龍門快餐店

營業中

休息中

超級好味，老闆好有人情味，收銀好好禮貌，出品好，早餐全餐好抵食，午餐日日新鮮，最好味係老細嘅椒盐骨，好正，價格又便，每日都幫襯，仲可以叫外賣送上樓，正👍👍Yummy

換咗個新女仔成日落錯單，已經落錯幾次，我都冇話佢，今日好聲好氣同佢講，佢去仲惡過我！以後唔會幫襯！以前嗰啲個個都好好，係呢個女仔好唔掂！又落錯單，又找錯錢，好混亂！

喺金鐘返工閒閒地都差唔多成舊水，真係幾貴！難得今日嚟到呢度，唔同粉麵同飯都只係三十幾四十幾蚊左右，咁抵食當然要試下佢！🤩三餸飯 ($42)🍚呢度每日都有大概十幾個餸作選擇，可以揀雙餸($37)或者三餸飯 ($42)，睇menu都幾吸引！.✨清炒椰菜 - 椰菜份量幾多，簡單調味，清清地都唔錯；口感爽脆，感覺新鮮，唔錯~🥬✨香煎齋鴨 - 齋鴨厚身，外皮煎得焦香，食落有豆味、無酸味，好食🦆✨泰式豬頸肉 – 應該用咗豉油作簡單調味，肉質唔柴唔硬，份量算多~🐷.呢度嘅餸都幾好味，係個人覺得有啲油，同埋飯底加咗豉油有啲過鹹…😬下次走豉油應該就剛剛好。喺呢頭可以$42食到個咁嘅水準嘅lunch，真係好滿足了！🥴

今日晏晝，唔係好想食飯，所以行咗過去海富中心嘅呢間龍門快餐店，諗住買個外賣番去食。叫左個黑椒雞扒撈丁，因為係即時整即刻撈，所以都等左一陣。買完我就拎番工司食。啲出前一丁好入味，雞扒都唔錯，但係就鹹左小小，總體而言都唔錯。

作為金鐘OL其實食過好多次，不過無特登寫食評姐...意粉試過，飯試過，湯麵都試過，龍門4寶試過，真係食得過！如果係金鐘想食茶餐廳、快餐店野就黎龍門啦 建議各位可以打電話叫定先~ 或者用某app！ 如果某app裡面嘅野食啱的話可以用某app叫呀因為如果去到先叫就真係要等一陣先有野食~ 15-20分鐘吧金鐘，一個無野食嘅地方嘅食飯時間繁忙係咁架啦  支持小店！

12:55pm 落單1:18pm 拎足足23分鐘，仲要叫普通2餸飯🤷🏻‍♀️唔講以為佢即叫即制欖菜肉鬆四季豆 無味豬扒普通唔係特別差，但係要等咁耐絕對唔值唔埋去問佢佢到好似唔知道叫2幾個號碼都冇叫我個張

當日工作關係覺得好肚餓，自己特登去試這個新開的，快餐店。我期待其他排球朋友一齊食下。漢堡入口即溶，他們的漢堡非常新鮮，跟在日本餐館食到的一樣。最主要是入口即溶，牛肉漢堡上有炸的洋蔥絲，這可以將色香味提昇。他們的獨有沙律很多快餐店都沒有沙律供應。偏偏這間快餐店有沙律其他美食提供。最主要是非常好吃。跟一般低劣的快餐店不同。

又泥龍門叫外賣，今次想食佢既意粉，因為天氣凍想食熱到出煙既午餐暖肚。原本我想食佢個肉醬意粉，不過好快1點就話賣晒，咁我唯有轉食白汁意。揀左煙肉磨菇，圖為店主打錯單。整體都ok既，如果材料豐富多d就好。白汁分量就足夠。不過我未必會再叫呢個餐

小弟今次試另一間外賣專店，揀左個碳燒雞串公仔面。雖然出餐都快，落左單後就等左5分鐘左右，就有得拎。不過個公仔面太鹹啦，碳燒雞串都ok既，不過都仲係有d鹹，而且d碳燒粉仲好明顯見到就咁曬落個面上，感覺一般

係金鐘返工差唔多一年既時間，好多時都係帶飯食，好少少出去食，無帶飯食親都係麥當勞，大家樂，KFC又或者CANTEEN。有時就行到去灣仔食，初頭行去灣仔都覺得幾好，因為好多選擇，但係耐左就覺得真係要行好遠! 直到最近想買電腦配件野上左去海富2樓睇，跟住就見到呢間龍門，隔離仲有幾間小店，發現到呢到有野食真在太開心啦，因為唔想再食連鎖快餐店。今日冇帶飯，所以LUNCH即刻行過黎買飯，叫左泰式豬頸肉同埋泰式魚餅 (兩餸飯 $35)。呢個價錢對我黎講實在抵到爛，係金鐘黎講，性價比極高。公司CANTEEN 又貴又難食，唔係貪方便真係搵鬼買! 買果陣已經有唔少人等緊，不過最後都唔算等太耐，期間聞到煎午餐肉味，搞到下次我應該都係叫個午餐肉太陽蛋飯試試佢!呢個飯整體黎講都好好食，豬頸肉好入味，唔理佢泰唔泰式，總之就好味道，魚餅有少少辣，煎得少少燶燶地口感都唔錯。黎緊應該唔帶飯既話都係食呢間架啦!

曾經在金鐘工作過的我，面對著這一個打工仔平價午餐荒地，總有一些懷念在這兒成功突圍，能給予大家一個經濟午飯的非連鎖店。多年前，仍未有開blog 時，我在 openrice 曾經一連幾篇地報導了金鐘海富中心的特色，介紹了海富中心內的所有提供熟食的商場小店。當中，有一間小店變成了我固定的早餐地點，而吸引我的原因，就是他們的即叫即煎三文治同一杯好靚既奶茶。該店的名字，叫做《龍門快餐店》。可是，在我離開金鐘工作前，早已經光榮結業了。直至今個年頭，有網友推介一間金鐘的好食外賣小店，名字也就是《龍門快餐店》，我問了該網友，說是不是以前《龍門》的老闆重開，可是他在金鐘的工作日子不是悠久，並不知道以前的《龍門》是怎樣的。在這樣的情況下，我覺得要親自 visit 一次了。而剛剛好，這一天我要去金鐘上一整天的 seminar ，我一到達金鐘，就決定找《龍門快餐店》買早餐，而我在海富中心的2樓找到了，搬了龍門，搬了上樓上。 已經沒有辦公室在金鐘了，所以我又到了另一個令金鐘上班一族懷念的地方，這一個就是金鐘廊的天台。從前，這是一個早餐/午餐的勝地，有好幾間小食亭，當中有麵包店，也有賣焗飯的，後來因為金鐘廊的轉型