點心棧 (已結業)

女人街也稱為通菜街，密麻麻的食店，人流也多，有的坐滿，有的一個客也沒有，這間坐了一半滿，也心血來潮想食盅頭飯，點了鳳爪排骨飯和蝦餃，飯面望落無煙，唔覺熱，而且鳳爪也只是微微暖，但食落下層，才感到熱力十足，可能放的地方沒有加蓋，導致心熱表不熱， 鳳爪完整無缺，並非爛爛的，排骨也瘦多過肥，飯身軟梗度適中，算交足功課，蝦餃四隻，其稱為"水晶皮鮮蝦餃",重係重點推薦，當然要睇高一線！ 可惜只能算合格分數，皮較厚身，但尚算彈口，不太粉，蝦隻細少，無落荀，唯尚有些少蝦味，不致於太失望，另可以一讚的是茶味濃和辣椒油香

I found this place on Open Rice and decided to check it out. I initially ordered the shrimp dumpling and BBQ Pork Bun. I asked the girl sitting next to me a question and found myself eating with her and sharing our orders. I also tried the bean curd dim sum, rice dumpling, pork with crab roe, and spicy wontons. It was all very delicious and the staff was friendly and attentive. Highly recommend! Only note: better to eat with friends!

本人與太太兩人一心到旺角點心棧試食openrice入圍食肆, 但真失望, 侍應生常咳嗽但不用口罩, 口沬橫飛及有蚊o當上點心, 不小心拿上碗才發現其中一個上錯, 通知侍應,起初落單侍應話送給我們食, 但轉頭另一侍應就整籠取走,服務態度十分差o食物方面,叫了六碟點心如下:1) 蝦餃 - 皮薄但蝦不夠新鮮:2) 瑤柱菜苗餃 - 蕒相不錯且皮薄但無瑤柱,菜少, 肉多,3) 不一樣腸粉 - 三種不同腸粉各一條(牛肉,蝦及义燒), 皮薄但不夠滑4) 古法馬拉羔 - 不夠鬆軟, 且顏色不似古法制造5) 上湯杞子鮮竹捲 - 可以接受6) 鵪鶉蛋燒賣 - 可以接受雖然不飽, 但都不再加點心, 因整體食物質素不合格.且格價亦不算廉宜o下次都係惠顧人多要排隊且在深水埗及中環有分店, 總店在旺角個間好好多o

今日有朋友介紹來這間吃晚餐,就來試一下,晚上8點幾,店舖內都是滿滿的,等了10min才有一張枱空出來,在門口的邊邊位,3個人坐都算還好,角落還可以放東西,這間店舖感覺是早晚都吃點心的,茶有3款選擇,普洱、五花茶和鐵觀音,我們揀了五花茶,茶很香不過味很淡,朋友建議叫一個蒸飯再加點心,會比較飽肚,我就要了北菇滑雞飯,還叫了鵪鶉蛋燒賣、上湯鮮竹卷、鴛鴦燒賣、碧玉迎春腸粉、奶黃包和杞子桂花糕,由於蒸飯比較快來,所以先吃了,豉油唔係好咸果種,冬菇只有一粒,飯粒煮得幾好,唔會太硬太淋,雞件幾滑但係唔夠送飯的,所以點都要等埋d點心先食得晒,不過由於係即叫即蒸的關係,我地都仲要等多10min點心先上齊,有位阿姐見我地成枱都係野,就主動提出幫我地雪番個杞子桂花糕,等我地叫先再上,都真係幾細心,講番枱面d野食,鵪鶉蛋燒賣成日都話好少見到有,但我眼見d細間的點心店都一定會有的,這間的味道都算唔錯,豬肉感覺是新鮮的,不過唔係好特別,而上湯鮮竹卷呢,對鮮竹卷沒什麼好感的我都覺得好好吃,有種入晒味的感覺,好淋好易咬,正,鴛鴦燒賣只是山竹牛肉和蟹子燒賣放在一籠,牛肉我沒吃到,但燒賣都幾好吃,碧玉迎春腸粉是腸粉裡包著

點心只能說是一般，而其中所吃的幾款中，最差勁的是「焗乂燒包」，皮太硬，也許我們都是年紀大了吧，幾乎咬不下...見到服務員，想向他反應，他連看一下都懶理，效法中環名牌酒家的服務？

約咗朋友去旺角，原本想去酒樓飲茶，但因晏咗起身就選擇去呢D點心專門店。因為已經成3點幾，所以唔洗等位，D侍應又好好服務，一見到無咩茶又會好快再加，食完個蒸籠好快就會收走，所以呢到唔單止好食，服務亦值得讚！

