龍記軒

營業中

休息中

因為太鍾意食蛋捲嘅關係🙈喺社交平台入咗個蛋捲group 入邊啲人係咁介紹龍記嘅蛋捲🤔而且龍記蛋捲係唔使排隊👍🏻啱晒我呢啲懶人 不過龍記都係難買嘅😮‍💨，因為佢哋每個月都會喺唔同地方擺市集，你要喺每個月之前去佢哋嘅官方fb 睇清楚order 蛋捲嘅google form 開放日子同時間，入去提交訂購表，之後仲要等幾日龍記確認，你先至收到訂單編號然後去你揀咗嘅日子同市集地方度拎🫣 收唔到確認就即係訂唔到🥲訂咗兩次今次終於成功訂到難得訂到買咗一盒咖啡味同一盒原味試吓，聽聞咖啡味係比較難訂到同埋成日冇貨😌原味 $88一盒有24條，一打開已經聞到好香蛋香味🤤龍記嘅包裝都好有誠意，有牛油紙同埋有bubble紙包住，蛋捲非常酥脆，亦都好鬆化，同埋都幾厚身😳，唔會得一層咁好冇口感，甜度適中唔會死甜，有啲似食緊澳門雞蛋餅嘅味道🥳，因為蛋香好足👍🏻👍🏻咖啡味 $90咖啡味比原味貴兩蚊，一樣有24條，咖啡味比原味更加冇咁甜☕️，因為佢多咗一陣咖啡香味，咖啡嘅香味好濃郁😌，有少少咖啡嗰種甘甘地苦苦地香味🤪 適合鍾意飲咖啡嘅人士

⭐️原味蛋卷原味蛋卷 唔算好脆身 比較鬆化 層次唔算好豐富 有淡淡蛋香 味道偏甜 整體黎講可以⭐️咖啡蛋卷咖啡蛋卷 咖啡味聞落去幾烘焙咖啡香 但食落唔算好香濃 味道帶焦香微甘 略嫌偏甜 冇乜蛋香 口感比原味脆身少少 都算鬆化層次一樣唔算好豐富 整體味道可以 有啲名過其實呢間近期都算人氣 但令人幾失望購買方式有少少複雜 要先預訂後取貨唔係好明點解買幾盒蛋捲都搞到咁複雜重點係複雜完 又唔覺真係有成效或效率提升服務都算唔錯 價錢可以 試過一次就算 個人都係鐘意北角蛋捲店多啲

今日初一，所以開一盒老友之前早上8點排隊排到11點開門至保證買到的蛋卷，因為佢之前一日經過排長龍，而且聽講每日有限定數量，一陣就賣曬。所以真系多謝老友咁辛苦排隊重要送比我打開罐蓋，裡面有兩層大泡泡膠，所以打開真系一條都無斷到。視覺上睇到表面好多氣孔，橫切面睇落以為好厚，但原來真系嚇親，鬆到無朋友，大力D都會碎。嗅覺上，打開盒蓋吾算香味覺上，蛋味吾夠，甜味吾算重。總括來說，以手製蛋捲來講，-絕對應該支持本地企業-品質絕對系比好多賣品牌，包裝的好好多-價錢$83亦系比很多手製和機製性價比高很多。

話說上次就食咗龍記蛋卷嘅原味，食完之後，雖然就覺得甜咗少少，但個口感真係好好，所以就想試吓佢嘅咖啡味蛋卷，睇吓係咪都係咁好食。攀山涉水由將軍澳搭屯馬線去到屯門，來來回回經歷咗成百幾公里。打開個蛋卷盒面頭第一個蓋，啲咖啡味已經散發出嚟，好香咖啡味，搞到我都未開過蓋先興奮。好可惜，期望越大，反差越大。呢隻蛋卷嘅口感依舊，但係個味道就真係唔得。聞落嘅香味遠比食落嘅香味重，感覺就有啲似好平好平嗰隻即沖雀巢咖啡，一蚊包嗰隻，你沖完之後，咖啡嘅香味散發出黎可以令到成個Office都好香，但飲落就平平無奇。呢隻蛋卷都係一樣，如果用平平無奇黎形容佢，其實都幾客氣。真心講句，如果我第一次食依個牌子嘅蛋卷係食依隻味，我很肯定唔會翻兜。佢嘅味道係炒燶咗嘅咖啡味，你調轉個角度諗，可能佢係想sell炭燒咖啡味呢，但好可惜，我食落仲係有啲苦澀嘅味道，可能咖啡係咁嘅味？唉。想點呀，山長水又遠，俾啲咁嘅質素我，失望，我都係食返德成號算。仲有成盒點算，唉。Mcmug綜合評分：2/10，兩分係比個口感，因為真係足料。

