龍島 (MOKO新世紀廣場)

營業中

休息中

朋友生日，想買個又靚又好味嘅蛋糕賀一賀佢。呢間舖原來好特別，cake shop 都可以openrice 外賣自取，就二話不說即刻openrice 買同行去拎了。煥然一新 - 柚子軟芝士蛋糕 (5吋) $298 (openrice 價：$295.2)官方 desciption：日本特有清新柚子配與法國Kiri香滑軟芝士，再混入少許柚子皮提升柚子香味。這款輕怡甜品，把東方特色口味融入西式傳統芝士蛋糕中，併發出全新口味。成個蛋糕賣相好清，店員會額外畀生日牌你自己插上蛋糕。個蛋糕面圍咗紅色嘅邊，有少量玫瑰花瓣，極少量金萡，紅色嘅東東酸酸地，似士多啤梨乾。個cake 整體唔算甜，啱晒口味，內層有柚子饀料，酸酸甜甜。最低層嘅海綿蛋糕軟綿綿，好味道。

因為之前食過一件芒果拿破崙西餅，覺得個拿破崙好食，所以決定今年訂龍島雜莓拿破崙蛋糕慶祝屋企人生日。龍島嘅拿破崙蛋糕價錢唔平，要四百尾，但係無論餅皮定係啲吉士都好好食，個拿破崙餅真係好鬆脆，中間嘅拿破崙餅唔會因為有水果同埋吉士而變得軟林林唔好食，所以我覺得係物有所值。個人嚟講，我比較鍾意龍島嘅拿破崙多過Rosewood 嘅拿破崙餅，略嫌Rosewood嘅拿破崙餅皮有少少硬。另外MOKO分店嘅店員好有禮貌，值得一讚。

行過龍島見到櫃入面d蛋糕非常精緻，忍唔住買左幾件食☺️玫瑰白桃忌廉芝士蛋糕一啖食落去，同時feel到白桃味同芝士味，亦唔會太甜😍72％純黑朱古力蛋糕朱古力慕絲好綿滑😚，濃郁朱古力味，但唔會太苦，內面仲有脆脆，口感豐富👍～柚子軟芝士蛋糕如果有朋友驚芝士蛋糕太膩，呢款蛋糕就啱哂你😀～因為加左柚子食落去酸酸甜甜，好清新開胃😋

今年龍島的千層酥禮盒顏色悦目，設計非常討人。一盒有三十片個別包裝的千層酥，禮盒裏有三個款色：牛油原味、士多啤梨味和焦糖味。三款千層酥尚算酥脆，以士多啤梨味較為突出，酸酸甜甜，味道多層次。酥上的乾士多啤梨粒有些咬口，粉紅色又吸引。牛油不太濃的牛油千層酥味道只是一般，而個人覺得焦糖千層酥較癡牙，但味道也算不錯。個別包裝的千層酥感覺較衛生，亦可保存食品的酥脆。三個不同的款式又能滿足不同口味的食客，顯見其營銷的心思。

有同事請食散水餅我揀左呢件 伯爵茶香梨忌廉芝士蛋糕個蛋糕賣相唔錯 有d紫色花瓣同金箔 擺得幾靚伯爵茶味唔算好濃 但係入面d梨又意外地同伯爵茶幾夾 而且唔會太甜少少酸酸地 食落幾開胃不過creamcheese好淋咁 冇乜口感整體黎講味道ok, 質地可以硬番少少就更好

*foodpanda外賣自取8折價🚩60%純黑朱古力軟心蛋糕🍫💰價錢：$30.4 (80% off)兩件海綿蛋糕夾住兩大舊超厚身既黑朱古力磚超紮實嘅口感第一啖食落以為布朗尼😧😮海綿蛋糕部分好乾🙁頂層既朱古力慕絲忌廉幾乎冇咩存在感成件食落似係食緊一舊朱古力多過食蛋糕如果你想要鬆軟綿密濕潤既蛋糕呢件滿足唔到你雖然我係朱古力控但都覺有啲漏😂建議食依件最好要配上一杯咖啡☕️或者同朋友share食完美既下午茶🤪🚩玫瑰白桃忌廉芝士蛋糕🌹🍑💰價錢：$33.4 (80% off)味道上酸酸甜甜忌廉芝士味雖濃但冇蓋過白桃味布丁質感較多成件食落好輕盈唔似朱古力嗰件咁heavy😂個人口味上如果蛋糕係忌廉質感我會更鐘意整體而言作為朱古力控因為朱古力蛋糕嗰兩大舊勁厚既朱古力磚搞到似係食朱古力多過食蛋糕影響口感冇咗食蛋糕既意義但同時朱古力味真心濃到癲左Btw 都好過一啲朱古力味都冇而玫瑰白桃方面個人對於酸酸甜甜既蛋糕喜好一般但整體都做得唔錯8折後每件cake $30出頭價錢質素都唔錯都算抵食

