點點甜 (已結業)

食完飯一定係想搵啲甜品食下，但通常呢啲時間都要等好耐先有位食好彩呢間唔算等得太耐，等一陣就有得食啦同朋友一人叫左一款芒果嘅甜品試下，兩個都好好食呀，甜甜地開胃又清新，下次都要再嚟食下

晚餐後的小甜品,鋪面細小,大約有15個座位...為的是芋圓而去嘗試...有幾款組合可供選擇,點了芋圓仙草盛,芋圓腐竹糖水兩款,芋圓香甜,有Q彈的嚼感,芋圓仙草盛,以芋圓配上紫薯蓉,小丸子,珍珠,西米,味道十分配合,而且盛大的份量,飽飽的滿足,每一口都充滿着不同的口感,而腐竹糖水底較為淡口,但這種配搭新鮮,值得嘗試.無論是熱食還是凍食,芋圓也是不二之選.另外,店內有各種果汁冰沙可供選擇,有興趣的朋友可以去嘗試  ^^

同屋企人行到老遠去食芋圓，點知一入去個阿姐就黑曬面，都唔知我地得罪佢d咩。之後加單既時候，就勁粗魯咁「deng」張單攞台。正常人都會幫你夾埋攞去，我真係唔知點解佢作為一個侍應/老闆咁趕客既野都做得出。最angry就係埋單個陣，我地叫：「阿姐 埋單啊 唔該」佢竟然細細聲講：「叫人阿姐真係無禮貌」哇！究竟係邊個無禮貌啊！ 我叫你阿姐都叫無禮貌？真係火都黎埋🤬🤬，我真係無見過有食店咁樣同客講野lol 總之以後去叫人 一定要叫「靚女唔該！」 但我望住呢位阿姐個樣 我真係叫唔出「靚女」兩個字囉🙄🤭🤭

諗住試新野，見佢賣相ok走去試食。點知。。。。係一個伏。叫咗薑汁芋圓西米露，係好夠薑味，但薑到辣口。另外食咗另一款芋圓叫芋圓丸子紅豆沙，一到枱，陳皮味好出，諗住正喇，點知一入口全部都係陳皮味，仲要係苦既陳皮。。。。最後有fds鍾情榴槤叫咗兩款榴槤甜品，舊榴槤個球肉餡就好榴槤喇，但其他配料就一d味都無，好似飲水敢，真係好想叫佢回水。唯一得讚既係佢地既芋圓，夠彈牙。賣相係ok, 但一d都唔好食😣，唔會再有下次。

之前聽朋友介紹話旺角有一間糖水舖，位於豉油街轉角位嘅地舖，非常方便顯眼。話咁快我哋四個就搵到糖水舖了，驟眼望落去餐廳招牌以黑色為主，而且燈光閃耀，一眼已經望晒餐廳嘅環境，非常當眼。見到入面都非常滿座，好彩有一台客埋單走，所以我哋唔需要等位，就可以入去坐門口嘅位置。店員招呼周到，非常殷勤嘅態度，更向我們介紹糖水舖嘅招牌糖水。見到餐牌圖片非常吸引，每一款都好想試吓，最後我揀選左野莓窩夫配雲呢拿雪糕。野莓窩夫配雲呢拿雪糕非常大碟，一份已經有四件窩夫，底下仲有藍莓同埋士多啤梨肉，非常豐富呀。食落去窩夫外脆內軟，配以雲呢拿雪糕一齊食，非常match。另外朋友order左宇治雪山同埋Double榴槤等，賣相各有各特色。宇治雪山🏔️嘅配料包括紅豆、小丸子、玄米茶啫喱、椰果同埋主角抹茶牛奶味雪糕，食落去抹茶雪糕帶點苦澀味道，牛奶雪糕反而奶味很重，所以兩者一齊食非常夾。除此之外，糖水舖適逢夏日炎炎，門口餐牌仲有買一杯正價，第二杯半價嘅優惠，最啱平時鍾意行街嘅我，行攰左買杯嘢飲下。總括而言，糖水舖對每一款甜品都有心思，而且賣相很精美，在旺角區屬於性價比高嘅糖水舖。

