龍悅 (禾輋廣場)

營業中

休息中

本人於今中午12:45到.之後服務員亦都通知我點心孖寶1:30就冇.咁我就快快手填好晒之後12:50交俾着西裝褸打晒呔，四眼應該係管理級嘅人入單.但到了1:10嘅時候我見到其他枱遲過我嘅都有嘢食點解我都仲未有嘢食？我就問一問服務員位姨姨！佢二話不說立即答我點心係要蒸，我話蒸都冇理由整咁耐.跟住佢睇都冇睇就同我講入咗單㗎啦，你等等啦！到咗1:25我真係忍唔住，因為我有兩個小朋友亦都捱肚餓點解咁耐未有嘢食？我在追問一位女部長！我跟住出去收銀枱望到原來由頭到尾我張枱都係冇落過單。我一怒之下梗係唔使諗即刻走啦⋯⋯我仲問佢哋，我需唔需要俾返四位茶錢佢.我足足用咗45分鐘喺呢間酒樓度坐！服務好我可以體諒，始終中菜難請人但係我忍唔到！你要我45分鐘坐喺度等你同我講話啲點心要蒸😡佢開咗咁多年，真係一啲都冇變。

以我個人嚟講呢，食物只要唔太難入口我都食得落肚，尤其係雞，無論燒雞、炸雞、蒸雞、雞煲都唔放過。點知尋晚餐飯嘅炸子雞差到……我全家賽後檢討左一日，都覺得搞唔掂……一致通過要劣評一下唔好放過佢話説。尋晚晚飯奶奶加餸，喺屋企樓下間龍悦外賣左隻炸子雞。打開盒香噴噴、樣都好四正脆卜卜咁，點知咬左啖……頂！！！有冇搞錯！！！冇味嘅！！！係一啲味道都冇！！！我寧願佢咸到嘔都叫入到口囉！冇味呢真係放唔到落口呀！冇下次囉！

上個禮拜係沙角飲左餐好難飲既茶 解唔到我食點心既癮今日放假就約朋友飲下午茶為左可以free parking今次揀左禾輋龍悅茶樓做緊優惠$10.8一籠兩粒蟹籽燒賣皇 或者 一籠兩粒水晶鮮蝦餃唔洗諗 呢兩籠一定必點架啦啖啖都係蝦肉 好足料🤤🤤豉油雞瀨粉雞夠入味 瀨粉份量多 仲有條菜芯食 抵食香煎蘿蔔糕呢個有啲失望 唔係好食到蘿蔔味 太多粉 not good手拉白布腸正常水準上湯浸娃娃菜淡口左啲 應該要加幾粒紅棗杞子 咁會更清甜煎堆仔放到最後先食都仲好夠脆 好食 下次一定要再encore呢個食飽飽 終於滿足到我飲茶食點心個條癮😊

平時食開火炭既龍悅今次黎到禾輋商場呢一間諗住同一個名味道應該差唔多點知..服務同火炭嗰間一樣冇服務但起碼火炭嗰間有食物嘅質素呢間無人帶位，無人執枱叉燒腸蝦餃蟹子燒賣豉椒鳳爪呢四樣都正常既豉椒苦瓜牛肉球-肉質散，味道差豉油雞拼燒肉飯：唔係講笑..豉油雞瘦到無肉食，1點鐘黎食個飯都可以係冷飯咁😢

第一次黎呢D，叫左蟹肉燴伊麵同XO醬燒花枝片蝦仁，坦白講賣相相當普通，唔算特別吸引，所以對食味都唔抱太多期望，但食落還算唔錯，中規中舉，價錢就正正常常唔算太貴，不過綜合來說都係3粒星水準。

過嚟禾輋買餸，搵埋爸爸媽媽一齊飲茶， 商場3樓《龍悅》是一個好選擇，地方企理乾淨，點心即叫即蒸。先來熱辣辣炸起鹹水角，一人一件，食完才記起未影相，大家肚餓啦。點了兩款午市特價點心($9.9@)~蟹籽燒賣(兩粒)及鮮蝦餃(兩粒)，最啱人少少，可以試多款。仲有乾蒸牛肉燒賣，這個不是周圍食到，大大粒好抵食。南乳炆豬手好夠味，略嫌未夠淋。籠仔荷葉龍躉蒸飯，新鮮熱辣蒸起，爸爸喜歡吃魚，大大件龍躉，越食越滋味，加咗雞髀菇及鮮冬菇，飯係炒底，蒜蓉香氣撲鼻。老人家想吃一些甜品，這店有千層薑汁糕，功夫多自己唔會整，這個不錯呢。自己不太喜歡薑味甜品，所以揀選紅棗糕，原來這個也是老人家非常喜歡的口味。下午茶一點半就開始啦。

