影片
港鐵大圍站 A 出口, 步行約4分鐘
繼續閱讀
付款方式
以上資料只供參考, 請與餐廳確認詳情
食家推介
22/4/2023，晚上6點45分，買了個15元雞蛋腸，打算俾小朋友做晚餐。回家打開發現有好多黑色一點點，好似發霉咁。以前腸粉好正常白色，依家就成日有啲雜質。希望貴店可以改善。
繼續閱讀
晚上經過大圍，果然還有林林總總的小食檔仍在營業。看見這家石磨腸粉店有不少人在排隊，所以就想一試。大家從圖可見它是用石磨機即場磨漿，新鮮現場製造之餘，腸粉價格亦非常宜人，大概$20左右就可以買到一份。我見最多人點雞蛋瘦肉腸，所以我就點了一份雞蛋瘦肉腸和一份新鮮豬潤腸。順帶一提，辣醬需要自己開口才會配送，而且是免費的，但如果不主動提起，他是不會加配，所以吃辣的朋友緊記自己提出說要辣醬！雞蛋瘦肉腸 $18外觀上已經清楚看到雞蛋，而瘦肉就包嵌在裏面，在圖片中附有在倒上鼓油的前後照。入口之下腸粉口感幾嫩滑，同時不會一pat咁，而且頗有米漿之味，中間夾雜了雞蛋的香氣，以及瘦肉的鮮味，再加入它的自製辣醬真的很惹味！新鮮豬潤腸 $20豬潤份量幾足，咬落爽身而不會過份軟腍，包上嫩滑的腸粉皮味令口感更有層次，再加入它的豉油和辣醬，每一口都有一種滿足感總而言之，腸份份量又足又抵食，細食一點的人，一份腸粉的份量已大份得如正餐般。另外店員的服務態度都很好，對每位客人都有禮貌，即使因很多人排隊而弄錯單都會立時作出道歉及補救。而對愛吃辣的人來說，它的辣醬一點都不辣，但卻能把腸粉的美味程度提升一個層次，所以大家務必記得下次光顧時告訴店員要辣醬！！！
繼續閱讀
晚上回到大圍，想起石磨腸，記得此店已開了一段時間，不妨一試。晚上還有不少客人，即點即做，價錢合理。點了雞蛋菠菜餡，稍等5分鐘。賣相合理，皺皮腸大概都如此。腸皮算幾好，薄透又滑，可惜無咩米香，口味上卻比好多用粉開的還一般。吃過不少好的，會用靚花生油，呢啲就係心思。腸粉豉油普通過普通，一味得個鹹。整體而言，可以不試。都係咁講，池中無魚蝦最大，大圍晚上能入口的其實好少，何況所謂石磨腸粉？早晚經過都有人在排隊，真可惜。
繼續閱讀
我放假一得閒，就會落嚟呢度買腸粉，因為佢又平，又大件，又抵食。而且米漿夠香 正出嚟都唔會一pat咁，我最鍾意食嘅就係佢嘅雞蛋瘦肉腸粉雞蛋同腸粉好香，瘦肉有咬口，而且配埋佢自己整嘅甜豉油同埋辣醬，非常惹味！早餐喚醒味蕾同個人就靠佢啦，而且覺得阿姐服務態度都好好 也好少搞錯單 即使每一日都有好多人喺度排隊 而每個人都落幾份腸粉，佢都冇搞錯 覺得佢哋真係好勁。希望呢啲店可以長久做落去等我哋唔使寫淨係食啲連鎖快餐店啦
繼續閱讀
對於自己家鄉的早餐：腸粉，從小一直都鍾愛著，每一個早上都好期待早餐環節，絕不能讓自己錯過。近幾年突然香港興起櫃桶腸粉，皺皮腸粉之類的名字，不就是我家鄉非常常見的早餐---腸粉，為了想找到這點"思念"，試好多間都失望而回，直到前一段日子，家姐發現大圍街市隔離開左間食過好相近的腸粉，於是買來一試，今次無失望之餘更是驚喜萬分，終於終於係度搵到家鄉味，當思念滿瀉時可以解一解家鄉愁，真係好幸福，懂的自然會懂
繼續閱讀