1963 木十豆寸

營業中

休息中

餐廳位於灣仔地標式轉角位大廈，由上樓梯開始已經可以見到用心嘅佈置。 餐廳內陳設好有復古風味，四周放滿角色各樣嘅古物，好似入咗一間小型博物館咁。十分喜歡坐喺窗邊嘅位置，窗外面就係如餐廳名所提既木十豆寸。 坐喺古色古香，氣氛清幽既位置，望返街外灣仔繁忙嘅交通，有一種大隱隱於市嘅感覺。餐牌上角色台灣菜，特別推介茶燻雞。 上台未食已傳來好香既茶味同煙燻味，雞肉外皮香脆，肉質嫩滑。此外，牛肉麵，刈包等都好有水準。

平日中午12:30，同朋友去咗一間主打台式料理嘅餐廳。餐廳裝修真是一個亮點，走懷舊風，影相打卡一流。可惜，食物同服務完全拉低咗體驗。menu選擇唔多，牛肉麵份量細到得幾啖，肉質偏乾，味道普通，唔夠香濃。最離譜係價錢，單是一碗好普通嘅牛肉麵就要70幾蚊仲要冇嘢飲，性價比極低，感覺完全唔值。有一杯台式嘢飲麵加$30 ，但係個杯野飲細到幾啖就飲完。服務態度更加令人火滾。侍應好似唔想做咁，問問題時愛理不理。上菜時有個侍應直接將碟擺低，連句說話都無，態度冷漠到極點。整體黎講，呢間餐廳除咗裝修有睇頭，其他方面真是一個災難。食物普通、份量少、價錢貴，服務態度又差，食完真心覺得唔抵。一次就夠，絕對唔會再去！

餐廳走懷舊風裝修，一路播住懷舊嘅音樂，幾有feel。滿漢牛肉麵 餐牌話集清燉半肉麵、紅燒牛肉麵、拌麵，三種吃法。但係嚟到只係見到兩種食法，搵唔到拌麵。清淡牛肉麵嘅湯非常清，清到我只係飲到蘿蔔味。配搭粗麵味道比較淡。牛腱好韌同又黐牙，硬到咬唔落 ! 最後放棄唔食。紅燒牛肉麵嘅味道冇清湯咁plain，但係整體都係較淡，唔係期待嗰種濃郁嘅紅燒味。至於牛肉比起呢個清湯嘅牛腱嫩滑好多，易咬。而牛筋就非常軟腍。跟餐嘅沙律幾爽脆，有啲蘿蔔增加爽爽口感，唔會太酸。鮮芋拿鐵 飲唔到芋頭香味，亦唔係芋泥嘅質感。總結：本來見佢裝修幾有feel，覺得可以試下唔同嘢食，但個麵咁普通，引唔起興趣再試其他。

我這些九龍區住的人, 很少過海搵食（美食）. 之前聖誕節前夕約住港島區朋友, 去灣仔區搵好食的餐廳.上網（此平台）搜尋美食,發現這間上樓的台式餐廳. 最初吸引我的是餐廳的風格,主打懷舊情景及懷舊文件. 牆壁上的擺設架放滿一部一部的古懂相機,舊信箱, 以前家居的舊風味牆紙&流聲機...食物質素（用餐時段是午餐）.午市套餐都會跟一你沙律菜（健康💪）及一件甜品（黃豆味的蕨餅~煙煙韌韌）櫻花蝦炒飯~有鑊氣炒得香口,米飯粒粒分明完全不覺得油膩.除了櫻花蝦外,還有蝦仁一併同炒. 普普通通,又不算是好特別的炒茶燻雞佐烏龍茶漬飯~茶燻雞與烏龍茶漬飯是分開的,所以不用擔心太油沾在茶漬飯內.茶燻雞的雞肉外脆內滑（多汁）.也算是值得推介.藥膳排骨湯~餐廳用一個小小的湯柸盛載, 味道濃厚但是不會有太過苦的藥材味道. 排骨的份量也算可以. 冬天凍冰冰的日子🥶,喝開口暖暖身體, 超舒服.推介😋鹹蛋白肉苦瓜~在香港臺式餐廳比較少見的, 份量不算太多,2人當小食都足夠. 白肉苦瓜味道不算太濃,少少清啖再配上鹹蛋笑笑咸香一同炒都夾得到.飲品：黑糖珍珠奶茶（熱）~ 同行朋友點的,我偷飲了一小匙, 不算太甜, 茶底香濃👌餐

