龍鳳呈祥火鍋雞煲

營業中

休息中

閒日星期二，book咗位，六點半去到，地理位置都ok容易搵。 店舖喺二樓，大廈入口位於金馬倫道，紅茶對面，報紙檔旁邊有電梯上去👍。一去到 服務員就介紹 有個promotion，係全枱人有幾多副眼鏡，就有某啲優惠，眼鏡越多，優惠越高，idea幾有趣😜。 因為個眼鏡gimmick，送咗個海鮮拼盤🤭，跟住我哋嗌咗個椰子雞煲，牛肉拼盤，六個大人食咗 $1700，食物水準中上，啲海鮮夠新鮮😋，收費不太化算嘅係飲品類別🤐。 服務員都幾主動勤快同埋helpful， 整體感覺良好，有機會下次再嚟😎。

清熱椰子雞湯鍋🥥🐓（半隻）椰子同埋粟米令整個湯底味道好清甜🥥我都忍唔住飲左幾碗湯，每啖都有自然甘甜味道，同時都好滋潤！雞肉鮮嫩可口，我幾鍾意呢個湯底😋龍鳳呈祥牛肉拼盤🐮（細）擺盤賣相幾靚，有好多唔同牛嘅部位🤗包括有雪花肥牛、牛頸脊、牛舌、手切牛肉、牛肉粒等等……我最鍾意嘅就係食雪花肥牛，脂肪分佈好平均，質感細嫩，牛肉味都好濃郁😍即製回味五香肉丁餃🥟幾好味！餃子皮薄餡嫩，餃子內餡係五香肉丁，鹹鹹香香，肉香四溢，少少辛辣，都幾惹味😬龍鳳呈祥豐盛雜菜拼盤🥬擺盤好精緻，用懷舊囍字大金屬杯擺放住好多唔同種類嘅蔬菜🥬有西生菜、油麥菜、金菇、淮山、娃娃菜、蓮藕、粟米、木耳、蕃茄，仲有心心形嘅蘿蔔，真係好豐富🤩全部都好新鮮，正👍🏻😄黑松露香菇貢丸，好彈牙，好多肉汁爆哂出黎，仲有滿溢嘅黑松露香氣，口感好豐富😚自家製陳年鹹檸七，消暑解渴，打邊爐飲啱哂，好爽餐廳舒適寬敞，裝修好有心思，有好多香港懷舊打卡位📸😊就連所有器皿都係行懷舊風，一邊聽全香港嘅懷舊金曲，一邊打邊爐，勁好氣氛😬上菜速度都好快，餐廳店員服務態度好友善，抵讚👍🏻

尖沙咀打邊爐有間「龍鳳呈祥」裝修懷舊有氣氛，喺呢度重現70至80年代回憶，每一件裝飾品都好有心思，周圍都係打卡位。秘製惹味辣雞煲半隻雞份量，雞肉鮮嫩，醬汁味道香濃，非常惹味。食完雞煲店員加湯即刻可以打邊爐。龍鳳呈祥牛肉拼盤牛的精選部位，牛舌片, 手切牛肉, 牛胸爽, 金錢展, 牛肉粒及雪花肥牛。本地牛肉質比較香濃，而且鮮嫩比較滑身，我自己比較喜歡牛胸爽，每隻牛都得少量，所以好矜貴。爽口彈牙，有啲似牛筋，但香味更勝一籌即製回味五香肉丁餃即製餃子五香肉丁做餡料，好有童年回憶龍鳳呈祥手打鮮蝦丸蝦丸新鮮彈牙龍鳳呈祥豐盛雜菜拼盤一盤新鮮蔬菜加有蕃茄，粟米，蓮藕，雲耳，白蘿蔔仲用竹籤串起好有誠意自家製陳年檸七個杯系漱口盅，紅色大大個，好有創意。自家製陳年檸檬🍋加上可樂，送火鍋一流。

如果想同朋友聚餐又想打卡，呢一間懷舊火鍋店就啱晒你，睇得影得又食得，裝修同埋佈置甚至餐具同返咗80年代冇分別🌞佢哋嘅雞煲有好多款口味可以選擇，除咗黃蜆，仲有肥嘟嘟嘅蠔，仲有鹹蛋黃口味等等～佢哋好多配料都有拼盤，啱晒一班朋友去食！今次我就叫咗下面呢幾樣，俾大家參考吓，如果鍾意芫荽嘅話，千祈唔好錯過佢哋嘅芫荽墨魚丸，彈牙又夠鮮味😍下次我會想試鹹蛋黃雞煲🤩秘制黃蜆惹味辣雞煲 $268龍鳳呈祥牛肉拼盤（細）$388即制回味五香肉丁餃（6粒）$78手打海量芫蒆墨魚丸（6粒）$88龍鳳呈祥雜菜拼盤 $138自家製陳年鹹檸七 $76

