龍島 (創紀之城五期(apm))

營業中

休息中

因為係smartone客戶生日免費有個蛋糕，就揀左個5寸皇者盛世 - 60% 朱古力軟心蛋糕。個蛋糕外表無問題，幾靚仔，同產品圖一樣(sorry無影到相) 。但係一切落去就知伏，你用膠刀切嘅話我諗已經斷咗，個蛋糕係硬到切唔開。😂😂😂海綿蛋糕層偏硬身，但可以接受。最大問題係嗰一層60%黑朱古力軟心，係硬到同就咁食緊一舊黑朱古力無乜分別，完全唔覺得佢係軟心🤢🤢🤢應該係cream比例十分少。仲要呢一層component 基本上佔咗蛋糕嘅6成。🥲蛋糕面有另一層輕身d嘅朱古力cream，但得好少，幫唔到幾多。總括而言，食呢個蛋糕你要預咗係食一舊硬嘅海綿蛋糕加一舊朱古力，冇任何層次可言，講真未食過咁難食嘅朱古力蛋糕。😵‍💫

今日婆婆生日，梗係要買個好好味嘅生日蛋糕慶祝啦🎂🎂🎂🎂🎂系APM 行來行去揀咗好耐，最後我哋都係去咗LUCULLUS😋😋😋😋😋玫瑰白桃軟芝士蛋糕 $ 298 軟芝士比較淡味，冇咁膩，淡淡玫瑰香氣配白桃非常清新，完美結合，蛋糕上鋪滿玫瑰花瓣，簡單得來又吸引。

龍島 龍島蛋糕真心好味 個樣都好靚 夠精致 一定會相機先食 表面係朱古力 朱古力食落去唔會硬 而且好香牛奶味 好好味！龍島買一定買軟芝士蛋糕 好軟身 唔會有羶味 反而好清甜 食落去口感滑溜細膩 入面中間有新鮮雪梨 🍐 好正！

服務態度好好我叫外賣送黎佢突登打黎問我 因為有d款無哂好好食 😋叫左蜜桃芝士奶蓋芒果海綿果款都好好食柚子味好清新幾worth the price既都會再encore呢間

白桃瑰麗·玫瑰白桃軟芝士蛋糕🍰蛋糕外貌簡簡單單，用左玫瑰花瓣做裝飾 睇落去好舒服 有種優美感覺🥰 平時食芝士好飽肚 好膩 但呢個蛋糕完全唔會膩 用左柔滑細膩軟身忌廉芝士 食落去好滑溜溜 而且有花香味 加埋中間香甜白桃 簡直一流 好正

朋友生日但係兩個女仔啱啱食完飯都好飽但又想食蛋糕 坊間雖然有好多好細嘅蛋糕，但係多數都係得cream同cream冇咩太多款式嘅選擇 。今次經過apm一田隔離見到龍島有個好特別嘅蛋糕叫做荔枝芝士蛋糕 個樣好靚，而且荔枝味嘅 芝士蛋糕好小見荔枝味幾濃，而且芝士好creamy 而且唔會太過飽 好適合女仔食 因為朋友生日所以要求加咗十蚊生日牌喺蛋糕上面 多數其他舖頭嘅朱古力生日牌都唔會食因為會好難食但係龍島嘅朱古力唔太甜，幾好食

以前龍島以為佢淨係得朱古力, 但原來而家多咗好多其他產品, 今日lunch行過, 見佢有d得意杯杯甜品, 而且12月份又做緊promotion, 買第二杯會平d, 於是等放工先去買, 始終雪响專業雪櫃好過公司個雪櫃, 不過只淨返原味同朱古力味, lunch見仲有芒果味.........每種杯杯都係唔同公仔, 唔同味道, 仲有唔同朱古力, 非常吸引, 如果原價買, 對我嚟講的確貴咗少少, 但趁而家買第二杯買平啲, 可以一試...............首先講咗個朱古力, 佢係以賣朱古力為主, 朱古力當然係正啦~ 唔會好似其他餅店果d朱古力咁甜, 不過就硬咗少少. 至於個木糠布甸, 兩種味都唔會太甜, 原味就响面灑d消化餅粉, 而朱古力味就係oero餅碎, 唔同口感, 唔同食法, 但一樣咁好味~

小妹生日，自然少不了生日蛋糕，可能係軟“心”蛋糕，切蛋糕時，感覺好硬…可能佢把膠刀雞雞地都有關係啦😂朱古力用得好足，因為我感覺唔係食緊朱古力蛋糕，係一大個件朱古力，細食者請三思😁

