點·子·巷

營業中

休息中

午飯時間想在鰂魚涌搵食, 其實比較困難, 因為附近太多商業大廈, 所以四周的食肆通常也是排長籠。因此, 在很多橫街小巷裡, 你也會發現開滿了富有特式的餐廳, BISTRO LANE就是其中一間。今次是我第二次來光顧午餐, 跟上次一樣, 可能因為只要二人枱, 所以不是等了很久就可以坐下來。我今次點了個糖心蛋魯肉飯配椒鹽台腸片。魯肉飯的餸份量很足夠, 醬汁亦充足, 而且味道適中, 不會覺得太咸, 加上台腸片, 小小幾片, 可以為魯肉飯帶來更台灣地道的風味, 感覺吃了一餐很滿足的午飯!

天黑黑, 天黑黑….每晚放工都要唱着這首歌離開, 累透了! 不過, 夜收工就是外出覓食的好藉口, 雖然往往是獨個兒在回家的路上覓食, 但有時能發現一些未見過, 又或成日見而未吃過的食店, 也很有新鮮感, 而今晚就在小巷口見到兩塊易拉架, 原來是屬於一間台式小店, 睇落啲菜式都幾吸引, 就勇敢潛入小巷找找它吧!不用擔心, 這條小巷很短, 十步之內便找到這間台灣小店, 加上光管的店名招牌在漆黑中很耀眼, 要找它並無難度。門口設有一個開放式下單處, 集中客人在外面下單, 都幾方便, 不錯的設計。落地的玻璃門已大開歡迎我, 哈! 走進內裏, 店子地方小小, 但骨子企理。以粉色為主調，牆上鑲了幾個燈箱，配上一束優雅的小花，設計清雅簡樸。地方小小，下單處後方設有一排長椅配三張四人枱，而另一邊則有三張四人枱，而最入端便是廚房重地，空間不多，雖過了一會便坐了不少客人, 但感覺仍很舒適。看看餐牌，前後兩版, 分有午巿套餐(11:00-14:00)和下午茶套餐(14:00-18:00)，還有一些台式小食(11:00-18:00)供應。晚巿就(18:00-21:00)，是散點菜式，分別有台式米飯、台式粉麵、

早兩個星期去太古坊附近買便當時，就已經留意到海堤街有間設計得似 Café 嘅食肆，餐廳叫「點·子·巷」，在巷子內賣點子，名字改得很有心思。看過門外的餐牌，原來是一間主打摩登台菜嘅店子，感覺特別，加上見定價亦頗合理，所以趁周日就兩口子來嘗新。因為上次路過時，見餐廳環境不大，座位亦不多，所以這天就特意揀了接近下午茶時段才到訪。推開玻璃趟門內進，由於剛過了午市繁忙時間，店裡食客不多，只有「小貓三、四隻」，可以慢慢點菜，再慢慢品嘗，真爽！服務員送上兩份餐牌，原來店員見我倆到達嘅時間，剛好還有 5 分鐘就到下午茶時段，所以說可以讓我們自由選擇吃午餐又或者下午茶套餐；小店就有呢度好，勝在夠靈活。如果唔啱食，客人亦可以喺散點嘅單張入面，自行挑選，有台式小食、回味小菜、素食特選及自家製特飲等。那就先點客藥膳雞煲配珍珠飯+熱羅漢果茶 ($66)，一邊吃、一邊再慢慢揀。藥膳雞以一個粉紅色小鍋盛上，揭開煲蓋，雞件浸於湯內，約有五、六件，全部都切得大小相若。至於湯頭，入面有黨參、北芪、紅棗及杞子等，舀起呷一口，藥材味非常濃郁，既滋潤又補身。挾起雞塊，肉質雖然唔算好嫩滑，但咬下皮薄少油脂，多吃也不會膩，加上珍珠

今日到太古坊開工，同事話帶我去巷仔搵食，原來是一家台菜。午餐價錢$58起，我點了三款分享，A4, A6, A7。我最喜歡糖心蛋魯肉飯，魯肉很香味道豐富，仲有少少甜甜地，隻蛋極之滑，真正糖心，飯又夠多汁，平靚正之選。點子炸雞球配船家湯粉，雞炸得酥脆，粉都滑，好食但就無咪特別。藥膳雞煲，濃郁藥膳芬芳，估計有當歸，見大量杞子，非常富台式風味，湯頭不油，淨飲湯都好味，送白飯都夾。唔記得講，其中兩個餐跟熱羅漢果茶，暖暖的，超清潤，難得開會噴完口水之後可以潤一潤。我們一致認為夠正宗，價錢合理，下次帶其他同事來。

