101台式休閒餐廳 (青衣城2)

營業中

休息中

晚餐諗唔到食咩就去食呢間台灣菜，入面有超級多選擇。夜晚7點去到，都唔需要排隊，今日我揀左壽喜燒雞脾餐，雞脾肉好大隻，飯都好大碗，野飲要加$5，肉燥飯亦都要加錢。呢個餐都唔需要$100，個鍋入面仲有配菜、牛丸，食落都好飽。唯一美中不足係，隻雞脾係未解凍，就算煮左好耐，都會有啲硬同有少少血水，如果接受唔到，建議食牛壽喜燒或者其他菜式。下次唔知食咩好，都會繼續黎呢間餐廳，始終比較多選擇，而且味道都不錯。

因為要趕入迪士尼倒數（2024年最後一晚）所以在青衣站集合兼食晚餐. 一行4人, 我選了最愛的蕃茄湯底小火鍋（蕃茄濃湯豚肉小火鍋）~ 材料有主角豚肉,貢丸,木耳, 金菇, 蕃茄,粟米,牛丸,小椰菜）, 蔬菜滿滿, 價錢都是$87, 還有包括麵食或飯（加$4可轉肉燥飯）& 一柸飲品. 分量十足. 最後,放棄那碗大飯😅.試了幾口飯,肉燥唔算太濃味, 一般. 建議跟烏冬可能好些.朋友們選了古早牛肉麵（$89）配小食一客（鹽酥雞）,包一柸飲品. 朋友評語：牛肉好香好淋,麵條彈牙都可以.總結來說餐廳嘅選擇款式比較多,價錢與份量都屬於合理&抵食.

在青衣做完「健障行」的義工活動，可以在這個美食沙漠中覓食，不知是什麼原因就想來到這個吃台灣菜的地方吃午飯，或許只是因為想喝台式飲品吧！這裡不是QR下單，但一舉手就有店員為你服務！我們點了1）W1牛肉麵；2）Pi醬汁香茅肉燥豬扒（兩塊）飯；3）各自+$5配送了一杯凍飲（凍珍珠奶茶，凍蜂蜜綠茶）！這裡，上餐速度很快，只需2分鐘就有一碗熱辣辣的牛肉麵端上枱，四舊大大舊牛肉麵，第一舊好「鞋」，有點失望，以為是熬湯底留下來的，幸好之後3舊的質素很是可以！另外有兩舊大蘿蔔，超級大，很難硬，但是很甜！另外點了Pi醬汁香茅肉燥豬扒（兩塊）飯！這裡餐牌很搞笑，說明一塊/兩塊，不過感覺偏薄，而且汁偏咸，但上菜速遞偏快，屬於另煩的預製菜！但是，飲品的份量算是不錯的了，很大杯，可以慢慢歎！服務的分數也不差，不過我未必會再回來，始終我不是青衣人！🍽餐廳名稱：101台式休閒餐廳 (青衣城2)🕘營業時間： 0700-2200📍餐廳地址：青衣青敬路31-33號青衣城2地下G30號舖🚉交通：港鐵青衣站📞電話：97175313

好日唔去青衣城，睇戲前就是但搵啲野食啦，樓下有台灣野就去試下，星期日tea time時間完全唔洗等，目測起碼現場有一半係吉位，睇餐牌都算幾多選擇，叫咗個麻辣手撕雞涼拌麵，5分鐘上菜，麵質普通無咬口，麻辣味算OK，啱啱好唔會太搶，手撕雞，其實可以告到商品說明條例，因為係雞扒切件，味道唔形容喇你當係急凍野煮熟就咁切件上，加幾條青瓜絲，50蚊打工仔lunch快飯質素咁。杯珍珠奶茶就跟餐＋5蚊，都係普通，甜得嚟無茶味，珍珠好似煮咗十個鐘咁無煙韌口感。總結，唔會再嚟！

呢間餐廳已經食過幾次平得來選擇又多而且員工態度都幾好👍🏻板燒雞柳拼章魚肉餅湯麵呢個麵真係好足料，起碼超過六七嚿雞柳，再加埋章魚肉餅，而且啲雞都好滑，再加上麻辣湯👍🏻一流👍🏻香烤豬扒麻辣麻醬涼拌麵個豬扒都幾大嚿，加上辣辣既涼拌麵，都幾唔錯，不過就唔係好夠麻醬味啦👍🏻香烤七味雞翼👍🏻鹽酥雞

廚工新移民廚房環境惡劣地上永遠水漬及油垢所以材料都不會有期限日子，可能過期照用食物原材料全部係調味包調味粉食物會喺地上處理，跌落地會放上盤子直接給客人食而煮過嘅食物放好耐嘅食物會用清水沖洗之後重用

香港美食 青衣城101 晚餐台式料理 ， 今次叫了個蕃茄牛肉麵，加珍珠奶茶 蕃茄牛肉麵 都幾大碗 ，一個正常男人都會飽的份量，蕃茄味都不算太濃也不淡，算得上適中，本人喜歡濃味多些，牛肉炆得好琳，好入味！ 全部食晒！ 飲品都係喜歡珍珠奶茶，奶茶茶香味不錯，珍珠有口感！ 服務都尚可 ！ 有白開水自己可以自由斟 。 價錢$77 101台式休閒餐廳Shop G30 Maritime Square Phase II, 33, Tsing King Rd, Tsing Yi#台灣101 #香港美食 #food #台灣牛肉麵 #珍珠奶茶 #青衣城 #marinetime square #101台式休閑餐廳