因為有先打電話訂位,所以沒有等, 但訂位的最低消費每個人是HKD 60我們一共七個人 ,菜單上的點心幾乎都點了比較有印像的是滑雞臘腸飯跟桂花糕,白鳳爪,炸腐皮滑雞臘腸飯很香,飯煮的剛剛好, 臘腸很Q 味道很香, 後來又再加了一個桂花糕很特別,其他地方少見白鳳爪有加醋, 吃起來很清爽,有點泰式風味炸腐皮很酥,炸的剛剛好腸粉的皮太厚,不彈牙蝦餃,燒賣,魚翅湯包就跟一般餐廳差不多

今晚在旺角, 想食點心, 但添好運實在太多人啦, 所以上openrice search 附近有咩選擇, 見評語唔錯, 就來試試.雖然唔駛等位, 木櫈好硬, 坐得不太舒服. 同添好運一樣都係要搭枱, 但諗住食個quick dinner , 無所謂啦. 煎蛋牛肉飯 - 送來時居然無煎旦, 其他服務員都正忙，剛好負責收錢的阿姐行過，便問吓係咪有煎旦ｇａ，佢先話唔記得煎, 個wok 煮緊其他野，吓......咁都得．．．．．北菇雞盅頭飯 - 完全無雞味, d 肉質又梅, 飯也很油, 完全唔掂碧玉迎春腸粉 - 個名幾得, 所以叫來試吓, 但其實是腸粉包著春卷，幾有特色，不過春卷皮硬，唔好食 懷舊馬拉糕 - 一般, 仲有d 怪怪地的味呢度除咗茶有普洱、五花茶和鐵觀音選擇外，比較可取外，其他地方真係有好大改善空間

那天早上要到尖沙咀，見還有時間，又想食點心，上網看過這間看來也𣎴錯，便試試看吧！蟹子燒賣、蝦餃 ~ 兩者都幾細粒，樣子不太好香，味道比較一般奶皇飽、日式菠蘿飽 ~ 奶皇飽沒有奶皇流出，一點也不流沙！菠蘿飽入面有綠茶錎和一片菠蘿，創新可是味道完全不夾，而且面層也很易散..碧玉迎春腸粉 ~ 名字很美麗，其實是腸粉包著春卷，幾有特色，但我覺得腸粉啲味怪怪的...XO醬鳳爪 ~ 呢個最好味，其實這個很難整得差嘅，成碟我食晒，但下面的芋頭就好像不太新鮮了走嘅時候都好多人了，看來也幾多捧場客，但不過應該不是我了~

中午一點左右到達, 七八成滿. 選擇最角落位置坐下, 冷氣吹到正, 寒~有三款茶供選擇, 普洱茶, 鐵觀音和五花茶, 侍應按你的選擇把茶倒到你的杯, 不會提供茶壼.先來:第一次見臘腸放在外面的糯米雞. 裡面有一件雞肉, 一件叉燒, 一件火腿, 和一些肉碎菇碎, 味道可以, 份量不少, 可惜沒荷葉香. 其實一直不清楚點為之古法, 這個糯米雞是否古法不得而知.這個菜心份量大, 現時天氣漸冷, 菜心開始當造, 所以菜靚好味.蝦餃未見特別出色, 跟雞扎一樣中規中矩.菜苗餃用料不太新鮮, 不行.馬拉糕一般.店員會偶然提著茶壼問客人是否什麼什麼茶, 我覺得店主可考慮根據三款茶給客人不同顏色的杯, 那就不用時時問.兩個人去茶樓就不可能每人五十蚊吃到六個點心, 所以這間點心小店是二人或三人行之選.

7.5.2011聽聞近年開了一些專賣點心的中式餐廳, 但都未有機會試下, 終於在今日毫無計劃之下來了這裡一試.餐廳內的裝修充滿中式feel, 但環境比較狹窄, 木櫈好硬, 坐得不太舒服. 哈哈, 原來選擇飲什麼茶時可以揀五花茶, 不過當然是無糖的喇. 我們選了五花茶, 都幾清香.點了食物之後, 也等了少少時間才會上枱. 每件食物也是熱騰騰的:蝦餃: 一籠有四隻, 很大隻, 皮有點厚, 但蝦夠大且彈牙, 正 鵪鶉蛋燒賣: 一籠三隻, 皮是白色的, 鵪鶉蛋是出奇的大粒, 燒賣內的豬肉和蝦肉都很多.不一樣腸粉: 這一碟裡有三款腸粉: 叉燒腸, 牛肉腸和蝦腸. 粉皮較厚, 叉燒咸了一點, 蝦也很大隻. 奶皇包: 一籠三隻, 奶皇好香, 不太甜, 也不太流沙. 白灼時蔬: 當日的時蔬是菜心, 但是好硬, 難咬開. 埋單連茶錢總數都只是$81, 兩個人也吃得好飽, 好抵食, 而且食物質素也好過屋村的茶樓, 一定會再來!!!

