龍門冰室 (已結業)

龍門冰室.好耐冇見過閨蜜啦！今日OT完竟然即慶約到係銅鑼灣一聚。之前睇左蘋果話要拯救黃店，老闆出左力改善左鋪頭野食既質素。今次就黎試真d。黃色經濟圈威力果然強勁，好多人排隊等位，都要等成半個鐘先入到去。.蜜糖雞翼 $45燒雞翼~我鍾意食~ $45 有成6隻咁多，雞翼外皮炸過，好脆口。再掃蜜糖上去，帶點甜味，皮香肉嫩。.傳統英式早餐 $75有齊多款配料，煙三文魚、紐倫堡腸、炒蛋、牛油多士、茄汁焗豆、蛋沙律，仲有餐湯同餐飲添。非常足料，夠曬抵食。炒蛋夠奶香同嫩滑，如果茄汁焗豆再熱啲就好啦！.鐵板吉列豬扒拼紐倫堡腸拼薯菜 （連燒汁）$95好大塊，熱辣辣，腸好好味，薯條夠脆口，點燒汁食，一流👍🏻.凍奶茶茶底香濃，奶醇香，係經典港式滋味！.如此實惠價錢，飽到捧住肚走!果然係大件夾抵食呀！

🧈黑松露雜菌芝士玉子燒🧀Black Truffle Mushroom Cheese Tamagoyaki-烘底嘅牛油多士好鬆脆，配上招牌黑松露雜菌芝士玉子燒🍳看似簡單，食落已回味無窮🥰茶餐廳味道親切，卻深入人心。-$48/set🧈蘑菇黑松露濃郁🧈玉子燒嫩滑可口🧈牛油厚多士香脆#nataliefooddblog

久仰龍門冰室嘅大名，今日終於有機會去試一試。係附近放左工，咁啱見到門口無平時嘅長龍就入去試試。餐廳環境簡潔，以黑白磚做地板，懷舊又摩登嘅香港冰室風格，坐位舒服。而且佢menu選擇非常多，有唔同嘅配搭，有選擇困難症嘅我睇左勁耐。最後我叫咗個3.6特濃牛乳芝士玉子燒套餐，玉子燒就揀咗咸牛肉。先講主角玉子燒，用3.6特濃牛乳煎嘅玉子燒非常香滑，好少茶記會用3.6牛乳，味道好好。而且一切開就見到好多咸牛肉，落足料，咸咸地好香口而且一啲唔漏，唔錯唔錯。炸菜肉線米啲米粉爽口，同平時啲茶記好唔同，炸菜肉絲又係一啲都唔手軟，成碗鋪滿晒，每啖都食到啲餸。花生醬多士，超厚，表面煎到香脆，花生醬搽到滿，正！成個套餐嘅份量非常充足，一碗粉麵，一個玉子燒，一個多士，跟埋杯餐飲，總共都係48蚊咋，抵食！😋 想食下港式茶記風味，同支持良心餐廳，一定要嚟龍門啦。

Rack of Lamb with sausage紐西蘭羊架拼香草腸-可能平時比較少煮到，對羊架總係情有獨鍾😍見到鐵板餐入面有得揀，已經唔洗再考慮其他。個餐仲有得配芝士汁，啱曬我口味❤薯條落得好大方，配埋餐湯同嘢飲，總體個餐都幾抵食😋-$110/set🥘🍖脆皮香草腸一啲都唔馬虎🍖如果羊架瘦番少少就好喇🍖醬汁寫明冇落味精好放心

