龍鳳祥餃子館 (已結業)

好耐冇黎佐敦呢邊做野，呢排做野忙都好少話食咩好野。所以今日lunch time 多d 時間，就一個人坐耐少少。menu 都好多選擇架，心大心細。本身想食餃子，但又比較餓，所以叫左東北打滷面，有白菜，雞蛋，番茄，蝦仁$48蕃茄湯底係好濃郁同傑，所以十分入味。面吸晒蕃茄湯，加埋炒蛋都幾夾。而且好大碗呢，個湯仲飲得Tim 椰菜$20出街食飯最怕唔健康，呢到除左面食仲有菜提供。加杯熱豆漿$6甜度岩岩好，好濃郁豆味。

佐敦真的有很多不同種類的食肆 ,今日又給我發現一間食餃子的小食店。白菜豬肉餃子油麵配酸辣湯底酸辣湯 辣到度蓋過酸味餃子細細粒但肉多韭菜豬肉拉麵麻辣湯底同樣地有六粒餃子濃郁的花生醬雞絲粉皮 好味到飽都要繼續食落肚拍青瓜正好緩和麻辣/酸辣味的湯底豆漿也有誠意的，不太甜

尋日去咗深水埗見客。見未夠鐘走去食碗麵。雖然佐敦好多野食。但係好似又唔多啱心水。後來見到呢間龍鳳餃子店....見佢有個魚肉餃做招牌。一於走入去試一試我就係比呢個韭黃魚餃所吸引先嚟一個蕃茄濃湯底韭菜豬肉餃。個蕃茄湯底都幾濃郁。幼麵尚算彈牙。韭菜餃都算係普普通通。不過不失。但係呢個韭黃魚肉餃就有少少失色。因為比較淡味同腍身...冇乜魚肉味。不過可能我叫烚餃...可能叫煎餃會香口一點。整體來講尚算可以啦喂.......

麵食依然美味2018/09/27一個人的晚餐，之前係深水埗已試過此店，對於煎餃冇咩期望，湯麵反而很出色，湯餃仲未試過。今日點了餐牌上有推薦公仔的麵，但好似冇第一次食時咁好味。記得第一次食時肉的肥瘦剛好吸引，不過依家的牛肉都接近入口即溶，湯底及麵質真係好討好。本人覺得$50碗麵不特別平，但佢牛肉粒多而且都算好食。18:30去到店內人唔多，大數人都點湯餃，可加錢選湯底。下次會想試五花肉或撈麵，可能認真試下佢啲湯餃也不錯。

在香港除了八方雲集之外，專門食餃子的小店實在不多，我最喜歡這間的煎羊肉餃和三鮮餃。他們的餃子係自家人手包的，邊食邊可以見到他們在鋪內包餃子，每隻三鮮餃入面都有一隻大大的蝦。上次吃了麻醬麵覺得好好吃，但今次試的麻辣雞絲麵就不夠重口味，只是一般。

隔離茶餐廳休息，行前幾步發現呢間餃子店，肚餓指數高就一於推門而入！叫左碗芹菜豬肉餃粗麵，加$5可轉特式湯底，要了酸辣湯，有蛋、豆腐、木耳絲等！酸辣度適中；餃子唔算大隻，有5隻！皮有點厚度，餡料咬落有芹菜香味，調味得可以！食晒成碗都幾飽！另外亦叫了呢碟豬耳，有甜椒、青瓜絲伴食，豬耳口感腍軟，唔係爽脆口感，但整體味道配合係惹味嘅！

朋友介紹過我去呢間龍鳳祥餃子店，今天特意來吃這家的餃子。見到餐牌可以揀唔同嘅湯底，當然我又揀咗我最鍾意嘅蕃茄湯底。所以我叫咗一碗白菜豬肉餃子番茄湯麵。當然我第一啖就係試吓個湯底啦，有時候湯底真係一個靈魂所在。第一啖真係十分之失望，個番茄湯只係得小小鹹鹹地嘅味，而且應該落咗好多好多生粉，個湯又結撻撻又無番茄味，當時真係幾失望，話晒我都專誠為個湯底而來啊。咁之後我就再試吓佢嘅餃子啦，好彩佢啲餃子都幫佢加番啲分數，佢肉嘅比例唔會太少，好多時候食嘅餃子因為節省成本所以餃子入面嘅菜會多個肉，但呢間餐廳就比較均真，肉嘅份量唔會太少野而咬落去嘅感覺都好有肉味，亦都幾juicy。而我走嘅時候亦都有望一望身邊嘅食客，好多都係叫咗個牛肉湯底，大家如果想試吓呢間嘅話，我估牛肉湯底係應該會好過蕃茄湯底，總之就唔好是番茄湯底，大伏。超失望湯底⬇️貨真價實好味餃子⬇️

