101臺灣品味館 (已結業)

跟同事怱怱趕工, 只有三十分鐘時間晚飯, 唯有走到那裡吃到那裡, 就選了這間就腳的台灣菜館 ; 餐牌都是一般大路台灣食物, 選擇困難症發作, 就點了大包圍的香酥四寶飯, 同事則點了肉燦秋刀魚湯麵或者對台灣菜情有所鍾而有一定期待, 只是這裡的食物質素比較近似快餐店, 上菜得很快, 但食物味道則一般, 酥炸四寶包括魷魚鬚, 雞球, 烤香腸及卥水蛋, 可是炸粉太多, 雞球太硬; 實在跟想像中的台灣食物有距離; 同事的湯麵也好不了那裡, 湯底也不甚了了, 只能說如果以平常心沒有期待之下, 一切還可以接受, 但如果對台灣食物有期待而來, 則會帶著失望了

偶然經過旺角想搵啲平價D嘅嘢食咁啱見到依間101臺灣品味館於是入咗去試吓叫咗一個麵食一個肉燥飯麵食配炸魷魚鬚炸魷魚鬚不過不失炸粉唔算好厚個人最怕食到啲淨係食到炸粉 主角反而極少嘅炸物所以依度依個都算合格肉燥飯配蜜糖雞扒塊雞扒估唔到有啲驚喜因為真係甜甜地有蜜糖味之餘仲要係半煎炸得脆卜卜不過嘢飲就失色雖然我哋冇叫到台灣特色飲品類別不過普普通通嘅一杯柚子茶都可以淡如水環境氣氛： ★★★☆☆食物質素： ★★★☆☆服務態度： ★★★☆☆

在太子隨便找了家臺式餐廳吃晚飯。這裡的食物選擇挺多，除了肉燥飯、麵等，臺式小食包煎炸類和鹵水的，另外亦有不少特飲。臺式四寶飯有肉燥、豬軟骨、腩肉、鹵水蛋。肉燥足夠，但豬軟骨就只有兩件。肉燥的肥瘦比例好，不會很多肥肉，但味道就有點鹹。腩肉也不是太肥、切成了薄片，但吃下去就有點乾。臺式乾拌麵可以選配一款餸，我們選了豆腐。豆腐像平常吃到的魚片般切成一片片的，挺滑，鹵水味也多入味。拌麵用上台灣常見的粗麵，加入肉燥、葱花和花生粒，但是太多油了。整體上的食物都是偏鹹的，但論份量方面絕對足夠吃得飽飽的。另帶一提，店內竟發現有簡體字的告示，而且店員都是講普通話的，到底這裡還是在香港的餐廳嗎？

之前都來過晚餐未有寫食評，晚餐的肉燥飯很大碗，肉燥是足夠拌整碗飯，所以都喜歡來這裡吃肉燥飯～今天自己一個逛街順便試這裡的下午茶～下午茶餐33蚊，我選了小碗肉燥湯麵，小食選了鹽酥雞球+臺式烤香腸+脆香花枝丸～平時愛吃的魷魚沒有在下午茶餐內，有點失望不過試下別的小食吧。肉燥湯麵都不小，女孩子夠飽了，不過肉燥不多，小食的鹽酥雞球及花枝丸普通，喜歡臺式香腸😍（但不可以選重複的）飲品+$5選了雙Q奶茶～整體不錯，抵食～

晚餐時段還有$55的套餐，實是難得。套餐還可選配不超過$20的飲品，飲品種類繁多，連薑母茶、朱古力奶茶等皆可選配而不需加錢。首先上枱的是五香牛展肉燥湯麵套餐，牛展雖為薄切，勝在件數夠多，肉質算是軟身，麵質比其他台灣食肆略為淋軟身，容易入口。鹽酥雞肉燥飯，鹽酥雞外層酥脆，共有7件雞，份量十足。服務員應我們要求，另外給我們魯水汁，讓平淡的白飯增添味道。另外散叫的炸花枝丸，$28有5 粒，花枝丸外層炸得夠脆身，丸身亦不會硬，十分可口。

旺角太子一帶都有不少好東西吃，這天弄完頭髮後已經晚上10點多，便隨意在附近找東西吃。餐廳10點多還有很多人，看了餐牌後，我們便點了兩個肉躁飯，其實有在暗暗糾結到底要不要點飯😂魷魚鬚肉躁飯，這個魷魚鬚與平日在街頭吃一樣，份量很多，而且炸得香脆，非常可口。鹽酥雞球肉躁飯，份量也是很多，鹽酥雞球的粉沒有很厚，也沒有像平時小吃檔的，粉皮與肉都分開了，咬下去，有肉汁。 平時不吃飯的我，撈了肉躁吃了大半碗。天氣冷，所以叫了芋香奶茶，很重香芋味，暖暖的很好喝。兩個人吃到100多左右，但食物質素是正宗的台灣菜！

以為係101肉燥飯專門店，入左嚟。點知冇心愛的三杯雞肉燥飯。，試左雞排肉燥飯，同芋香奶茶。肉燥飯味道不錯，但不夠野味，不夠juicy .份量足，午餐算係咁。員工服務麻麻，冇乜禮貌

