影片
開飯介紹
來自東京的過江龍辣麻拉麵店，店內裝修以日本神怪為主題。店內共有25種配搭的麻辣拉麵選擇。辣度及麻度則分成5個級別，由（白碗）不辣、小辣、中辣、（紅碗）高級辣到（黑碗）鬼增辣。
繼續閱讀
營業時間
今日營業
11:00 - 00:00
星期一至日
11:00 - 00:00
*最後落單時間: 23:30
以上資料只供參考, 請與餐廳確認詳情
相關文章
做野做到好晏完左搵野食，諗住食拉麵但同行人士唔想坐自閉位所以無揀一蘭，提議食呢間。去之前已經有啲卻步話啲服務唔好，去到即刻見真章。有位較年輕女侍應一野掉低兩對筷子，轉個頭飛埋個QR code黎，一句野都無講。另一位較年長嘅女侍應就話可以擺啲袋喺隔離無人坐嘅位，坐得舒服啲。落完單極速上菜，啱喇好肚餓。一食，嘩！好似港式雲吞麵嘅麵質？份量之少亦只多一碗雲吞麵少少，本人屬正常食量，未試過食完拉麵咁空虛...味道不至於難食，叫左芫茜小麻小辣但唔辣嘅，收我$120真係完全不值。同行人叫左碗增量級，上菜時個碗邊烏糟到一個點，加左小食牛筋亦難食到佢食唔晒。先唔講佢自稱過江龍，服務仲衰過香港餐廳，麵亦唔好食，又貴，永久blacklist實至名歸。
繼續閱讀
「鬼金棒」位於銅鑼灣謝斐道，環境簡潔，員工態度一般，食物質素普普通通。🐷 芫荽辣麻味噌拉麵芫荽香味濃郁，辣麻味噌湯底味道唔錯，但整體感覺比較普通，冇太大驚喜。🐷 增量叉燒辣麻味噌拉麵叉燒份量足，肉質嫩滑，辣麻味噌湯底味道濃郁，但整體表現中規中矩。整體嚟講，「鬼金棒」食物質素一般，🥲🥲員工態度亦都一般，未算係一個特別推薦嘅選擇，但係有機會嘅話小編會再俾多次機會佢，或者去其他分店試吓🤣🤣🤣🤣鬼金棒📍 銅鑼灣謝斐道530號地舖#吃貨日常 #銅鑼灣美食 #拉麵 #hkfoodie #foodiehk #鬼金棒
繼續閱讀
味道還可以，無功無過。價格偏高。但是態度很差，剛好附近工作完，帶著專業相機去吃飯，根本沒有開機，就被店員警告，而且從頭到尾在你身後盯著你。今時今日咁嘅服務態度和歧視真係唔得。
繼續閱讀
自從上次試過之後，小人一直計劃再訪，是次聯同友人一起到臨。我們柯打了芫茜麻辣味噌拉麵：一碗小辣中麻加芽菜加溏心蛋、一碗配鬼增辣鬼增麻加叉燒。小辣中麻的味噌湯底，沒有過份的嗆喉，還有芫茜增添香氣，香醇順喉，多飲也不覺油。芽菜甚多，爽嫩鮮甜；而溏心蛋蛋香極濃，軟嫩細滑，相信是手工麵條軟硬適中，掛湯能力不差。至於挑戰極限的鬼增麻辣，一端上枱時看見海量的辣椒粉撒在其上，已經很衝擊！喝口湯，吃口麵，已確確實實感受到辣的級數直衝天花板，越食越過癮！叉燒沾了辣湯，又是另一番風味！勇者們可以一試鬼增麻辣！
繼續閱讀
今日收工同朋友去銅鑼灣食咗一間日本過江龍拉麵 - 鬼金棒牛骨辣麻拉麵～～ 位置好就腳，喺銅鑼灣嘅熱門地帶謝斐道。坐低之後，我哋 Order 咗招牌牛骨拉麵（原味）＋芫荽辣麻牛骨拉麵（無辣，小麻）＋煎餃（六隻）+ 牛筋。因為我同朋友都好怕辣，唔食得太辣，於是就叫咗原味。首先講吓呢個招牌牛骨拉麵，佢嘅湯底好濃郁，就咁飲都已經覺得好正，叉燒又腍又入味唔錯唔錯，拉麵有輕微鹼水味，整體嚟講我覺得唔錯。而我個人最鍾意嘅，就係呢個芫荽牛骨拉麵，湯底都係好濃郁，而且成個碗面都放滿晒芫荽，完全係開正我嗰飯！我哋兩個食完啲拉麵之後都有飲晒啲湯，就咁飲已經好正～至於牛筋十分之爽口，彈牙，係我喜歡嘅嗰一種口感，不過要快啲食晒佢，因為凍咗佢就會黐埋一舊。煎餃🥟個底煎得唔錯，一啖一隻，講真我搵唔到有咩缺點。總結嚟講，我哋兩個人晚餐食咗$300，有兩個拉麵同埋兩款小食，以味道同埋食物質素嚟講我覺得性價比幾高幾抵食，我下次都一定會再嚟食返呢個芫荽拉麵。
繼續閱讀