蛋卷關注組朋友，請舉手 🙋🏻‍♀️ 小妹自小愛吃富香港地道特色的蛋卷，不同牌子都會買來試試看，每隔一段時間家裡就會出現一盒蛋卷，然後不消幾天又會突然消失於空氣中 😂 前陣子在網上認識到這家店的蛋卷，價錢相宜，口碑看似不錯，雖然本店位於屯門區比較偏遠，但它定時會在不同地區設pop-up store (詳情可留意IG更新)，所以機緣巧合下我買了一罐回來試，個人就相當喜歡；後來知道他們亦有地鐵站送貨服務安排，購買各式蛋卷或其他小食產品滿$200可加$10送貨，滿$300免運費，店家服務殷勤，在whatsapp落單後隔幾天就可收貨喇！👏🏻話說回來，龍記蛋卷能討小妹歡心全因其鬆化度一流，咬下去除了香脆，口感入口即化又帶點手造蜂巢的沙沙質感，甜度方面適中，牛油味香濃，吃後又不會感覺太膩，唯獨雞蛋味個人覺得可再努力改進 💪🏻 整體來說，算是有相當水準之作 👍🏻

年紀大quota有限，平時食蛋卷，我多數都只係食德成號。唔係話唔想試新野，但係一試新牌子新口味，一買就買一盒，返嚟唔啱，就會成盒掉咗喺度，做隻大嘥鬼。今次如果唔係Mcdull朋友介紹，我都唔會試，但試落嗰味又幾對版。「龍記蛋卷」$80細罐400克佢門市喺屯門新墟嘅巴倫紐戲院購物中心G59鋪，但又周不時會去唔同地方擺攤位。我第一啖食龍記蛋卷，咬左大概1/3條，咬斷之後，蛋卷鬆開到填滿晒我成個口，好實在嘅感覺。之後睇到佢條蛋卷原來有好多層，比起德成號起碼多一倍。據官網講，蛋卷係有三圈半，口感滿分。味道方面，蛋味係有，但我就覺得甜咗少少，但係Mcdull 同McQueen就覺得啱啱好。各人口味都唔同。唔使千里迢迢/排晒長龍就可以買到咁嘅質素嘅蛋卷，值得翻兜同晒Quota。而聽講佢嘅蛋卷仲有咖啡味，而咖啡味仲好似係冇咁甜，咁我下次就會買盒咖啡味嘅試吓喇。Mcmug綜合評分：8/10口感一流，值得一試。Mcdull 綜合評分：8/10 幾鬆脆，手工製作不容易呀

🇭🇰龍記軒·我之前咪有post過北角間德成號蛋捲嘅 之後有位朋友仔同我講叫我一定要試吓呢一間 我就一路好想買😍😍雖然佢間門市係喺屯門嘅 但係佢哋其實每個月都會係唔同嘅商場度擺攤 所以我之前就夾啱時間去咗銅鑼灣嗰邊買 終於買到啦 開心🥳·原味蛋捲$80佢個蛋捲我自己都真係幾鍾意 我覺得佢好味過德成號添🤭🤭佢個蛋味好濃 而且咬落去係超級鬆化 係真係有一咬開就化嘅感覺 之後佢食落係輕盈啲既 唔會有好漏好實個個感覺 我自己幾鍾意🤤🤤之後佢地另外仲有咖啡味嘅 我哋係攤位嗰度試食左一舊仔都好鍾意 佢個咖啡味濃得黎唔係超苦個種 而且仲食到個蛋味 如果大家鍾意咖啡嘅話都可以試吓☕️📍屯門屯門鄉事會路巴黎倫敦紐約戲院購物中心G59號舖