101肉燥飯專門店 (厚福街) (已結業)

喺尖沙咀唔知食咩好所以求其入咗間台灣嘢，點咗個玉子雞排飯，本身以為玉子係日本料理個種🤣不過依種玉子出乎意料地好味，唔會淡。雞排嘅皮同肉都好嫩滑，而且肉燥醬汁好足夠，亦都同飯配搭得好好，50蚊就食到真係幾抵～

呢度係我最愛嘅一人邊爐店，以前番part time放lunch就算只係得一個鐘都成日走去食，因為佢真係又大份又好食。除咗邊爐，佢仲有好多款台灣野食，個menu成日都睇到我花多眼亂。佢呢度有好多種湯底嘅鍋，麻辣、沙茶、蕃茄、壽喜燒、酸菜，甚至養生鍋都有。佢每個鍋嘅配料都會有少少唔同，大同小異啦。基本上都會有肉，中意食肉嘅都可以再加錢加多份，可以揀肥牛、豚肉或雞肉。然後就要揀個主食啦，飯麵都有，其中最推薦嘅係佢嘅台灣手工拉麵。佢嘅麵質其實有啲似稻庭烏冬，扁扁地身，咬落好煙韌，仲要好吸湯汁，唔洗一定要盛口湯一齊食都食到個湯嘅味。咁多個鍋入面，我最中意嘅就係麻辣三杯雞。佢個湯唔算好麻辣，反而咸味更搶，但都好濃肉湯味。最正係佢個雞，因為係採用左雞脾肉，所以好嫩滑，一路煮都冇變老。重點係分量好足，起碼有成隻雞脾俾左你。其餘配菜就有啲椰菜、金菇、日式豆腐、豆卜、粟米等，雖然話就話係一人鍋，但我暫時都未試過自己一個食哂。仲要可以用優惠價追加台式飲品，三蚊就叫到杯珍珠奶茶，埋單都係七十蚊左右，真係抵到爛。

​💥麻辣麻醬手撕雞涼拌麵 $68💥🚁​淨係得辣味，無其他味，麵又唔好食​珍珠奶茶淡，珍珠一啲都唔煙韌​好難食❗️​​味道👅​抵食🤑🤑​環璄⭐️⭐️⭐️​服務👍🏻👍🏻👍🏻​番兜🍉​ ​ ​ ​ 伏🚁🚁🚁🚁​(最高分x5）​

喺厚福街真係好多嘢食揀，我哋見佢冇乜人就入咗呢間食台灣嘢😋佢lunch Set都幾抵食！叫咗個香茅豬扒肉燥新竹米粉同埋麻辣雞扒新竹米粉🤤隨餐仲有小食，😍當然係揀鹽酥雞同埋鹽酥花枝丸🤤🤤碗米粉真係超大碗，肉燥都算多，米粉又多😆豬扒幾好，唔韌，咬落都幾入味。另外麻辣雞扒米粉塊雞扒都幾大塊，唔錯，湯底係基本麻辣味😆冇乜特別。另外2款小食，鹽酥雞就覺得比較硬咗些少，唔係勁脆，尚可接受😅而個花枝丸一上檯，感覺駛唔駛咁油呀😂所以我哋都攤咗佢一陣先食😂味道都可以接受。2杯飲品就幾好！係柑桔檸檬（少甜）！超大杯😆👍🏻《Lunch Set》-香茅豬扒肉燥新竹米粉 $68 跟 鹽酥雞 + 柑桔檸檬-麻辣雞扒新竹米粉 $68 跟 鹽酥花枝丸 + 柑桔檸檬

Jon媽每個月去一次TST做美甲💅🏻。通常都是選下午，每次做完就可以一個人享受寧靜、自由的下午茶☕️🍽。做甲時還沒想到吃啥。甲師隨口建議一句：去厚福街囉！也好！😌很隨機地，看見有下午茶menu就進店了。選了板燒雞柳肉燥新竹米粉 $30，加配柑桔檸檬，合計$33。雞柳約五六件，烤得很香，雞皮不多，很適合不吃肥的Jon媽。米粉份量不小，完全足夠吃飽。湯底不算太味精，收得貨有餘！柑桔檸檬甜酸適中，很能解暑。進店時都不早，大抵已四時多，店裡客人十多人，不冷清也不擁擠，還算舒適！完全對得起這個價格了！

