龍騰海鮮酒樓

營業中

休息中

🔍 龍騰海鮮酒樓📍 鯉魚門海傍道中1-2號地舖📝  ★★★☆☆  👍有人請食飯，去左鯉魚門食痛風餐。價錢偏貴，不過唔洗我比錢。【 象拔蚌刺身 】刺身唔夠凍，應該係一早片好哂擺係度。【 原隻燒鵝皇 】 幾肥美，好Juicy【 蒜茸粉絲蒸扇貝 】有啲唔熟，應該係因為疊住黎蒸出事。【 上湯焗龍蝦伊麵 】正，其實龍蝦定伊麵先係主角？【 豉椒炒蟶子皇 】雖然炒到甩哂殼，但炒得幾惹味，好食！【 油焗奄仔蟹 】 入面全是蟹膏，如果有人幫我剝殼就好【 蒜茸粉絲蒸貴妃蚌 】 貴妃蚌有沙，都係扇貝好食啲。【 揚州炒飯 】 最驚喜🍳炒飯比海鮮出色金黃炒飯🤩粒粒分明完！

呢間餐廳通常每逢大時大節，都會同親戚過嚟食飯。水準次次都保持得非常好，海鮮非常之新鮮生猛，海鮮調味全部都非常滿意。今次母親節大餐一行4人叫咗上湯龍蝦伊麵，酥炸生蠔，椒鹽瀨尿蝦，白灼蝦，蒜蓉粉絲蒸扇貝，豉椒炒蟶子。最鍾意係佢嘅上湯龍蝦伊麵，龍蝦非常新鮮彈牙，大大嚿啖啖肉！酥炸生蠔炸到熱辣辣，好juicy！點埋個篋汁真係一流！豉椒炒蟶子真係好正！好有火候，脹卜卜聖子啖啖肉好新鮮。呢間酒家要行得入啲先至會到，我諗喺入邊食嘅通常都係熟客，總之真係大推！！啲人成日話鯉魚門啲酒家呃遊客，但呢間真係老實唔會呃秤或者換貨俾你！

三年冇得出去食飯，終於今年公司團年飯可以拉大隊去鯉魚門食海鮮🦞老細book咗龍騰，係一間比較舊式嘅海鮮酒家，室內環境撲實不華，第一印象已經覺得老實唔劏客。墨魚刺身，生鮮爽口，墨魚鬚比較硬所以再加工椒鹽炒，炒過即刻變得爽口（唔記得映相）。牛油蒜蓉焗蝦，極度香口但又唔覺熱氣，連蝦殼蝦頭都食埋。上湯焗龍蝦煎米粉底，每人半隻龍蝦用刀叉食好爽，但估唔到主角係煎米粉，大家爭住encore。一魚兩味：炒球和炆頭腩，炒球食到塊魚皮啖啖骨膠原，個炆頭腩同平時出邊酒樓唔同，炸過再炆，所以有外脆內軟嘅效果，讚👍酥炸生蠔，同事點名要食，炸漿薄身，蠔有蠔味，可以連食3隻都唔覺漏。薑蔥鮑魚煲，一開蓋香噴噴，不過食落味道冇想像中入味，又或者已經食到好飽食慾開始下降。另外叫咗上湯浸菜心和招牌生炒骨，唔記得映相。甜品有脆麻花同木瓜，人均大約$600連海鮮，大滿足🥰

今年生日朋友同我去鯉魚門食海鮮 其他人介紹龍騰海鮮酒家 我哋去試吓食 服務態度超好啲海鮮超新鮮 好好食 豉椒蟶子有蟶子本身汁味 無俾豉椒搶走鮮味 蟹裏面好多膏 蒸鮑魚好彈牙好好食😋

朋友從英國回港探親，特意來鯉魚門食久違了的海鮮餐。英國沒有新鮮的中式海鮮，這餐令大家非常滿意！廚師的功架在水準之上，味道有驚喜，必定令你回味！一定會再來幫襯😋曾經到過流浮山、屯門青山灣食海鮮，但這裏的性價比較高。這價錢在流浮山，不能食到這麼多款海鮮，一定不會失望，值得一試推介：象拔蚌刺身、酥炸生蠔其他美食：龍蝦刺身、椒鹽瀨尿蝦、豉椒炒聖子、清蒸鮑魚、辣酒花螺、上湯龍蝦頭伊麵底、海鮮湯、南瓜糖水、芒果、白酒