伯爵茶香梨忌廉芝士蛋糕 Earl Grey Pear Cream Cheese Petite Cake入口有伯爵香味～再配上好滑既cream cheese，感覺小清新，唔會覺得甜膩😍cake既表面鋪左檀紫花瓣，睇得又食得。72% 純黑朱古力蛋糕 72% Dark Chocolate Petite Cake 72%朱古力慕絲做得好幼滑，不過都略嫌有少少甜～而慕絲入面係海綿蛋糕，上層係朱古力味，下層係杏仁味，最底層仲有榛子朱古力脆脆，口感豐富，朱古力迷值得一試。

今年新年收到的賀年禮物，是龍島的禮盒千層酥。禮盒內有三種味道的千層酥（即是平日吃開的蝴蝶酥），有原味、朱古力味和士多啤梨味。～原味千層酥非常脆口，有牛油味，做下午茶甜點配一杯飲品是最好不過。～喜歡吃朱古力的人一定喜歡朱古力味的千層酥。一片千層酥便可滿足兩個願望，既有可可味，又有牛油味。～士多啤梨味千層酥較特別，顏色鮮艷吸引。千層酥鋪上了白朱古力和紅色的士多啤梨亁，酸酸甜甜又酥脆，咬一口便有多種口感。

🌰龍島芒果栗子蛋糕🎂.適逢家母生日今次買咗龍島嘅芒果栗子蛋糕🍰質素同普通西餅店好大分別！芒果粒唔會太酸 幾好味同栗子蓉好配合🌰海棉蛋糕好軟熟👍🏻夾心忌廉唔會太厚 唔會太膩整體來講質素唔錯👍🏻蛋糕要最少三個工作天前預訂🕑可以上網訂購 亦可以透過電話預訂📝佢仲有好多款蛋糕可供選擇😆有啲蛋糕仲有迷你裝 適合三至四人食☺️☺️☺️☺️📍Lucullus 龍島 @lucullus_hk (有多間分店)

呢期勁多同事last day，呢次既散水餅就係 Lucullus Gourmet Shop 龍島美食店既 cookies 同埋 puff pastry 千層酥 la...Cookies 味道麻麻地無咩牛油味、都唔太食得出佢標示既美味。但呢款同其他 brand 既蝴蝶酥似似地既 puff pastry 就有d 驚喜la。一般 bakery 賣既蝴蝶酥，都係得原味，同埋一係好硬、一係太油...而呢間既千層酥，個酥底好香牛油味，原味以外既味道，都係勁full既topping，食左原味、開心果朱古力同埋士多啤梨三個味，最好味就係士多啤梨千層酥，d topping 酸酸味味好夾近排熱辣辣既天氣，而另一款開心果朱古力都唔錯既，只係nuts太多無食到好飽🤣

幫老闆慶祝生日當然要買個大方得體既生日蛋糕龍島蛋糕不失為一個好選擇可以預訂，亦可以要求寫生日名牌，寫得不錯右: Truffle cake 朱古力軟心蛋糕比利時60%黑朱古力，非常creamy內裏為朱古力海線蛋糕此款為經典款式，喜愛朱古力的食家應要一試左: 士多啤梨芒果忌廉蛋糕賣相十分高貴，女上司很喜歡內裏有一粒粒芒果及士多啤梨鮮果粒平時裝飾的朱古力片一般不會吃但這個蛋糕外圍的士多啤梨朱古力片也好吃，不會太甜

