影片
電話號碼
31862385
94635278 (WhatsApp)
營業時間
今日營業
12:00 - 23:00
星期一至二
12:00 - 23:00
星期三
全日休息
星期四至日
12:00 - 23:00
*(每天之營業時間可能有所不同，請直接whastapp餐廳查詢)
以上資料只供參考, 請與餐廳確認詳情
有關獎賞計劃
素聞位於大埔大尾篤嘅龍尾軒由前福臨門廚師主理所以新年我特登book位同家人黎聚餐即使未有機會試福臨門都可以試下廚師手勢🤭菜式可以同餐廳商量或者有套餐可以揀價錢可以接受菜式份量都因應人數調配先上位份前菜清酒冰鎮南非鮮鮑 - 鮑魚大隻鮮甜😍酒香味不太濃，老少皆宜香煎蓮藕餅 - 蓮藕餅香酥爽脆涼拌酸辣土豆絲 - 酸辣開胃桑葚靈芝石斛燉雞湯冬天最愛熱湯😍一上枱就有陣淡淡藥材香湯料足飲落清甜仲有靈芝陣陣甘香芝士牛油海中蝦（煎米粉底）蝦夠大隻肉質爽彈重點係個芝士牛油醬濃郁但唔膩仲帶少少鹹香底下嘅煎米粉香脆吸晒醬汁比傳統伊麵感覺無咁油膩呢個一定要試！重慶麻辣雞煲雞肉甚多而且已盡量避骨麻麻辣辣相當惹味雜糧蕃茄盅呢道菜相當有心思蕃茄先去皮然後內饀藏滿各式豆類口感豐富感覺清淡健康最愛呢道菜！福建炒飯呢道炒飯有點與眾不同直頭係富貴版福建炒飯醬汁勁多瑤柱同帶子好豪呀！最後嘅甜品都好特別竹蔗茅根燉菊花豆腐平時多作涼茶嘅竹蔗茅根水竟然化身中式甜品味道清淡同一般甜膩嘅西式甜品或中式糖水好唔同菊花豆腐華美精緻估唔到甜品都令人賞心悅目今次私房菜俾我地試到入門版嘅富豪晚餐下次再黎試下更矜貴嘅菜式先！
繼續閱讀
放假入大尾篤真係好chill，去完龍尾灘睇海睇日落，就行過去對面食私房菜😌😌呢間house式係由福臨門廚師🧑🍳主理既私房菜餐廳門面已經感受到氣派，未食已經先期待😆一入門左邊已經有個中國古代宮廷風格既室外包廂，好特別！如果天氣暖翻少少我下次會坐呢度😆-被安排上2樓，果然係私房菜，極高私隱度，坐得好寬敞舒適-望一望今日餐牌，前菜有三款泰式涼拌蟶子王肉嫩肥厚，相當鮮甜，配上微微酸辣既調味好開胃九肚魚唔會過鹹，咬落去脆口鬆化，魚肉乾身，嫩滑中帶口感，想過口癮但又唔怕過量會熱氣！😈燒椒黃金皮蛋，蛋黃流心，蛋白Q彈，醬汁酸辣惹味，呢三款前菜刺激味蕾令我食指大動😌-羊肚菌栗子燉鮮鮑魚湯湯味濃郁，鮑魚燉到好腍既不失咬口，湯頭飲得出紅蘿蔔同粟米既鮮甜，因為燉湯嘅關係，湯料仍然保持原味，所以全部都唔覺意食晒，栗子🌰養胃健脾，飲完暖入心。-砂薑蔥油雞肉質嫩滑，配上大量薑蔥，傳成個油香昇華，整體口感層次增加-沙嗲安格斯牛肉粉絲煲加入菠蘿，甜酸味中和本身沙嗲鹹香味，令人不停食完一啖又一啖，拌飯一流，鍾意重口味既朋友會對呢煲愛不釋手-櫻花蝦魚腐浸農場菜既魚腐將湯汁吸飽吸滿，農場菜鮮甜，「菜有菜味」就係農場菜既特色-全餐最驚喜既係鮑汁鱆魚雞粒炒飯成個炒飯配搭得好好，味道相當香濃，每喺飯都食到鱆魚，好有存在感-食完成餐飯，最尾飲一個清香生磨杏仁茶，唔止可以清一清味蕾，仲可以消滯解油膩今餐食得滿意，又有種養生既感覺真係名符其實有家既感覺又有功架既私房菜❤️
繼續閱讀
大尾篤出名係BBQ但其實都有好多私房中菜館同餐廳默默做成為居民餐廳好多都好friendly 嚟到最「篤篤」嘅龍尾入夜後舒適寧靜行喺路上會聞到有住家飯嘅香氣#龍尾軒 同海邊只係馬路之隔主打中式私房菜由前福臨門廚師主理質素唔曳前菜三點醬皇紅蜇頭、手拍青瓜同椒鹽鲜鱿由酥到鹹好夠刺激味蕾湯品亦飲得舒服我鍾情清甜嘅羊肚菌栗子燉鮑魚湯娘親就偏愛五指毛桃玉竹燉雞湯小炒王同鮑汁蟑魚雞粒炒飯同樣夠穫氣菠蘿咕嚕肉要讚個咕嚕肉放涼後冰脆爽口至於川味口水雞有啲被比下去肉質雖嫩但雞皮有點過厚另外櫻花蝦魚腐浸時蔬亦有驚喜店員強調魚腐係自家制算係一道難得嘅手工菜甜品竹蔗茅根燉菊花豆腐清潤甘甜我鍾意！
繼續閱讀
門面相當隱蔽, 但其實很有特色一進入店內, 就有一個很閒逸的涼亭, 然後就是一間間好有私人空間的玻璃廳房, 侍應殷勤地招呼我們, 房間內的電視、空調、燈光都可隨意讓客人自己調教, 最重要就是他的廚師發板菜式, 按客人的價錢來定位, 所以很有驚喜, 先來的三味冷盤前菜都看得出廚師的功架, 接著的燉湯有很多種藥材, 嚐得出他的原味, 幾個主菜都是一般酒樓較冷門的菜式, 全都很好味, 甚至他的甜品都是手磨杏仁茶加黑芝麻湯圓, 實在令人印象深刻, 整體對餐廳的食物質素、服務尤其環境都有很高評價。
繼續閱讀
朋友全力推介, 就趁假期慕名而來, 在芸芸泰菜及cafe等食店夾擊下, 實在不容易闖出一條食路, 它就是默默地做著一間隱世的中菜廳, 當你一進入餐廳範圍, 已被他那種裝修使客人完全融入咗一個好chill的用餐環境, 菜式是按人數和價錢, 由廚師發板, 先來的前菜擺盤也很有心思, 黑松露豆腐、陳醋海蜇頭及酸辣土豆絲, 全都看得出廚師的功架, 而靈芝嚮螺燉湯也很有水準, 接著的主菜包括罕見的順德原條釀鯪魚和沙薑葱油雞, 都極不錯, 甚至單尾的鱆魚雞粒炒飯和手磨杏仁茶也很有水準, 朋友真是無介紹錯, 一行四人都超滿意。
繼續閱讀
您可能會有興趣的...