為慶祝細妹生日，睇左幾間蛋糕店最後決定買龍島龍島最出名是朱古力，故今次都係買朱古力蛋糕72%黑朱古力慕絲配朱古力海綿蛋糕，最下層是脆脆，好濃朱古力味，而且唔會太甜太膩

喺觀塘，有好多大大小小嘅西餅店，有傳統一點嘅連鎖西餅店，亦都有一d近幾年才出名嘅西餅店，只此一家嘅小店都有唔少嫁，所以對於我呢個鍾意食甜甜嘅人嚟講，可以話件👍🏽事。因為同事生日，上司請食tea，又或者supplier 買西餅上嚟，我都可以試到來自不同西餅店嘅不同口味😋新新舊舊，乜都可以試均曬✌🏽今次喺同事生日，喺「Lucillus」揀咗個細蛋糕 - 柚子法國芝士蛋糕🍰，真心諗住試新味道，柚子Vs芝士蛋糕 🤩 原來好配嫁！柚子中和咗芝士蛋糕一向好”漏”嘅感覺，令到食完個芝士蛋糕都可以感覺好fresh！

繼試左 妃嘗樂 食左港式茶餐廳pie之後，去左買龍島美食店推出既港式茶餐廳曲奇餅我買左16片裝🙂-有菠蘿油味(成個菠蘿油噤既款)-有紅豆冰味(上面又真係有紅豆架啵)-有凍檸茶味-有姜檸樂味-勁新奇係有鮮蝦雲吞味同豉椒味🤣😂價錢又唔貴喎！ 順便買埋其他曲奇同產品 以個人口味黎講，我鐘意菠蘿油味，雖然唔太似菠蘿油既味，但幾重菠蘿味😂至於新奇既鮮蝦雲吞同豉椒味，真係太新奇咸味餅乾噤！不過我好鐘意龍島美食店既特濃朱古力曲奇，推薦

日日朝九晚六，返工返到好似世界末日咁。係要食下蛋糕甜下個胃先至得。今日又有同事生日，最開心除左生日果個，我都好開心架，又可以偷懶一陣啦。生日可以食到個LUCULLUS birthday cake都算係唔錯既享受啦，至少唔係又食東X堂同美X西餅啦。朱古力控真係不得不讚下呢個cake，外層散滿朱古力碎，蛋糕海綿好鬆軟綿密，入口即溶，加上美味忌廉，簡直一流快樂既時光總是過得特別快，食完個蛋糕時間啱啱好，準時收工

龍島的蛋糕一向有口碑,這次試了朱古力栗子忌廉蛋糕。朱古力味濃而不甜,想必用上足料黑朱古力。栗子忌廉不太多,有點不滿足,因為它超好吃!🤤海綿蛋糕濕潤,整個蛋糕味道平衡👍🏻

Lucullus成為公司同事近期散水熱餅, 食左幾次, 有其個餅之處。抹茶忌廉芝士 ($49)底下的粒粒抹茶超濃茶味, 味甘不苦, 抹茶忌廉芝士 moss 帶清新綠茶香, 幼滑不甜膩, 中間梅醬濃厚。蘋果忌廉芝士 ($49)白朱古力蘋果內載滿忌廉芝士, 海綿蛋糕及新鮮蘋果粒, 蛋糕面鋪滿櫻桃酒果凍粒, 白朱古力蘋果很重牛奶味, 忌廉芝士芝士味不太濃烈, 而酒果凍粒爽口彈牙, 櫻桃酒淡淡然的, 食完成個也不覺甜膩, 賣相仲非常像真美麗, 相信是這品牌至勝之道。

今日約了幾個小學同學食晚餐，恰巧其中一個過幾日就大一歲！我們便打算放工後買個蛋糕晚餐的時候一起吃。不幸地，七點後很多大型的西餅店，餘下的蛋糕款式都很普通。當經過龍島的時候，見到這個<<芒果芝士雪綿綿蛋糕>>，價錢貴大型西餅店的少少，但我們都未試過龍島的蛋糕。就決定買一個試試！蛋糕份量不算多，剛好夠我們幾個女仔分享，外面有一層芒果忌簾，入面是朱古力海綿蛋糕，海綿蛋糕的朱古力味很濃，個人十分喜歡！而且蛋糕十分鬆軟。蛋糕的中心是芒果MOUSSE，味道不錯，芒果味重，一點都不酸，中間有少少流心的效果。整個蛋糕層次豐富，是大型西餅店以外的一個好選擇！