龍城冰室

營業中

休息中

龍城冰室是很有港式風格的網紅冰室，無論什麼時候過來都是這麼多顧客，排曬長龍，真是好受歡迎！### 鐵板牛柳絲炒公仔麵嫩滑的牛柳絲在熱鐵板上迅速煎至微焦，散發出誘人的香氣。麵條在熱油的翻炒下吸收了牛肉的精華，Q彈，口感更加豐富。微微的辣味與牛肉的鮮味結合，搭配青椒和洋蔥，讓每一口都充滿層次感！### 微辣肥牛拼鮮蝦微辣的調料恰到好處，既不掩蓋鮮嫩的肥牛和大蝦的肉味和海鮮味，又令增添了刺激感，就連裡面的白菜都鮮甜香辣，送飯一流！### 特厚花生醬西多士兩層西多士夾住花生醬，入口是花生醬的濃郁與香甜，吐司的酥脆，再淋上蜂蜜，令味道更上一層樓！

垃圾茶餐廳，食物一般，又要收15 ％服務費，服務又差，員工個個黑口黑面，點餐都要鬧你兩句，十分好恐怖，是不是免費的，不用比錢，入去食嘢要受氣，旺角都有好多選擇，不用自己咁辛苦。

剛經過旺角，在這亞皆老街上的龍城茶餐廳吃晚飯，叫了一個風乾火腿沙律，加一個叉燒，通粉茶餐，沙律出乎意料之外新鮮，沙律汁很開胃。反之叉燒通粉茶餐就不是太出色。不過值得一讚嘅係這裏的有幾個夥計哥哥很細心，由於隔離的食客不斷講粗口，有兩個夥計哥哥埋來主動幫我掉位，非常窩心。總括來說，這是享受的一個晚餐。

我一坐低，服務員就已經催促你要盡快落單，感覺有啲急促。已經叫我大叫落單，落完單後，等咗一陣，飲品送到，但竟然係錯誤嘅飲品。你即刻同服務員反映，佢檢查後承認係落錯單。不過佢隨即話，如果要換飲品，可能需要等好耐，語氣中似乎有啲唔耐煩。我見咁麻煩，就話算啦，唔好再換。不過，下一秒你望到對面有個啱啱坐低嘅客人，佢哋方才先至落單，但佢嘅飲品竟然喺30秒內就送到。呢件事令我感到好唔舒服，因為明顯係服務員聽錯單，導致送錯嘢比你，而換飲品時卻用「要等好耐」呢個理由想搵藉口推卸責任，令你覺得自己好似俾人敷衍咗咁。

龍城炒米粉 - 過咗2個月再食番 , 除咗加咗價同縮咗水外 , 米粉過乾 , 沒有舊有的將配斗兜亂 , 入口一浸油益味 , too bad .麻辣鷄餐 - 麻辣汁原本是個餐嘅靈魂 ,  但都係失望 , 雖然對茶餐廳做呢類食物的要求不高 , 但也不至於咁低水平 , 雞唔駛講都知係雪鷄 , 但唔入味係一致命傷 , 佢地做到咗 , 冇味 (only 雪味) 鷄 , 不麻辣汁 . 算把啦!!

今日收工去新之城行吓，所以就去附近嘅茶餐廳食飯，其實一直都冇試過呢間茶餐廳，份量仲豐富😮煙三文魚凱撒沙律🥗沙律有好多唔同嘅沙律菜好，送羅宋湯同埋嘢飲，三文魚大約有三至四塊，食完沙律好清新，好開胃可以準備食吓一樣嘢泡菜魚片花甲豆腐石鍋飯有好多花甲，有10粒以上，泡菜湯加上豆腐同埋六至七塊嘅魚片，仲有唔同嘅蔬菜，包括炒起咗嘅菇、仲有高麗菜等等，所以都幾健康，飯食得好飽好飽鐵板照燒鰻魚雞扒鰻魚同雞扒都好大塊，不過鰻魚醬有少少甜，雞扒就煎得好脆又多汁，叫咗蒜蓉醬，然後配飯，男仔食都好飽送兩杯嘢飲，叫咗凍檸茶同埋奶茶最後我哋仲叫咗三個包拎返去聽日做早餐，包括菠蘿包、紅豆菠蘿包、芋頭包好食

