮蝦餃，一籠三隻，隻隻飽滿。墨汁黑色的蝦餃皮好Q,皮上一縷金箔顯得好高貴。賣相相當好。咬開一口，即刻爆漿流出豐富的蟹粉，香味也湧出來，大大粒蝦仁料足又新鮮，口感爽脆。麻婆豆腐日本帶子餃，有微辣，翡翠綠色的外型令人好開胃，咬開就系柔軟的麻婆豆腐，同帶子好夾，鮮味十足。首創墨汁腸卷，好有特色，墨汁腸系挑選了台灣腸，內軟外脆皮再用饅頭卷起，口感好獨特。富士竹炭叉燒包，似菠蘿雪山包，表面層糖粉好豐盈，食既時候小心嗆，質地少少硬，感覺酥脆可口，入面有豐富的叉燒醬汁，蜜汁好夾。順德倫教糕，傳統點心，曾經系外公最喜愛的點心之一，我點來緬懷一下外公，一份三塊倫教糕，偏白有光澤，口感Q彈，味微甜帶少少獨有的發酵酸，令人回

放工後約朋友食飯，佢喺雅蘭中心做facial，所以直接約喺雅蘭食飯。餐廳裝潢好靚！坐低就有茶，我地要咗玫瑰荔枝，香氣四溢🌹點咗金箔墨汁蟹粉鮮蝦餃（＄68）、翡翠日本帶子腸粉（＄78）、鮑汁花膠撈飯（＄88）金箔墨汁蟹粉鮮蝦餃一睇個名已經覺得好高貴💕外層係墨汁蝦餃皮，上面加咗金箔後更顯矜貴，而且吸睛度即時提高👀輕輕咬一口，蟹粉既味道滲哂出嚟，完全係真材實料。鮮蝦當然亦係重點，蝦肉爽口又大粒，讚呀！至於腸粉，平時食開蝦腸，見餐牌有帶子腸粉，就即刻點嚟試試~腸粉上碟既時候已經切咗一半，基本上每條腸粉都有大大粒日本帶子👍最後係鮑汁花膠撈飯（＄88），見係炒飯底即時加分，仲有好多花膠、乾瑤柱同冬菇，份量毫不吝嗇！

好耐無飲茶約咗朋友嚟到旺角雅蘭中心2樓嘅點心廊門面嘅裝修都特別富麗堂皇入邊當然唔使講啦地方寬闊坐得好舒服裝修比一般酒樓高級一坐低侍應已經急不及待問你飲咩茶逐一介紹每款茶非常之好服務我哋就揀咗瑰麗堂皇其實就係玫瑰花烏龍茶高級酒樓果然係唔同啲茶款都特別過人二人前去飲茶都唔使怕有個人要重複食相同款式嘅點心間酒樓亦都好細心出咗個創作六式拼盤啱晒二人都係$198好抵食之餘仲好吸睛打卡必到原來呢個特色蒸籠係用紅菜頭汁染出來的完全係天然食用食用顏色染得好靚好有心思黑白芝麻流心煎堆仔流心嘅煎堆仔小小甜小小既留心令到整個煎堆好有特式原隻鮑魚雞粒酥真係成隻鮑魚咁出場令到飲茶呢件事非常之高級黃金啤梨鹹水角成粒啤梨仔咁好得意完全唔似係炸鹹水角視覺上已經覺得佢一啲都唔油膩食落當然好正啦餡料十足一口燕窩蛋撻果然係食落一口都係燕窩燕窩嘅份量同質素一啲都唔野少海膽鳳眼蝦餃完全冇諗過食點心都會有海膽食海膽好清甜完全帶出蝦餃嘅鮮甜味道黑蒜鳳爪排骨飯黑蒜汁會另外上鳳爪排骨滿滿的餸同飯既分量配搭剛剛好最後仲叫咗個順德倫敦糕果然冇失望有成三大塊一啲酸味都冇非常之鬆軟甜度適中

今日系旺角雅蘭中心果邊行下，行行下發覺呢度原來都有好多食肆，見到有間新開的點心廊就去試下。餐廳怖置豪華。又有卡位，圓枱都坐得好舒適，燈光柔和。店員問我地飲咩茶我選玫瑰荔枝茶，淡淡荔枝味又有清香玫瑰味道幾特別，茶壺又幾精緻。大紅袍九肚魚有一點點辣，魚肉嫩滑又幾香又入味。流心鵪鶉蛋燒賣，真是第一次食一按蛋黃真是流出來，幾特別的鵪鶉蛋燒賣，鵪鶉蛋燒賣真是好好味，因肉質又不鞋肥瘦均勻。千層牛角蘇外層好鬆脆，咬落啖啖肉粒又香口。黃金啤梨鹹水角造型好精緻拎起真是啤梨形狀，鹹水角好煙韌又香內里又啖啖肉粒美味可口。金瑤柱脆皮蘿蔔絲腸粉，腸粉皮好彈牙又不會太厚，內里有一層脆卜卜在加蘿蔔絲上面又有炸的金瑤柱配埋一起吃口感幾特別又好好食。

