龍鼓灘海邊BBQ

營業中

休息中

話說新年初六，一行9人（4小童4-8歲，5大人）由東涌興致勃勃搭的士入去玩，因為兩人一爐，我哋要分5個爐，其實咁樣冇問題，但話事嗰個除收人頭費外，堅持要收開爐費，我哋亦講小朋友唔會燒好耐，只想只俾小童價就算，個話事嘅女人不斷咁話政府咁安排，唔關佢事喎，對我嚟講，實在過分，態度亦非常差！佢哋似住嗰度獨市，所以咁囂張🤬最後我哋寧願飛的去小欖嗰邊燒，嗰邊態度極度好，只計人頭數，開爐費亦由我哋定，嘢食亦好味！非常良心嘅燒烤店！

真係好耐冇試過去燒嘢食，因緣際會經過龍鼓灘，見到原來佢有一個燒烤食場，價錢非常之平，又可以坐喺海灘旁邊燒嘢食，咁就諗住試吓。呢個價錢，坦白講九成以上都係食風景同風味，並唔係食物嘅味道。因為我哋去到都唔早，所以只夠時間攞到一輪食物，我哋喺佢個大冰櫃度每樣都攞少少，好食就固然好，唔好食就自求多福啦。同估計一樣，基本上食物連最難唔好食嘅腸仔都唔好食，而佢嘅牛扒，都唔知請放咗幾耐，主人房入口我覺得有陣味唔敢再食。但最難得嘅就係，佢嘅漢堡扒竟然係好食嘅，不過我已經唔夠時間去攞第二次，所以只係食咗一塊。整體上來講，呢個價錢完全唔會有期望，我只係為咗個風景而坐低，所以呢一餐我都食得好開心，因為佢滿足到我嘅要求。

同幾個朋友龍鼓灘BBQ，預咗位置遠過屯門夜晚去其實無咩靚景睇，日頭先有海景同陽光有室外同室內揀，夜晚揀咗室內算不過室內設施基本上唔會點用，得小朋友遊樂設施好多玩樂嘢都要俾錢，最後都係吹水算室內溫度比較高，有風扇都難降溫，冷氣VIP房係貴啲每位150蚊入場費，價錢真係可圈可點只係包炭同少量基本嘢食，種類唔多，最多係唔同醃料嘅雞翼其他肉類牛肉、豬頸肉都有，同埋丸類、栗米等好彩俾自攜海鮮入內，否則無咩好食最失望係唔包燒烤必備嘅棉花糖而且一包棉花糖要22蚊，早知出面買入嚟好過雖然係自助BBQ形式，任燒任食但好多嘢都要另加錢開爐費又要另加50蚊例如為慳時間另購燒烤網，比較方便錫紙、牛油、燒烤網、燒烤夾都要另加錢先有，4樣嘢要87蚊每人有兩張飲品券，價錢只包一支水同一款汽水唔可以自攜飲品入場，俾人發現要罰50蚊問題係醃製嘅肉料超鹹，嘢飲唔慳住飲一定要買多一兩支

今日收工同男朋友嚟咗呢個海邊BBQ場，呢度可以免費泊車，可以望住個海食嘢，款式多，最重要嘅係最近疫情關係呢間BBQ場非常衛生，攞嘢食嘅時候一定要戴口罩，而且有小朋友玩嘅設施喺度，大人可以選擇打麻雀，當然要另外加錢啦，仲有得踩單車🤟🏻夜晚嚟呢度個景好靚❤️

我地訂左12:30海邊位，點知個日落大雨，海邊位坐唔到，入場時downgrade我地坐普通位，但編左我地去飯堂個邊坐，要我地冒雨行過露天既遊樂場拎野食，但個下另一邊普通位係未坐滿，咁點解唔可以編我地坐呢？要客人擔遮去攞野食其實好狼狽。我地要求坐另一邊，老細堅持唔肯，仲話：你唔滿意可以退錢走嫁。我諗佢應該好唔憂做。不過公道講句，150蚊由朝玩到晚，野食又唔差又可以帶野黎燒，係好抵玩既，有辣有唔辣🤷🏻‍♀️

秋風起既時間，令人想起bbq。今次就趁Family day挑戰下帶成家人去bbq。我地去左龍鼓灘海邊BBQ。係屯門西鐵站轉K52巴士🚌總站落車向海邊行就見到。交通都方便，又唔難搵。今次訂左Vip房，我想講呢間房真係無敵，爸爸最怕熱，有冷氣就啱晒。房入邊有大梳化，妹妹玩到後期瞓咗都可以喺上邊休息。仲有電動麻雀，不過可惜最愛打牌既公公唔舒服冇黎到。丁丁媽最愛就係房間既大玻璃敞門，bbq時好怕要同時兼顧小朋友，所以如果佢哋可以喺房度安安靜靜咁玩同唱下k，都係唔錯既選擇選擇 。就算要周圍走都係喺自己嘅獨立空間，唔怕騷擾到其他人。最方便係，有自己既洗手盤，食到污污糟糟都唔怕。除咗VIP房，仲可以選擇坐海邊位，望住大海，聽住海浪聲不斷都好relax，海風撲面既感覺好舒服，加上有好多Led燈圍住大家，浪漫🌹到暈💕呀。呢個bbq場玩樂設施都算多，岩晒大人同小朋友。環境又舒適，仲不斷播住音樂勁relax。最重點就係，丁丁媽好欣賞佢地場地所有野都好乾淨企理，特別係個廁所🚾，呢樣野真係要比💯。帶住兩個咁細嘅BB環境同埋乾淨都係好重要嘅，真係推薦龍鼓灘海邊bbq。帶住bb都可以輕輕鬆鬆甘燒烤，完全唔辛苦，正呀