喺旺角附近食完飯，自然就想食啲甜嘢，我哋就揸車過去一間地舖叫做點點甜嘅糖水舖，見到啲甜品咁吸引，就入去試吓。最方便嘅係架車可以放喺門口嘅咪錶位，非常方便，而且餐廳嘅落地玻璃更可以望出去馬路。餐牌上嘅甜品多款選擇，而且圖文並茂。更有我最鍾意嘅抹茶系列，仲有沙冰、刨冰同埋軟雪糕任君選擇添。抹茶控嘅我，當然要試吓宇治森林，餐牌上嘅圖片已經好吸引，等左唔夠十分鐘就嚟咗了。宇治森林賣相極之吸引，食一啖已經有好濃烈嘅抹茶味道，而且軟雪糕嘅軟硬度適中，再配以紅豆同埋小丸子一齊食，更加有口感。另外朋友叫咗3.6奶凍配水果同埋榴槤忘返，他們都大讚味道新鮮美味。最後我哋四個人食都只係$300埋單，每人平均消費$70左右，價錢合理，而且甜品種類多，必定會再encore。

麻麻地⋯甜品麻麻地，榴槤冰＄52個其實都幾貴，味道麻麻哋冇咩特別！寧願去X嫂食仲好味，仲香濃！朋友叫咗個熱嘅薑汁芋圓西米露，第一啖係室溫嘅，第二啖甚至係凍❄️⋯服務態度麻麻地⋯我們只不過要求將唔熱唔凍嘅甜品拎去翻熱，請不要在我們前面假笑而擰轉背後即黑面做鬼臉，店內其實有玻璃反射看到的。翻熱也是用微波爐翻熱，令到啲西米露變晒質感，完全唔好味。總括來說就不值專登來⋯係，我係專登來但絕對失望而回！其實如果有心去經營一間小店，我覺得態度係最重要！其次是食物，應該要用心去製作、令到客人開心同滿意吧！

哩日食完飯，專登去搵哩間糖水店食下，因為我好鍾意食芋圓 。見佢個招牌甜品係佢 所以就來上試下佢啦。（去到一個人都冇，都好嘅夠靜又乾淨。好得意，鋪咁細，反而有三個員工其實哩間鋪係咪開離玩下架咋？？？？？）哩碗招牌甜品，佔左一大半嘅黑珍珠，白珍珠同舊紫薯芋泥都本身一啲味都冇。 作為招牌野真係好失望 。早知點淨係芋圓果啲甜品啦！另外點左果個個楊枝甘露反而好過佢。總捨離講，價錢與味道比例參差太遠，可以唔洗再離試。

■ 野苺狂熱 $48（士多啤梨、藍苺、椰果、3.6牛奶雪糕、底層係刨冰）賣相唔錯！食落更加有驚喜 平時食刨冰 好多時食到咁上下啲冰開始冇味 食剩好多 哩個反而啲醬唔會令面頭啲冰太甜 而且食到底個啲冰都有味同有牛奶浸住■ 楊貴妃 $40超級麻麻地 唔夠甜 冇咩芒果香味 哩個價錢可以試下其他選擇