中午和2位老友午餐後，林太要交人，陳妹妹要回家補眠，於是就一粒蝸牛由油麻地慢慢的碌去旺角火車站，預備北上借喼。北方的朋友已預備了私房椰子雞湯，晚餐烚海鮮。上門借東西總不能兩梳蕉，路過新世紀，就想買些甜品齊齊嘆。走到龍島店前，售貨姐姐落力的推銷曲奇餅，這時才發覺今日的龍島，除了賣朱古力，蛋糕，還有曲奇餅賣。不過今次的目標清晰，是甜品。下午3時許，雪櫃裡原個蛋糕比較多，切餅只有幾件，左上角放了3杯甜品杯，還掛了第二杯加25蚊的推廣牌，於是就買了楊枝金露豬豬杯。粉藍的瓷杯內，是芒果味的奶凍布丁，甜而不膩，但有些硬，杯底有粒粒芒果肉和絲絲柚肉，杯面有藍莓和心型朱古力做裝飾，還有1粒透明的啫喱，啫喱雖然只有一點點甜味，但意想不到的Q彈。整個甜品杯很清新，味道不錯。另外也試食了雲吞味的曲奇餅，帶有大地魚的味道很鹹香，不過就是覺得怪怪堤，不太合口味口。

龍島曲奇，一向都是我購買曲奇的首選，每逢大時大節，我大多數都會在龍島選購曲奇作送禮之用。今天經過新世紀廣場的店，看到一款新的港式茶餐廳曲奇，看到那些奶油多味，沙嗲牛肉味，而價錢又非常大眾化，便買一盒試試吧！其後看見一個吉祥牛油曲奇禮罐，忍不住再買，哈哈！回家後急不及待拆開試試吧，茶餐廳風味禮罐包裝精美，每款都是獨立包裝，更有說明書解說不同的味道，我先試一下鴛鴦味及奶醬多味，口感非常鬆軟，而且充滿奶香及牛油香，完全有驚喜，楊州炒飯也是非常特別，這正是我作為長期粉絲的原因吧，結果我便於短短3日便吃完整罐曲奇了，期待他們再有新的口味，一定會試。而吉祥牛油曲奇我也送了給客戶，他也讚不絕口，推介。

復活節快到了！餅店都會渾身解數，設計應節美食吸引顧客，我經過新世紀廣場的龍島美食店，被新口味的港式茶餐廳風味曲奇【紅寶石】禮盒吸引著，將港式茶餐廳風味融入曲奇餅，真係夠晒盞鬼，份量合共16片（$108）。回到家中急不及待先嘗香甜杏霜曲奇，酥脆有杏香，六種款式中這款香甜杏霜曲奇，味道比較傳統。奶醬多曲奇，有奶香和花生碎，鬆軟有口感，味道頗佳。           濃情鴛鴦曲奇，一塊曲奇可嘗到香濃咖啡，又有茶香的奶茶味道，夠地道。避風塘炒蟹曲奇，睇到啲曲奇表面都唔少炸蒜，食落酥脆且鹹香惹味，惟獨無蟹肉，但感覺都幾過癮。沙爹牛肉曲奇，真喺有牛肉乾粒粒架.....牛肉粒咬落口感煙韌有牛肉乾味道，吃著曲奇，有突出牛肉味，很有新鮮感。楊洲炒飯曲奇，曲奇面鋪咗啲脆米碎、蝦米碎、叉燒粒，重有埋青豆吖，玩味十足！不過，睇得之餘，入口仲有鹹香嘅味道，口感豐富，我喜歡。很滿意【紅寶石】禮盒，下次要買埋【綠寶石】禮盒試吓喇！我覺得原味千層酥餅是經典的傳統，有著酥脆口感和香濃牛油味，我手持千層酥餅，手指也沒有沾到油膩感。（其實千層酥餅非常魔鬼，不過淺嘗是沒有罪惡感。）   

今天與朋友經過附近，看到龍島美食店，所以進店內看看。這裡有很多不同的朱古力和曲奇，還有各式各樣的禮盒。我買了一盒雜錦千層酥禮盒和一盒牛油曲奇禮盒。雜錦千層酥有9款不同的千層酥，當中有原味、朱古力、士多啤梨、杏仁、紫薯、黑芝麻、南瓜子、榛子、玉桂、綠茶等等。每款味道各有特色，形狀也不同。千層酥鬆脆香口，十分美味。雜錦曲奇有很多種味道，包括牛油,朱古力,藍莓紫薯, 最特別的是含有果仁，有些更有芝麻。 入面的份十量也很多。咬一口， 是有點硬 非常鬆脆。非常喜歡這種質感有別於平時又牛油味很重，過到鬆軟的曲奇。曲奇不會太甜， 牛油味不重， 不油膩。然後各種味道都發揮得很好。