龍悅 (富善商場)

營業中

休息中

新年家人訂枱食飯，索價近$6000。新正頭個個都想開開心心食餐飯，staff 利是識收，但收完又如何，又無禮貌又無服務可言。上菜慢不在話下，上左咩未上咩都唔知，走左黎問左不下5次，上左__ __ 未？笑話。啲食物完全離譜！椒鹽鮑魚？唔新鮮先咁煮海鮮。。。蒸魚蒸左幾耐？肉老！雞肉鞋到！三色豆炒飯😂 甜品係好似幾龍食唔晒既砌埋一龍既馬拉糕，仲要係砌唔埋！Btw, 啲餸菜兩三餸飯咁上，碟都慳返🤯 仲食唔飽🥲 新年2/ 3收都比番正常貨式我🥲

入大埔搵屋企人飲茶，方便屋企人就去就去附近嘅屋村酒樓。其實都好耐冇嚟過呢一間，好似輕輕裝修過吓咁。呢度除咗方便之外，就係下午茶都有好多款式揀，真係花多眼亂。餐前小食唔少得，見佢有個蒜泥豬手就試吓。印象中佢啲小食都唔錯，尤其是個口水雞。但係今次我俾碟豬手嚇窒咗，因為個豬手真係完全用滾水烚熟，然後上邊諗啲湯渣豉油再加啲蒜泥就算，呢個真係唔建議大家叫。食完之後，個心都有少少離一離。好彩其他點心都唔差，燒腩卷肥瘦適中，個柱侯豬手亦都好入味。個蝦餃啲皮都幾薄，而且蝦肉幾爽，虎皮尖椒都好夠辣。最鍾意係佢有牛骨髓，真係唔係咁多間酒樓都仲有呢啲咁嘅傳統點心，值得一試。椒鹽魷魚鬚，純粹個人喜好唔係好鍾意佢個炸醬係呢一個做法，但係味道係正常嘅。星洲炒米都有鑊氣，就淡咗少少，不過唔好食咁鹹都係健康啲嘅。好可惜個小籠包漏咗單，要留返下次先有機會再試。孖寶嚟講$32有牛肉有鳳爪排骨飯，冇投訴正常味道。同埋頭先個牛骨水同埋豬手都係屬於孖寶，簡直係超值。

世界盃期間睡眠不足乃正常現象，嘆個回魂早茶歸家補眠！😴今天一早來到富善邨商場的龍悅酒樓，喜歡這裡泊車方便，旁邊就是超級市場。今天早餐我們吃了蝦餃燒賣腸粉牛肉球，還有菜乾粥鳳爪排骨飯，兩個人六個點心算是吃得多嗎？😂但其實蝦餃燒賣是雙拼特價每款才兩粒，而且也是屬於同區酒樓中的有優良出品，是非常適合我們這些又為食又細食的人。還有它的鮮蝦腸粉，大大粒蝦肉口感不俗，只是腸粉皮略為削口一點；牛肉球則十分出色，令我一度懷疑是否新鮮牛肉打成的。😅至於我家老闆鍾愛的麻甩佬早餐，菜乾粥和排骨飯，我其實就不太欣賞，只能說我吃完了沒有因為太多味精而引致身體不適吧。😁

本身同一班朋友來開開心心飲茶，落咗單之後過咗半個鐘先來第一籠點心，但係隔籬枱比我地遲落單都已經上齊晒。咁諗住好心問吓服務員係咪漏咗單啦，佢話嚟緊，點知推咗架車仔過嚟，都係多一籠，但我哋總共叫咗11籠食物。服務態度惡劣，食物質素一般，又遲上菜，未食都一肚氣

唉，響富善寄完信，諗住飲茶，貪方便去呢度，點知中哂伏😭鹹水角望落好大件，事實超少餡，0.5餡+9.5空氣叉燒河油雞河，叉燒又硬又嚡又柴又咸，油雞多骨都算，嗰兩嚿胸肉一啲味都冇，河粉湯底淡如水蝦餃無蝦味，燒賣冇肉味，都唔知食咗乜落肚牛肉還算可以，如果冇喼汁提味都好難放入口最精彩係碟紅醋，顏色似色素水都算喇，成陣化學味我都唔夠膽食，而且仲俾阿姐串，因爲我諗住用醋嚟食河粉(碗粉冇味點食呀)，點知佢一句窒埋嚟話“邊有人食河粉用醋架？食麵先落醋架！”，其實我點食嘢關你_事咩？好彩我唔係住富善，今次只係路過貪方便，下次不了