今日與好友相聚，同往鯉魚門吃海鮮。這家店是朋友介紹的，水準穩定。餐廳是一貫海鮮飯館的格局，沒有富麗堂皇，就是樸實企理的模樣。椒鹽瀬尿蝦：這瀨尿蝦炒得相當香口，蝦肉剛剛離殼，蝦肉相當鮮甜，肉質爽嫩，又帶鹹香，比斑馬瀨尿蝦好吃得多。豉椒炒蟶子：蟶子啖啖肉，炒得爽口，還有貝類獨有的鮮甜味，配上惹味香口的豉椒，味濃而不過鹹，配白飯一流。鹽水魷魚：這魷魚相當新鮮，只是用簡單的鹽油水，已經吊起了魷魚的鮮味，魷魚肉質柔軟，完全不費勁去咬，不錯。花甲粉絲湯：這花甲有驚喜，估唔到花甲咁鮮甜，有少少清酒煮蜆那一種風味，粉絲索了鮮甜的湯汁，十分滋味，正呀！蒸魚：這蒸魚蒸到剛離骨，火侯剛剛好，魚肉又鮮甜又嫩滑，加上甜豉油的加持，鮮上加鮮。椒絲腐乳通菜：吃晚飯少不了青菜，這通菜帶腐乳的香，帶一點油亮，唔韌無渣，是正常水平。豆腐海鮮湯：呷一口海鮮湯，原來是豆腐魚湯，呈奶白色，湯汁充滿魚味，但又唔腥，有少少大頭菜吊味，十分順喉滋潤。蒸奄仔蟹：一年只有兩倜月吃到奄仔蟹，現在正值時令，蟹膏又多，蟹十分肥美，充滿黃油，蟹膏的甘香加上鮮甜的蟹肉，甘香鮮美，太滋味了，失儀態也要黏手指。最後送上的甜點是夏威夷木瓜，十分香甜，果

海鮮食得多，鯉魚門餐廳食過都唔止一間，食過咁多間，呢間係最值得推介的！處理海鮮，同埋煮海鮮嘅廚師真係好緊要！如果唔係啲海鮮有幾新鮮都冇用今晚叫咗m隻象拔蚌刺身，佢會俾個爐你可以打邊爐。之後就係一條六斤重嘅龍躉，咁大條梗係要二食啦！首先係西芹炒龍躉球，之後就係薑蔥龍躉頭腩。跟住仲有上湯龍蝦，煎米粉底，今次叫咗嘅係本地龍蝦2隻，因為海鮮檔話澳洲龍蝦唔抵食，反而本地龍蝦質素都係差唔多，價錢又平一半。佢又冇錯喎，啲肉質好結實彈牙，亦都好鮮甜！跟住再嚟嘅係5隻油鹽焗奄仔蟹，我覺得比薑蔥蟹好食好多。仲有豉椒炒蟶子，椒鹽賴尿蝦，一個楊州炒飯，仲有薑汁炒芥蘭。海鮮檔送咗兩條魚俾我哋，餐廳亦都免費幫我哋整咗個魚湯超級鮮甜。呢間餐廳臨走之前仲有果盤同埋糖水同埋蛋散做甜品最後食唔晒，總共要pack咗七盒野走又食又拎每人都唔使$1000FYI, 呢間餐廳係D 區