今日又到星期日，陪下媽媽去食茶，去附近嘅屋邨飲茶順便買餸煮餐飯啦！鮑魚燒賣，粒粒燒賣上面都有隻鮑魚bb，目測大約有5毫子咁大，燒賣由肉粒同蝦做成，好新鮮又有咬口2個灌湯餃，湯底濃厚，有少少金華火腿味，好香，餃入面包咗好多肉，仲有一件冬瓜叉燒腸粉個皮做得非常好，滑得嚟又帶煙韌，豉油甜甜地鳯爪夠淋，啜幾下就可以吐骨，好濃味，老人家啱食啊蝦餃大大粒，晶凝通透，粒粒都好包滿，蝦肉好爽口，個有笋粒整體嚟講真係值得推介，不過可能價錢有少少扁貴，6個點心差不多200蚊，所有店內好多吉位，唔需要等位

今日唔想煮 一家四口便來到屋企附近嘅龍悅酒樓食嘢。 我哋叫咗五樣餸。 又落單之後二十分鐘 內便有嘢食， 惹味通菜煲， 唔鹹但係夠味 送飯一流。 我們便叫咗三個飯。 荔芋扣肉， 香口 、惹味、夠身， 芋頭够粉 花膠豆腐煲、 較乾身， 煲底墊住白菜仔 ，搭配非常之 啱我們的口味 最主要呢味餸味道唔鹹非常之健康！ 但係如果花膠再淋少少就更加好啦！ 呢度啲蒸魚器皿非常之特別 窩心 用兩支蠟燭慶住保持魚嘅熱度 蒜蓉粉絲蒸元貝味道一般 佢哋上菜速度都幾緊湊！ 整體你講今日呢餐晚飯都ok！ 最主要啲餸菜唔鹹！夠味！夠健康！ 啲份量都足夠！ 龍悅係個晚飯的選擇處之一！ 注重飲食健康的朋友不防來試下😀

今日細佬打算預祝父親節，佢又想食片皮鴨，所以就叫晒我地黎呢度食晚飯，點知我們七點半去到，居然話賣晒，其實係咪今日冇供應呀？？咁快賣晒！細佬當然好失望啦，但都冇辦法，唯有叫過第二樣野啦，見佢有燒鵝，就叫隻燒鵝頂住先啦！其實睇睇餐牌，今日既餐牌同平時唔同，好多都冇，佢只係局限左你可以叫某一啲餸菜吧，價錢都比平時貴左好多，可能係就黎父親節，啲價錢就提高左吧！跟著見到有個話大龍躉可兩食，就叫左個，再叫多幾碟餸，同幾碗飯！搞掂！燒鵝到！隻燒鵝好大隻，皮都脆脆既。好多肉，味道都唔錯！椒鹽鮮魷隨後送上，鮮魷唔靱，炸粉唔算厚，香口的，但椒鹽唔夠，失左啲味道！野菌海味什菜煲，有幾款菜响入面，有生菜，西蘭花等等..入面有我鐘意食既粉絲，面頭有啲蝦米同冬菇和魷魚鬚，海味味重，個上湯入晒落啲菜度，令啲菜變得鮮甜，好食！金沙蝦球，古名思意即係用鹹蛋黃炒蝦球，鹹蛋黃炒得好香，每件蝦球都怖滿鹹蛋黃，蝦球好彈牙，正！到龍躉出場啦，第一味係西芹炒班球，班球唔係好多，得幾舊，但炒得算香，但班球唔係太滑，我們就嫌太細碟了，唔抵食！第二味係雲耳蔥度蒸頭腩，頭腩好滑，味道唔錯，但都係唔係太大碟，其實如果兩味要成三百幾蚊既話，係

這天和長輩到龍悦喝下午茶，原來這兒的下午茶性價比挺高的。我們先點了兩個優惠點心，分別是韭黃鮮蝦腸粉和玉環釀百花鮑魚。腸粉很滑，蝦頗大隻，而且肉質爽彈。至於玉環釀百花鮑魚，鮑魚雖然不大，但整體味道也不錯。接着我們點了陳皮牛肉球、家鄉鹹水角和菠蘿叉燒包，還點了切雞河粉和燒腩河粉。牛肉球沒什麼特別，鹹水角不油膩，菠蘿叉燒包好吃。兩碗河粉份量很足，切雞一般，反而燒腩有驚喜，皮很脆，味道很好。不過當日出現了漏單的情況，點心到了，吃完了，兩碗河粉還沒送到，原來是漏單。幸好侍應為我們補單後，食物很快送上。侍應送上河粉時還向我們表示歉意，服務態度算是不錯了。這酒樓環境不錯，服務不錯，食物味道也不錯，性價比高，應該會再來喝下午茶。