呢條隱蔽嘅巷仔入面 原來開左間台灣fusion菜小店 其中聽講蕎麥麵都出色😇----------溏心蛋肉燥珍珠飯 ( $46 )食台灣菜一定食肉燥飯 半隻滷水溏心蛋 肉燥冇乜肥肉 反而沾上醬汁 撈勻啲咬口唔錯嘅 不過略嫌乾左啲 珍珠米粒粒分明👍🏻-點子蝦醬腩肉配船家湯粉 ( $56 )腩肉大細好似韓式炸雞 食落味甜甜地 肉質嫩滑都有汁 蝦醬味淡左啲 可以再多啲😏 加埋沙津醬同千島醬 可惜外層唔夠脆😢湯粉應該係擺耐左 有啲過腍 一夾即斷 建議改善下時間控制😂-醉香火炙三杯雞 ( $88 )用嘅都係雞脾肉 肉質較實 混合豉油、麻油嘅醬汁好滋味 係幾惹咪不過就唔醉香 雞肉希望可以煮均勻啲🤔 見到都多人嗌黎share🤓-無論店內裝修同餐具都幾精緻 整體味道同價錢都普通 lunch會較多office人嚟食(晚餐供應時間: 6pm-9pm )

今晚同個老友去鰂魚涌的點子巷試下那裡的台式菜。這店在地鐵站B出口附近，過馬路後右轉入巷中便到。這店裝飾由店主設計，風格清新，高級雅緻。店內設有2至4人座位，亦可拼出更大的枱，座位舒適。這裡的餐牌清晰，圖文並茂，方便落單。跟餐的熱羅漢果茶清甜解暑開胃。先來的糖心蛋滷肉飯，滷肉甜而不膩，糖心蛋好食到停唔到口。跟著來的桂花醉香藥膳雞窩材料十足，芬香濃郁，湯味鮮甜不膩。煲過湯的雞肉點了特製鼓汁，美味可口。值得一試的是蝦醬腩肉虎夾包蒸粉包，記得要趁熱食，口感豐富，令人回味。最後和老友分別要了桂圓杞子紅棗茶及巨峰提子梳打，清新可口，更覺滿足。

去左一間新開冇耐既台灣小店食lunch店面比較細，同埋好多人等緊外賣，walkin客都要等一陣先安排到坐位魯肉飯，好多肉，汁都好味，送飯好正蔥油雞撕撈蕎麥麵味道幾好幾惹味，中意食濃味既人會好中意！如果份量再多d會仲好，因為我地幾個女仔食完都覺得好似唔係好夠。跟餐都會有一樣小食炸腐皮魚角都好食，佢仲有個芝士醬俾你佢既椒鹽台腸片就膿左d啦，有點可惜，我地冇哂食我呢杯梳打就比較普通，朋友話佢杯珍珠奶茶就唔錯！

返工能遇上志同道合既同事真係好難得！放工之後同同事食飯，一齊吐吐苦水！餐廳以粉色為主調，感覺好舒適放鬆！真適合勞累了一天工作之後黎食餐飯，放鬆一下！點左兩餸一飯share食...清清地先黎碟豆腐名為壺底黑油豆腐， 黑油既味道唔突出。反而豆味香濃，口感嫩滑！醉香藥膳雞煲...未食已經聞到濃濃的藥材味！雞肉口感嫩滑，每啖都有藥材味。溏心蛋魯肉飯都幾大碗，SHARE 食就最好！溏心蛋輕輕有流心感，很滿足!魯肉肥肉不多，唔洗擔心食左好多脂肪落肚。宜度自家調製既珍珠奶茶非常好飲，珍珠夠大粒，入口非常煙靭。奶茶既比例沖調得好好，奶滑茶香。唯一可惜既係奶茶預先沖調好，糖份份量冇得隨個人口味order!

今晚去左鰂魚涌果頭搵舊同事食飯~佢帶左我黎食台灣野，間餐廳叫點·子·巷 。一坐低，已經放好哂餐具 ～ 隻碟超得意呀！ 最近有d 燥熱，所以叫左杯羅漢果茶～羅漢果味甘、性涼，可以清熱解暑，唔錯唔錯！ 主菜叫左個桂花醉香藥膳雞鍋～酒味濃郁，入面藥材超級足料，而且雞既份量極多，食落嫩滑，唔會鞋，配飯一流～ 另外點左個娃娃菜，娃娃菜口感細嫩，潤滑甘甜，上面層魯肉可以令到菜既味道唔會過淡～ 另外，叫左一碗珍珠白飯～真心 2 個人share 一碗係完全冇問題咖，因為實在太大碗。。。 OVERALL ：味道：★★★★☆環境：★★★★☆服務：★★★★★衛生：★★★★★抵食：★★★★★

