龍門冰室 (已結業)

為見過一間茶餐廳可以有咁多常餐選擇下午茶時段常餐仲要優惠價,$40有找,真係抵到喊.基本常餐個多士仲可以百搭口味,我當然係奶醬多啦~~個多士上台又熱又脆,超高質!!榨菜肉絲米好多榨菜我勁鐘意,不過米粉略嫌粉左D,但整體算ok,個炒蛋仲好有心摺到玉子燒咁~~~我最欣賞係杯咖啡,絕對唔係hea,真係用靚都有奶泡!淨係杯咖啡都值得encore~

今日去銅鑼灣做嘢，lunch去咗近來非常人氣的龍門冰室。座位其實都好多，但熱情的香港人已經坐得滿滿，兩點半去到都還要等位😅，幸好等5分鐘就可以就坐。餐牌上的菜式琳瑯滿目，真令人難以抉擇😂😂。最後同事揀了：燒汁焗豆牛扒飯，塊牛扒好～大件，同厚！無鬆肉粉味，有肉汁，全熟亦唔會靭，燒汁無乜特別，以茶記嚟講，牛扒質素屬中上了，非常底食！龍蝦汁流心奄列豬扒意粉：意粉唔會烚到粗晒，仲好爽口👍，龍蝦汁開得濃稠，食到海鮮味，豬扒調味非常好，煎得有少少焦邊，非常香口，l like it💜流心芝士火腿西多士：麵包用厚切，沾上蛋漿，炸得金黃，濃濃蛋味，加上一切開就流出芝士，和鮮油同糖漿，實在令人滿足。

這天完成手頭上的工作已在黃昏時份完成, 開始要找地方吃晚餐, 心目中都是想找茶記, 所以決定在此開餐。先來一客例湯，羅宋湯是也, 味道濃郁，酸味啱啱好，帶有豐富菜蔬的清香，令食慾大增，非常開胃。至於這裡的多士也不錯，看上去外層烘得呈焦香，咬下去是脆口的, 麵包內層是非常鬆軟，薄薄的塗上一層牛油, 吃下去也香味十足。再來一道小菜蒜香鮮帶子炒西蘭花(配白飯), 這裡的帶子是很鮮嫩甜美，外層煎得焦香, 西蘭花是新鮮的，爽脆而不苦，用了蒜香調味, 而且放在鍋裏熱食，效果唔錯, 跟白飯同吃特別滋味。 最後來個奶茶紅豆冰，以長羹將碎冰混入奶茶中, 奶茶甜度適中，夠香濃和夠滑,紅豆煮得軟稔起沙。這裡的環境乾淨企理, 小菜也有水準。

今日外賣叫左個照燒汁飯 雞扒滑蛋飯和照燒汁肥牛滑蛋飯。 本來是充滿著期待。 一打開個飯盒滑蛋變成煎蛋， 所謂嘅 照燒汁係完全冇汁嘅。 肥牛就係白烚肥牛 冇汁 完全冇味道。 極度失望， 貨不對版。。。。。。

今日去到銅鑼灣行街買完東西就和朋友找吃晚餐，他說有間茶餐廳不錯就過來吃，來到門口都有十多人排隊中，幸好都好快可以入去。在桌面上看到有個餐牌寫3.6特濃牛乳芝士玉子常餐四十八元好吸引就叫了，不久食物就來到，榨菜肉絲米粉料勁多湯底不錯，咸牛肉芝士玉子燒好味道有芝士味再有不少咸牛肉，多士仲有不同醬選擇，再加了豬扒都幾大片，夠脆口。飲品是3.6特濃奶奶茶，味都幾濃同滑身。朋友要了傳統英式早餐七十五元，沒想到仲有沙律，是蛋黃醬配生果好清新仲有好多粟米，餐湯是羅宋湯味正常，早餐來到見到好大份，有炒滑蛋好滑又有蛋香好味道，德國腸味濃皮帶點脆口幾特別，仲有煙三文魚，煙肉，大蘑菇，薯餅，焗豆，多士，食晒都真的幾飽肚，飲品就叫了比較少見的凍咸檸七，二人都不用一百五十元真的幾抵食。

