點點鮮 (已結業)

滿心期待嘅海鮮大餐，結果令人食到一肚氣！😤見到呢個陣容本身大家都好興奮，啲海鮮望落都好似幾新鮮，但到真正開餐嗰時先發現原來質素好參差...😩我哋叫嘅係八人餐，差唔多每樣海鮮都令我哋有中伏嘅感覺...- 大蜆:個size只係比平時啲豉椒炒蜆大隻少少，唔知係咪真係大蜆嚟...- 鮑魚:有一隻好明顯死咗好耐，諗住都係冇咁新鮮姐，於是照擺落去蒸，點知蒸蒸下聞到浸勁臭嘅味...嗅到好似爆屎渠咁...於是即刻夾返佢出嚟掉咗佢...浸臭味好耐先散到！😭- 元貝:其中一粒特別細，細到乾瑤柱咁嘅size...擺明搵笨！仲要蒸之前發覺佢洗得唔係好乾淨...我哋唯有自己再攞鹽水沖一沖🤦🏻‍♀️- 蝦/蟹:有大概一半都係梅梅地...😔- 魚:肉質正常但一啲魚味都無最後整個粥底先最慘...喺所有精華落晒啲水度嘅時候...個粥底竟然煲窿左！！！可能係我哋唔識煲粥啦...但其實上面蒸緊野嘅時候我哋根本唔會攪到下面啲粥...我真係唔明係我哋嘅問題定係個煲嘅問題...個煲加咗$99換㗎！！最後就搞成咁喇！！真係好嬲！呢餐海鮮餐破壞晒我哋嘅心情！以後都唔會再幫襯！

市大家有睇開我的Blog友都知我真的很愛吃海鮮，而近來點點鮮海鮮速遞也成了我的新寵兒，無他的平、靚、正的海鮮速遞，送到上門口洗到乾乾淨淨，現更有門市提貨點，在家一開便可享用又怎會不得我歡心吖！ 今次更有新玩意足不出戶BBQ夠爽了嗎！好多人怕在家燒烤會留下濃烈的味道現在不用怕了！有港女鍋之稱的BRUNO推出了蓋式燒烤焗爐，一次過有齊燒烤、烘焗及加熱等多種功能今次就用佢來BBQ啦！ 食物方面從來沒有失望只有驚喜，BBQ海鮮餐內包括有波士頓龍蝦、蟶子、馬刀貝、大連鮑魚、泰國基圍蝦、荷包蜆及元貝，肉食有美國天然豬扒、紐西蘭羊架、燒汁蜜糖雞中翼、紐西蘭草飼肉眼扒(四選二)，另有日本番薯仔及大啡菇，價錢由＄649/2人、＄999/4人、＄1,499/6人、＄1,999/8人、$2,499/10人。 我們更以＄180/隻追加了解凍即食近16吋長的爆膏瀨尿蝦，紅左藍右有囝囝有囡囡各取所愛！ 究竟近16吋長有幾長，攞上手冇乜感覺？擺近面都未夠震撼！放在大男人強勁的臂彎該感受到了吧！ 解凍後將刺手硬殼去掉後，露出嫩口細緻的鮮香蝦肉，美女身內更內置羽絨，那橙紅呈啫喱狀的蝦膏多麼誘人喔！！ 繼續吃套餐內的