想試陳根記 點個原來已經無做 咁就上去試下呢間酒樓 做冬前夕 都無咩人食 一坐低 睇下菜單 都唔想冧食咩 咁就叫左個1088 嘅六人餐 有前菜 一煲魚肚羹 鮑魚冬菇菜苗 翠玉瓜雲耳炒花枝 菠蘿炒咕嚕肉 一條龍躉 糯米飯 中式紅棗糕上菜時間極慢 次序亂晒大龍 上完前菜 就上魚 唔緊要！ 啲上菜時間真係極慢 一碟食完晒另一碟先上 每一次7個人要輪着食一碟菜🤦🏼‍♀️仲有！ 極之唔抵食 食物質素差過大排檔！上條[大］魚 未熟晒 碟大魚極細 魚肉仲要痴骨 紅棗糕完全冇味 服務態度差 叫極都無人應 所有姐姐黑口黑面 呢個價錢 絕對唔值 ！唔會再有下一次！！

今日去探一個住在沙田禾輋邨的新戚，坐了一會兒，便到樓下的龍悅酒樓飲茶食午飯，十二點多的午膳時間，幾名茶客在門外等位，要稍等一會才能安排位。洗完杯看看點心紙，點了煎薄餅、蝦餃、流沙包、燒賣、牛肉球等。論食物，談不上絶頂好食，有什麼驚喜，都是街坊酒樓的質素，街坊酒樓的服務，但論食物，絶對是合理，人均六十多元已搞掂，相比新城市廣場的翠園、潮庭，已經是便宜一大截。如果不求什麼的話，這都是沙田市中心一個飲茶方便就腳的好地方。

老友移民加拿大多年，近日回港探親，於是約埋大班朋友聚一聚。見到個套餐都吾算太貴，就點呢個。上湯波士頓龍蝦吾錯，紅薯粉底代替伊麵冇咁肥膩，好爽口。龍裙乳豬聚寶盆，多款燒味拼在一起，海蜇辣辣哋，吾錯。雀巢帶子海中寶，有帶子、蝦仁、魷魚、彩椒、西芹同腰果。顏色鮮豔，腰果再酥脆d，會更加好味。沙律海鮮卷，新鮮炸起，熱辣辣。紅燒白玉雞絲翅，味道比較咸。清蒸沙巴大龍躉蒸耐左，肉質有d鞋口。玉環百花釀原隻鮑魚，鮑魚有d韌節瓜環是稔的。中間個碟係蝦片脆皮雲英雞，蝦片稔左吾脆，雲英雞皮香脆。飄香荷葉飯，太稔有d似糊狀。套餐份量都算大，整體質素一般。

星期一的晚上在龍悅吃晚飯，全場未滿座，不知道是否侍應人手不足，看見女侍應們都做到心情不好。我們四位點菜：晚飯 優惠孖寶$208龍蝦上湯伊麵&叉燒，$88椒鹽鮮魷，$88菠蘿生炒骨，$72金銀蛋浸油麥菜。龍蝦上湯伊麵，龍蝦肉質不錯，伊麵就〝碎飲飲〞 每一條的伊麵 是一寸到兩寸之間，份量亦都少。椒鹽鮮魷，魷魚〝淡茂茂〞，完全冇鮮魷味道。叉燒肉質和叉燒汁味道都不錯。菠蘿生炒骨，粉漿好厚，味道一般。金銀蛋浸油麥菜， 等咗45分鐘 都未上枱，我哋要求取消，並且結賬離開，今晚嘅消費係480蚊，但係大家都食唔飽，我哋唯有去茶記炒咗兩碟粉麵 ，食飽先返屋企。龍悅的食品質素實在有大大改善空間，就算係侍應的服務質素，都有改進必要。

雖然坊間如此多中菜餐廳 不過傳統酒樓仍然深得n_cc喜愛 無他的 特色fushion菜雖然獨特 不過始終傳統中菜款式最能打動人心 尢其是家中有年長人士 更是特別對中菜有情意結 既然是跟家人吃晚餐 中菜又是不二之選 這天剛好來到沙田閒逛 就來到位於禾輋既龍悅 龍悅既菜式不少 種類亦算多 晚餐更有特色套餐之餘 更有精選抵食之選 經過一輪決議 點了脆皮燒腩仔 皮脆肉嫩多汁 燒得正是火喉 很好吃 鮮淮山杞芹炒木耳 菜式配上杞子 味道清淡得來又帶點健康淮山炒得剛好不會太稔過熟 很有口感 姬茸菇豆腐炆海參 味道相比之下較為濃味不論是豆腐乾又或是海參都非常入味 用來拌飯一絕 秘製欖角骨 又一野味菜式 帶有微微既甜味 味道咸咸甜甜配合得不錯不過可惜是太多肥肉 浪費了大好醬料 是日燉靚湯 足料靚湯用料十足 不過味道偏重油份亦偏多 間中滋補一下也無妨 脆皮燒春雞 雞皮香脆可口 可是雞肉卻過火了 不過味道卻不錯的 整體來說 龍悅水準不頼 一家大細想嘆中菜又想坐得舒服自在 傳統酒樓絕對係最好選擇 Dragon Delight 龍悅 沙田德厚街3號禾輋廣場3樓331號 就此，謝謝喔~