最近好多台灣餐廳都叫101唔知有冇關係呢不過今次就食呢間叫101臺灣品味館最正既係呢度所有麵類同飯都係唔超過$60今次一丁友，淨係嗌左有炸魷魚鬚肉臊飯炸魷魚鬚肉臊飯食評：一大碗既炸魷魚鬚肉臊飯加埋野飲都只係$54魷魚鬚炸得夠脆，油而不膩，而且粉又夠薄，一口酥脆感加上有嚼口既魷魚，不錯不錯。肉臊又唔算好咸，味道剛剛好啦!野飲我就嗌左台式珍珠奶茶，同出面賣20蚊個d其實差唔多，我係覺得好飲既，而且佢個杯size係算幾大，唔會吸幾下就冇哂咁，very nice

每次在旺角太子覓食都花多眼亂由街頭行到街尾都還未揀好最後 走過了台灣食肆的大門一般的台灣美食, 都可以在這食得到今日兩個人, 就試下最經典的牛肉麵及魯肉飯麻辣紅燒牛肉麵看起來並不辣, 事實上湯底甜甜地, 微辣, 但沒有什麼麻味牛肉份量多, 又大件, 肉質偏淋, 稍為有點煙靭鹽酥雞球滷肉飯 (跟台式飲品) $52大大碗飯, 米飯是爛飯鹽酥雞炸得乾脆, 但內裏欠缺肉汁, 比較乾身, 最好另加辣粉調味魯肉好香好味, 但太油.. 油到好漏, 食一半已經好飽而跟餐飲品 - 芋香奶茶, 甜到入唔到口食物整體不過不失, 但真的夠晒份量, 好抵食不過, 服務變態度一般, 樓面店員不夠, 店員還會跟廚房員工大吵大鬧大笑不尊重食客也尊重一下自己, 不竟是間餐廳, 又不是大排檔...

星期日下午行左成個旺角太子都諗唔到食咩最黎入左間平靚正台灣菜, 同友人一人一半,試多幾味一上檯好大碗飯, 鹽酥雞球份量比肉燥多, 先講雞球, 有7-8件, 食左一啖雞球無咩味, 好彩檯面有辣粉自己調味, 雞肉唔算滑但唔鞋口, 肉燥肥瘦適中, 送飯一流, 食到一半有d溜, 好彩有少少菜平衡返麻辣牛肉麵, 個湯唔算麻辣, 有牛味少麻少辣, 有少少酸菜吊味, 惹味開胃, 牛肉都有4-5舊, 軟熟度ok帶筋, 不過牛味輕微. 麵質軟硬適中熱芋香奶茶(跟餐) , 比較甜但好重香芋味, 如果甜度減少少味道更佳埋單齊頭一百蚊, 抵食之選

放左工同朋友去食個晚飯再行街，係西洋菜街見到呢間鋪就入左去食。 因為唔係咁想食野，所以嗌左個豬軟骨湯麵。豬軟骨都幾淋幾好食，仲有少少軟骨，軟骨同豬肉個組合幾特别，口感唔錯。肉燥不多不少，做配料啱啱好。仲有少少菜中和番過多既肉味，減少油膩感覺。個餐仲送蜂蜜綠茶，甜得黎又好清新。口乾個陣飲番杯，感覺超爽！

早前行經西洋菜街, 到了這間台灣品味館吃下午茶, 選了肉燥麵套餐配鹽酥雞球, 鹽酥雞球應該是剛炸起的, 因為都幾熱, 不過咬入口是不脆的, 不知其實是否只用微波爐叮熱,  鹽酥雞球味道正常, 勝在大大件啖啖肉. 而碗湯麵質素都不錯, 份量唔小, 肉燥湯底味道不錯又不太鹹, 麵質煙韌, 還有幾條生菜吃下! 這個套餐還包括了一杯飲品, 我選了胚芽奶茶, 整個餐之中最滿意這杯奶茶, 幾好飲, 不會過甜, 因為這杯飲品都值十多元, 所以套餐$38也覺得價錢合理.

旺角行完街，附近成條街都大把野食，米線，台灣野，日本野，韓國野，咩都有。最後揀返呢間食過2次的台灣野， 呢間飯類我食過， 飯夠多，料都好足！今次食個米粉試一試，我覺得佢呢米粉同一般唔同，好滑，食得慢又冇發脹👍🏻，可能真係台灣新竹米粉哈哈 我唔識分， 好味就得😋😋鹽酥雞，通常最怕淨係食到炸粉一舊甘，呢間做得唔錯，咬開真係睇到舊雞肉，又唔係炸到乾哂，炸粉唔厚。個餐包台式飲品，叫左走糖珍珠奶茶，飲落真係冇甜味😂😂👍🏻可以再黎食！

見到個裝修都正正常常就諗住試吓啦，叫咗個鹽酥雞球肉糙飯,個飯一嚟到就心知不妙,同張完全唔同,望上去啲肉糙係白雪雪無汁嘅,咁當然都無味㗎啦,另外,啲鹽酥雞係炸到硬嘅實嘅都係無乜味,而啲伴碟嘅菜呢都食得出係白灼嘅啫....總之一句講曬一定無下次!!

週末，來到旺角除了多人還是多人，只想醫肚不想排隊，經過這間台式餐廳，難得不用排隊便即進內。餐牌食物種類算多，有的還結合日本料理魷魚鬚肉燥湯麵 - 魷魚鬚份量不少，炸得香脆可口，不會只有粉漿吃不到魷魚，面頭曬上鹽酥粉，更增風味，味道亦貼近在台灣吃到的湯麵麵質較腍，似是煮浸過度，湯除了鹹味亦沒有其他味道了，所謂肉燥感覺更Hea，幾粒肉碎加鹽水，在家自煮更合意黑糖薑母茶一般即沖口味，算是正正常常，甜度剛好不會太甜。