龍皇酒家 (活@KCC) (已結業)

喺公司附近平時都冇諗過會飲茶真係成班人出去食就試一試啦個招牌炒飯 係用欖菜炒味道很驚喜喎！個個都一碗接一碗個鹹水角外型亦都好有趣好似個梨型咁樣 第一次見呢但係個牛奶布甸就認真一般 冇乜味的

叫了四碟外賣點心，遲咗十分鐘左右到達酒樓都要等。打開外賣盒，望見㸃心外觀賣相和堂食都差唔多，先講鮑魚燒賣4粒中只3粒有1隻蝦，鮑魚燒賣及雞扎味道食落可以，不會太咸，而牛肉腸的粉皮也可以夾起來原整。

侄仔前排DSE放榜，成績考得唔錯，而我有段時間冇見佢，於是約左佢地一家一齊出去食飯，就當慶祝佢考得好啦間野座位幾寬敞，所以坐得幾舒服我地都叫左唔少點心，我最鍾意食既就係叉燒腸粉，其他都幾好味啊呢到好啱同親朋戚友見個面，慢慢食下飯咁

星期日係細妹生日，作爲屋企人梗係要好好咁同佢慶祝一下啦，於是就上網揾左間比較出名既酒樓，咁啱又係屋企附近，我地一家一於去飲返個靚茶。當日係星期日人流都唔少，不過等左10分鐘就入得，都算快。點心都好精緻，嗌左好多款食，味道都唔錯啊，我地一家都食得好開心，下一次會想再食！

同事一邊話減肥  但又走去book 位飲茶,  去咗葵涌龍皇....點心道道差唔多, 不過今次招呼好好多, 有番d好感, 比較有驚喜係燒腩仔, 好大舊下, 皮好脆,  加分啦.

平時Lunch打過幾次去book 都full booking，今次終於book到位。酒樓設了一個小位置，有盤大煲會不停滾住茶杯同碗，感覺好似好消毒。坐底左後，侍應姐姐會夾套餐具比我地。叫左普洱茶，麻麻地。兩個人食叫左4樣點心。1.金玉參腸粉，幾特別，裡面有些脆口既碎碎，食落口感有層次2.蘿蔔千絲酥，👍勁鬆化，一咬裡面出晒煙，熱騰騰，蘿蔔絲好軟綿綿，又唔會好咸3.黑金流沙包，普通，不是太流沙4.沙巴海蝦餃，蝦都大粒，爽口

今天早上和友人去飲茶。進入酒樓後侍應態度散漫，招待欠佳。侍應安排跟近走廊的座位，但酒樓有很多吉枱，我哋跟侍應要求換枱，想要窗邊果張，侍應話有人預約。於是我哋要求另一張唔近走廊廁所的細枱。然後侍應話未執，於是我哋話可以等佢慢慢執。跟住佢就叫我哋出去門口等。語氣好差，好似我哋欠佢咁。我哋望向窗邊位置，見到一張6-8人窗邊枱竟然係俾一位老人家坐，侍應同老人家有講有笑，好明顯主要照顧熟客。坐低左，招呼的另一位侍應服務態度都幾正常。我哋叫左以下食物。燒賣係特點，$36一籠，味道無咩特別，不過好咸。鳳爪味道正常。黑金奶皇流沙包就好味。牛肉腸都唔錯。呢個小點價錢，算抵鮮蝦菜苗餃個皮好薄，送上黎已經有2隻係爛左。蟹肉烏冬$138。烏冬個味道清淡、唔錯，蟹肉未係拆得好乾淨，有少少渣。整體食物味道退步，門口帶位服務態度差。其他傳菜姐姐、執台姐姐都有禮，服務得唔錯。收銀阿姐態度都麻麻，在我哋面前罵幫我哋埋單個阿姐，叫佢去做其他嘢。其實我覺得照顧年老熟客係正常合理，但係無視新客的要求，又點會有人再幫襯。門口幾粒老鼠屎已經壞左成煲粥，食客好難挽回好感。同埋整體感覺唔良好，員工語帶悔氣，表面黑口黑面，整體感覺唔和

一向都好歡喜跟Blogger 去搵食， 芳姑推介的都好啱心水， 最近佢Blog 介紹了龍皇嘅簡單即食餸包，碟咖喱牛爽肉.睇相都流口水.   昨日去葵興KCC店買左返屋企實試，  入味、香同唔太辣， 肉爽唔黐牙，餸飯一流.     個泡椒鳳爪個汁好似雞湯, 但唔太油, 都幾特別.  我用咗10分鐘就預備左餐飯.Easy! 可以下次試下其他餸同湯.