最近經過旺角， 唔知食乜， 見到旺角中心龍城冰室有很多人排隊， 心諗味道應該不錯， 就打算去食。 店餐廳內 的枱都很擠迫，很多人， 好彩我們被安排到卡位， 所以不是很逼。 餐廳主打港式茶餐廳的食物， 看到遊客門都點常餐或燒味， 食得好滋味。 餐牌亦有不少特色食物， 其中我們看到有乾鍋同酸菜魚， 又想食肥膩嘢， 我們就點了。 職員的服務態度不錯， 好少可，值得讚賞。 很快我們的餸菜便到了， 熱辣辣很足料， 炒得好惹味。 辣度剛剛好， 很適合香港人口味。 套餐仲包咗杯嘢飲， 凍檸茶不澀不苦， 飲落好清新。 總括而言 ， 想有點重口味嘅朋友， 可以嚟試試。

之前成日都經過旺角中心，呢度以前機舖同埋金舖嗰個位已經做唔住，帶嚟嘅係一間冰室。要知道喺旺角鬧市裏面經營一間餐廳絕對唔容易，因為外面仲有好幾百間食肆。休閒嘅下午喺旺角行街行到熱辣辣，經過門口啱啱開始準備轉做下午茶，未係咁多客人，入去試下佢嘅拿手小菜先！🦐龍城炒米粉呢個炒米粉唔會好油，裏面有兩隻大蝦、火腿絲、雞蛋同埋各式各樣嘅配料,食落有少少嘅蝦醬香味！食到碟底都係冇油嘅，睇嚟炒嘢嘅師傅有啲功架！🐔麻辣滑雞煲呢度嘅一人套餐雞煲份量都唔少，雞件全部都幾滑，唔係淨係用麻辣醬裏面都咬到少少花椒！仲有薑、蔥、蒜頭、洋蔥、紅蔥頭三色椒等等嘅配料,好餸飯呀！🧆All Day breakfast而家啲茶餐廳都好輕做呢一個全日早餐，呢度嘅芝士火腿牛角包整得都唔錯！魚柳都好巨型呀有我塊面咁大😂中間有啲沙律菜，另外仲有炒滑蛋、香草腸，幾廿蚊嚟講又幾抵食！🥞芝士流心西多士呢度西多士係用鮮牛油㗎喎！竟然唔係人做牛油馬芝連🤠熱辣辣食又真係幾流心！拉絲！

今日試咗「香辣魷魚公仔麵」，味道真係幾正！魷魚夠晒彈牙，辣味啱啱好，麵條又有咬口，配埋香濃嘅湯底，真係一口接一口。不過，鹹味有啲重，食耐咗會覺得有啲滯。「奄列多士」就係嗰啲茶餐廳經典小食，蛋皮煎得好靚，內裡嘅多士外脆內軟，夾埋蛋香，幾有層次感。只係多士有啲乾，如果濕潤啲會更好食。「薑蔥龍躉頭腩煲」真係唔錯，魚頭同腩位都非常鮮甜，薑蔥味道混合得啱啱好，每一口都係鮮味滿滿，呢道菜值得推介。至於「菠蘿咕嚕肉」，就係嗰啲唔會出錯嘅傳統廣東菜，肉質鬆化，甜酸度處理得幾好，菠蘿又新鮮又甜，食落口感幾滿意。「香菇雞煲」都唔錯，雞肉鮮嫩，香菇嘅香氣好突出，湯底清甜得嚟又唔會太油膩，係一道唔會踩雷嘅選擇。飲品方面，「凍奶茶」奶味香濃，茶味唔澀，甜度啱啱好；「鹹檸七」就清新爽口，鹹檸味出晒，仲有七喜嘅氣泡感，夏天飲一流。總括嚟講，呢餐飯真係幾滿意！