近期龍門冰室大熱，於是同朋友一齊去支持下佢。當日已經要排一陣隊先至可以入去，鋪頭內看到人頭湧湧。睇一睇個餐牌，食物選擇多，而且價錢相宜，比起出面好多冰室都平，難怪咁多人支持佢啦。同朋友叫咗個牛仔骨平帶子鐵板餐，上到枱我哋都嚇咗一嚇，因為佢個份量驚人，一個人絕對食唔晒起碼有五件牛仔骨，好抵食！佢跟住嘅薯菜都唔錯，好脆口，佢個黑椒汁都係分開另上，唔會話浸到林晒。另外我叫咗個玉子常餐，又係好大份，佢跟住個雪菜肉絲米，間餐廳絕對唔孤寒，所有份量都好大份。我同朋友另外再叫多咗個蜜糖雞翼，雖然燒燶咗少少，不過味道都係非常唔錯。另外嗰餐都包嘢飲，非常抵食整體來講龍門冰室除咗係良心店舖之外，佢嘅成份都好大份，絕對係抵食之選！

近半年，大家都過得唔係幾開心，經常都會有啲震撼嘅新聞發生。幸好，市面上仲有不少良心的餐廳，今次就到了這間非常有名的餐廳—龍門冰室。龍門冰室平時就聽得多，今次係第一次食。我們今次兩個人去食，我叫了一份黑松露雜菌玉子燒套餐，玉子燒表面看似簡單，但是一切開就見到很多雜菌，而且有濃厚的黑松露味，入面軟諗諗，意大利粉煮得啱啱好，好爽口，仲有四粒大大的炸帶子！我朋友叫了一個英式All Day Breakfast，奉送了有多士、腸仔、薯餅、茄汁豆、沙律菜、雜菌、煙肉、奄列，多士和薯餅非常香脆，是一個頗美味的英式早餐。除了上述的兩個主食，我們還點了一個黑松露薯條和土匪雞翼，薯條脆脆的，雞翼又惹味，大家可以試吓。最後，我哋各自叫了一杯飲品，龍鳳可樂和珍珠奶茶。香港人，加油！

要數近排最hit 嘅冰室點少得呢間呢。離遠就已經見倒長長嘅人龍，真係貴為深黃店嘅始祖。座無虛席一入到去d waiter 都好忙碌，但服務態度都好好，雖然多人，佢哋嘅management都處理得幾好，井井有條牛仔骨海鮮鐵板一場來到冰室，梗要叫返個鐵板食下。好少鐵板餐有牛仔骨，為咗份新鮮感就揀咗佢。牛仔骨份量好多，味道唔錯，但略嫌肉質韌咗d。薯條好香脆，薯嘅質感好重，幾正。最差嘅要數d海鮮。炸帶子無帶子味，天婦羅無天婦羅味，咬落仲好淋。 北海道3.6牛乳玉子燒餐 - 配雞翼同意粉一來到見倒個玉子燒就覺得出晒事...首先似奄列多d，其次係塊蛋爛晒都照上。豉油雞翼撈意大利粉唔係話唔得，但可以好好多。芝士焗西蘭花西蘭份量好足，芝士味都重，一味整得幾好嘅小食。餐湯即磨咖啡凍利賓納

聽就聽得多 一直都好想去試吓所以難得唔洗帶兩個小魔怪就約朋友去支持💪🏻我地六點半到已經爆爆地 得反幾個位所以我地二個人要同其他人搭枱坐我地入左去後開始好多人 排哂隊睇餐牌同一般餐廳唔同多好多唔同有特色嘅菜式樣樣都好吸引好想試但係兩個女仔真係食唔到咁多我哋嗌左一個鐵板餐同玉子燒餐開頭點玉子燒以為係得玉子燒同煙肉原來係有飯/意粉/撈丁 好大碟🙈鐵板餐我哋要左牛仔骨炸蝦炸帶子配芝士汁 嗰個芝士就真係加咗好多分整體我覺得超級值得去食好食又抵食

呢間店最近好hit我又去試下午茶都排左一陣隊，不過為食好野，我唔怕！係新潮嘅茶餐廳格局裝修都乾淨企理餐牌好多選擇，我都諗左一輪不過下午茶我見好多人都揀蛋類，多士類等我又試下揀左黑松露滑蛋多士🤤配3.6牛乳～多士係厚身嘅外脆內軟～～黑松露好香，配滑蛋永遠唔會錯～蛋唔係未熟晒果種蛋滑，但唔會炒到乾晒仲好香黑松露香味，落足料跟餐仲有件薯餅炸得好脆口，唔會淋晒睇得出一定係新鮮出爐！加埋杯鮮奶，呢個下午茶超正！