與友人在佐敦一帶購物，是幫家人購買物品。路過此店，想起曾到過深水步的總店，味道很特出，於是來此再回味一番。這分店面積較小，裝飾也大致相同，只是簡潔一點。我們選擇了兩個麵食，一份小吃，兩杯豆漿，不多也不少。先送上豆漿，豆味濃，甜味剛好。四川擔擔麵，入口麵條柔韌適中，花生氣味很香，可是沒有一般擔擔麵的滯口感，相比下較清，還有點點醋香，估計是加了點白醋的效果，令整個湯及味道變得很清新。白菜豬肉麵配牛犇湯底，牛犇湯底，色澤依然深濃的顏色，有如濃茶一樣，湯濃滿滿肉味，肉味香之餘又沒有羶味，感覺上湯底濃厚度稍淺。選擇了幼麵，同樣地入口柔韌適中，由於選擇牛犇湯底，更顯麵的香味。白菜豬肉餃清而淡，清中帶香，仍然不錯。牛犇一塊一塊，肉味濃厚，沒有羶味。醉雞，有酒香，又可吃到雞肉香味，不會被酒味遮蓋，醉雞下面的青瓜，清爽依然，卻沒有沾到酒的味道。相比與深水步的總店味道沒那濃厚，整體味道依然，香濃而豐有自己的風格及特色，並沒有失掉味道，仍然非常吸引。

書籤左呢間餃子店好長時間，兩間分店都算方便我，最近遷到佐敦上課，所以有個藉口一試。平日晚上入座時客人唔多，店員仲要喺門口招客。店面裝潢有少許傳統味，木枱木櫈，原來仲提供手機程式外賣餐牌供應7款餃子，白菜、韭菜、芹菜、蕃茄蛋、素餃、羊肉等，淨餃$42-50，原設為冇湯，要湯底加5蚊，轉煎餃加8蚊，湯/煎一律10隻。湯底4款，分別為牛犇湯、酸辣湯、蕃茄湯、麻辣湯。另有飯麵、涼菜。雞絲拌雞皮 $21/細份兩份細同一份大爭幾蚊而已，手撕雞黎講佢都算十分鞋口乾柴，好在麻醬夠，粉皮口感還好，唔會黏埋一坺。白菜豬肉淨餃 +秘製牛犇湯底 $47年紀大相對煎餃開始傾向投湯餃一票，一份十隻，都係人手包，同食開嘅東北餃之類價錢差不多。餃子一口size，唔會一夾就散，好在餃皮都唔會太厚，仲隱約見到內餡。白菜豬肉餃係用大白菜，菜量少而碎，肉餡壓得實淨偏乾，冇乜肥肉，唔算十分之對我口味。餃餡味道唔重，皆因湯底頗重口味，牛犇湯好似成碗壽喜湯咁嘅色水，聞落都會有牛肉麵感覺，飲落完全唔係嗰回事將甜豉油加熱再加芫茜味，又甜又鹹，勝在湯頭夠熱，入面有幾舊燜得幾腍嘅牛肉粒仔。肉三鮮 淨餃 (韭菜、豬肉、蝦仁) +蕃茄湯 $5

小妹近排鍾意去餃子鋪，今次黎到佐敦見哩間有不少好評，就入去試下，入面坐位好窄，肥少少都坐唔落。叫左芹菜豬肉餃粗面（HKD 42)+牛犇湯底 （HKD 5) ，另加一杯凍豆漿 （HKD 6)。餃子內芹菜豬肉切得太細，個人覺得口感麻麻，但味道係ok ge, 餃子皮比一般既薄，叫左牛犇湯底，一心以為係類似台灣牛肉面既湯底，點知湯底好似瑞士汁味道，甜到不行，一啲牛肉味都無，我食到一半，我已經甜到食唔到，叫侍應加清水落湯底，但都太甜，食剩了半碗面。。。食曬啲餃子就算而豆漿豆味夠，但因為太甜，我都麻麻地總結係哩間餃子店，我唔會再去了。。。

佐敦白加士街有很多小餐館，琳琅滿目，單是選擇那一間午饍已可花我們一段時間。 左選右選，我們決定選了此店。門外有大約十人等候，等了大約五分鐘入座。小店座位不多，搭枱是當然的事。我們倆人叫了牛犇麵、𦭐菜餃和節瓜冷食。冷食味道調較很好，份量尚可。 餃子每件份量大，奈何肉質不是很好，用了很多味精，吃完很口渴。牛犇麵份量不大，牛肉肉質尚好，不是很特別，同樣味精很濃$50 有點兒貴。整體來說，這樣價錢不能要求太多，算是不過不失，但味精實在用得有點多，即使飯後良久還是很口渴。