之前食過好多次，但都係堂食。覺得份量多又好食，物超所值，所以都經常嚟食。今次第一次叫外賣，結果令人有少少失望！係堂食嘅時候，呢個order我次次都食到好飽，有時會食唔晒。但今次叫外賣結果份量只有堂食嘅一半，好失望！

冇影相，但嗰個麻辣涼拌手撕雞麵真係好差。手撕雞完全唔係手撕雞，就咁雞扒切片。涼拌係凍拌，完全似係成碗喺雪櫃直接拎出嚟。食咗兩啖完全食唔到。牛肉麵啲牛肉好韌，湯汁又唔好食。最嬲嘅係佢要加一，但水要自己斟。就咁一間連茶餐廳都不如都要收加一，如果唔係有啲晏，唔想花太多時間搵嘢食都唔會走入去。佢令到我唔想留港消費，謝謝！完全影響香港服務業，唔明點解佢有好評，係全個青衣城最差。真係肚餓都唔會覺得佢好食，碟頭飯都好味過佢。

四眼男侍應，不會巡枱，行去叫佢下單，稱“ 請你不要碰到我啲伙記”，佢啲伙記矜貴過客人？下單態度黑面，勁差！89蚊食物到枱，我都唔想食，放下100 蚊，走左去！真係一肚氣！唔會再幫襯！簡直，都唔係做生意！

今日天氣非常好，同大王子同朋友仔入完迪士尼，入園後，二位小朋友都訓左，去了附近的青衣站揾食，點知發現呢間有一人邊爐，我同另一位媽媽見到都心心眼，即係享受metime，做左媽媽之後就會明白呢種心情唔好以為青衣城就會價錢貴，每人大約$100 唔洗已經可以開餐了，我們二個點了一模一樣的小火鍋蕃茄濃湯美國穀飼肥牛小火鍋另加美國穀飼肥牛片+$8，有3片日本稻庭烏冬$12火鍋份量十足，一人一個鍋食都綽綽有餘，蕃茄湯底超濃郁，配料有穀飼肥牛、台灣腸、番茄、粟米、菜等等穀飼肥牛超肥厚，好香的牛味，沒有配料的情況下都食到牛肉味好香沒有筋位 台灣腸好香好好味，好似炒香左先放上鍋上日本稻庭烏冬口感煙煙韌韌，口感十足總結：                                                    以一人一鍋黎講性價都相當高，我地有二架bb車都不用收埋，可以放在門口旁邊，食飯時候可以見到小朋友在車中，非常安全

週末去青衣城食晚餐諗住打邊爐，就入左青衣城二期地下嘅101兩個人叫咗兩個邊爐同一個小食湯底味道還可以但係分量10分少牛肉得三片，豬肉又係得三片成堆菜得兩個豆卜一個魚豆腐同埋兩小片黑椒台灣腸根本都唔知食咗啲咩店只服務又差兩百零蚊都食唔飽差評差評差評嗰個人極度唔推薦

請左個痴線經理，想食都唔好去。食物質素差，服務更差。叫左餐右落錯單，死口唔認，重要鬧客，要受氣就歡迎幫襯。可能係澳牛派尼做，重知喜歡受氣者，可日日去支持。真係想食台灣野，去葵芳大把選擇。

[✨抵食1人1台式小火鍋🥘]心血來潮想食打邊爐，唔想食到放題咁HEAVY🤔就黎左101整個輕食版過一過邊爐癮，加埋杯台式飲品真係爽爽🧋最正嘅係不限時可以慢慢淥下淥下🤩🥘藥膳雞髀肉小火鍋 $79作為主菜嘅雞髀肉🐥總共有三塊左右，都算幾大件，肉質嫩滑幾有風味，有驚喜。配菜有台灣腸、肉丸、豆卜、椰菜、粟米、金菇、雲耳等，菜嘅比例都幾高🥬多款色好味之餘又營養均衡，都幾養生㗎☺️仲可以揀配公仔麵、米線、烏冬其中一款🍜🧋盆栽珍珠奶茶 ( 跟餐+ $10 )呢度嘅飲品份量真係好大大杯。造型特別，用大量oreo碎扮泥，仲吉左塊葉仔🌿係上面整到真係好似盆栽咁🤣，小清新打卡呃like一流 !😙————————♡♡♡♡♡♡————————✨總結以一人一鍋黎講性價比算高， 價錢、味道、份量都比大型連鎖之上，值得推介🥳

上班前經過青衣城先來吃早餐，早餐都是以港式茶餐為主🏠門面光亮有不少客人在輕鬆吃早餐 📙早餐特色可能是可以選新竹米粉，中午和晚上就才會有牛肉麵和滷肉飯等地方特色食物🥘早餐共有十多款配搭，主要是粉麵加上麵包小吃等，難得有丹麥吐司和薯餅🥔 點了特濃沙爹牛肉公仔麵拼牛乳炒蛋和薯餅，湯底真的算濃，但牛肉味道較淡🙊雖然好處是沒有過度醃肉的感覺，筋度不會太強 牛乳滑蛋口感嫩滑有蛋汁，帶有奶香更惹味，薯餅非常失望👎油味偏重沒有薯味，唯一可取是比較脆身，配上蕃茄醬易入口🍅