龍鼓灘燒烤樂園 (已結業)

佢的環境幾好嫁，行出少少就睇到個海。日落時仲好靚添呀。咸蛋黃好靚呀。最緊要係佢既嘢食。雞中翼同叉燒都好好味。燒完唔會乾。而且仲原汁原味添，雞中翼好嘢咪呀。好過西貢要百幾蚊位個o的添。佢都只係70蚊左右。真係物超所直。去完會再去。

上個星期日我, 男朋友同一班朋友去任食BBQ, 每人$78免開爐費, 送一支水+一罐飲品, 有埋碟、叉、燒烤叉、炭、蜜糖、手套、廁紙, 價最都算合理, 都幾好食又多種類, 有多春魚、金沙骨、蜜汁雞扒(好入味, 值得推介)、粟米、番薯、雞全翼(好大隻)、黑椒雞中翼(都幾辣架不過好味)、豬扒、牛扒、腸仔、什丸、雞腎、青椒、冬菇、茄子、蒜茸包、麵包、獅子狗卷、司華力腸、腸仔、芝士腸、煙肉、叉燒粒等等.......雖然食物幾好, 但某d人既服務態度真係差囉! 我d朋友攞左一盆全部都係肉既野食返嚟, 一粒丸都冇, 所以想再攞d丸, 點知行到去, 個師奶話唔得, 叫我地比個盆佢, 佢先比我地, 我地都冇多個盆啦! 又點比佢呀! 我男朋友就話佢, 你比晒d肉我地一d丸都冇點得呀! 佢先死死氣比我地 我地有兩個爐但得一碗蜜糖, 我問阿婆攞多碗, 佢又話叫我攞個碗嚟自己加, 我話唔係要加, 係想要多一碗呀! 佢又話冇, 又話大把蜜糖係度, 自己攞個碗嚟自己加 我話唔係呀! 我地咁多個人得一碗唔夠, 想要多一碗蜜糖啫 真係激死我, 九唔搭八, 態度又勁差, 點知轉個頭我男朋友去問阿婆, 佢又比喎, 男

早幾日, 我同男友&一大班人去左呢度BBQ. 每位$68任食, 價錢合理. 食物方便, 有人話種類唔夠多, 但佢都唔算少, 普通既丸, 扒佢都會有, 而且味道醃得幾好, 蜜汁雞扒似乎最受我地歡迎. 佢有D細電視, 坐得前既話, 可以一邊睇電視, 一邊燒野食. 我地去果日, 可能因為唔係星期六日, 只係D學生假期, 所以冇咩人, 成個場幾乎我地玩晒. 係就係唔通風, 但又未至於焗, 而且冬天咁凍, 暖暖地都幾好. 服務, 無咩特別啦, 但D人感覺令人幾舒服. 起碼我地行去拎野飲, 佢地本身睇電視, 但見到我地, 都會即刻行入去拎野飲畀我地, 唔使我地叫. 整體來說算是不過不失. 如果有機會同男友兩個人去BBQ, 我應該會提議再黎呢度.

$78包開爐加任食就幾方便, 冇靚景...唔緊要, 電視又細又有雪花...唔緊要, 人少但地方依然迫夾...好熱好辛苦,最唔掂係呢度服務超差!!!!!俾都唔會再去呢檔!首先, 一去到俾$後用"飛仔"攞o野食同o野飲, 飲品櫃前面個亞婆語氣及態度唔好都算...但負責開爐o個位高瘦四眼哥哥仔態度超級差, 個場放咁多枱同爐好迫, 成個場都好熱好焗, 個場頂又封住d煙散唔到, 咁冇乜客人時都應該考慮下客人o既感受, 佢將d爐開o係另一枱人o既背脊, 莫講話坐, 真係企都冇位企, 兩班人都覺得好迫, 冇可能坐到, 大家好聲好氣叫佢將個爐開過少少, 如果唔係真係燒住人地背脊, 佢態度超差話: 唔得wor! 係咁set架喇! 最後, 佢都係唔肯set開d個爐就走左去!如果想受氣記住去呢間!

天氣唔太凍又唔太熱,最好就係燒雞翼啦!每次嚟龍鼓灘都係嚟呢間,覺得啲食物味道OK,所以都無試過其他!至於SERVICE就真係麻麻哋,由門口收錢至到買野飲果度啲人,"笑容""多謝"皆欠奉,呢次仲好鬼激氣TIM,我用佢哋啲換飲品飛加錢換野飲,櫃面得個阿婆喺度,佢竟然話唔知加幾多錢,叫我睇下櫃外面張紙寫住加幾錢,我睇完之後發覺只係寫住每支幾錢,根本就無寫低換購價,我同佢講"無寫WOR",但係佢堅持話有,仲叫我"睇下啦你";我再睇完話"真係無WOR",點知佢一句唔該都無,仲加重語氣咁話"哼,叫你睇又唔睇",嘩...乜野事先?好似我做錯野咁;跟住個阿婆叫埋隔離負責夾野食俾人嘅師奶幫手,個師奶仲衰,一開口就大聲話"阿婆嚟架,你算啦你..."(我真係好詭異,點解可以咁嘅服務態度囉!)明明係自己唔清楚啲價錢,又攪錯以為外面有寫,做錯野之後一句唔好意思都無;其實附近真係仲有好多選擇,價錢又差唔多,無必要再幫襯佢囉!P.S.之前有好好味嘅豬頸肉,巳經無供應幾個月架喇,但係唔知點解個食物牌就仍然仲擺出嚟>.<

雖然話環境唔係十分好,不過d爐分得幾開,好寬敞~~野食方面,味道唔錯,而且唔係自己夾,由工作人員夾,應該相對衛生,服務都算唔錯架啦...總扣黎講,黎呢度燒野食係一個唔錯既選擇!!