龍門餐廳係數一數二嘅黃店。之前已經幫襯過好幾次，今次就第一次去銅鑼灣登龍街嘅分店，繼續懲罰一下。準時兩點鐘到達，已經有下午茶供應。 個人十分之推介呢個下午茶。因為下午茶餐係 A-G簡一款，之後1-9 再揀一款 (詳情可以睇返圖片上嘅餐牌)。總之任你配搭，而且價錢十分相宜 $38。我今次選擇嘅就係 E-卡邦尼意粉加 8-吉列豬扒嘅組合。卡邦尼意粉味道夠濃郁，分量剛好厚身又濃郁嘅白汁。 而且吉列豬扒有我手掌咁大塊，外脆而且仲保持到豬扒嘅肉汁。以茶餐廳級數嚟講已經十分到家。另外叫咗個茶餐， 沙嗲牛麵個沙嗲牛都做得唔錯。最好食嘅就係塊多士，同樣地可以有奶醬，奶油，奶沾等不同配搭 ，做人最緊要有得選擇係咪。蛋捲都煎得幾滑，加入沙嗲牛肉麵食yummy。除此之外我哋仲嗌咗一份蜜糖雞翼。 其實雞翼做小食真係可以話係冇得失手。今次都無失望。香香甜甜嘅蜜糖 加上熱辣辣嘅雞翼，味道相當配合。公平講一句龍門冰室未必係最好食嘅冰室，但係性價比同餐牌選擇嚟講，一定係略勝其他冰室幾籌。

今日放假享受早餐時光，去了香港人龍門茶餐廳！咁多次俾人攪，咪更多支持同幫襯囉！有良知又點少得香港人？！因為抗症要分枱坐，唔多唔少都有影響生意。但見到有客人支持，有堂食也有外賣，都好感動，不得不說香港人加油💪🏻💪🏻💪🏻早餐選擇唔少，份量都好多又抵食，自由配搭好多！點了A5(番茄濃湯通粉配2餸）份量好足，鮮牛肉好多片又軟腍，炒蛋白卷了又多又香又健康，番茄湯通粉口感我喜歡又健康又開胃熱奶茶好香濃又滑溜，不用加糖已經好夠味抵食又有效率勤力的服務香港人加油！

同朋友嚟咗龍門 係香港人嘅茶記呀❤️ 晚市幫襯 雖然要搭枱但好彩嘅係唔洗排隊🤭 下例食物多數都係焗的 因為小編就係中意焗嘅野夠熱辣辣🤤.🥦芝士焗西蘭花 $35焗芝士可以微拉絲 西蘭花烚得啱啱好 不會過份林仲保留到適當嘅爽口 白汁夠多 西蘭花吸哂啲汁 又熱辣辣又好入味🤤.🐔咖哩汁雞扒焗飯 $56豬扒同雞扒 識揀嘅一定係揀雞扒 因為雞扒肉嫩啲 同埋雞扒多數都會煎完再焗(成日覺得塊煎雞皮係bonus因為豬扒冇🤣) 呢次嘅龍門焗飯可以話係懷舊版 完全係細個嗰陣食過嘅味道 少少燶面 真正嘅港式咖哩 味道濃濃的 炒飯底加埋啲芝士真係大滿足🥰

相信呢半年大家一定唔會對「龍門冰室」呢個名陌生。因為工作關係一直都不能到呢一度支持一下，呢日趁假期嘅時候，於是抽空嚟到銅鑼灣分店。入面人頭湧湧，但係剛好遇上兩個空位，所以不用排隊就直接入去下午茶都睇到眼花撩亂，實在太多款式，而之前都聽過好多人對於不同嘅菜式也有好評，所以霎時之間難以決定食乜嘢。後來都係決定叫下面呢兩款下午茶玉子燒常餐，炸醬豬頸肉米綫雖然米線嘅顏色偏向好似好辣，其實湯偏淡，而且炸醬嘅味道不突出，一般。豬扒炒烏冬豬扒非常大片，簡直係男士們嘅份量。烏冬味道小小甜甜地，而不太軟身，所以合格。依呢個下午茶嘅價錢絕對係非常非常優惠！大件夾抵食！至於服務態度方面，有待改善，某一兩個職員態度較為鬆散，一次又一次問佢哋拎餐具嘅時候都大意地忘記咗，以餐具上面嘅都有明顯嘅污跡，同飯粒。希望職員方面可以加強留意衛生。