主要因為此店的裝修而來, 食物味道都唔錯, 環境舒服, 值得來試試 食物 : 魯肉飯佐魯味併盤套餐 $75 ~ 套餐好豐富, 有沙律菜, 滷肉飯一碗, 一大碟滷味併盤, 及飯後甜品, 整體味道唔錯, 雖然唔係什麼特別菜式, 但滷味都算是台式食物的主打 養生清燉牛肉麵 $70 ~ 湯好清甜唔油膩, 牛肉好淋唔鞋, 也配有沙津菜及甜品, 整體味道都唔錯 飲品 : 鳳梨蘇打 $20, 水密桃紅茶 $20 ~ 味道幾好, 唔會好淡 環境 : 餐廳佈置好有心思好靚, 環境舒服, 雖然是懷舊但不是陳舊, 是同朋友可以傾計的地方 服務 : 職員有禮貌 價錢 : HK$203 (含加一服務費)

今日好凍行左幾層樓梯上嚟試新餐廳～想食啲未食過既野所以叫左啤酒鴨飯。唔上到嚟真係唔知咩一回事哈。好開心佢係濕濕地可以撈飯食，啲鴨肉幾軟熟，入面仲有好多薑中和返鴨同啤酒既寒性。有好多菜真係好佛心🥰出街真係好想唔洗特別加錢但食到好好好多菜，有冇人明😂 啲飯係軟綿綿好易夾個種。仲有舊蕨餅，口感好特別，唔知係自製定成品呢？想買🤣 總結嚟講係食得幾開心既一餐！環境裝飾都好用心，鍾意影相打卡應該都唔錯（雖然我淨係影左個餐）。啲碗碗碟碟都好有特色，都花左唔少心思，幾別緻。

Was randomly checking out taiwanese restaurants and came across this restaurant on openrice, which had a really old school nostalgic decoration inside so decided to give it a go. The walls were decorated with alot of vintage items such as cameras and posters. Seating was spacious as well. I decided to order a deep fried pork…. And i asked the waiter specifically if it was deep fried and not pan fried. He confirmed many times it was deep fried. The dish arrived 5 minutes after i ordered which was

1963不是我出生年份😜係灣仔一間嘅台灣餐廳，裝修都比較懷舊設計，不是太像台灣有啲像英式嘅設計，仲有一部復古的黑膠唱片機，首先食呢餐飯要走上幾層樓梯，要考考你的腳骨力😜三點幾呢段時間比較靜，冇乜人，環境幾舒服！擔仔麵套餐$70，都好豐富，有沙律，應該開始係鳳梨絲，食落去幾爽，酸酸甜甜，再配生菜蕃茄！滷水拼盤份量都好多，有豆腐乾，跟甜醬食！雞蛋都比較乾！豬耳都好腍，另外仲有木耳絲，和蘿蔔！另外擔擔面都有蝦，少少肥豬肉，肉碎，芽菜，蘿蔔等…配料都好多！湯底清清地都OK！另外加$20叫咗杯鳳梨梳打，呢個幾推介👍🏻台灣出名鳳梨，飲完又可以食甜品日式蕨餅，台式餐廳日式甜品😂

金玉其外，敗絮其中，虛有其表，絕對係呢間低質餐廳既唯一形容詞。食飯環境在於我只佔30%，味道先係最重要，話之你整到幾有feel，搵晒啲懷舊玩意做擺設，如果只旨在打卡俾人睇俾人like，的確係會好buy，但要我俾70幾80蚊食偽台菜，個湯頭完全唔係紅燒，係清湯，d牛肉係港式牛坑腩處理手法，一點台灣風味也沒有，加上又唔軟腍，而且冇啦啦加埋d酸菜同紅蘿蔔入去(雖然我唔抗拒食呢2樣食物），九唔搭八，10分有2分俾佢已經算俾面，難食過see，掛羊頭賣狗肉既頭號餐廳，唔好俾正評欺騙，永久blacklist