因為婆婆住油塘 同鯉魚門好近 所以嗰日慶祝婆婆生日 就去咗鯉魚門食海鮮🎂全部海鮮揀完之後就即刻煮 夠晒新鮮😚全部都係時價 所以就唔寫價錢喇 嗰日六個人食咗$3000左右 都唔錯幾抵食👅.📌椒鹽斑馬瀨尿蝦 全日嘅𝒎𝒗𝒑 未食過咁鮮甜嘅瀨尿蝦 夠多肉 肉質又爽口夠彈牙🤩炒得好有獲氣 椒鹽味好香 但又唔會蓋過蝦嘅鮮味🤤揀咗軟殼嘅瀨尿蝦 應該係有走過油好脆卜卜 好似軟殼蟹咁 連啲殼都可以食埋🥳面頭仲有勁多爆香過嘅炸蒜🧄連埋個蝦一齊食夠晒惹味🔥.📌芝士焗龍蝦伊麵因為之前都嚟過一次 不過係食漢記🙈呢間嘅龍蝦伊麵比下去了🥺個龍蝦肉都鮮甜嘅 不過就唔算太多膏🤔但係啲芝士份量勁多 鋪滿成個面🧀但係芝士嘅鹹香味唔夠 似係加咗好多忌廉 奶味比較重🤭但係個伊麵底幾煙韌 唔會太腍一𝒑𝒂𝒕𝒑𝒂𝒕🤓但係整體質素同平時酒樓差唔多👀.📌油泡墨魚第一次食咁樣煮嘅墨魚🦑用咁淡口嘅煮法 好帶到墨魚嘅鮮味😚出奇地唔韌 好爽口 牙力唔好都一樣食到😎佢仲配埋蝦膏醬 嫌唔夠味可以點嚟食😋.📌油鹽水浸花甲每隻都好大好肥美😍湯底唔濃味 個花甲好鮮甜😚飲埋個湯都仲得🍲.📌菠蘿咕嚕肉食海鮮都要食下肉嘅🐷個咕嚕肉個皮炸到好脆 真係外脆內嫩 又

我一向食海鮮都係西貢，不過今次午餐走咗去鯉魚門諗住試吓，個度海鮮街好多魚檔洒家，真係9曲13彎，我哋都不知如何選擇好，我哋最後是但入左一間，店內裝修比較傳統，帶有懷舊氣息，好有風味，座位寬敞舒適，雖然舊但地方整潔乾淨，店員服務態度非常好而且有禮，海鮮鮮味十足，象拔蚌刺身勁鮮甜、賴尿蝦野味、所有都味道非常好食，雖然價錢真不平，但咁高質正常的，我哋兩人食了$2600，食得非常飽亦都好滿足，我哋一定會再去食。

龍騰海鮮酒樓 (鯉魚門)📍鯉魚門海傍道中1-2號地下5字真言形容抵食夾大件 十幾人食圍返每人400蚊既一餐海鮮餐1.椒鹽豆腐真係好大碟，味道我就覺得好一般 中規中矩2.油鹽水蜆比較清淡既一味，普普通通但係唔知點解當日嘅水蜆都較為偏紅3.豉椒炒聖子 （ 炸米粉底） 有鍋氣既一碟，最特別係個米粉底，重點在於點埋d汁黎食而佢炒嘅聖子都唔輸蝕，小編本身是一個好嘴刁嘅人 但係都會不停夾佢呢一個餸#必食推介4.大班2味😂會分別有蒸魚同炸魚，味道真係值得一讚！重點啲魚係冇骨嘅，擔心食魚有骨既人絕對可以放心吃，大啖吃！5.魚湯勁鮮甜 又好大煲 當日每個人(12人)都至少飲到兩碗，而我覺得真系太好飲 引吾住一次過飲左3碗6.椒鹽賴尿蝦脆卜卜既蝦殼，店員仲好貼心附送鉸剪俾我哋剪蝦殻，但如果你好似小編嘅男朋友咁懶 只係口咬賴尿蝦嘅話可能就會有啲難度，因為它啲殼太硬了7.咕嚕肉大大碟嘅咕嚕肉，唔會好酸8.椒鹽鮮魷平時食個d一細舊，呢度既鮮魷好大舊得黎都炸得幾香口，抵食新鮮大件！9.唐生菜清淡大碟得黎食唔哂😂 10.油泡鮑片值得一試，美味👍🏻👍🏻 仲要係秒速俾人夾哂，可想言之它既威力11.南瓜糖水微甜得黎有少

今晚來到鯉魚門的龍騰酒樓吃晚飯。餐廳有兩層，裝修比較傳統，帶有懷舊氣息。首先上桌的是刺身，象拔蚌刺身未吃已聞到一陣腥味，不過海鮮有腥味是正常的。刺身帶甜味，尚算爽口，雖然有墊冰，但如果溫度再凍一點更好。相對來說，魷魚刺身比較失色，不過非常新鮮，觸鬚仍在捲動。椒鹽賴尿蝦幾惹味，肉很多，不會煮得過老，保持了蝦的鮮味。蟶子米粉底很推薦，蟶子新鮮又鮮甜，豉汁沒有搶走味道。米粉炸得香脆，唯一美中不足是米粉明顯有油味，稍嫌油膩。黃皮老虎斑炸魚，極度推薦，從未吃過口感這麼爽彈的魚，新體驗。不是每天都有這種魚，想吃請預早幾日打電話叫老闆留魚。黃皮老虎球起肉炒球，魚肉鮮嫩，但不及炸的驚艷。蒸蟹，好多膏，蟹肉紥實。南瓜露糖水香濃，食飽都一定要飲👍