🦀🦀🦀🦀🦀🦀🦀🦀🦀🦀本身只係循例去飲茶點知喺門口見到海報大大隻字寫住’$48大閘蟹’😍雖然都唔確定水準如何但見到呢個價錢就一於試吓啦！.又真係唔差喎！今次我哋嗌左3隻🦀🦀🦀雖然蟹膏唔算好多但午市輕食來講算係唔錯😆啲蟹膏好creamyyyyyy食完真係回味無窮😍😍不過可能係期間限定所以想去食嘅就要快啲去試啦！.另外飲茶方面 基本菜式都唔錯特別推介千層馬拉糕 👍🏻同埋七味炸豆腐👍🏻📍 龍悅 (大埔)大埔安埔路12號富善商場3樓301號舖🦀🦀🦀🦀🦀🦀🦀🦀🦀🦀

今日有 2 隊喺大埔主場比賽，6 點打完波有人有興趣食飯，臨近母親節都驚無位，打嚟問話要 8 點交檯，無難度吖 🤣🤣於是一行 8 人嚟食飯，間酒樓又真係滿坐咁濟，原本擔心只做套餐，好彩又有散叫，我哋叫咗小炒王，咕嚕肉，魚頭煲，椒鹽鮮魷，上湯勝瓜同椒絲腐乳通菜。波友都話呢間好味，第日可以轉嚟呢度食吓飯，今晚個勝瓜好甜喎，除咗咕嚕肉細碟啲其他都好 ok。呢度平日唔算多人，相信係節日比較熱鬧，所以今日落單都要等 20 分鐘先有嘢食，我哋都可以 8 點前交到檯 😁另外我哋喺後門入，環境比較污糟，希望酒樓方面可以改善啦！

今晚打完波有 5 隻腳話食飯，近近哋就去咗龍悅。侍應服務好好，我哋去到酒樓見到剛才比賽對手喺度，我哋就同姐姐話唔好坐咁近，佢就安排到最遠張檯 🤣🤣🤣 真好啦。我哋叫咗半隻雞，雞都算滑，味道可以，金瓜木耳淮山，聽個名都健康，食落味淡，但清得最快嘅一碟，真係夠健康嘛 🤭咕嚕肉皮脆，味道調得出色，砂煲豆腐好大煲，但太多汁。椒鹽鮮魷比較淡口，姐姐竟然唔知要跟喼汁。櫻花蝦炒飯好香口，5個人5個餸加煲飯梗係食唔晒啦，打包比波友老公做晚餐啱啱好 😄埋單 $622真心覺得抵食，我哋多數打完波去廣福村開餐，而家可以多個選擇囉 👍👍

冬天去食中菜, 都係食果啲乜煲勿煲。今日叫咗個雲腿花膠豆腐煲。一開蓋, 匙羹攪勻都唔見有雲腿。叫個西裝男人嚟問啦, 佢竟然話, 係雲腿汁煮, 個餸係無雲腿片, 連雲腿粒都無。之後我啲屋企人就話尤佢。收98蚊架, 仲燶燶地味架。咁都得!!!是真是假, 希望其他人都知啦～下次問野, 真係要拍片先得。商品說明條例都要睇熟啲先!

同屋企人慶祝生日, 所以揀左O係就近既屋邨商場入面既酒樓,唔洗長輩舟車勞頓 ~因為係weekend既關係, 我地都預早book枱.7:00去到, 都陸續多人, 加埋有邊爐任食, 相信都吸引左好多街坊黎食~海鮮粉絲雜菜煲好足料, 有好多款唔同既菜~金沙蝦球本身都好鍾意食黃金蝦, 呢度好貼心地去埋蝦殼,係用蝦球去炒, 啖啖肉, 好好食!虎皮尖椒四季豆炒黑豚肉帶有DD辣, 幾惹味! D四季豆好入味~乳鴿外脆內嫩, 正!!生炒咕嚕肉屋企人既至愛, D肉炸得好酥口.個汁酸酸甜甜好好食~

星期日約了親戚飲茶，到了親戚經常提起的到龍悅，據聞食物味道不俗同平日下午茶優惠好抵食，可惜我們平日都要返工享用唔到此優惠，只好係紅日來試下了。 餐牌及點心紙，都有紅日優惠。 茗茶每位$12。 點心拼盤，$59，有叉燒包，蟹籽燒賣皇、鮮蝦餃皇、潮州蒸粉果及養顏紅棗糕，每款2件，共有10件，都幾抵食，有包有點心有甜點，燒賣同蝦餃比較細粒，味道正常，叉燒包餡料適中，味道普通，紅棗糕憶較大件，口感軟糯又煙韌，有紅棗味又不太甜，味道不俗。 京城小籠包(大)，$23.8，賣相一般，比較細粒，外皮較厚，湯汁太少，味道一般。 鮑魚海蝦燒賣(特)，$29.8，有鮑魚，感覺豪氣的燒賣（雖然而加好多酒樓都有），鮑魚尚算入味口感彈牙，海蝦爽口，味道不俗呀。 鮑汁鮮竹卷(大)，$23.8，味道正常水準。 蜆芥鯪魚球，$32，有6件，好大粒，入口微脆爽彈，但冇乜鮮味，唔太好食，要靠蜆芥醬伴食才有味道呀。 芝麻綠茶餅(小)，$15.8，是親戚推介的甜點，外層是綠茶餅，口感酥脆，淡綠茶味，內餡是芋頭蓉，唔太甜膩，幾好味呀。 食物正常水準，紅日價格比較貴，平日下午茶就好平，服務態度幾好，但上菜比較