而家既天氣熱到溶，出去旺角行街熱到就中暑，最啱去食雪糕甜品降下温，響旺角新寶戲院同一條街有間甜品店叫“點點甜”。甜品選擇多樣化，有女士們最喜愛嘅日系宇治抹茶雪糕，亦有台式口味芋圓，仲有本地代表楊枝甘露同榴槤雪糕等等。我哋點咗“宇治森林”， 呢個甜品以宇治抹茶軟雪糕作主打，配襯豆腐花作底層，然後一層粟米片，再加上抹茶啫哩、小丸子、紅豆，包含不同層次，紅豆同小丸子配抹茶雪糕一齊食絕配，抹茶雪糕又軟又滑又濃，豆腐花夾粟米片又另一口味，十個推介。見到牆上面有個土司套餐， 呢個屬於下午茶甜品套餐，下午一點至晚上七點先有。呢個下午茶抵好抵食，有兩塊吐司配雪糕，土司烤得香脆，中間切成一粒粒，雪糕夾埋土司一齊食，一冷一熱口感非常好。而且呢個下午茶餐仲包埋一杯梳打飲品，有芒果梳打、百香果等等，梳打底部充滿百香果，以呢個價錢非常抵食。另外我哋再點咗一個“芒果天使”，“芒果天使”底層係奶凍，奶凍 上一層芒果粒，再加上3.6牛乳軟雪糕，軟雪糕加埋芒果粒好夾，但對比起“宇治森林”會稍為遜色。

坐落在鬧市角落的這家甜品店，帶點幽靜。地方雖小，但甜品選擇很多。除了一個雪糕吐司餐，全都是冷的甜品，只限下午1時至7時供應，$40 連一杯梳打飲品，當然不可以錯過。我們選配了【芒果梳打】，大大杯，裏面還有粒粒椰果。【雪糕吐司】是即叫即製，製作需時，所以等得較耐。兩層多士焗得香脆，配上雪糕、水果、半溶的棉花糖，味道不錯。【宇治雪山$50】玄米茶啫喱味道太清淡，抹茶軟雪糕濃濃抹茶味很出色。還有大大座刨冰，吃完暑氣全消，透心涼。【Double榴槤冰$60】榴槤迷絕對不容錯過，兩大球榴槤肉，香甜的味道，已令人大滿足。內裡的奶凍味道偏淡，但煙韌的小丸子、Q彈的椰果、爽脆的水晶珠卻配合得很好，有不同口感。

在香港尋尋覓覓美味芋圓，試過好幾間所謂人氣食店，不是偏貴就是不外如是，終於給我找到一家好味又便宜的芋圓！！這裡是旺角點點甜，旺中帶靜的豉油街，說真的，不算就腳，不過正正因為這樣，不難找到位置～這碗仙草紫薯冰真是不。得。了！！重量級，$36大大碗，而且超足料，有仙草，芋圓，小丸子，西米，紅豆蓉，珍珠和一大球紫薯蓉，豐富到一個點！芋圓煙韌，顏色鮮艷，又如台灣水準，實在難得！小丸子和珍珠同樣煮得剛好，比起不少珍珠奶茶店煮得更到位！底部是滿滿的仙草凍，份量十足，絕對是超值之選！紫薯控必試紫薯泥，吃到纖維，而且不甜，感覺是沒添加額外的糖，是整個紫薯壓成蓉。雖然是甜品，但集飽肚和健康纖維於一身，飯前或是飯後到適合食一碗～（笑）朋友點了下午茶，又是抵食之選，$40有即叫即烤多士，配自選味道雪糕，烤棉花糖和雜莓。綠茶加北海道牛乳軟雪糕，軟滑香濃到升天，幸福感爆燈！內裡是已經切好至方塊的多士，沾滿即溶的朱古力醬（對，是自家製的朱古力醬），好邪惡，又讓人欲罷不能～下午茶餐配一款有汽疏打，夏天來一杯百香果疏打，真是涼透心又解渴。甜品種類多，還有日系味濃的宇治抹茶系列，刨冰奶凍，各式飲品，店子小小，開放式廚房