📍 1963 木十豆寸🌏灣仔灣仔道110號中匯大樓2樓📝 6/10今天要介紹一間打卡一流的台灣餐廳! 首先,裝修真的超級有正,保留了很多復古元素,花磚、木製家具 、懷舊點唱機等等 ,好似回到八九十年代,特別適合拍照打卡!另外,餐點價格也不會太貴,基本上一個人點一個套餐就夠吃飽了,性價比超高!而且,他們的菜品全都是好有台灣風味,性價比一流。真的非常推薦大家來這間餐廳,不僅可以好好享受道地的台灣美食,還能在復古的環境中拍出超質感的照片!相信你們一定會愛上這裡的! 那就趕快把這間加到你們的探店list😝😝@hkfooddies

今晚二人去吃晚飯，一入餐廳就聞到陣古老氣味，有點像跌打酒味。擺設極懷舊，好有趣。點了台式醉雞、蒜炒A菜、櫻花蝦炒飯、新竹炒粉。醉雞冇乜酒香，反而是酸的，是加了醋嗎？好古怪。炒菜正常，味道不錯。櫻花蝦炒飯不是炒飯，是撈飯，濕濕的，完全冇鑊氣，低下仲係油浸的，賣相同味道還可以。新竹炒粉，好多醬油，好鹹，唔掂。最不幸係食完唔夠一小時就開始攪肚痛，痾咗鑊甘。我都有懷疑係咪自己之前食錯嘢，冇理由呢餐咁快有反應，但當我發現肚瀉之後，沖咗五次廁所都沖唔走晒啲浮面嘅櫻花蝦，就知一定係呢餐飯出咗事。

去開灣仔好多時都會經過依到。。。。今次終於可以一家大細黎光顧！好感動原來依間係觀塘店既小時光唯一港島店，食返小時光既味道🫶🏻😍😍😍😍😍😍😍😍😍店主同男職員都好好服務🫶🏻🫶🏻🫶🏻🫶🏻🫶🏻🫶🏻當我地提及小時光時，大家都好開心好有老朋友既感受🫰🏻🫰🏻🫰🏻🫰🏻🫰🏻🫰🏻🫰🏻今次食返魯肉飯，黑糖珍珠奶茶👍🏻👍🏻👍🏻👍🏻荔枝肉扒同埋1人晚餐😘😘😘😘茶香雞味道👍🏻個湯最正 入口好甜耐左微辣，真係好正😍最後 店主仲親自整個甜薯拔絲送比我地，真係好滿足🥰🥰🥰🥰🥰🥰🥰🥰🥰

之前見朋友食過好食，所以bookmark咗呢間餐廳一段時間，今日終於嚟到試一試，環境舒服，好多懷舊嘅裝飾，地方都好適合傾偈食飯😎小食有鳳梨蝦球🍤個蝦配埋鳳梨好清甜又開胃，但個蝦炸得就一般。主食叫了烏籠茶香燻雞🐓、櫻花蝦炒飯🍚、炸比目魚🐟最鍾意係個雞，帶清香嘅茶味，燻味適中，肉質都唔鞋🤣至於炒飯就幾香口，但唔算好特別，比目魚就炸得幾好食👍🏻另外就有個菜係小魚花生炒由蘇🥬想配個菜健康少少，但個菜又多左少少油🙂

午餐時間途徑灣仔，記起有一間台灣菜幾有名，雙腿自自然然就行去。店鋪位處西式舊樓，要走兩層先到。入到店鋪，彷彿回到過去，每樣裝飾擺設都充滿年代感。睇完午餐有乜食就點左脆皮雞腿飯，雞脆皮脆肉嫩，鹵肉飯肉份量都頗多，味道唔會過咸，以咁既價錢可以係咁有情調既地方食飯，的確賣少見少。

同朋友約食團年飯，搵到呢間裝修懷舊的台式餐廳，於是提早預訂了。要留意嘅係，餐廳位置有少少隱蔽，如果直接喺大廈搭lift上去門口會是鎖實的，需要由大廈隔離的後樓梯行上去，樓梯仲貼住飯前運動有助腸道蠕動，非常幽默！到達餐廳，職員知道我地想打卡，立即幫我地安排大圓枱，餐廳內所有侍應服務態度都超級好👍🏻👍🏻食物都係正常水準，有種家常便飯的感覺，加上餐廳懷舊裝修，揀呢間食團年飯真係一流阿！以後都會多推薦朋友黎食。