135果園雞

營業中

休息中

附近的熟客了，但時時仍然會配錯/漏餸服務真的太令人失望，最近都比較少叫這家飯了。今次好久才又過來叫外送，竟然發現沒有給飯，打電話過去問還很不耐煩，太失望了。服務質素真的有待提高。

雖然店舖位置較細，但勝在地點方便，我們在這裏也光顧也不下十次😆 每次到達，店主都會熱情地招待和介紹他們當天的特色燉湯或美食。必吃的是奇香手撕雞，落單後便會看到店員在廚房裏準備，名副其實是即叫即做👌🏼薑蔥調味剛剛好，手撕雞肉亦非常嫩滑，每次都很滿意☺️另外，個人認為他們的餃子比起鄰近的餃掂更為出色，皮薄餡靚，最喜歡是他們的蟲草花豬肉餃，比起餃掂的餃子皮更薄，亦較少肥豬肉，感覺更輕盈健康。整體而言，我每次想要吃得輕盈一點或想要進行近年興起的減碳飲食方式， 135果園雞是一個不錯的選擇啊🤩 🥟🐓

估唔到舖頭細細，平日兩點多仲咁多人買外賣，叫左個lunch takeaway, 送例湯。個湯見到薯仔，不過就幾重味精下。第一次幫襯，就試下奇香雞飯，原來即係白切雞加芹菜，用左超級多芹菜放底，所以雞件超少，女仔食晒d飯先夠飽。不過d雞係滑既，雖然係冰鮮雞。

行開個頭附近野食普普通通都要60~70up剛好見到轉角顯眼位有間135果園雞，就試了回香雞飯環境細細間，體現香港寸金尺土情懷，所以選擇外賣自取買飯送個湯，肉、菜、飯比例符合營養格式，份量剛好夠食唔會太飽唯食慣少骨／去骨雞，覺得啲雞骨大過肉，咬得好辛苦普通住家飯清啖健康唔算貴，算ＯＫ

叫咗個三餸飯外賣，其實啲餸都係整好哂「畢」落個飯盒度，但唔知點解等咗好耐先有然後，返到公司發覺少咗個餸，本身諗住算啦，但個飯要$65又唔係平，心有不甘落返去同佢講。收銀個女人我估係老闆，我劈頭第一句同佢講漏咗個餸佢當刻係一副質疑嘅表情+語氣，好似我講大話呃佢咁。 （-_-）我再補充話係漏咗麻婆豆腐，佢先拎入廚房打開睇，大佬呀，唔通我食完個豆腐再拎落去呃你話漏咗咩，佢最後都有補比我同講唔好意思食後感：份量都可以嘅⋯⋯但食完好口渴⋯⋯味道就普普通通啦，但三餸飯都唔會有咩要求啦，不過以呢個價錢我諗冇下次了，同區有好多更好選擇

嗌左碟$52 12隻雙拼餃 京蔥木耳豬肉餃&韭菜豬肉餃 住家味道 好食，抵食，下次會試埋蟲草花餃子！店舖位置在灣仔峽道附近，比較隱藏及偏僻，而且屬於小店，但下次經過不妨一試。

平時經常這裡過，看著招牌寫的果園雞，以為是一家普通的賣港式燒臘和各種雞的小店，偶然來光顧，作為成都人看到餐牌上有川菜水煮魚和水煮牛肉等，雖然怕中伏但還是忍不住嘗試了一下，結果出乎意料地不錯，端上來時一聞就知道是最後淋了熱油的，辣椒和花椒的香氣撲鼻，量很多，牛肉大塊入味，有很多豆芽和一些黃瓜，寬粉做配菜，吃完很飽；而且水煮牛肉本身不是特別辣，但充斥著辣椒的香氣，可以看得出做菜的師傅是理解川菜的做法精髓的，在香港吃的川菜餐廳也不少了，而且自己也會做，說實話這碗水煮牛肉端出去不輸給其他高級川菜餐廳的水煮系列；不足的是水煮魚刺稍微多了點。

灣仔lunch time時間度度都大排長龍，唯有買外賣返公司食。同事推介呢度嘅奇香雞，但我愛試新嘢，點左酸菜魚。侍應話酸菜魚係即整要等耐d，最後等左成3/4個字先拎得返到去滿心期待，$58連白飯同湯，又幾大碗，感覺好抵。 唔知道係咩魚黎，魚片好多骨，連平日我愛吃魚，有耐性唔怕多骨嘅我，都覺得太多了，每啖都至少有4/5條幼骨，我個盒仲要包埋個魚頭，配埋一大堆牙菜，牙菜係連豆連根無摵過⋯完全唔想食。唯一可取係金菇，索到湯嘅味道可一不可再，下次食返奇香雞好d...