尖沙咀一家懷舊裝潢的火鍋店🍲，不僅提供美味的菜品，還能帶給客人一種回憶的感覺。八零年代的特色裝潢讓人仿佛穿越時光，重返那個經典的年代。同朋友品嚐了多道精緻的菜式，每一道菜都讓人回味無窮，逐一向大家介紹下💁🏻‍♀️坐低冇耐就店員就提供左調味料✔️日本廣島蠔雞煲🐔這道湯底散發著濃郁的蠔和雞肉香氣，令人垂涎欲滴。雞件鮮嫩又入味，蠔的鮮甜和雞肉的鮮嫩在湯底中完美融合，令人愛不釋手，食不停口。😋✔️新鮮大扇貝兩隻🥢超新鮮扇貝，鮮嫩香甜。大約滾三到五分鐘好食啦，咁樣先係最鮮嫩可口。✔️龍鳳呈祥牛肉拼盤🐮火鍋的經典選擇。六款唔同部位嘅牛肉，每款牛肉🥩肉質鮮美，牛味濃郁，絕對啱晒牛肉愛好者，超滿足❤️✔️即制回味五香肉丁餃🐷見到個名已經夠吸引，絕對未試過食五香肉丁餃，餃子皮薄而有彈性，內餡鮮美香濃，每粒都脹卜卜超飽滿。✔️龍鳳呈祥豐盛雜菜拼盤🥬雜菜拼盤豐富多樣，食咗雞肉又食牛肉要返啲新鮮蔬菜嚟解吓膩，又夠新鮮健康💁🏻‍♀️✔️自家製陳年鹹檸七🥤✔️生啤超大粒鹹檸檬🍋，而且超級入味，中和了七喜的甜味，好好飲。

上星期去咗間好懷舊嘅火鍋店☺️除咗裝修同用具 店內仲播住啲好懷舊嘅歌 好有feel🩷一路食雞煲同打邊爐就最適合不過。呢間店最出名嘅就係雞煲 2個人叫左半隻雞 小辣 配上惹味黃蜆 好入味! 雞肉嫩滑 份量都唔少食夠之後就再加雞湯打邊爐 🍲🐂牛肉拼盤有好多唔同嘅牛部位 包括 一口和牛 手切牛肉 牛柏葉 胸口油等等 每款都有6,7片 牛味香濃 愛肉人士必點!.另外叫咗🐟脆鯇片 勁新鮮!!! 下湯20秒左右食 好鮮好脆 有好少嘅細骨 但係脆到我係食埋的🙂‍↕️.五香肉丁餃🥟係店家自家創 好有香港風味咬開係爆餡嘅五香肉丁 唔會太鹹 口感實在.🥙雜菜拼盤大家一定要點! 包括大部份嘅蔬菜 非常豐盛粟米 蓮藕 雲耳 淮山 蘿蔔呢啲可以先下湯 令到個湯更甜食到咁上下就可以落埋油麥菜 娃娃菜 生菜等等食完真係飽到上心口🤣大滿足.配埋鹹檸七解一解膩 造型超可愛 好vintage 係六七十年代嘅漱口杯造型🤩有時光倒流嘅感覺。

裝飾有懷舊feel，瓦仔牆磚、掛牆電話、舊款竹製雀籠、小型老虎機、歌星海報、懷舊燈箱，而且重會一路播返d金曲。秘制黃蜆惹味辣雞煲(bb辣)雞半隻雞同蜆都夠味，雞肉食落滑嘅，煲內有洋蔥、芫茜、炸支竹、竹筍、雞髀菇，夠味亦唔咸，食到咁上下，可以加清水滾其他食材。牛肉拼盤牛肉每個部位都新鮮，在清湯滾都夠味。(牛舌片、手切牛肉、牛胸尖 、金錢展 、牛肉粒 、雪花肥牛)即制回味五香肉丁餃(少辣)細細隻餃子，唔覺唔覺就會食晒。豐盛雜菜拼盤新鮮蔬菜包括有:蕃茄、娃娃菜、油麥菜、生菜、蓮藕片、粟米、木耳、鮮淮山、金菇。桂花蚌底部有銀芽，桂花蚌好爽口。鹹檸七兩杯懷舊膠杯裝鹹檸七，好有feel。