呢輪成日都聽既龍門冰室，今日終於同朋友過去試下。入到黎當然就係人頭湧湧，坐滿晒人，好在都唔使等位，直接就有位坐。有人講過話呢度既職員態度唔太得，但係我今次黎又完全無問題bo，仲要好nice。我地叫左紅燒鮑魚湯麵/英式早餐/蔥油雞扒叉燒飯，好豐富，呢度野食既種類係茶記黎講都算幾多，所以黎到都唔怕無野食岩食：）除此之外，我地叫左椒鹽雞翼同埋薯蓉焗青口，椒鹽雞翼椒鹽味再多啲會更好食😋。下次過嚟一定會再支持：）

疫情下去食黃店 個心會好似安心啲不過總係覺得黃店既食物質素可以好一點今日黎到龍門冰室 食佢既常餐佢話就話玉子燒 其實都係奄列 我就覺得有少少取巧選擇好多好目不暇給既仲有酒精搓手液提供仲加埋依個champion blend 飲諗住懲罰黃店就要懲罰到底喇 佢一枱就咁我都呆左呆 點解咁污糟？牛肉仲彷似有陣洗潔精味總之就唔入味唔好味有真蕃茄 係加分既個蕃茄湯比較酸友人叫左沙嗲牛肉麵 加左五蚊要辛辣麵當初都諗點解仲要加呢但後尾證明佢係正確既因為佢本身個沙嗲好淡好淡 一啲都唔似沙嗲牛即係同出名食沙嗲牛既地方無得比囉⋯好咁算啦 諗住你叫得做玉子燒常餐你個玉子燒應該係最出色既就試下佢黑松露係好香好多既 下次要簡都應該簡上面如果仲有下次既話但下面依個咸牛肉就真係失望既一佢唔多 唔係成件都有二真係無特別無所謂玉子燒既濕潤 只係奄列既乾再睇埋個野飲係理想同現實其實咖啡係好飲既 換番隻玻璃杯嘛最後就係花生醬多士係一邊有一邊無既喇黃店我都想繼續懲罰但我想懲罰得有價值啲唔想係食一次就唔再番黎⋯有啲失望囉真係。服務係好既 姐姐係細心既乾淨既 有膠版隔住 有紙袋提供俾你入口罩但食物就味道就差啲⋯

今日嚟到好多分店嘅龍門餐廳，一嚟到門口已經見到好多大字報同埋有啲紀念品賣咁，好得意。最正係佢仲有買一啲防疫抗疫嘅物資例如洗手液，真係好多謝呢間屬於香港人嘅茶餐廳。一入到去，要分枱坐仲要量體溫，都係穩陣啲好嘅。好啦，講返正題先。嗌咗兩個餐，一個芝士汁炸魚柳撈公仔麵，令一個咖喱海鮮飯。個芝士汁跳得幾濃，撈埋落公仔麵個味道好濃郁，又唔會太滯。個炸魚柳係超大塊啊勁正！ ！揸得算唔錯，啲炸粉上得好靚，外皮香脆，可惜塊魚柳有少少雪味，小小美中不足。至於個咖喱海鮮飯，因為冇魷魚，所以佢俾咗多一塊魚柳我哋，變咗我哋total有成三塊炸魚柳😂😂😂食到滯。個咖喱汁就不過不失啦，海鮮仲有蝦，青口，帶子。總括來講，喺疫情之下食得幾開心，支持屬於香港人嘅茶餐廳就唔使講嘢啦。

唔係等好耐，半個鐘左右有位了食客都係有質素嘅真香港人，大家就算搭枱都一定會互相遷就，雖然環境狹窄，但坐得舒服嘢食來得好快，西多好正，炸得好靚，脆卜卜，牛油半溶，不過春卷都脆口嘅，但個餡麻麻嘢飲點左凍latte，唔記得影相，用鐵杯上夠曬冰凍，幾正！但如果咖啡味多少少會再好味啲嘅😆我從來唔食街外買嘅蘿蔔糕，但龍門出品嘅蘿蔔糕有驚喜，勁多蘿蔔條，煎完唔會散晒，亦都唔會成口油，真材實料，住家味道紅棗糕又超級好味，煙煙靱靱又唔會太甜，蒸返熱好好食，如果有南棗紅棗糕或者薑汁紅棗糕仲正香港人加油🖐😷☝️

