龍華軒咖啡室 (已結業)

我和好友兩個人黎度食雞翼，好大雨好大雨，位置有點隔涉，係大廈側門入，要搭電梯。上到去，4-6點，完全無客人，得我地兩個，同兩名高大男店員，又唔係無禮貌，笑容滿面，同樓下評價唔同，可能佢地有看OpenRice ，笑容增加了！😂雞翼放題$88/1人，有5款雞翼：香草、香蒜、辛辣、蜜糖、椒鹽。老實講，我地兩個女仔就食了51隻左右，每個人約$25隻，第一轉係食完唔飽的，第二轉係飽的，十分滿足，但係我地無叫野飲，雞翼係炸的，所以頗乾（第2轉），最後飲了枝外帶綠茶（原來不行的✋）大家可以黎食一兩次，話曬係黃店！算好抵食，比起某間出名雞翼店，平好多！

龍華軒嘅雞翼放題都做咗好耐，一直都未有機會同啲雞翼怪朋友去食，入面嘅cafe佈置真係幾有特色✨。今次我哋book咗2-4嘅時段，成程都只係食雞翼冇叫其他嘢食。本來menu上面寫咗4隻味，分別係  椒鹽、  蒜香、🍯蜜糖同🌿香草，不過唔知點解第一輪嚟嘅時候其中一款變咗🌶辣味(灑滿紅色辣椒粉仲要辣到嗆喉，無理由係香草或椒鹽啊)。而且等待時間比較長😢，我哋2點準時到，但係差不多2:50先收到第一輪嘅食物，過程真係漫長而又痛苦(肚餓)嘅等候😩，好彩之後加單都係好快上菜。啲雞翼應該係一次過炸好然後再分別上粉或者上醬汁，口感偏乾。整體而言，蜜糖味係比較出色，上面淋滿蜜糖🍯，每一隻都能夠均勻沾滿，甜甜的幾入味。椒鹽方面都算入味，但係啲粉灑得比較少。蒜香同香草嘅味道都唔太突出，味道過淡而且唔係好夠粉😥。至於特別版嘅辣味，其中一位朋友就覺得幾特別，因為佢辣得嚟係會keep住辣，啲辣粉嘅辛香料味偏重，但我個人覺得太辣  ，如果輕手少少應該會更好。🏆整體排名：個人+朋友A：蜜糖>椒鹽>蒜香=香草>辣味朋友B：辣味>蜜糖>蒜香=香草>椒鹽口味呢樣嘢真係因人而異，

位置：呢個位真係有啲難揾haha，第一次行嚟行去都揾唔到，原來大廈入口係一條後巷入面。不過大廈近住地鐵站，行兩分鐘就到。方便：🌕🌕🌕🌑🌑環境：唔知大家有冇睇過試當真《教父》，入面個咁有文藝氣息嘅cafe就係龍華軒啦！ 牆身近湖水綠，一入去就見到擺滿菲林相機嘅櫃，仲有幾部結他放喺隔離，裝飾比較七八十年代，近吧檯嘅牆身係似舊公屋嘅格仔瓷磚，好有feel。食物：🟣蜜糖雞翼Encore 最多次嘅雞翼，雞翼好入味。可以要求多蜜糖。🟣辣味雞翼呢隻辣味較出，都幾唔錯！大家可以試下個辣度夠唔夠再encore。🟣鹽香雞翼呢隻味係咸咸地，比起辣味雞翼只係遜色少少，不過不失。🟣蒜香雞翼呢隻較普通，只係炸雞翼面頭擺咗粗蒜粒，食完都無乜encore呢款～🟣香草雞翼同蒜香雞翼一樣，味道差不太遠。飲品：⚪️葡萄梳打 $45味道係偏甜嘅，不過就唔係死甜個隻，比例唔錯，都幾好飲嫁！整體：如果係想揾平平地嘅雞翼放題，咁呢間就啱曬你！$88就有六隻味，不過唔係隻隻都啱你口味，而且雞翼偏乾身啲，希望可以改善下。記得呢間去之前一定要卜位呀～因為要預返人數準備雞翼數量！評分：🌕🌕🌕🌗🌑

.#卡邦尼意粉 $88大推！！雖然卡邦尼好像很普遍但這個意粉真的很好吃先說意粉軟硬度剛剛好醬汁的部分也超讚👍🏼我超怕吃到水水的但它卻不會水也不會硬調配適中一上桌兩分鐘就清光了🤣#香蒜炒雜菌 $68蒜味超香的吃上去也不會太油當小吃不錯喔😝#雞翼拼盤 $80一份4種口味各3隻拍照前已各吃一隻🤣因為樣子真的很吸引這4款都是炸雞翼喔覺得它們的雞翼算便宜了推薦鹽香雞翼🥳-(各項滿分為5分)餐飲分數: 🌕🌕🌕🌕🌖環境分數: 🌕🌕🌕🌕🌑服務分數: 🌕🌕🌕🌕🌑價錢分數: 🌕🌕🌕🌕🌑回頭分數: 🌕🌕🌕🌕🌑-龍華軒咖啡室 (旺角)🍴旺角登打士街36號恆威商業中心17樓📞 26518033🕐 14:00-22:00