。秘製鹹蛋黃醬雞煲半隻$268鍾意食鹹蛋黃嘅朋友，千祈唔好錯過！呢度係我第一次見到有鹹蛋黃味嘅雞煲！不單止新奇有創意，而且非常有料到！鹹蛋黃味真係超級重！而且浸晒落啲雞度，真係非常香！極力推薦！。龍鳳呈祥牛肉拼盤細$388有冇人同我一樣有選擇困難症雖然我哋都好鍾意食牛肉，但係真係唔知道食邊個部份好。而且又想樣樣都要試啲，呢度就推出咗龍鳳呈祥牛肉拼盤，簡直係選擇困難症嘅福音！牛肉鮮嫩，口感非常好，而且全部都係非常新鮮㗎！食肉愛好者，不妨過嚟試吓！。日本廣島蠔$98。打邊爐又點可以冇海鮮呢？我哋就叫咗呢度嘅日本廣島蠔，真係隻隻都非常新鮮！入去稍微浸幾分鐘就會變成一道美味佳餚！又大隻又多汁，仲非常之肥添！。即製回味五香肉丁餃六隻$78五香肉丁餃，真係呢度嘅一大特色！除咗五香肉丁味之外，呢度仲推出咗沙嗲牛肉餃子，真係非常之有創意！食落去真係令人聯想到唔香肉丁！口感同埋味道都好有質素！回味五味交集嘅童年！🫶🏻。龍鳳呈祥雜菜拼盤$138大家千祈唔好睇小呢個雜菜拼盤！除咗超級大份之外仲好有心思！嗰度有好靚嘅心形白蘿蔔，整到好似波板糖咁真係非常浪漫，仲有超級多我哋鍾意食嘅娃娃菜，同埋超級甜嘅粟米！。自

🥚秘製鹹蛋黃醬雞煲 半隻本身雞煲已經好惹味，相當足料之餘雞肉比我想像中鮮嫩彈牙，兩個人食半隻雞份量剛剛好！秘製鹹蛋黃醬鹹香加蛋香十足，金黃色非常濃郁但配搭雞煲又唔會太濃味，之後加上上湯作火鍋，更有粒粒蛋黃，口感不錯！🥩 龍鳳呈祥牛肉拼盤（細）肉拼盤有牛舌片、手切牛肉、牛胸油、牛金錢展、牛肉粒及雪花肥牛。牛肉味香濃無雪味，而牛肉粒粒打邊爐原來都好OK，比牛肉片更保持肉味及嫩口，而牛胸油爽口零肥膩感，需要看似非常邪惡，但肉質有彈力又煙靭！🥟 即制回味五香肉丁餃（6粒）即制餃皮偏向厚，但勝在相當爽滑有口感！五香肉丁餡料紮實，食到粒粒肉丁，味道創新。🦐 龍鳳呈祥手打鮮蝦丸（6粒）鮮蝦丸彈牙，新鮮製有鮮味又爽滑，加上粒粒蟹籽增添口感。🥬龍鳳呈祥［豐盛］雜菜拼盤蔬菜拼盤非常「墜手」，滿滿拼砌一整盤新鮮蔬菜，仲有蕃茄、粟米、蓮藕、雲耳、白蘿蔔等等，而且仲有擺盤，打卡夠colorful。🍋自家製陳年鹹檸七打邊爐少不免會”熱氣”，飲番杯鹹檸七解渴又清熱。鹹檸原粒送上，想幾鹹可以自己調教，鍾意佢用上懷舊膠杯，玩味十足。

今日同朋友去咗尖沙咀一間懷舊裝修嘅餐廳打邊爐入面都好多特色雞煲秘製鹹蛋黃醬雞煲-超級惹味 店員幫忙處理 唔洗驚煮燶醬汁非常之濃郁龍鳳星祥牛肉拼盤-兩個人食細份量都好夠分別有牛舌片、手切牛肉、牛胸尖、牛金錢展、牛肉粒同雪花肥牛手打海量芫茜墨魚丸-芫茜控必試🫶🏻 爽口彈牙墨魚丸芫荽份量都好多 啱晒鍾意食芫荽嘅我即制回味五香肉丁餃-香港特色五香肉丁餃，同國外朋友黎食必定要推介試試👍🏻龍鳳呈祥雜菜拼盤-蔬菜拼盤都超有心機 🫶🏻款式夠多生啤都有優惠同朋友慶祝生日聚舊都唔錯🥳