返工食lunch無咩靈感，打開openrice睇吓有咩啱，今日就食台灣野啦，openrice外賣自取仲有折添！以前都食過101，咁就唔驚中伏啦。.香茅豬扒麻辣麻醬涼拌麵 $48超大塊豬扒，又唔會overcook，煮得啱啱好。出街食飯最怕啲豬扒煮得太乾，又痴牙，但呢塊豬扒絕對唔會。.麵底都好大份，男仔食都一定夠飽，個麻辣好正，超香口，但又唔會比辣搶曬啲味。超啱我呢啲想食辣但又唔食得太辣嘅人，過足口癮！

尋日放假, 同朋友行街玩完一輪後去咗厚福街食台灣野. 因為去到都已經成8點幾9點, 唔食咁多啦. 我同朋友本來諗住叫一個set 去 share, 點知員工話每人最少都要叫個小食或者係飲品.  好啦, 咁我地唯有叫多個小食啦. 我地最後叫咗一個蕃茄牛肉面, 鹽酥雞同柑桔檸檬set ($78), 同滷水豬大腸 ($26).滷水豬大腸 - 雖然入味， 但太鹹, 好就好在唔太肥, 亦都無陣豬大腸 嘅臭味蕃茄牛肉面 - 真係好好食。 湯底好有蕃茄味, 亦都有３大舊牛同２大舊白蘿蔔。TST 咁嘅價位，有咁嘅質素，真心超值。

下午茶時份走過尖沙咀，找了很久也不知道要吃什麼。找到了這間 101肉燥店，曾經讀書時期，常常會在屯門的分店吃。但未試過在其他分店吃，今天便決定一試。點了一個雞扒肉燥米粉，雞扒大小適中，不大不小。肉質有點老，但未至於鞋口，也算多肉汁。肉燥裡有肥瘦肉，拌在湯中吃不會太鹹。而它米粉很多，吃完很飽滿呢！湯底不會太水太稀，水準是一段餐廳的水準，不過不失。以尖沙咀地段想說，它的價錢便宜合理，食物份量不會太小，也是抵吃之選。

係尖沙咀返工，食lunch當然想揀最平最抵食啦！慳返d錢又可以醫肚。·🍲鮮茄濃湯牛肉通粉 (HKD 28)首先價錢已經贏左9條街啦🤣仲要味道唔錯，蕃茄味濃郁，通粉係用左有紋個隻，增加左口感😋牛肉份量多，仲好腍身。而且飲品仲有得免費揀珍珠奶茶😍

今日去尖沙咀工作 到中午就去厚福街揾嘢食 就見到呢間101係人都知101就係抵食嘅代名詞啦我同同事三個人就叫左3個餐分別係蕃茄牛肉麵 紅燒牛肉肉燥飯 同 玉子雞排肉燥飯我就食玉子雞排飯 唔好睇到d飯好似細細份咁 其實食落去就知份量適中 飽肚玉子有口感 唔會一咬即散 而且炸過 非常香口雞排就細份左d 有咬口到左嘢飲就叫左 珍珠latte、香芋珍珠 同 珍珠奶茶 甜度份量都岩岩好唯獨是支飲筒口略細 不時會卡住d珍珠 要用力吸先飲到Overall 份量味道都適中同好味