係灣仔番過工既人都知道，一到午飯時候，慘過去打仗，每間食店都大排長龍，最怕一多擠逼既我，就算個肚餓到打鼓都會捱到兩點後先食野，哩間果園雞係我近期最愛，佢主打自家養既走地雞，今次就試左佢個回香雞，味道係蒜蓉同青檸香味，相當新奇醒胃，皮爽而肉有咬口，的確唔係雪雞貨色，附帶既油菜係新鮮煮好而伴以熟油醬油，主食我就揀左米粉，又係心機之作，加埋枱頭既醃蘿白更加好食，例湯亦唔會口乾口渴，整體而言，質素算中上之作

一直食開灣仔出名水餃，見這間就在出名餃子店路口以雞做主打兼名嘅外賣店，見有同樣的韮菜餃、酸酸湯，就諗住試一次，點了外賣這兩款食品，回到公司不足十分鐘，餃子大細適中，入口沒韮菜香味，比例肉多菜少，豬肉感覺調味太濃，味精不少，吃了三隻已經十分口喝，只好飲一口酸辣湯，感覺似上海口味，酸味足，但一點都不辣，沒甚麼湯料，見這店也有做中湯，估不到這酸辣湯一點不到位，餃子吃不完就放棄了，酸辣湯就草草喝完，因實在口喝。感難此店為何要在人家強項面前丟人現眼，以卵擊石？唯有下次試下它的雞，或許沒這麼失望。

灣仔有很多食市， 中西日韓都不缺，但有時真係想食下住菜， 位於灣仔藍屋付近發現這間小店有家的味道， 平常小炒等都有， 但店子只有很小堂食座位，收銀這裡有4個座位，門口右手邊另有一間房仔有6個左右，所以其實做外賣為主。其實在十字路位邊，容易找。韮菜煎蛋飯 $45今天想食炒蛋，叫左韮菜炒蛋飯，即叫即炒，夠獲氣，跟餐送餐湯，飲過咁多次湯，都係覺得無味精，清清地， 好健康。麻辣口水雞飯 $52朋友食這口水雞邊食邊話好味，看似很辣，但其實不太辣，入面還有其他配菜如筍等。 洛神花茶 $12夏天加店子的涼茶飲，清熱解渴。其實這裡還有更健康的美食，唔似普通餐廳有好多味精

兩年前慕名來到此店，目的為試一試那個出名的有機雞，還記得那一天我是他們收工前的最後一個客！老實說，愛雞如我者，此雞未能留得住我的腳步。可是我一邊食雞，看見老闆娘拿出的燉湯給自己喝，邊説「收工了，這麼好的靚湯不要浪費，放在自己的肚子好」，那盅湯的香味和足料，把我的眼睛吸引了，我的肚飽了，沒有試喝便走了。事隔兩年，好食愛煮的我已把小店忘記得一乾二淨吧！上星期四，我放工後胃口不太好，只是很想很想喝一口靚湯，要在食肆中找來沒有味精的靚湯，又要能滿足到我家的味道感覺，實在很艱難，終於兩年前的畫面出現了！店舖的名字也忘記了，只記得在皇后大道東，左找右找終於找到了，這盅湯真的沒有令我失望，應該説是我在外吃飯這麼多年，這是我最欣賞最愛的靚湯～用料和火候十足，沒有口渴死人的味精，嚮螺味和雞味配搭得剛剛好，用心之作！如果我在附近居住，我絶對會是這小店每晚的常客

同朋友點左兩個套餐，一個奇香雞，一個紅燒腩肉，有湯有菜，原本係配飯，我地都轉左蒸米粉，覺得特別啲，米粉食落都唔錯，餸方面，紅燒腩肉就比較普通，奇香雞屬於冷盤配有西芹和芫茜，味道幾清新

叫咗個奇香雞飯...只係將薑蓉和中國西芹預先同雞撈埋一齊，D雞好油， 雞有好多碎骨，堂食坐位係高身坐得好唔舒服， 同埋好似食緊外賣咁，用膠飯盒裝住收HKD48... 我寧願去燒臘鋪食個切雞飯…最差係D菜裏面仲有頭髮添！

聽講有人喺藍屋賣雞，所以專程去試吓。因為牌照問題，唔可以坐喺舖面食，要食一係就買外賣，一係就買完攞過隔離舖裡面嗰幾張凳、同bar檯食。不過唔知係唔係因為牌照問題，店員完全唔會理你；明知你過隔離食，都依然係畀你外賣膠飯盒、外賣膠湯碗、同即棄餐具，仲要用膠袋入住。OK，食完自己清潔係常識；食飽就一膠袋自己放入門口個大垃圾桶，店員連檯都唔會抺一吓。門口寫住主打奇香雞，雞無雞味，用大量中國芹菜同香料醃製；阿姐好明顯唔識斬雞，啲雞斬到碎濕濕，仲好多碎骨、滿口油。反而個例湯，同跟飯嘅蒜蓉莧菜就不錯。份量亦夠飽肚。