又去龍鳳呈祥～上次都差唔多一年前啦呢度主打70-80年代港式懷舊主題嘅雞煲火鍋味道都唔錯㗎，雖然價錢唔係特別平，但係物有所值上次叫咗秘制黃蜆惹味雞煲，不過一直都想返嚟試鹹蛋黃醬雞煲，因為我超級鍾意食鹹蛋黃🥺終於再訪啦🍴鹹蛋黃醬雞煲 $278店員會嚟幫手撈勻啲雞同埋鹹蛋黃醬，雞煲滾起就可以食啦。食晒啲雞就可以加湯慢慢打邊爐啦🍲男朋友話好重鹹蛋黃味，食到晒啲沙沙地嘅鹹蛋黃口感～我就覺得個雞煲太辣，（我地叫小辣）遮蓋咗鹹蛋黃味🍴牛肉拼盤（細） $338拼盤有齊牛舌、手切牛肉、牛胸爽、牛柏葉、牛肉粒，以及雪花肥牛份量兩至三個人就啱啱好🍴豐盛雜菜拼盤 $128蘿蔔、蕃茄、粟米，淮山、蓮藕、金菇、油麥菜、娃娃菜，蘿蔔開頭見到菜拼盤都要$128覺得有啲貴，不過呢個拼盤真係好有誠意，啲蘿蔔係心形嘅，同埋份量都好多都抵食五香肉丁餃(6粒）＄78呢度所有嘅餃子都係即叫即整嘅，好濃嘅五香肉丁味手打鮮蝦蟹子丸8粒 $108呢個係我嘅必食推介！個蝦丸超有蝦味，同埋個口感好彈牙，真係感覺到鮮味🦐秘製鹹檸七自家秘制鹹檸檬，自己再倒可樂或者七喜入去～好特別嘅味道😂

就到時間同閨密食飯聚下，我哋去咗打邊爐，呢度裝修走港式懷舊復古風，最signature 係一對金色龍鳳，環境佈置整得好有心思，餐具、水壺等都係用返復古嘅style，仲會播住懷舊歌曲～好鬼正！呢度出名係食雞煲有好多口味，我哋揀咗：🧡期間限定～秘製榴槤雞煲🧡我哋兩個榴槤控見到有「榴槤雞煲」已經異口同聲要揀呢款🙌🏻，要咗BB辣度，估唔到榴槤加落去佢地個秘製雞煲係咁夾😍榴連的香甜味融入雞煲好香好惹味，雞肉仲保持到好嫩滑，配料支竹、筍、 菇都好入味。食完雞煲店員會直接幫我地加湯打邊爐，可以揀雞湯/ 豬骨湯，我想讚下佢哋用呢個瓦煲可以Keep到個湯唔會好車水，個湯底可以食到尾都保持到咁濃郁。另外叫了幾款火鍋配料：🔹龍鳳呈祥牛肉拼盤(細)🔹即制回味五香肉丁餃(6粒)🔹日本廣島蠔🔹龍鳳呈祥豐盛雜菜拼盤牛肉拼盤有幾個不同牛部位，全部D肉都好有牛🐮味。五香肉丁餃少少辣幾特別，同埋佢啲餃包得好好，每隻淥完之後個形狀都保持到。蔬菜拼盤好靚，白蘿蔔仲要整到心形💖💛陳年鹹檸七💛呢個飲品真係一定要叫，用個懷舊膠杯裝，粒鹹檸檬好出味。呢度仲有好多打卡位，同朋友食飯傾偈聚會好適合，店員好Nice 好快手👍🏻