以前加班最鐘意就係外賣速遞龍鳳祥餃子館做晚餐。但轉左工之後就冇再食過...偶然比我係佐敦見到龍鳳祥餃子館。心血來潮，突然好掛住佢個蕃茄雞蛋餃。當日點左紅燒肉拌麵，雞絲拌粉皮，蒜蓉拍青瓜，千層醬豬耳，肉三鮮餃同蕃茄雞蛋餃由佐敦拎到屋企大概用左30分鐘。所有食物都依然係暖，真係好感動。但菜San介紹個間餃X比真係好10倍兩款餃子都餡料都非常飽滿，大推蕃茄雞蛋餃！但父母比較喜歡肉三鮮因為好香濃韮菜味蕃茄蛋餃雖然相對比較清淡，但絕不失色。兩款材料都係極度容易出去水...但內餡都係實的的，絕對唔係流!!三款小菜雖然要左細份但都好多, 雞絲粉皮，粉皮夠彈牙。配埋麻醬絕對比Prefect!!!蒜蓉拍青瓜，調味恰到好處。豬耳夠薄片所以都好入味 紅燒肉撈麵，紅燒肉入哂味亦好鬆軟唔會太肥。可惜個麵唔係好掛汁，變左有的寡。下次會想去試下佢地煎餃。

今日晏晝同左朋友去佐敦呢間食餃子嘅鋪頭食晏，咁我哋就每人嗌一碗麵再＋1碟煎餃share。 咁我就嗌咗個雞絲麻醬冷麵，如圖所示佢蔬菜嘅份量係十分之多，差唔多多過啲面，同我想像之中有啲出入，好似食緊堆草咁，同埋無諗過佢會落生嘅青椒芫茜咁，食落好dry，就算落好多麻醬都於事無補所以我覺得呢個麵麻麻地。而我朋友就嗌左個羊肉汆麵，聽佢講都係一般，可能唔太啱我地口味。 而我地都嗌左10隻肉三鮮煎餃，餃子新鮮炸起幾好食，皮薄多汁，有韭菜味，唔錯。 總括嚟講價錢唔算太平， 餃子俾麵食好食。

又做完facial想食碗粉做晚餐，但係麥奀好多人麥文仲多人。所以去左夾縫中既龍鳳。已經食過兩次，都係晚餐。皮算適中完整呢碗so call麻辣真係好唔掂 仲要加錢先有如果無記錯叫佢加 佢竟然比普通辣椒🌶️油😵😵前菜幾好 👍🏻啲位好迫🤨餐飲選擇太少😒辣味完全唔夠😡😡😡餃子款式多 但味道普通😕Waiter態度咪好似茶餐廳呀姐咁囉。唔使等位可以考慮兩個人食唔算抵食 而且男仔會覺份量比較細。#可一不可再 佐敦大把好嘢食囉

今晚決定食龍鳳祥餃子，再食隔離澳牛做甜品。去到既時候只有2枱食客，無需等位。環境都幾乾淨，雖然所有餐具已經預早擺放於枱面 (好似酒樓咁)。2個人叫左一碗牛犇麵($50)，10隻淨鮮三餃($47)，一杯豆漿($6)。牛犇麵($50)似一般台灣牛肉面，麵質偏幼身，都算多牛腩，大約有10小件牛腩，牛腩炆得好“諗”，湯底鮮甜，仲有好強烈既芫茜味。”友人”話係唔錯，不過佢話下次只會叫餃子麵再加配牛犇湯。不過對於嗜辣既我就無乜衝擊，只會形容係一碗平淡既牛腩麵。10隻肉三鮮($47)本身想叫普通既白菜豬肉餃，但諗住專程來尼間食，就叫特別少少既肉三鮮餃子，餡料有豬肉，韭菜同蝦仁。餃子皮薄餡多。枱上有3款醬汁(豉油，豆瓣醬，醋)提供，可以自行調配。豉油的確係好咸，不過同水煮既餃唔太夾，配豆瓣醬就惹味d。可能煎餃香口d，沾醬食會好味好多? 但係煎餃要加$8都幾貴，感覺唔值(雖然煎餃一定好味好多)。每隻餃子大概有7成韭菜，2成豬肉，同埋一隻細蝦，非常強烈既韭菜味。不過有少少失望，無諗過名叫鮮三餃，但有咁多韭菜，似食緊韭菜餃。對我而言，應該無下次。