龍華軒咖啡室 (已結業)

1. All you can eat wings buffet for HKD$80 from 2pm to 6pm.2. 4 flavours of wings are available: (from left to right) Pepper, Honey, Herbs, Garlic3. The wings are fried before seasoned4. We love the honey ones best5. A hipster cafe that we would like to visit again for other food

前幾日去佐食呢間，都幾難穩下間野，因為間野係唐樓上面。入到去都幾有個人style,會播music，有d吉他，相掛係牆上面，都幾賞心悦目但係其實d野食就真係麻麻地，雞翼有4種味，但我同fd嫌蜜糖雞翼d蜜糖太甜🤔，另外一款過於咸，🤔有一款冇咩味(有d淡)🤔，唯一一款就幾好味既。但吾錯既係一款7隻，total28隻，仲可以無限添加。重點黎啦，呢間野吾提供野飲，一杯野飲最便宜都about40蚊，個賣相好似一般，所以冇叫到野飲，依間野吾比带野飲入去，如發現要罰80蚊，認真食到一半就好口渴😑😭我同fd食佐個幾鐘就走人，成程都冇人帮襯，可能我地太早去啦😂😂

平時好少食雞翼見其他食家推介就心思思試一次有蜜糖雞翼、香草雞翼皮脆！香口！入味！平時一個月先食一次雞翼食雞翼又唔食皮嘅我都同朋友兩個人清曬其餘嘅意粉都整得剛剛好稍為濃味 但都係好食意粉硬度剛好 唔會太硬唔會太軟後來仲叫了一個炒秋葵都整得好有家的味道 另外老闆明明好friendly有禮呀唔明點解咁多評論話唔好話無禮貌等等感覺上係一個爽朗好相處的人整體來說係一次好舒服嘅體驗尤其是播d歌好有品味會令人想留低半日繼續chill

同個朋友諗住搵間樓上Cafe坐得舒舒服服，大家搵個地方傾吓計，咁就唔啱又係旺角附近又唔知去邊間cafe好，上OpenRice搵到呢間野睇食評見到有人話呢間野嘅服務態度好差貼錢買難受但我都唔信，點知自己真係瀨咗嘢，呢度嘅員工態度好差，落個單都要俾人喝，搞到全程坐得好唔舒服..嘢食已經唔係平，又唔係特別好食，加上地方又細，我同朋友都好後悔上咗嚟食，最後我哋食完即刻走，我哋以後一定唔會再嚟食，食一次就Blacklist既餐廳寥寥可數

因為朋友話喺網上面搵到一間加埋一都係＄80嘅雞翼放題咁我地就去食啦其實我個人就無乜所謂嘅無論係炸雞、雞翼、燒雞皮都係我嘅大愛但係鋪頭名就有啲搞笑囉…個名叫做龍華軒相信大家係香港大嘅巴打絲打都會提你個名感覺到有啲熟悉..唔驚黑果個呢時間方面係下晝兩點至到六點鐘可以俾你食足四個鐘頭首先一去到我哋就揀咗嘢飲先啦分別係藍莓綠茶同埋青檸梳打留意嘢飲係唔包架要自己另外俾錢然後呢過咗冇幾耐就會送出四碟雞翼四款都唔同架個人來講就覺得熱我早上平時我係鍾意返早嘅單唔知點解覺得呢一間龍華軒裏面嘅入雞翼超好食我同朋友兩個人加埋總共食咗48隻聽講有人都食咗100隻雞翼真係諗起都覺得不可思議另外喺鋪頭見到有一張poster寫住一啜入魂既卡邦尼意粉所以我哋已經約咗下一次有機會再一次過來挑戰意粉。整體來講覺得10分滿意呀兩個人連埋嘢飲加加埋埋都只需要二百零蚊睇一睇個三係其實平時一款雞翼都賣緊你48架！

一打電話去，接線條友極無禮貌，問雞翼放題問左兩句都無，就話Facebook有寫，自己上去睇，講都未講完，極快速就話拜拜。心諗咩事，未到繁忙時間，一心想試雞翼放題，你唔想做雞翼放題就直接講，唔好負負氣氣回答，諗住幫襯先打電話問多少少資料。你打開門做生意，做到點出名，做到點好食，用心對客人好重要。可能你開鋪係過日晨，大把生意唔憂做，都唔該你態度好少少。打電話上黎問兩句，對話唔超過廿隻字，感覺好似俾人侮辱咁，留意返唔係全世界欠左你！

一班人純粹想搵個地方食下野傾吓偈好似破舊嘅地方咁一啲feel都冇 亂78糟見啲嘢食好耐都未來我個兩個朋友已經食晒其餘果四個人啲嘢食仲未泥 嘢飲一杯都未到好有禮貌咁打去問會唔會係留咗單佢竟然話我哋係咁慢架你唔想等到要 到到嘢食嚟啦仲要喺度講我哋係咁慢架等唔到就唔好等 下次就唔使黎啦如果唔等得就真係有無搞錯 無理由咁講野嘛？真心唔明點解要比服務費連落單都要打電話上去落單 冇服務可言嘢食水準好一般自己屋企都着到勁濃味 150食啲勁細碟嘅意粉加勁甜嘅奶昔完全唔值