相信呢個雞翼放題應該好多人都聽過，今次同啲朋友第一次去試。佢位置係喺旺角後巷一個商業中心上去，上到去全層都係佢既。就感覺都係好似普通旺角嘅一啲特色Cafe，只不過佢就冇得玩board game。雞翼佢有四種味俾你揀，一開始嗰round全部每樣味兩隻人頭計。仲有蜜糖蒜香椒鹽同香草，四隻味都試曬。我地嗰枱平均女仔食到20隻男仔食到26隻到都好夠。我哋冇叫其他嘢淨係食雞翼。個人認為得蜜糖同埋香草值得食，其他都比較淡。因為佢嘅煮法係炸晒所有雞翼然之後喺上面落調味料，所以基本上除咗調味料唔一樣其他全部都係一樣。如果好鍾意食雞翼嘅呢一間都值得一試因為都好抵！

👧🏻😋👅🍽✨-💛🐥🐥💛🐥🐥💛🐥🐥💛#雞翼放題 $88✨四種味道既雞翼：蜜糖🍯、椒鹽🌊、香草🌿、蒜香🧄（排名分先後）👉🏻蜜糖好香好入味✨預設一入座會炸各一份8隻，影相就靚😂☁️不過食食下就會凍左冇咁好食 （我哋已經食得好快）✨建議大家如果去食嘅話，可以要求先上每隻味半份4隻（唔知得唔得）✨因為熱辣辣咁食真係好正嫁！一咬落去啲肉汁同油爆晒出黎 ☺️ （小心辣嘴）✨真係炸得好，皮脆肉滑-#香港友 #本土 #釀製 #啤酒🍺⚽️波友 $68✨柑橘、諾貝松✨酸酸地好香✨松木輕輕澀味aftertaste好正-🌰☕️ 榛子咖啡 $45☁️睇openrice都見評語麻麻☁️真係有少少失色☁️叫左少冰都仲好淡✨阿Q啲就健康啲囉😂✨樓上cafe既飲品質素係差唔多啦，見到隔離枱飲梳打好似飲得幾開心 😃 -加一服務費-

其實就咁聽個名會覺得係普通冰室😹不過去到係有驚喜😳因為Book左2點好早去到好似包哂場咁好正🤣入到去個環境好舒服 擺設都好靚又有好多好得意嘅裝飾不過店內個段時間暫得一人包辦廚師同waiter所以多人時等野食要耐心啲等候野食方面，見有雞翼放題88蚊任食但因為我地都覺得自己應該唔可以一次過食到咁多雞翼（頂多一人可以食六隻）所以我哋最後就叫咗個雞翼拼盤雞翼拼盤總共有12隻雞翼，當中有椒鹽、香草、蜜糖、蒜香味炸得啱啱好😋😋覺得最好食嘅就係蜜糖雞翼，蒜香都唔錯之後仲叫咗個蒜香牛柳意粉兩個女仔一齊share都剛剛好野飲方面，我就嗌左杯熱朱古力友人點左支啤酒🍻熱朱古力真係好好飲🍫☕️甜度啱啱好

book咗2點食 1:56先打黎話自己3點先開到門 可唔可以改遲啲 我住港島特登搭過海 去到油麻地站先收到佢電話 解釋係自己要係港島過黎 其實就算開唔到門係咪可以早少少通知 係咪去到2點先知自己趕唔切開門？

雞翼放題$88兩個鐘好鬼正！！雞翼超香又好味對於中意食雞翼嘅人黎講 係天堂🥰🥰我最中意果隻蜜糖雞翼！！我個Frd就好中意椒鹽可能因為我好中意食炸野所以食好多都得Cafe仲要幾好氣氛！好中意！！！

我呢本身就好鍾意食雞翼，咁就比佢雞翼放題吸引左，諗住自己都應該食到40-50隻左右，點知一見到啲雞翼，就知唔對路。啲雞翼隻隻乾到好似柴咁，跟住求奇係上面加啲醬汁就當係唔同味既雞翼，咁都你諗到，真係要比個叻你地。1.椒鹽雞翼椒鹽粉加上乾柴炸雞翼。2.蜜糖雞翼BBQ樽裝蜜糖後加乾柴雞翼，口感好似食緊樹皮加蜜糖。3.香草雞翼同普通正常雞翼無分別，一啲香草既味道都食唔到。4.蒜香雞翼蒜同雞翼既味完全分開，同雪糕軍艦有得比。之後，我見鋪頭既裝修有一種cafe既感覺，而見佢飲品既價錢又相對高，就叫左一杯特濃朱古力既凍飲品，之後一飲，杯野稀過水，雀巢朱古力粉都濃味過佢十倍，令我失望完之後又再失望多次。