八號風球除下後, 娘娘又與侍衛出巡了看完戲已10時許, 走進女人街, 不是打風, 也不會在這個時候冷冷清清, 一個攤檔也沒有 站在街中央, 一次過看清還有什麼食店仍未打烊.....隱約地...看到點心棧.... 蝦餃~皮薄, 餡多, 蝦亦爽口, 好味! 奶皇包~熱辣辣入口份外好味, 包薄但奶皇不夠流沙醬爆, 又不夠蛋黃味, 略為遜色鳳瓜排骨飯~排骨都算多, 而且飯軟硬剛好 不一樣腸粉~其實是牛肉,义燒和鮮蝦腸! 义燒料幾多, 腸粉不算厚, 也算滑溜 鴛鴦燒賣~牛肉+蟹子燒賣! 肉料豐富, 但蒸得較為乾身鵪鶉蛋燒賣~很懷念的點心, 現在很多酒樓已沒有了! 不過不失, 還是舊式酒樓吃的好這間新式點心店, 沒有茶壺給你慢慢嘆茶, 亦只提供鐵觀音, 普洱, 以及五花茶涼茶而已~

八月二十八日 (星期日)新式點心店廣受歡迎,因適合生活節奏急促的香港人今日行過了通菜街,雖然附近有很多不同食肆,最後還是走入了點心棧望望門面,有點似曾相識,但再抬頭望招牌,又似乎未聽過回家後,再找尋自己的紀錄,原來零九年吃過其前身-茶點點心專門店還記得那家小店品質不錯,如今換湯不換藥,轉個名再戰食界...點了五花茶和鐵觀音真特別,有涼茶飲,而且不太甜,味道帶點甘香,可以下下火,清清熱!取其名-三條腸款都不一樣分別是牛肉,义燒和鮮蝦腸當中只有蝦腸較可取,蝦肉很爽很鮮普遍來說,腸粉皮較厚,有欠口感看過食評是必叫食物之一皮不是太厚,但卻有點實,質地不夠幼滑流沙沒有其他食評家上載的相片那麼澎湃有點失望,但是蛋黃味道濃,總算補數牛肉餅很煙韌,極富彈性而且很有牛肉味飯粒晶瑩剔透,整個飯都很滿意另一個必叫的點心水準高,皮做得很薄,內裡的蝦肉若隱若現蝦肉爽而彈牙口感十足,推介!一對牛肉配一對蟹子燒賣並不特別出色,豬肉久彈性而且很乾身,可以不理整體與其前身差不多為何要轉名,只有它自己知

因為自己好中意食中式點心,見食評話唔錯,就買左幾張團購券,滿心歡喜,點知非常失望,因為勁多味精,回家飲完汽水都好口乾呀!希望店主見到有改進喇!蝦餃:-四隻中有三隻爆邊的,餡唔多蝦又無荀,size唔大,第一次食無比較,算!但埋單見到隔離枱正價蝦餃剛上枱,好完整重大大隻!蝦腸:5隻細蝦乂燒包:細隻,無乜料和汁.山竹牛肉:食落點解有咁重香矛味??以為錯覺,問同伴都話係!何解??糯米雞:呢樣算好D,料算多,但又係重味精.豬潤腸:少料和豬潤老.

旺角遊客太多，好多時食肆都變晒快餐，最緊要煮得快、食得快，因為快就係賺得錢多，唔會理好唔好食。不過，有時太快的人生，都有想慢下來的時間。睇左咁多食評，目係新開，都入一入去試。點心選擇不算多，不過有幾款點心改左好有詩意o既名，睇完我都唔知係咩，好彩服務員態度良好，都會用心解釋，而且睇返我張點心紙，原來好多有已經有圖，我自己都唔為意。正如版取推薦，蝦餃不錯，餃邊的皮都做得很薄，用料也不差；腸粉也非常薄皮。可是，感覺每樣食物都是同一款餡料都是一樣，無論餃和腐皮卷都是同一個味、類似的餡。說連义燒腸入面佢都加左脆肉瓜，o嘩！，食到第三啖，口已經有少少悶。唔可以話佢唔好食，係真係"口寡"。或者係因為我得兩個人，叫了太少種類吧！店內服務員都有禮貌，也很攪笑！我鄰桌有位小朋友不要喝五花茶，說它非常苦，於是服務員就跟他說笑︰已落左好多好多糖，已經好甜啦！於是個細路又乖乖地飲左杯茶。食物雖然平凡，不過人情味搭夠吧！