有friend 介紹我去呢間cafe試下，我就去左試下，樓下等lift等左好耐，可能因為舊樓嘅關成間cafe ge design 都係行文青風，好多得意野架，睇得出佢地擺左好多心機係design上面，佢地話最好食係卡邦尼意粉同蜜糖雞翼我地就叫左喇卡邦尼意粉好creamy,好濃郁,真係好高質，又好多芝士，好好食，我會因為個 carbonara再上去食蜜糖雞翼都okay,好多汁，又好脆，非常蜜糖啊，正蒜香個個都不錯

今日同朋友兩個人黎食大熱既雞翼放題有少少難搵路，因為大厦個入口係喺條後巷入面⋯⋯一出lift見到個環境好靚，佈置得好有感覺👍🏻光暗適中，音樂揀得好👍🏻👍🏻主角雞翼 有4種口味香草雞翼ok 個人覺得一般般，真係香草味椒鹽雞翼好咸😂 不過係咸得黎接受到既味度蒜蓉雞翼真係勁多蒜😂😂不過同出面既蒜味比無咁重蜜糖雞翼爆多蜜糖香甜👍🏻👍🏻個人喜好：蜜糖>>椒鹽>>蒜蓉>>香草80蚊，抵👍🏻

早幾日同朋友上到去，坐底已經覺得老細個樣同心情麻麻地，咁我地不以為然啦，始終做飲食業，小小脾氣緊有！cafe環境特别，不過cafe bar大部份機器都係淘寶貨，略嫌寒酸！咁同朋友點了野食就等，眼見有班人正係到玩好開心氣氛幾好，仲同我有講有笑！點知轉頭老細出現，叫佢地埋單離開，全場氣氛立刻變到好怪，無人敢出聲，我同朋友見狀，食完都唔好意思坐係到，立刻走…其實食物都唔係特别好食，叫左個意粉同雞翼，不過都係凍既，雞翼唔入味，失色！其實cafe都係一個俾朋友聚下傾下計既地方，只要無破壞同影響到人我覺得無乜問題，況且佢地又唔係話太大聲，諗唔到咩理由要趕走佢地…咁樣一來會無左班客，二來為左啖氣，發洩左，型左，他日咪有同樣既客出現！咁樣做生意，真係遲早收皮…應該無下次…

上星期約左幾個朋友聚會因為之前食過印象幾好野食ok, 服務都還好今次去到，野食都仲係有返咁上下水準不過就一味有人食煙我知你熟人多，但都有好多係客原本有少少味就由佢啦係出面食傳入來就算啦，我地就走個陣竟然廚房都開始有人食大佬，你都算係open kitchen黎架，成間餐廳即刻勁大陣煙味唔講以為返左大陸食野仲諗住以後約朋友傾下計食下野都係來返呢度，唉，免了不會再見唔負評係因為野食都仲ok，又係社運既人士真係好可惜

野食味道足，白汁雞皇飯嘅醬汁夠味但又唔會太”傑”。夜晚最低消費每人100。等野食比較耐，落餐後等左45分鐘先所有野一齊上，但勝在味道好，滿意。Btw岀名嘅雞翼放題原來要午市先有。

約好雞翼控姊妹們一共4人上去挑戰,2個遲到既唔洗等食住先,去到17樓full左,招牌人帶我地行落16樓,坐低佢就話整d送翼比我地,等雞翼期間斟定2杯自助水,主角黎喇,賣相好味道好,食食食....遲到果2個未黎到我地已經砌晒例牌果4碟蜜糖雞翼非常蜜糖,椒鹽雞翼亦非常鹽(咸),香蒜雞翼非常多蒜,香草雞翼系非常平凡既一味遲到大王到左就order野飲,邪惡既雞翼放題配更邪惡既超多cream既朱古力oreo真系冇得輸,蜜桃紅茶最穩陣實唔會難飲,仲有杯青檸梳打黎錯左青蘋果梳打,即補返杯岩既,而錯果杯都free埋比我地,多謝晒不過青蘋果比較甜,青檸都唔錯岩味,飲品價錢系正常cafe價!!全程基本上系唔會有人招呼,有需要就打電話啦,我地唔慣食招呼,所以甘樣岩晒我地,食左幾多雞翼?已經多到數唔到,其實如果唔嗌野飲真系$80落樓,龍華軒好有良心,有水提供唔會焗你叫野飲,抵讚,very good

放題無處不在，雞翼都有放題。大部人係下午2-6呢段期間黎龍華軒，一定係食雞翼。四款雞翼不停供應，味道ok，價錢不包飲品。不過最正同爆梗係老細嘅行為藝術。大家快D去感受下！

與朋友晚餐，準時到。服務員細心，叫了兩碟美食，野食未到，服務員已預備好餐具，及公用餐具，值得一贊。泰國辣肉意粉，好好味。值得一試😋。環境比其他cafe靜，適合慢慢食慢慢傾計。另外，黑椒牛肉粒炒飯也不錯。飲品只選了普通的特飲，也不錯