上次食過另一間分店覺得唔錯，今日同媽媽係葵芳行街就話不如過去kcc飲茶見倒有comment話地方好污糟；本來都擔心衛生唔好，但去到望下又唔係喎，好企理，啲staff都提我地探熱幫我地執好張枱先入座消除咗我哋嘅擔心今次嚟冇咁多人，唔book位都得 (可能閒日)上次食大閘蟹冇食點心，今次就專心試試佢  ；但兩個人都係叫咗幾款share，唔想浪費食物點心唔會凍冰冰；糕點唔會死甜，食多兩件都唔會好濟傾傾下都食咗兩個鐘haha好過食tea set

媽媽說了很多次想試哥的龍皇，所以星期日就去了，但帶位的 Reception,寸過碼頭"姑妮"，已經不開心，看見地下實在差勁，很多污漬，食物都很一般，腐片卷很硬，鮮蝦菜苗餃難食，比不上普通街坊酒樓，非常失望的經歷。

係葵興做完facial,睇下附近有咩食，見到呢間酒樓，某d菜式有6折就叫左幾個菜番屋企同家人一齊試下。鹽香雞：唔係鹽焗雞個類，反而似鹽水浸雞，都幾滑，雞唔算肥海參魚香茄子：就係魚香茄子但加左海參，如果唔係有特價應該唔會叫。但味道好好，拎來撈飯，飯都可以食到2碗。鹵水豬手：很入味，呢個菜都係拎來送酒就岩啦!

（1）以前吃的（花菇）棉花雞非常好吃,因為夠熱就什麼都變得加分好食；這次就是不夠熱,那麼雞件吃起來有怪怪,又不是雪味,就是雞沒有雞味的味道.（2）今次的沙巴海蝦餃值得讚賞一下,蝦肉彈牙好味；餃子皮也不錯,值得讚賞廚師的廚藝有水準.（3）安蝦鹹水角水準普通,不過還可以接受.（4）香茜牛肉腸水準普通,缺乏香茜味道,不過還可以接受.（5）豆沙煎軟餅吃了幾次都是非常熱熱軟綿綿,真的是外脆內軟,今次就煎餅不夠全熟,紅豆熱了,不過還有2毫米厚的白色粉團,完全破壞了豆沙煎軟餅的口感.（6）生磨蛋白杏仁茶好像是忘了落糖,害得杏仁茶就變得怪怪,我喜歡飲黑咖啡也不能接受這個無糖的杏仁茶；是否廚師想要食客減肥嗎？我們就是信任幟哥的水準,才會不管有怎麼的不滿,還要來龍皇酒家飲茶,每次來都希望上次的廚師可能更換了.現在全球經濟差,香港經濟要由我們香港人自救,不想怪罪廚師的什麼,祇希望你們珍惜機會,努力加油！

每次中午到葵興找朋友聚聚聊天，一般都會來到這家酒樓吃午飯。欣賞這家酒樓裝修大體整潔，座位寬闊，而且可以坐得很久，聊天至盡興又不會被趕走!這次來到叫了一些點心和小菜，其中有蝦餃和燒鵝，蝦餃皮薄餡多，而且新鮮彈牙；燒鵝皮脆肉嫩，而且多汁惹味，兩者均值得一讚！

每次Lunch hour 食飯，四周圍都極多人。所以我哋公司好多時諗唔到食咩，就會提早一個鐘打去尼間餐廳book 位飲茶。因為尼到啲價錢合理，而且菜式選擇都好多...炒麵- 多料，而且麵夠乾身湯- 中規中矩，飲完唔會口渴..蘿蔔絲酥 - 望落去唔熱，但一咬落去入面出晒煙... 同事差啲辣親😵😵由於出菜都好快，所以好岩我哋尼啲上班族係到飲茶食lunch 吹水

6月18日中午, 我們一家5人光顧了位於葵興KCC的分店. 4人在約11:45到達, 1人大概1:00到達. 到達了酒家的人當然邊食邊等, 到約12:45, 第一輪叫的點心已吃得七七八八, 一位身材十分肥胖, 體型龐大, 短髮,戴眼鏡的男侍應前來收拾餐桌, 但他竟然連未到那位家人的餐具都想拿走, 還用很差的語氣加上一句: 佢唔黎架啦! 我們即時阻止了他, 告訴他那位家人已到葵興地鐵站. 但他表現出質疑的態度, 走到窗口方向, 再往下望地鐵站! 當時我已非常憤怒, 想問你們那位男侍應樓下有甚麼好看? 是不是想趕我們走? 是不是想早點收工? 只是家人制止了我向那男侍應動怒, 而我又不想破壞家人用餐的氣氛. 大概1:00所有人到齊了, 我們再叫了第二輪點心, 我的心情差到極點, 都沒有胃口食了. 直到晚上我仍氣憤難平, 所以在酒家網頁及EMAIL投訴了, 但直至現在仍沒有收到回覆!