BBQ場我都去過好多個，今次呢個好闊落、乾淨。野食方便多選擇得黎都好好食。我最鐘意雞全翼，醃得好好。其他食物都係好入味。而呢度都好岩小朋友玩，有兩個playground(一個有滑梯，一個area俾小朋友玩單車）、仲有吹氣彈彈床❤️除左小朋友可以租單車之外，大人仲可以租家庭4人單車。我地今次揀左坐海邊位，海風吹埋黎好舒服，聽住海浪聲都好relax。我見人地有VIP房，有冷氣同自動麻雀機，仲可以唱K。下次都想試下P.S.嗰度有得免費泊車

見到facebook有廣告話龍鼓灘番新左，最近天氣又開始涼，咁咪一行4人去試新野，我地揀左平日去，本身驚冇位所以打去book，店員好有型咁答「聽日⋯⋯唔會有人嫁啦，你wall in啦唔洗留位咁煩」🤣🤣🤣夠爽快我中意！我地揸車入去既，可能因為平日關係，真係唔多人，佢有自己既停車場位，目測大約20個車位啦，但唔知仲會唔會有另一邊可以泊。佢有分普通位$140同海景位$160，我地諗位海邊會有d野睇，點知原來咩都冇⋯⋯只可以叫做係「海邊位」，每人包餐具、2個裝野食盤、手套同紙巾，開爐費另計。最重點要講，野食選擇真係好少😐數埋大約15款左右，有丸有燒賣魚蛋、雞翼、扒、粟米等等，d肉比晒鬆肉粉，乸到咩肉味都冇，食落都分唔到豬定牛，咖哩魷魚又冇魷魚味，得個辣字冇咖哩香，有d失望，最令我打個突既係有蕃薯但錫紙要自費，有粟米但牛油自費，事關佢其實有醬汁蜜糖任拎，茄汁、豉油、辣椒油都有，但牛油呢d咁靈魂既野要自費我係呆左既，不過算啦，呢個價錢就由佢⋯⋯⋯⋯最後，最慶幸一樣野，toilet 好乾淨，女廁仲有坐廁添！去bbq最怕d廁所係流動式/「mou」廁，呢樣野可以加番分🤣🤣🤣

星期六朝早，見今日又唔係好熱。就諗住一家大細去搵個地方燒下野食。咁又見之前網上有人介紹龍鼓灘海邊燒烤樂園，見啲相好似幾企理，禁就打算去試下。上網見佢地話12點開，11點幾12點鬆啲已經打電話去比佢地，諗住問下點收費，點知電話長期無人聽。電話最後錄音叫人 send message 去 WhatsApp 到問野，心諗都正常，科技年代，點知WhatsApp 都係無人睇無人覆。好野丫。😡諗住果到咁隔涉，我地咁早去應該無問題喇。咁就渣車入去喇，果到有100個免費泊車位。渣到入去，好好彩泊到最後一個位。我地之後重有好幾架車，佢地見無位嘅情況下，唯有求其泊之後留電話。不過我肯定果到一定無100個位比人泊車，最多50-60個位，泊位完全不足。泊完就行入去登記入場，點知。排左一陣，有位工作人員出黎同我地講今日 full 左，無得入場。果下都打個突，咁早黎到泊到車竟然無位燒野食😅。果下感覺都好差下，打電話無人聽，whatsapp 無人覆，一早黎到竟然話 full。好彩，最後撞到熟人，搭單一齊燒先有得燒。其實地方唔算好大，但環境算幾好，野食就普普通通喇。有VIP房可以 book，如果有人聽你電話覆Whats