我地鐘意去呢間因爲佢出面有枱，可以睇到鋰魚門景，我次次去鋰魚門都會為左個景而去呢間。叫左支白酒，400蚊吾貴，落大雨出面得我地一枱，有個阿姐特登出黎酙酒，服侍我地呢一枱（所以張單甘貴，哈哈）碟碟都好好食，其實次次都無伏，耐吾耐都去食，預左500一位，吾計支酒，今次貴左d⋯⋯吾抵得要寫下（供晾人地既價錢出黎，遲早入blacklist 哈哈）我朋友好勇敢，叫sashimi牡丹蝦，佢夠膽叫我夠膽食，食完無肚疴，甘其實呢間舖既衛生情況都好好。個蝦頭整返熟豉油汁煮，個蝦頭勁好食，多肉到同甜到呢⋯⋯蝦身做sashimi好大隻，不過都係食日本菜果d牡丹蝦甜d好食d⋯⋯ nice try!呢度個果皮係陳年果隻，阿媽都話而家好難買靚果皮，所以果皮蒸鮑魚係必食。不過果皮數量一次俾一次少，今次隻鮑魚上面得兩三條.....老虎斑同冬風螺無咩特別吾洗講。竟然無帶子炒西蘭花！結果食左個薑汁芥蘭，油到呢⋯⋯下次都係吾好叫炒菜食

這位置最偏的酒家，但卻非一般的正斗！牡丹蝦新鮮至極，蝦身隻隻晶瑩剔透，肉質爽脆，蝦頭還會動！真夠生猛！蝦頭炸後盡是金黃，蝦膏滿溢，美味程度足讓我們完全把膽固醇拋諸腦後！椒鹽瀨尿蝦也值得一試！蝦肉鮮甜爽口，伴着惹味椒鹽，直是極品！友人笑說龍蝦伊麵的主角是伊麵，當然不是！龍蝦爽甜，半隻已是大滿足！伊麵君，我要把你放下了。壓軸登場的薑蔥蒸鮑魚，比手掌還要大，1.5吋厚，確可稱王！薑蔥本已提鮮，簡單加上少許豉油，已能成為世界級美食。肉質軟韌適中，真是味蕾上的享受！這晚的鮮味，可真精彩絕倫！

呢間食店其實因公司關係嚟過幾次，喺呢到勝在可以喺附近嘅海鮮檔揀好買嘅🐟海鮮🦀，即時可以拎去相關嘅酒樓煮🔥~食店煮嘅食物都幾夠穫氣🔥㗎~不過，今次可能近新年，食團年飯嘅人較多，煮個龍蝦時啲失手，個龍蝦裡面有點生啊…冇咁多人應該會好啲嘅~呢到出名係個南瓜西米露糖水，姐姐係拎埋個煲仔入嚟房到煮㗎~(可能係包房同埋我哋有幾圍呱~) 一絲絲嘅南瓜蓉加埋西米，味道真係好香好正啊~PS：南瓜西米露要提早預訂的。

鯉魚門嘅海鮮聽得多，不過都仲未試過，今次朋友帶食，龍騰，因為同行朋友比較熟悉所以今次純食，無份點菜。象拔蚌係蒜蓉蒸而鮑魚都係清蒸，兩者都好嫩口，只係鮮味欠奉，但係之後好幾道菜都好有驚喜。哩味蒜蓉蝦好香蒜味，每一隻都炒到好香口，肉質一啲都唔淋，好彈牙。而椒鹽鮮魷就係今晚嘅重點，份量好大，炸粉一啲都唔多，不過仍然好香脆，魷魚嘅肉質好新鮮，係必食之選！仲有一味特別啲嘅係咕嚕肉，份量好大好多肉，肥瘦適中。