一行四人出左黎旺角，行左陣街已經覺得快要瀜化了，快快搵個地方消消暑先，見前面就有甜品店，二話不說衝入去啦。店不大，但餐牌上的甜品種類繁多，睇黎睇去好多野都好正咁樣，選擇困難症出現啦。店不大，只有十來個坐位。開放式廚房，眼見幾乾淨。百果香疏打下午茶點多士餐有疏打送，要了百果香，甜甜地仲有爆爆珠，疏打夠氣又冰凍，解渴又好飲。伯爵茶奶凍($38)揀左好耐最後決定要伯爵茶奶凍，因為好鍾意飲伯爵茶，而呢款口味嘅奶凍又比較少見。上面是豆腐雪糕，微甜味道清淡，但好有豆腐香。伴著一堆酸酸的雜果，下層是主角伯爵菜奶凍，嘩嘩，好香好滑呀，真係好有茶味喎，微甜很對胃，好好味又有驚喜，份量比看的多，抵食芋圓仙草盛配紫薯($34)朋友點了芋圓甜品，滿滿一盤賣相靚靚。有珍珠，西米，小丸子，紅豆，芋圓，南瓜圓，仙草等，煮得剛剛好，有咬口又不過淋，中間的紫薯泥真係食到啖啖薯肉，真材實料唔係得個樣白桃雪山($48)另一款點了刨冰，白桃味軟雪糕好香甜，散發著淡淡的白桃香，帶少少酸味好解暑。旁邊伴了芒果同菠蘿，都幾甜喎。但中間的刨冰太硬了，整舊黏在一起，加上無乜味道，努力食了4/5，淨下的溶掉變成水。雪糕吐司($40)下午

在旺角吃完火鍋行過附近，見到有間新的甜品專門店，裝修得幾簡潔，便入去試試。甜品有很多品種，西米、涼粉、豆腐花、芒果、榴蓮、抹茶、蘇打、沙冰、布甸、奶凍、刨冰、窩夫、台式甜品、港式糖水，如果有選擇困難症，肯定有問題。我們就無選擇困難症，所以要了一個宇治森林$50，伯爵茶奶凍$38。宇治森林，有搽茶雪糕、小丸子、紅豆、搽茶啫喱、豆腐花。搽茶雪糕沒有苦澀味，而且奶味比較淡，有少許回甘味道，雪糕夾紅豆真是好配合，而我喜愛的小丸子煙煙靱靱，最特別係雪糕和豆腐花中間有層粟米片，混合豆腐花一起，脆中帶滑，滑中帶脆，層次豐富。伯爵茶奶凍，雪糕帶點雲利拿味道，奶凍內有伯爵茶的香味，不會太甜，配合士多啤梨和藍莓的生果味，吃完都不會太膩。

非常美味的芋圓仙草盛 @點點甜 我很喜歡食芋圓，全香港有芋圓賣的地方我應該也去過了~朋友帶路下到了點點甜食芋圓 晏晝五點左右人不算多，但朋友說平時晚上是超多人的，要有排隊的心理準備 食物價錢不貴，坐得頗舒服 精緻的小CAFE格局 主打新款甜品 店員推介我們點這個下午茶SET，$40一份雪糕吐司餐包飲料 不一會就上桌了，雪糕吐司 的份量頗大的! 吐司切成粒狀脆卜卜的，沾滿了甜蜜蜜的蜜糖，四大粒士多啤梨和大大粒的藍莓 ，樣子 十分漂亮!上面還有一大球雪糕!!一份才40元包飲品 ，性價比十足 熱情果梳打 ，好清新的組合!入面還有爆珠和JELLY，令口感變得很有趣! 朋友點的DOUBLE榴槤冰$60 未食已聞到陣陣榴槤香味!榴槤肉一大球，味道好香甜 ，還有煙韌的珍珠小丸子 ，口感豐富加埋冰涼刨冰一起食，味道非常合拍 芋圓仙草盛!!!好豐富呀 入面有番薯圓，芋圓， 紫薯蓉，紅豆 ，小丸子和珍珠! 芋圓好彈牙!而且充滿芋頭香味，好有水準 份量也非常足 !而紫薯蓉更可因個人口味改成芋頭蓉