【咖喱汁雞扒焗飯🍛】HKD56雞扒好厚身🐔 唔會因為焗過而變得好乾，好juicy💦 咖喱味好濃郁🍛 仲有芝士拉絲👅 份量夠多撈飯一流！抵佢咁出名枱枱都嗌啦，呢個真心幾好食😍👍🏻【黑松露雜菌玉子燒配雞翼撈丁🍝】HKD70上菜已經聞到陣陣黑松露香氣🤤 所謂嘅玉子其實係奄列，入面有黑松露同雜菌，蛋汁🍳夠哂多好【咖喱汁雞扒焗飯🍛】HKD56雞扒好厚身🐔 唔會因為焗過而變得好乾，好juicy💦 咖喱味好濃郁🍛 仲有芝士拉絲👅 份量夠多撈飯一流！抵佢咁出名枱枱都嗌啦，呢個真心幾好食😍👍🏻

就算18:30 去到排，門口都係大排長龍。果然係一間受歡迎嘅冰室，都係一間最有香港特色嘅冰室，配合現代嘅建築，但有香港地道嘅茶記味道。食物質素保持良好，最緊要係良心製作嘅食物，心理上覺得會較好食

餐廳的地點位於銅鑼灣龍門冰室，姊妹們對於西餐廳讚不絕口，很受顧客喜愛，美食俘虜了我們，同姊妹一起來到龍門冰室食晚餐，享受廚師精心炮製的美食，那一刻我覺得很幸福和高興。  進入龍門冰室，環境很雅緻舒適，佈置和擺設都十分美觀，餐廳服務細心，充滿西式的格調，浪漫的氣氛。  店內特高樓底，人多也不感覺侷促，空間感很好，環境整齊優美，舒適很寫意，乾淨整潔，氣氛輕鬆。  坐下後立刻點食物，餐牌選擇很多，分門別類，十分有心思的設計，詳細介紹餐廳美食，食物質素良好，上菜速度頗快，享受美食的滿足。  餐湯餐湯是忌廉湯，入口濃度剛好，散發著濃濃的味道，味道很清新，感覺美味。  星級雜扒意粉鐵板上的星級雜扒意粉，仲有帶子同三文魚卷，雜扒肉質煙靱之餘有咬口，帶子爽滑，帶子三文魚卷鮮嫩剔透，口感細膩，意粉彈牙爽口，黏性剛好，加入燒汁，混合起來的味道挺夾，香氣四溢，味道可口。  芝士肉醬薯條肉醬厚薄適中，加上濃濃的芝士味，薯條夠熱香脆，不算炸得很油，食下來口腔中的香味久久不散，充滿優雅不膩的滋味，令人唾涎三尺。  飲品淡淡的冰檸檬茶，喝後喉嚨感到一陣舒適，帶出絲絲味道在心頭，令人心曠神怡，感覺很不錯

星期六排一陣隊就有位，估唔到咁好食～鮮茄焗豬頸肉飯真係好正，熱得黎微辣，夠茄，豬頸肉爽口，芝士仲有少少拉絲，雖然飯底唔係炒底但都有粒粒分明唔會太濕～男朋友叫左個瑞士雞翼茶餐，雞翼夠滑夠淋又入味，而食公仔麵多要求嘅佢仲讚公仔麵淋得黎又夠彈牙，整體食物無其他食評講得咁差，得閒要花d 時間黎排下隊先得！不過出餐就有d 混亂，主要出左茶餐先，焗飯比較耐先有，而且食到一半先送湯黎，情況有少少亂，但都無阻佢咁好食！祝老闆好人，幾世平安❤❤

一直 都想去幫襯呢間良心食肆， 但次次去都大派長龍。 今次唔理咁多，派長龍都要幫襯😂😂排隊嘅全部都係香港人。舖頭外邊放了很多水、能量飲品、餅乾 給有需要人士。 雖然係自由取，但目測派排的人很少去拿這些東西，贊雖然很長龍，排了30分鐘左右已可入坐所有茶餐、晚餐 $40 ～60 內有找，喺銅鑼灣晚飯時間真係好難找到呢個價位，仲要連餐飲。蔥油雞扒炒蛋飯- 呢個配搭冇得輸，略嫌蔥油比較少，如果多一些就perfect。中間有個小趣事，侍應突然大聲在店中心講「等陣姐姐會派餐湯。邊個欠餐湯請舉手，姐姐會派給你」 店內欠餐湯的即刻舉手🙋🏻，而姐姐也很有禮貌地奉上餐湯。 成個氣氛都好和諧。喺銅鑼灣好少一間鋪頭咁全部都係香港人，仲要咁同聲同氣。 好感恩喺今時今日既香港在一間冰室感受到呢份和諧。坦白說，食品都係一啲港式茶餐廳嘅食物，但勝在多一份滿滿嘅人情味。hkger 加油💪🏻