一直都好掛住龍鳳呈祥嘅雞煲，所以趁天氣仲凍凍地就返嚟食，今次叫日本廣島蠔雞煲，雖然叫嘅係小辣，但係都已經相當辣，雞件都係大大嚿嘅，而且相當嫩滑，廣島豪索咗啲雞汁之後更加惹味。食晒啲雞之後就加咗豬骨湯底繼續打邊爐。牛肉拼盤（細）：二人嘅話嗌呢個份量已經好足夠，可以一次過試晒唔同嘅部位，特別鍾意嘅係牛柳粒，烚完之後都係好腍，而且仲有少少油脂五香肉丁餃：覺得呢個口味都幾新奇，入面係冇乜辣汁，所以都唔算太辣黑松露羊肉餃：估唔到黑松露同埋羊肉嘅味道都係幾夾，羊肉唔會太騷豐盛雜菜拼盤：餐廳好有心機，切咗啲心形蘿蔔，入面有幾款唔同嘅蔬菜，包括黃芽白、油麥菜等等生啤：見到佢做緊買一送一嘅優惠，真心覺得幾抵，食雞煲就梗係要飲啤酒

雞煲火鍋就食得，主打香港懷舊情懷風雞煲打邊爐你又試過未😎 呢間位於尖沙咀嘅龍鳳呈祥，裝修勁有特色，周圍都係打卡位，滿滿懷舊風🤩 餐廳播嘅音樂勁加分🤩 6、70年代至到90年代金曲都有，一路食一路聽歌勁有feel，真係坐到唔捨得走🫢 🌟日本廣島蠔雞煲 $268我哋揀咗中辣，佢個辣度都真係幾強勁🤭建議食唔到辣嘅朋友食小辣好啦😌 有四隻日本廣島蠔，非常肥美鮮甜🫶🏻 雞有半隻，肉質嫩滑唔錯👍 雞煲醬夠香濃，非常惹味，啱晒重口味嘅朋友😎🌟牛肉拼盤（細）$338食完雞煲，梗係要加湯打邊爐啦😎 呢個細牛肉拼盤，估唔到份量咁大🤩 有幾個唔同嘅部位，包括牛舌、手切牛肉、一口牛肉粒等等，連牛胸爽都有🤩 一次過可以試晒幾個唔同部位，每一款都非常唔錯，建議大家可以叫呢個👍🌟即制回味五香肉丁餃 $78呢度嘅餃子好有港式風味😎 五香肉丁餃真係第一次試🤤味道又唔錯喎，雖然唔香肉丁味唔算太強，但係幾特別，而且好飽滿👍🌟脆鯇魚腩片 $98呢個CP值好高，新鮮而且份量足🫶🏻🌟龍鳳呈祥雜菜拼盤 $128個盤都真係幾靚🤩🤩好懷舊啊😍 呢個拼盤一啲都唔馬虎，啲菜質到實一實，勁多😂 蘿蔔，粟米，蕃茄，生菜，油麥菜等等，全部都新鮮

70-80年代港式懷舊主題之雞煲火鍋店 - 龍鳳呈祥火鍋雞煲呢日CK放工想同朋友係尖沙嘴慶祝生日，但係因為都已經成10點，無咩餐廳可以選擇，咁岩行到地鐵站附近見到仲有餐廳開就上黎試下啦龍鳳呈祥火鍋雞煲主打70-80年代港式懷舊主題。就咁睇入口既經典霓虹燈牌「龍鳳呈祥」，令人有回到舊日香港既錯覺！店內仲有唔少懷舊打卡位，例如當做餐桌既乒乓球枱、復刻版熱水壺，以及模仿舊日婚宴場景既龍鳳雕像擺設，為用餐體驗加添玩味。店內設有多間私人房間，適合一大班朋友或與家人聚會。餐廳提供多款惹味雞煲及配料，其中包括招牌無骨鳳翼釀雞煲、秘製鹹蛋黃醬雞煲、牛肉拼盤及五香肉丁餃等，絕對不可錯過。CK就簡單介紹一下我地叫左咩野食啦 : 招牌無骨鳳翼釀雞煲 $298，以人手逐隻將雞翼起骨，再係雞翼中間釀入甘筍絲﹑西芹絲及墨魚滑，食落啖啖肉，雞煲味道非常出色，配合紅洋蔥、洋蔥、芫荽，超級惹味 ! 有得揀大細size，2-3人食就叫個細嘅啱啱好。⭐️極度推薦❗涼拌麻辣魚皮 $48，試完辛辣雞煲，就要試下呢個麻辣魚皮，脆脆地有咬口，唔錯既小食 ! 竹笙 $73椒鹽花枝丸 $68，即食熟食，大大粒飽肚又唔油膩 !香脆厚切午餐