本身鰂魚涌係啲小巷入面，就有好多獨立小店，唔係連鎖餐廳。見到呢間鋪頭外表好骨子，好美觀，身為女孩子就梗係想扮下文青入去食飯餐啦。我地叫左個肉躁雞脾飯，阿婆葱油雞絲撈蕎麥麵，蝦醬腩肉虎夾包，肉躁娃娃菜，仲叫左百香果梳打同埋洛神花茶肉躁雞脾飯個肉躁同出面食開嘅台灣嘢唔同，因為佢係啲肉碎相對比較乾身，雖然係咁咋喎，但係都依然juicy，就算碗飯好大碗，但係佢啲汁都依然夠撈晒一碗飯，一定男仔食飽😌至於個雞絲撈蕎麥麵，就好fresh，一啲都唔會油，夏天食好啱食，味道都好好，配埋蕎麥麵嘅口感，成件事都好夾蝦醬腩肉虎夾包，呢個小食一啲都唔小呀hahaha，蝦醬再加埋啲炸左嘅豬腩肉，味道好惹味，好特別，唔會因為個蝦醬嘅味而搶晒個豬腩肉味，不過個包就有少少硬，但整體都👍🏼飲品方面，其實好想試下個珍珠奶茶嫁，不過冇晒，下次再試

店如其名，位於一條後巷裏，鋪頭細，坐得迫狹，但礙於是午飯時候來，也沒有什麼可以抱怨。點了呀婆葱油雞絲撈蕎麥面餐再外加香芋珍珠奶茶，蕎麥面太腍失去口感，温度介乎室温與凍中間，雞絲只有數條，不太油膩是唯一能讚賞的，香芋奶茶味假又杰，飲了一半就放棄，跟餐的炸魚角反而是亮點，帶點脆口。食完非常口渴，應該加了不少味精，不會再光顧了。

今日O.T.完...決定係公司附近搵美食...食過好多台灣美食...有好多都偏油...估唔到呢間唔錯噃...唔油得黎又入味..裝修格局同價錢仲好氹得我好歡喜餐單都幾多選擇呢個叫寶島鹵拼溏心蛋正到想再食，停唔到台灣食品唔少得既鹵雞翼，好入味..只係雞腎有少少硬...阿婆面撈埋真係好好味...唔識形容個種唔利既感覺....我最愛呢個...醉香藥膳雞煲...本身自己鍾意飲藥膳湯...呢個真係超濃郁..酒味都好強...最重要無左個種酒澀甘味...

剁椒擔仔撈米線：的確是很容易準備的菜式，預先弄好的肉醬裡面有充足的香蔥和辣椒，辣度對於我來說剛剛好，裡面的肉肥瘦也蠻均勻，伴著熱騰騰的米線吃挺滿足。說好吃是很好吃，但是不禁想起了平民的炸醬撈米線，份量可能是這裡的1.5倍，但是價錢是一半哈哈！男士來說分量可能會不夠。溏心蛋魯肉飯溏心蛋帶輕輕的甜，而魯肉醬是帶多甜味的一款，肥肉不多而且主要靠醬油調味，而不是肉本來的脂肪。看看大家的口味啦～辦公室的女士們會喜歡這個輕盈版的魯肉飯，但是男士就未必了。椒鹽花枝丸和台式腸佩服店家的聰明，知道食客多三心兩意，配小食的做法的確讓人覺得高興。沒有大特別的地方，但是應該是新鮮弄好的，不會放了很久。在門口逛了兩逛才決定進來，原因是對於裝修美麗但是賣傳統亞洲美食的餐廳有輕輕的成見，總覺得這一類食物不應該「食裝修」，但是沒有特別期望之下反而有驚喜。推薦喜歡漂亮餐具和粉顏色調裝潢的（女生）朋友來這裡，食物不錯之餘服務太多也不錯哦。

同同事一齊食lunch, 之前都食過，覺得幾好味，今日再黎幫襯，食物賣相靚，環境乾淨舒服，餐具都好新好靚，員工服務態度良好有善。我叫了肉燥咸香雞脾飯，隻咸雞脾夠晒入味，唔錯，可惜我個人覺得雞脾煮到太“林”了，無左口感，一切就會散晒，而我同事就覺得反而食得好方便，幾好，唔駛切都得。 跟餐送飲品，熱羅漢果茶，都幾夠味，甜多少少會更好 。同事加錢飲杞子菊花茶，好夠材料，好味!又健康!支持用心經營既小店，會繼續幫襯!

經過百幾次，今晚試下先可能因為係夜晚，冇乜人（係冇人），感覺清閒，跟午市係兩個世界。鋪面好細，估唔到鋪內，裝修好小品，仲有貓貓。本來想食肉燥飯，又好似會太飽。。。有推介紹，照跟：呀婆蔥油雞絲撈蕎麥麵，再追加炸魚角，再嚟杯洛神花梳打水。蕎麥麵，唔錯，雖然係蔥油，但冇油膩感。而且係凍的。熱夏炎炎，啱哂。腐皮炸魚角。。。。脆。（平時食的魚頭開三片）洛神花茶就冇乜特別。早知聽哥仔推介：珍珠奶茶啦呢餐都滿意,話哂係台灣小巷fusion料理，下次真係要試下肉燥飯。絕對唔洗驚太大份量，碗蕎麥麵都唔係好大碗遮。