旺角龍城冰室我去過幾次, 食物一般, 但態度麻麻, 早兩個月前去嗰次態度勁差, 一入門口就呼呼喝喝, 又要指定我坐邊, 但當時坐位空咗4成, 又唔係繁忙時間, 個伙記仲碌大隻眼望住我, 嘩!! 啲態度直頭唔想我(幫襯), 之後我都係走去第二間食算, 呢間嘢, 我下次都唔敢再入去, 怕怕

港式扒房已經買少見少，好多都可以系茶記同冰室食到。今日行經#龍城冰室 ，見到門口餐牌內有鐵板餐供應，全店免收加一，而價錢同份量系旺角區相當吸引，一食完就行多幾步就落到地鐵站。我吔一致揀咗羅宋湯，湯料足，夠味，食完個湯唔口渴。柑桔蜜&紅豆冰鐵板招牌黑椒牛柳配全熟薯菜 蒜替汁牛柳揀咗全熟，大小和厚度與牛仔骨相比較為厚，肉質鬆軟多肉汁，我幾鍾意個蒜替汁偏酸。薯菜好香，飽滿，沾左點沙律醬都好食。鐵板板燒黑椒牛仔骨配意粉 黑椒汁有4-5件左右都算幾多，油脂感重，但加左黑椒汁食落感覺唔會太油膩。

今晚叫左晚餐F，蜜椒薯仔牛柳粒飯，有好幾個薯仔都係脆口既，好明顯係炒唔熟啦！我都幾乎日日黎食咁濟，質素有好有唔好，但其實味道係唔錯既，賣相都唔差，不過希望可以改善下！

3點幾去tea 1 tea先下午茶餐牌有三十幾項選擇三十幾至六十幾不等今次叫左下午茶餐酸菜魚配飯68加3蚊凍飲呢個餐平時午餐做88另一個就叫左常餐 因為想食佢個丹麥多士味道全部幾好只不過食得有啲辛苦一 9成滿 但唔夠人 出餐有啲慢二 今日33 34度 有開冷氣但都好焗 要自己開埋個風扇仔先好啲啲

今日嚟幫屋企人拎眼鏡，之後行經呢間冰室都好多人就入去食個下午茶，點咗個酸菜魚配飯估唔到個份量咁多，而且冰室嚟講佢嘅酸菜魚味道都好出色，cp值十足呢間冰室真係好多人，可能因為佢嘅食物款式都好多，啱曬唔同人嘅喜好。我揀咗特飲紅豆冰，嘆住嚟等酸菜魚，紅豆煮得夠淋夠溶，酸菜魚都好快整好，好大碗，魚片份量好多，不同類型嘅辣椒睇到口水都流！食落酸菜魚唔會太辣，酸香味豐富，好啱口味。呢到食物種類好多，樣樣都好吸引，下次要再試下！

記得呢間嘢係疫情嗰時開，地點方便，餐廳超大。之後停業咁耐竟然仲撐得住。呢間嘢嚟過好多次，有好，亦都有唔好嘅經驗。最深刻印象係，佢嘅龍城炒米粉，以為可能係乜嘢招牌菜，結果非常難食。第二次係花甲湯飯，以為係啲湯汁令到隻蜆唔開，一咬落去成口都係沙，嚇死。因為方便嘅關係，之後都是有幫襯。瑞士汁雞翼，炸薯條，呢啲嘢中規中矩，可以一試。乾炒牛河都唔錯，不過水準唔穩定。咖喱都幾好食，呢個選擇比較穩陣。尋晚就試咗佢嘅鐵板餐，叫咗牛仔骨，同薯菜。個湯同個包其實真係唔錯。sorry太肚餓不過冇影相。個焗薯我都幾鍾意佢個醬，雖然唔係整得出色，但係我覺得幾好食。好啦，終於講牛仔骨，一上嚟個賣相都幾差，食慾大減，不過就有成五大嚿喎🙄。牛仔骨好多根唔係嚿嚿切得開。用嚟練習吓用刀叉都幾好，食咗一兩啖唔錯嘅就好似抽中獎咁開心。