出席康記 BBQ 日，燒烤場大到不敢相信，還未能參觀每一地方呢，係我去過最巨形啊！仍未到開飯時間即衝到海邊，我最愛的黃昏、海浪聲、海風、海水氣味，悠然自得，心身舒暢。如此美景及氣氛使我不停地拍照，燒烤場還可以帶寵物呢，可以一家大細齊齊整整。什麼都照一餐，景緻太靚，美不勝收。培養好情緒，係時間預備晚餐。龍鼓灘跟大欖小欖一樣用鐵皮屋搭建，有瓦遮頭較為侷促，煙霧瀰漫又人迫迫。還好有露天海邊大理石燒烤爐或附近的移動式燒烤爐，有選擇我喜歡。視察完環境後，我地一團決定選址最邊邊露天石屎地，空氣流通，開揚寬敞，不會人山人海。首輪頭盤，獅子狗、牛丸、貢丸、龍蝦丸、魚肉燒賣、豆腐卜、廚師雞肉腸、脆皮熱狗腸、芝士腸、火腿丸、魚蛋、紅腸、蟹籽包心丸、咖喱魷魚、叉燒粒、黑椒牛扒、南乳雞中翼、薑蔥雞扒、洋蔥豬扒。起壇！錫紙粟米蕃薯先下爐，最後先處理。火腿丸好爽喎，濃濃咸香不過份。廚師雞肉腸，難得不是地獄咸，非十分正常，焦香腸皮藏著大量腸汁。牛丸、龍蝦丸、獅子狗都是火鍋的外購質素，不過不失。魚肉燒賣、豆腐卜，烤到外皮微脆，香口十足。脆皮熱狗腸似斯華力家族，腸皮脆脆，腸肉軟腍腍肉味濃。黑椒牛扒薄切，醃味剛好無過龍，

今日到龍鼓灘BBQ + 睇日落 + 朋友個仔放電⚡! .😛話說N年無去過屯門, 之前睇報道話有個新場, 可以睇日落又好多小朋友啱玩嘅設備, 相約朋友去過一個悠閒周末! 💰入場費 $130 (普通位, 海邊位會另外收費) 包一罐汽水, 一支唔凍嘅水, 燒烤叉, 卷廁紙, 膠叉, 膠手套一隻, 紙碟, 食物, 蜜糖, 炭! 其他用具如錫紙、 爐網及最重要的 "開爐" 等是要另外收費的! 龍鼓灘著實係一個好遠嘅地方, 全程靠 Google map 先去得到 😂😂 由屯門市中心揸車都要20幾分鐘先到! 🚗 🚗🚗 泊車 ~ 號稱有100個車位 (爛地), 其實只係亂泊, 塞滿晒! 阻住人走係會被開咪嗌出車的! 不過唔揸車可以搭巴士去 (車程由屯門市中心入要1小時)!🌳公園 ~ 細細的, 只有一條小小的滑梯!🎱桌球 ~ 封咗🚲家庭單車~ 好多人玩, 我見佢哋玩得好開心!♥ 不過其實無乜路可以踩😂😂 🎟入場 ~ 買嘢飲, 甚至乎租單車, 都係排同一條隊, 今日超多人, 所以每次排隊都起碼要15分鐘或以上 .🌴沙灘個景超靚, 仲有一條膠道可以行出海面影相! 🍖🍗 食物 ~ 任食的! 以咁大個場嚟講食物

三十餘人book了特大VIP房，有K唱，有機打，還有相連雀局房。房外燒烤。女兒生日在大舞台唱生日歌、跳舞。有人安排切旦糕放花炮。任食BBQ.由12點玩到夜晚十點多!一定再來.

基於方圓3公里內冇其他更好選擇，就同同事駕車到這裡放lunch，樓底高夠通風涼爽，選擇不算吸引，$40碟頭飯，比較多人選快餐四寶（餐肉、雙蛋、火腿和腸仔），食過一次，非常一般，呢啲即製壓縮食物都唔煎香一點。今次食了雪菜火鴨湯飯，都幾快有，個湯正正常常味精湯，可惜一食，啲飯超硬，未煮好。本身真係好肚餓，不過1/3都食唔下，太硬了，頂著胃。火鴨唔夠香，不過可以接受。凍檸水夠多冰，正路啦，之前點熱華田勁難飲，落唔夠粉，奶又唔多！絕對不要中午點炒飯麵飯，起碼等20分鐘。

第一次咁有感而發寫食評🙏🙏上年聖誕你過呢一到， 真心覺得唔錯， 所以今年平安夜再嚟呢度過聖誕， 可惜已經大不如前。1 坑渠位唔加蓋， 幾次見到啲阿婆行過差啲跌親， 睇到都覺得危險😣😣😣😣😣😣2 雞扒牛扒全部一開二，小欖半塊都大過佢一塊， 阿媽問我係咪食雞柳😂😂😂😂😂3 上年生日有香檳送， 今年就話差2日所以唔得， 可能之前實在真係太好😂😂😂4 用飲品券換嘅水得常温，買先有凍水，好心買個大雪櫃啦不過環景係靚嘅👏👏👏👏

這間bbq場比起其他bbq場平得多，並且呢到可以燒一整日，都唔會趕走你。所以我都幾推介呢到俾朋友知呢到。收費唔貴，按你咩日子去燒黎定價。佢呢到d肉醃製得好味，我地燒完一round又round。食到超飽滿！不過佢係任食，但冇任飲，佢每個人會送一支水同一枝凍既罐裝飲品。 但通常燒烤，燒到黃昏就會熱，出哂汗，好想飲多啲凍嘢，所以我地都加錢畀去買。佢d野飲都賣得幾貴，我地都預左會咁，哈哈！環境上，如果夏都真係幾熱，雖然佢有好多把大風扇，但個個爐都燒到火紅火熱，所有都真係幾熱下。