影片
開飯介紹
位於旺角的雞煲店，裝修獨特，以港式舊戲院為主題，玩味十足。提供上等美國肥牛作雞煲材料，而且火鍋套餐有三款選擇，客人可以按自己喜好選擇適合的套餐，套餐價錢適宜。
繼續閱讀
營業時間
今日營業
17:00 - 02:30
星期一至日
17:00 - 02:30
公眾假期
17:00 - 02:30
公眾假期前夕
17:00 - 02:30
以上資料只供參考, 請與餐廳確認詳情
有關獎賞計劃
食家推介
相關文章
好耐無來, 今晚來食, 都已經夜晚8点多, 不過星期一都算係多人😅👍, 叫左套餐B, 雞🐔煲今次唔要BB辣, 要左少辣, 比安排一個二人位🤩等左一陣送上🐔煲, 好快就滾起, 二人份量都算幾多😁食舊先, 幾入味, 又有少少好微辣, 舊肉包住d汁, 幾好食😋唔會食到感覺好大陣雪味, 食晒d🐔加湯, 用QR code落左陳皮魚蛋, 芝士丸, 魚皮餃, 是日海鮮, 牛肩🐮胛, 梅頭🐷豬肉, 蝦🦐, 白鱔, 脆肉鲩腩, 南瓜, 芋頭, 花膠, 扁貝🦪, 韓國蠔, 亦係出面拿左一份菜心同一份油麥菜, 整體味道新鮮, 出菜都快, 收碟都快, 陳皮魚蛋陳皮味唔係好食到, 豬肉🐽叫ok, 肉味唔算好濃, 韓國蠔就一般, 可能都係和廣島蠔🦪不同, 鱔就切得太細舊, 食落口感麻麻, 🦐蝦和脆肉鲩腩和花膠最好, 我哋都有encore, 小食黑椒腸同鹽酥肉也好好食👍👍, 我無食雪糕亦無飲樽裝茶, 飲左熱羅漢果, 唔係好甜, 飲落喉嚨幾舒服😍, d菜都新鮮, 不過浸左湯就菜心好味d👍👍
繼續閱讀
以前學生時期成日喺荃灣食幾年後試試旺角分店依然係我心目中的香港第一雞煲！▫️極上澳洲和牛套餐C (7點前離座$258加一)雞煲叫咗小辣 醬汁香口但偏少雞胸位都唔鞋 肉質鬆軟好索汁！以下係我覺得必叫嘅item:🔹 肉類套餐C嘅美國安格斯牛小排同澳洲M5和牛都唔錯牛味夠 肉質唔鞋🔹 煙肉芝士忌廉薯波✨✨每次叫都係新鮮炸起熱辣辣超級邪惡超級好味！🔹 蝦片✨✨勁脆勁香口 食唔停口🔹 自家製冷泡茶有冬瓜茶 茉莉綠茶 蜜桃烏龍🔹 乳酪雪糕✨✨好難得有得任食乳酪雪糕😍雪葩質地 乳酪味濃👍🏽┄┅┄┅┄┅┄┅┄┅┄┅┄┅┄┅┄
繼續閱讀
今日食咗非常之出名，喺旺角屹立多年嘅18樓雞煲放題，價錢亦都唔算太貴，但係竟然食物質素有驚喜！今次嗌咗嘅係麻辣雞煲，唔算太辣，唔食得辣辣嘅朋友都可以嘗試一下，雞肉都算多，唔會太多骨非常容易食到！雞肉嘅肉質鬆軟多汁,能夠非常好地吸收到火鍋湯底嘅各種調味。再加上呢道菜式所採用嘅麻辣調味火鍋料嘅部分,都非常多選擇泰國粉絲 - 粉絲彈牙爽口,能非常好地吸收辣椒香料嘅味道😝海蝦 海蝦肉質鮮甜,新鮮不錯肥牛 - 滑嫩鮮甜嘅牛肉,連同湯汁一起入口,口感絕頂腐皮 - 入口即溶,能夠中和麻辣湯底嘅強烈風味還有豆腐、魚丸、同埋唔同嘅菜類等等至於飲品方面，除咗有常見嘅可樂汽水之外，亦都有無糖茶飲，啱晒我呢一啲唔飲甜嘢嘅人😘😘
繼續閱讀
收工唔知食乜好 於是就嚟到旺角嘅呢間18樓雞煲火鍋都食個宵夜啦 真係深夜食堂救我一命 宵夜時間嚟到人唔太多 兩個人都被安排咗坐四人卡位非常闊落首先就梗係食過遠近馳名嘅雞煲啦，BB辣唔太辣，不過非常香同埋而且好惹味 雞件嫩滑 仲包圍着滿滿嘅醬汁鮮炸響鈴 非常巨型超級脆卜卜 可以索晒湯底既味道脆肉鯇 白鱔片 鮮蝦 全部都十分新鮮 個人最愛梗係慣啦 好爽口 而且啖啖肉打邊爐點少得特級肥牛 肉色紅潤肥瘦適中 最後飲飽食醉仲有乳酪雪糕 酸酸甜甜 可以一解油膩感
繼續閱讀
今晚同朋友去呢間雞鍋食晚飯。食物質素可以， 我哋叫咗最基本嗰個餐， 但餐單仍有好多食物可供選擇。 性價比高。 不過，其中一個員工 （下稱員工A) 態度超級差。 由於餐廳只可以用現金 / 支付寶比錢。 入座時我哋表示咗將會用支付寶比錢。員工A比帳單我哋嘅時候， 我哋見到帳單上寫住用現金付款， 所以問佢， 如果我哋用支付寶比錢， 係嗰一刻比錢定係走嘅時候出cashier 比。佢答我哋可以走嘅時候比。用餐時間係2個鐘。 2個鐘內無任何提示就嚟夠鐘。突然員工A好大聲咁同我哋講： 「你哋已經食咗2個鐘， 要埋單走」 。 隨即同 cashier 同事講 ：「 佢哋都食咗2個鐘啦， 仲唔埋單」，再即刻行過嚟好惡咁催多次， 叫我哋走。唔夠1分鐘， 員工A再次行過嚟，叫我哋唔好再食 ， 要走 。 當時我哋枱面仲淨返一碟 5片嘅薄肥牛， 同埋4條細蟹柳， 所以我朋友同佢表示我哋食埋d嘢就走， 因為唔想嘥食物。員工A好惡咁話： 「（d食物） 一向都係要咁嘥ga la！」 我見佢催得咁勁， 所以望吓個鐘。 我哋 5:55pm 入餐廳，當刻係 7:57pm （指定用餐時間 120分鐘） ， 即刻我哋遲咗2分鐘，而呢2分鐘期間，比員工A催咗3次！！！ 每次都係「命令我哋要即刻走」嘅語氣。 真心用餐感受好差！
繼續閱讀