想食呢間任食雞翼好耐，$88任食四種雞翼，抵到不得了超容易回本啊😱而家知佢係黃店，喺間鋪度講政治都冇問題💛上星期五好有衝動就walk左in，好彩仲有最後兩個位🤪🤪！！·$88有四款雞翼揀：分別係香草、椒鹽、蜜糖、蒜香。第一轉已經上咗每樣六隻，我哋之後再嗌多左1份半，名副其實係拎住個大肚腩走啊🤗🤗·整體做法都應該係醃咗啲雞翼之後一次過炸，到最後先調味。·我自己就最鍾意食蒜香同蜜糖雞翼！前者落咗好多蒜粒，啱晒我呢啲冇蒜不歡嘅人🤤🤤：後者就搽上好香滑嘅蜜糖。我哋encore都係呢兩款～🤩·香草整體都吸引，香草味都幾香濃，不過自己唔係香草嘅特別fans～椒鹽就相對之下較為失色，要一碟應該夠😗·叫咗個青蘋果特飲，真係好懷舊嘅樓上Cafe質素，仲有隻藥水嘅綠色😳你懂的🥱·大胃王來講表示勁滿足，食完之後我成兩個禮拜冇再食過雞翼，名副其實嘅食到厭啊，正！！食得嘅朋友可以選擇挑戰一下，我都食到18隻💛😎快啲嚟破記錄啦🤓-任食雞翼兩小時｜$88+1青蘋果特飲｜$40-龍華軒咖啡室旺角登打士街36號恆威商業中心17樓-

以雞翼放題聞名既龍華軒 之前下午茶已經黎食過了呢次就唔食放題咁heavy啦 就咁單叫就算蜜糖雞翼係我最愛 雞翼炸得香脆 沾上香甜蜜糖 一絕不過呢啲都係少食多滋味啦haha見到世界第一卡邦尼咁勁 當然要試試佢雖然世界第一誇左啲 同埋未必正宗但又真係幾好味 好重芝士奶香 意粉煮得啱啱好 煙肉又脆卜卜 超香口🥓係屬於龍華軒既獨特味道朋友另外叫左嗰兩個意粉 兩個都試左啖一個黑椒味濃 一個蒜味香得黎唔會過於刺激相對卡邦惹味 而且無咁滯 都值得大家一試黎親呢到一定飲佢既朱古力比勁多cream 朱古力超濃邪惡到不得了😈

之前見呢間主打雞翼放題總共有4款口味揀，仲要係一個價錢任食，點知食物質數真係麻麻🤭，試過唔會翻轉頭🤗一落單就會比哂款口味每款8隻你。再加就可揀半份（4隻）或一份（8隻）。留意翻我地18:45到都係要20:00走，不過我地覺得太熱氣同麻麻好食，一次都無refill過🤓-雞翼放題（$88）時段：18:00-20:00四款口味從上而下：香草、蜜糖、蒜蓉、椒鹽-1. 最推介口味- 蜜糖味🐝炸雞翼後淋上蜜糖，比較濕身無咁熱氣，但始終任食，唔好要求會茶左一層再去焗比你囉🤯（P.S.叫左杯蜜糖梳打，個蜜糖同呢個一樣）-2.第二推介口味- 椒鹽🧂炸雞翼後灑上椒鹽，辣辣地。-3. 第三推介口味- 蒜蓉🤭炸雞翼後灑上炸蒜，但比平時食既炸蒜淡口好多...-4. 最唔推介口味- 香草味🌱係咁易灑上好似西餐廳啲意粉上面裝飾用既香草碎，完全無香草感覺。總結，可一不可再，其實四隻味都一樣。食一次過下雞翼隱就好了。😟

早前自己到旺角有得食雞翼放題，我真係超級開心，因為我真係一個雞翼怪，超級鍾意食雞翼$88可以任叫四款雞翼，其實真係幾開心，佢嘅味道包括有蜜糖雞翼，椒鹽雞翼，蒜香雞翼同埋香草雞翼佢係即叫即炸嘅，每次每款有六至八隻，其實我覺得味道都唔錯，因為始終新鮮炸，我自己最鍾意就係蜜糖雞翼，因為其他個三款都有少少似，我哋一口氣都叫咗兩至三輪，即係都食咗差唔多60隻雞翼，真係好夠皮我自己就建議可以加埋豉油雞翼、滷水雞翼等等，咁就會豐富好多啦

一向都好鍾意食雞翼，尤其是拆雞翼骨😂好想試食雞翼放題好耐，今次專登走去試！呢間啲雞翼都唔錯，88蚊就可以任食雞翼，我覺得幾抵。一開波佢會每隻味上一碟先，我自己最鍾意椒鹽，朋友就最鍾意香草味。至於蜜糖味就太甜，有啲唔夾，而蒜香就太普通啦！整體而言都唔錯既！