"龍門冰室"相信是真香港人必定聽過的人氣茶餐廳，除左我知道是良心小店外，也聽朋友說這裡的食物抵食夾大件之外質素仲好好!坊間評語如此高的一間餐廳，當然會出現排人龍情況啦！常常經過銅鑼灣這間都一定有人排隊，今晚見唔使排隊，即刻同老公去試試佢!6點多進去，已經坐滿8成，我覺得很出奇，想不到呢個時期都咁多人黎幫襯，想必一定唔會差得去邊!我和老公都點了美式鐵板餐一個是紐西蘭羊架拼香草腸配黑椒汁 $110餐來到非常大份，我選了薯菜，羊架不韌，不羶連帶點脂肪，很香，食完兩舊都不會太漏，配黑椒汁很夾!香草腸不是便宜貨!很美式!好食!薯條都很香脆，一食就知新鮮炸!好味餐還包括了餐湯和飲品，+$3轉凍飲餐湯是我最喜愛的白湯，飲落creamy夠熱!飲品選了凍鮮奶咖啡，好香咖啡味，絕對不是就咁沖咖啡粉個啲!抵讚另一份點了至尊海鮮(青口，蝦球，帶子，龍脷柳x 2)配 龍蝦汁 $105 由於我們都不吃青口，為免浪費所以走青口同樣選了薯菜，走了青口份量都依然咁多，比羊架餐還要多!帶子和蝦球都爽口彈牙，沒有雪藏味!龍脷柳鬆脆不油!配龍蝦汁都很夾，雖然好大份，但我地都食清光，因為太好食了!這個餐配了奶茶紅豆冰 +$9很

黃到金老細出曬名既龍門冰室 就算係疫情下都有人幫襯٩(˃̶͈̀௰˂̶͈́)و以前黎覺得佢嘅Menu好厚好難睇而家轉左新Menu!🤣3.6特濃牛乳芝士玉子常餐🍳 $48懷疑佢哋真係好驚人食唔飽 份量多到 個蛋枕頭咁😂選擇好多 湯麵 玉子同多士都有得揀味🤓真係甜蜜的負擔😗茄牛湯通唔錯 湯底茄味偏甜 牛肉唔韌(˶‾᷄ ⁻̫ ‾᷅˵)蛋入面嘅菇好大舊幾鍾意芝士+黑松露+蛋呢個配搭😂照燒汁吉豬炒烏冬🥢 $55吉豬又係好大塊!!🤣 炸粉唔厚而且炸得好鬆脆 豬扒鬆軟 值得加分🥳烏冬係用照燒汁炒，香口但係唔會鹹👍銅鑼灣店嘅嘢飲都幾好 凍奶茶好夠味😋餐飲真係好難做得閒快d去懲罰下(⁎⁍̴̛ᴗ⁍̴̛⁎)

今日過開港島做野 夜晚就同朋友去一去良心店舖光顧一返 一入到去坐低 已經見到貼心的防疫安排 值得一讚 無論係坐低 食野前 食野後 都可以潔手 做得好好 睇餐牌一般冰室的食物都有齊 今晚想食返個鐵板餐 星期五獎勵一下自己 又唔想太heavy 叫左個至尊海鮮薯菜 朋友就叫左個吉列豬扒焗黃豆3.6 炒蛋飯等緊野食 望下餐廳其實都幾光猛 簡單設計 清晰晚餐有餐湯同多士 口感合格 份量足夠 唔會站令你好飽食唔落主菜3.6 炒蛋份量唔少 豬扒鬆軟易入口 係ok ge 而海鮮薯菜 薯條仲好熱辣辣 貼心係每樣海鮮平均都有兩樣 龍利柳都冇話有雪味 對於想同朋友share 的你 係易搞過叫雜扒餐 不過蔬菜的份量如果可以多返少少仲好最後食左人均90 蚊唔駛！ 香港人 加油💪🏻