飲個茶姐..... 食到我起火 富善龍悅酒樓11:55入座個帶位比咗張早市優惠點心紙 等人執枱比埋點心紙12:05落單先落2張點心紙第1張落咗1款$6.8帶子餃！第2張落咗5款點心！12:10先黎第1張1款點心12:05-（係個段時間見個D侍應成日都同熟客傾計）等到12:33咩都冇黎過，我叫人黎跟一跟D野食，先叫人印我叫咗咩個張紙，認咗我ok但又傾下計我唔記得咗嗰回事囉！再叫第二個人，第二個回覆只落咗第1張一款點心！😡😡😡😡等左半個鐘白等！第2個侍應叫我地再落單！好再落 第2張5款，佢親手拎咗一款粥一碗，再講有一款冇哂仲有3款！好ok我等！再等到12:55 冇...冇....冇.... 火到想🤬🤬🤬🤬🤬因要返工唔等.....！ 直接行去收錢個到埋單，到收錢個到D人又話D野食到啦！我話唔要取消！又話我落師單過咗時叫咗人同我地講，但冇人同我講過，我黎咗2款其中一款孖寶但你左一款佢話要收返正價！好冇問題因為都只係差$2-$3！所以飲左成個鐘頭茶，但黎左兩款$6.8帶子餃及一碗粥！😡😡😡🤬🤬

飲茶最開心的就是可以點很多不同的點心與大家一起分享，人愈多愈開心，因為可以分享的食物種類更多。所以每逢家人都放假的時候，父母最喜歡與大家一同飲荼，點很多食物，放滿桌子(父母總會認為孩子餓，就像永遠會認為孩子冷一樣)，的確看到滿桌食物是一件令人開心的事，幸好本人戰鬥力亦不弱，四位成人及一位小孩亦能把15種不同的食物消滅，相比起旁邊一家更多口，我們真的吃太多了。另外值得一讚的是，上菜速度十分快。這裡的食物總括而言是不錯的，炸物都不會太油膩，新鮮香脆。其他食物亦不過不失，唯獨-乾炒牛河，比較差，以下形容需要以口語描述，(牛肉好鞋，好老，好un，完全咬都咬唔到)根本不能進食。牛仔骨亦如是，沒有水準。另外需要注意的是服務態度，可能餐廳仍是比較新的狀態，員工不熟悉餐牌我可以理解，但說話態度需要注意一下。傳菜的員工可能比較少機會發言，所以會趁著上菜的時間與客人交流，即使是沒有需要，亦要搭上帶著怨氣的一句，就像喜歡頂嘴的小孩一樣。服務不是差，但有進步空間。在外用膳，除了食物質素，服務亦佔很重要的一環，我們稱這些有性格的服務人員為香港特色，遊客們對此都不太適應，其實又豈止遊客，身為在地人的我亦不適應太有

話說今日同老公落樓飲茶，門口個支客安排位後，無人帶位，係我哋行入去自己搵位，呢下已經好掂喇，係咪先？之後我地發現果張係搭枱之餘仲係一個好逼兼貼住間板既位，於是行出去揾返果位姐姐叫佢調個位俾我地喇！點知佢語帶不爽咁講：哎，阿哥仔呢個個都係搭枱家喇！（但其實當時吉枱多的是）雖然我地最後都換左位，但阿姐仲成日離遠用唔友善既眼神望住我地！之前叫過外賣，食物係唔錯，腸粉皮係好彈牙。點知今日再食返，大失所望....薄撑： 厚過我塊面皮帶子腸粉：得幾粒帶子碎，極多脆肉瓜山竹牛肉球：唔彈牙，多肥肉，仲有少少苦味點心拼盤：呢個勁喇！齋睇個presentation就已經覺得差！好似食剩咁...蝦餃爆開既燒賣名符其實係乾蒸，個面睇得出好乾！紅棗糕蒸到個面有灘水係度，真係唔知想點！雖然同區既茶樓都無乜話邊間好出眾，但我地一定唔會再幫襯呢間野囉！

新開屋村酒樓，聽街坊講唔貴就試下任食火鍋選擇唔多，肉類用紙叫，其他出去自己來，但竟然無山根質素都正常，不過有蠔有蝦都唔錯不過最神奇既係，屋村酒樓小童竟然都要計正價難怪天氣咁凍都無乜人去