也許地點比較偏僻少人黎，食物款色唔係多但入倒口，至於環境就唔掂啦，冇景睇冇o野玩個場又唔係靚悶鬼死人，把風扇開左等於冇開加上個罩蓬阻礙空氣流通熱到阿媽都唔認得呀，我作為BBQ搞手因個場既以上種種缺點比d團員係咁窒，我建議大家去BBQ都係去小欖o個個好d...

我地襯國慶假期想搵個地方BBQ，上網Search o下發現左哩到咁就黎試下啦，初初都驚會好多人，點知去到又真係好多人喎，可能係假期啦，但好好彩唔駛等位就入左去喇，環境係迫左D，又無海境，唔緊要，D野好食就得喇，黑椒雞中翼、咖哩魷魚、牛扒都十分之好食，比起西貢巿中心近沙灘那間好味好多，粟米係超甜粟米，番薯係黃色糖心好好味個隻，正爆！我諗.....我都會推介d朋友黎。仲有...如果你係住响沙田既話，只需要响沙田火車站巴士總站乘263去到屯門巿中心總站下車再乘K52到龍鼓灘下車就得喇，真係超級方便呀！

去過好多個燒烤場,龍鼓灘燒烤樂園都可以.好抵食,$68全包任食,又有免費泊車.食物方面都幾好,幾多選擇,而且味道真係唔錯,我最鍾意就係黑椒雞中翼.不過環境就迫左的,又無景.點解之前有人話有seaview呢!

其實覺得燒烤好似冇セ好寫，離離去去都係講吓場地和食品，而食品都不外符個幾樣，不過睇倒有些網友對某些地點惡評如潮，所以我都係呢度表達一下。因為有朋友生日，而佢又好鍾意燒烤，本來我地一向嚟開呢度，呢次想試吓新嘢，想試吓個名好靚嘅世外桃源，於是上網睇吓關於佢嘅資料，一睇之下立刻轉鈦，都係嚟番呢度隱陣，好多謝網友提供資料，否則真係冇癮兼失禮。我地三點幾鐘嚟到，可能又係閒日，食物款式唔係好多，得Ｄ肉丸腸仔同豬牛扒，到差不多入夜，食物才陸續上齊。我地大約十點幾鐘走，壽星女突然大叫，原來個陣先出蕃薯，而佢又好鍾意食煨蕃薯，唯有下次再嚟過啦。希望呢度Ｄ工作人員留意一吓，每次出食物時段都要均勻一Ｄ，免得有Ｄ要早走嘅客食唔倒佢地想食嘅嘢，不過呢度以環境，食物味道和價錢，我Ｄ朋友都好滿意，下次仲有幫趁。

男朋友樓下有車好快去到，所以想BBQ，就會兩個人走去哩度燒。任食一人約$70，有一樽水加兩罐飲品。食物都幾多選擇，最普通有雞翼（辣果款幾好味）、豬/牛/雞扒、腸仔、什丸...仲有雞腎、蕃薯、冬菇、茄子、蒜茸包...有埋碟、叉、燒烤叉、蜜糖&廁紙，有人起埋爐，仲有電視有廁所，好鬼方便好抵，所以好鍾意去...

我地9個人去左BBQ!每人60蚊任食!味道1般..仲陰風陣陣=__=""不過成FD去玩又真系幾好!!仲有個大電視xD

我們一行9人於15/1/2006 去了大欖涌BBQ....$68位話就話任食....但吹啤的是D碳不是任用....個服務員話開爐時已提供了一袋碳，另外比多一袋自己加，(D碳SIZE 是我們平日買開私三份一左右。)之後每包要$5,SIZE一樣!我們當場同服務員理論，問佢任食何來？問佢唔比碳是否會代煮？定是要我們生食先？個服務員口都啞埋．．搵錢都不用那麼奸嘛．．．．

常春藤小姐"吹雞" 攪BBQ, 我緊係第一時間報名兼幫手, 於是早一天打電話book 位(驚星期六晚full house), 點知原來唔係咁多人.個BBQ 場環境其實唔錯, 爐與爐之間唔係咁逼, 仲有無敵沙灘景. 可惜我哋七點半先開始燒, 睇唔到日落景緻.講番食物, 其實一般, 大路貨色, 同其他BBQ 場無咩分別, 反而常春藤小姐--- 個friend - 顏詠詩小姐- 準備咗嘅豬仔飽, 自製醬料同各種菇類仲吸引, 所以我哋無咩點食到BBQ 場的食物. 好似唔係咁底.不過, 一班初相識朋友, 一齊吹水, 懷緬吓中學時的生活, 講吓 緋聞, 高高興興的一晚, 大家都好enjoy.PS : 顏詠詩小姐其實真係好女仔, 好有心.

琴日成班ｆｒｉｅｎｄｓ４點幾到去到燒烤埸．原本諗住有得ｂｂｑ啦．．點知一去到有超多人係到都等緊入，跟住有個男人叫我留下電話號碼，因為６點左右有一班團體走，點知到左６點ｄ團體真係走呀！咁我地就走埋去問係咪有位．但當時下緊雨．而ｄ團體所燒的地方係有蓋遮住的，佢地一走！原來係入面燒緊而又無蓋遮住的人立刻湧晒入去有蓋遮住ｏ既地方，門後的男人就話依家無晒位喇．．得番ｄ要淋雨ｏ既位．而佢地又無晒ｄ大傘傘雨．原來門口有好多人都係話前天已ｂｏｏｋ定話留幾點，但黎到都係無位，同埋打黎問有無位ｄ人就係咁話有，黎到就話無，太過份ｌａ。