👧🏻😋👅🍽✨101肉燥飯專門店-💛中大伏黃店🚫💛難食嘅黃店我通常比次機會，但係佢態度好差，而且冇一樣野唔難食💛所以要警惕世人💛態度點差法呢？就係落錯單，同佢講佢話「你係叫咗喎，下次先啦」，我心諗有下次先奇啊，真係口同鼻拗，都費事潑婦鬧街-🚫🚫🚫三重芝士豬扒撈公仔麵 $68✨商務套餐有主食，小食，同野飲☁️三重芝士我諗講緊個份量？完全唔覺得嗰 pat芝士醬同個三字有關☁️嗰一個好似假髮嘅公仔麵大約好似浸左係一盆凍水5分鐘咁☁️豬扒有香茅味，但係薄過我塊面皮☁️啲菜唔係凍咁簡單，係冰-🚫🚫🚫鹽酥花枝丸（三粒）☁️咬落去以為佢又落錯單，係咪魚蛋嚟㗎，一啲花枝味同花枝粒都冇☁️油到痴咗線，啲味粉唔平均嘅程度有如香港嘅貧富差距-🚫🚫🚫鐵板豬扒飯 $76☁️落錯單唔再講，搞到兩個都食豬扒，有冇咁鍾意呀😪☁️啲飯俾啲肉燥汁浸到勁淋✨丫，有一樣嘢好嘅，就係薯角同配菜都係熱㗎（如果鐵板都係凍不如死咗去算）-滷水豬大腸（小）☁️ 死咸 滷味唔出-🚫🚫🚫珍珠奶茶☁️珍珠好粉-柑桔檸檬☁️死甜味-

天氣凍都係想食下鍋物，今日黎到尖沙咀見到呢間台式野有一人鍋就入去試一試。一人台左涮涮鍋商務套餐 ($69)有好多款可以揀，我就揀咗三杯雞，配新竹米粉個鍋上到黎其實仲有勁多配菜，我覺得個玉子豆腐同魚腐都好食。反而主角三杯雞就比較普通。呢個鍋都真係幾大份，慢慢碌下碌下但都真係食唔晒，因為都真係有幾多料。價錢合理，岩晒冬天想食火鍋，一個人都有得食。呢到除咗一人鍋都仲有牛肉麵，肉燥飯，台式小食等等，都多選擇，可以一試。

店外的单价很有吸引力，晚饭大概是七十多元左右。还有台式一人火锅，而且有不少选择。进店才知道用餐时间有限制，坐了半个小时已经有客人需要在店外等候。两本餐单大部份都是台式食品，也有铁板扒类，品种繁多。台式古早火锅内有不少材料，牛肉、台式香肠、玉子豆腐等等。单是吃几件牛肉已经能吃饱。只是汤太咸，吃完火锅后想喝它的精华就不行了。餐是包一份白米饭，多加两元就有肉燥饭，大大碗的，肉燥带甜味，非常惹味，不知不觉间全部吃完。再加了3元要了一杯金桔柠檬，味道一般，但可以消滞。这顿饭连加一是81元，吃得好饱。

喺尖沙咀等朋友放工，等到超級肚餓，月尾又窮窮地，就食返個平價台式飯醬汁雞扒拼玉子豆腐肉操飯 $62先講咗個玉子豆腐，有一層炸皮被包住左個豆腐，個人覺得成粒野冇乜味，所以唔太鍾意。都幾鍾意個餐會有啲菜喺度，當所有嘢都好重口味嘅時候可以中和下味覺！隻蛋就正正常常，冇話特別入味，可能因為肉燥太重口，其他嘢唔夠重口就會比佢搶哂風頭！肉燥睇落唔太多，但因為好夠味都夠拎嚟撈飯，雞扒食落都好夠味，唔會好「鞋」。成個飯食落就係中規中矩，會有飽足感，但唔會有滿足感嗰種始終都係食餐飽飯唔係算食好西 哈哈！晚餐加咗杯珍珠奶茶，珍珠奶茶都幾大杯下，成個餐份量超多，一個女仔真係食唔晒～月尾冇乜錢真係可以食返餐101

W1台灣古早牛肉麵 $54牛肉麵嘅湯有少少甜味 面唔係我哋平時食開嘅面 有少少似扁既烏冬 有咬口又唔會太爛牛肉就俾咗三大嚿 肉唔會太鞋 但稍為過肥 而且湯上面 凍左好快都結左一層油 不過整體都幾好食 而且價錢好平 加$3仲可以配普通嘢飲 我揀咗水蜜桃冰茶 稍微有少少太甜 或者可以揀珍珠奶茶 柑桔檸檬等