係香港要食到靚點心選擇都算好多，如今點心店更加係愈開愈多，今次我地係旺角睇完戲就搵間唔多人既店點知就發掘左呢間創新得黎又好味既點心。蝦餃同燒賣當然係必選既點心啦，今次呢兩款點心同平時又有少少分別，金箔墨汁蟹粉鮮蝦餃同埋流心鵪鶉蛋燒賣。蝦餃食落蝦肉彈牙爽口，蟹粉量都多但可能蒸煮後味道比較淡。另外既燒賣就係今次其中一個驚喜，原來鵪鶉蛋都可以做到流心仲要係粒燒賣入面，口感外面彈牙中間就充滿蛋香，味道好調和。下一樣係龍蝦湯蒸鮮竹卷，龍蝦湯雖然唔係西式濃郁既龍蝦味，但淡淡既蝦味配合鮮竹卷有種清淡優雅既味道，腐竹唔會太靱同太散，中間餡料都唔會鬆散，整體口感不錯。講到點心又點會少左腸粉呢，韮王滑蛋鮮蝦腸粉看似傳統，但呢到蝦似好新鮮同時大隻，食落每啖都爽口彈牙，腸粉加上滑蛋食落口感好順滑，另一個重點係用上龍蝦豉油，豉油比較厚實同‘傑’身，好易掛係腸粉上面，味道鮮甜。由於係夜晚黎食，叫左乳鴿做肉食，呢到乳鴿雖然唔似大排檔等炸到好鬆脆可口，但中間肉質鮮嫩爆晒肉汁都有相當水準。最後叫埋個一口燕窩蛋撻，雖然係一口但啲燕窩多到一口都未必食得晒。食落燕窩充滿口腔，同時唔會太甜。總結呢到食物質素不錯，材料鮮味十足，

這裏的服務環境一流今次光顧叫了爆口叉燒包及六色點心拼盤食物非常熱👍🏻👍🏻叉燒包的皮不夠軟 但足料味道算不錯拼盤內的墨汁蟹粉蝦餃有濃濃的蟹粉味😋海膽鳳眼餃上的海膽很鮮甜😋原隻鮑魚雞粒酥就有點失色, 比較鹹😣鹹水角味道很好很香脆👍🏻兩個甜品點驚喜不大如果拼盤冇咁多前炸物就好了🤩人均消費~$150

星期五放半日假，中午跟媽媽相約試試這新開的點心店。餐廳環境光猛，裝修簡潔大方。座位舒適寛闊，除了2-4人小方桌外，還有多張圓桌，最大的一張可以坐8人。我跟媽媽先點了壼名叫瑰麗堂皇的茶，即是玫瑰荔枝茶。餐廳採用的茶具很存熱，茶放久了還是熱熱的。我們的茶充滿玫瑰花香加上荔枝的清甜，在炎炎的夏日坐在有冷氣的餐廳輕鬆飲著，很解渴。點心方面真的是花多眼亂，我們看了餐單好一陣子還是三心兩意。最後我們選了創作六式拼盤和石鍋黑蒜鳳爪排骨飯。海膽鳯眼餃這賣相已經相當吸引，鋪滿金黃海膽。重點是味道很鮮甜，配蝦肉餡料很搭，一整隻餃放口中，滋味無窮。金箔墨汁蟹粉鮮蝦餃墨汁蝦餃皮薄而且爽身，充滿墨鮮味。一口咬下更不得了，橙黃的蟹粉加上爽口彈牙鮮蝦餡，很正。原隻鮑魚雞粒酥十分矜貴，鮑魚炆得好入味，肉質軟嫩，有咬口，細嚼很有鮑魚鮮味。下面的雞粒嫩滑爽口，配上獨特的醬汁，令這個酥不會乾而糊口。黃金啤梨咸水角造型得意，真的可以一整個啤梨拿起。咸水角炸得外層酥脆，煙韌軟糯，一口咬下去是惹味的肉粒餡料。這點心集傳統和新穎創作於一身。黑白芝麻流心煎堆仔同樣是油炸點心，但一點也不油膩，明顯油溫火候控制得宜，恰到好處。這煎堆仔外

原來響旺角都有間性價比超高既茶樓😎環境舒適非常舒適，而且別具風味同特色😊創作六式拼盤🤩$198老實講，起初我都猶疑左一陣，諗緊嗌唔嗌好🤔結果品嚐完，已經急不及待想介紹🤤拼盤點心如下：原隻鮑魚雞粒蘇🤩一口燕窩蛋撻😍金箔墨汁蟹粉鮮蝦餃🦐海膽鳳眼餃🥟黃金啤梨鹹水角🍐黑白芝麻流心煎堆仔😛點心每樣兩件☺️原隻鮑魚雞粒蘇，鮑魚炆得夠腍夠入味，鮑汁味濃，口感甚佳😋金箔墨汁蟹粉鮮蝦餃，爽口彈牙，鮮味十足👍海膽鳳眼餃，用海膽作點心配料，味道唔錯，而且夠創新😉一口燕窩蛋撻，完全不吝嗇，燕窩堆到滿出來🥳以這個價錢計，除返開每件先十幾蚊，又真係幾划算😎沙薑北菇蒸滑雞飯🍚$68用石鍋作器皿，熱住上菜😛飯夠軟，薑味濃，雞肉鮮嫩幼滑🐔玫瑰堂皇．茶芥🍵$10/位除左食物高質，連茶葉我都好欣賞👍玫瑰堂皇，玫瑰加上荔枝😚濃濃嘅玫瑰香味配上淡淡嘅荔枝味道，真係好夾🥰鍾意飲茶既我，非常喜歡這個味道🤩整體用料真係十分足，而且味道非常好🤤下午2:30入內，埋單仲有八五折😏