2+2 Café (已結業)

今日有慶祝活動，所以就一行7人去沙田食自助餐！我地6點鐘就去到，第一時間就食海鮮先！全部海鮮都唔錯，幾新鮮，最好味係大青口，唔會覺得係擺左出黎好耐。跟住就排隊攞龍蝦，有兩款汁可以揀：一款係日式西京汁，另一款係芝麻汁。其實個職員無問到個客人想要咩汁，初初唔知道有兩款，原來要自己話俾佢聽想要咩汁既。兩款味道都唔錯，各有棒場客，我自己就鐘意西京汁多d喇！龍蝦肉都算唔錯，幾彈牙。跟住就食刺身同埋壽司，我淨係食左三文魚刺身同埋和牛壽司，三文魚好肥美，和牛壽司就唔算話太特別。熱食就有炸野、咖哩雞同埋湯麵，其實仲有一行熱食，不過我無影到😅炸野我食左吉列牛堡，本身以為會好香牛味，點知都係麻麻地，食左一半就無食。湯麵都食左個菜，有兩款湯：一款牛乳湯，一款蕃茄湯，我就覺得牛乳湯好味d, 不過又有人話個牛乳湯好腥。食食下聽到d 鈴鈴聲，原來佢會有表演，就係將呢個士多啤梨波溶左，入面會有d棉花糖跌落黎！睇就真係幾好睇😅佢地仲會失手添架😅出面既士多啤梨殼會跌左落地🤣佢表演完可以排隊拎佢既棉花糖，不過就真係好甜好甜好甜囉🤣🤣跟住就有行去甜品櫃，都有好多款式，不過我本身唔太好甜品，所以淨係食左芒果巾甸同埋法式焦糖布

早排同幾個中同食飯想食自助餐，又唔想食咁貴又要近（新界人），係開飯到睇見帝都好似有折，最後打去問左仲要俾網上睇再平d，實價每位388，咁我地就揀左平日8-10時段黎食，雖然聽人講都話麻麻地，但係我本身要求都唔高，試下無仿。一入座，個環境光線同普通餐廳冇咩分別，係細左少少，行左一個圈，食物種類都唔算多，不過應有既都有，還可以，食物質素黎講，我會形容為「不過不失」，唔係難食，但又講唔上好好食，全晚最好食既應該係燒龍蝦🦞，肉質彈牙重蝦味，不過佢加左個醬太濃味，差d蓋過左d蝦味，唔落個醬應該會更好味，我諗我都會再去既，如果價錢不變，所以，如果你想同朋友食下平價自助餐，可以一試，同女朋友就唔好諗啦😂😂😂另外提一提，佢有2個鐘免費泊車既，對你有冇用就自己諗下啦

近期沙田帝都酒店旗下嘅餐廳就做緊優惠💰例如有日本野嘅櫻田，西餐嘅One+One Cafe &bar，中菜嘅玉庭同埋今次去食Buffet嘅2+2 Cafe😎—————————————————————今次2+2 Cafe嘅自助餐主題係日本野，熟食同冷盤都加插左好多日本菜🇯🇵💯推薦💯1⃣豬脾-2⃣串燒-3⃣豬肋骨-4⃣龍蝦-5⃣火炙三文魚黑松露壽司-壽司飯，入面有黑松露同三文魚碎]6⃣火炙和牛壽司-🍓另外有個任摘士多啤梨區🍓啲士多啤梨都幾甜幾新鮮！甜品方面，大部份都係士多啤梨做主題，不過我冇試😂❌失望位1⃣海鮮好差-2⃣刺身款式少，因為主打日本菜 *每人有張券去換鮑魚蒸蛋雖然鮑魚好似粒豆咁細，但個蛋又滑又甜👍🏻*埋單每人$388(免加一)有龍蝦有Movenpick同咁多野食都算係咁👍🏻如果原價食就唔太值😔

2+2 Café推出<東瀛潮食>的和風自助餐，當中的任食炙燒波士頓龍蝦、「草莓牆城」最為難忘。把握3小時的時光，展開“味”力之旅!壽司corner選擇包羅萬有：火炙黑松露三文魚、火炙照燒吞拿魚、火炙和牛壽司，和牛壽司即時燒製，入口油脂豐盛，牛味香濃，令人欲罷不能！最特別是King Size火炙三文魚，壽司如拳頭般大，燒香後加上黑松露，肥美幽香。旁邊還有刺身沙律、冷麵及雜錦刺身飯，各款新鮮刺身，配上卜卜脆三文魚籽點綴，啖啖窩心。除了和牛，大愛的刺身corner有三文魚、吞拿魚、鯛魚、八魚及甜蝦等，三文魚厚切肥美；鯛魚是少見的款式，肉質細嫰，吃下去鮮甜美味，的確不錯。旁邊的壽司款式不少，絕不失色。海鮮閣有蟹鉗、長蟹腳、青口及蜆肉等，refill速度很快。蟹腳如前臂般長，沿著骨節位剪開，看見長而一絲絲的蟹肉，鮮味十足。最為吸引是任食炙燒波士頓龍蝦，分別以西京汁或胡麻醬烹調，龍蝦香表面微微焦色，賣相傾心。連同蝦膏一同挖出，胡麻醬入口充滿如芝士般，細滑咸香，肉質彈牙誘人! 西京炙燒帶白味噌的甘甜味，別具滋味。每位食客都有一客鮑魚三文魚籽蟹肉茶碗蒸，入口柔嫩，鮑魚彈牙，蟹的鮮甜與魚

今次去到沙田帝京酒店嘅2+2 Cafe食自助餐，今期主題係東瀛，所以有好多日式嘅食品可供選擇🇯🇵.有圖有真相，款式選擇都好多，沙律吧、海鮮、即煮湯麵，烤雞、燒烤、火炙壽司、刺身、熟食有成10款，一部份炸物，仲有個好似去咗農場咁嘅打卡位「士多啤梨🍓園」！最重要係旁邊嘅甜品位選擇超多😍.都攞咗好多嘢食返嚟，最鍾意就係每人一個嘅鮑魚茶碗蒸🌟真係好高級而且好滑💧仲有一場係甜品表演（着晒火🔥咁），內布朗尼及棉花糖令人大開眼界😚.食物種類繁多，全部質素都唔錯，比較驚喜就係甜品嗰度竟然有得食雞蛋仔，同埋其他甜品賣相都好靚，見到已經開心晒🥰.👉🏻2+2 Café (沙田)📌沙田白鶴汀街8號帝都酒店3樓...

在沙田戲院送贈優惠券， 見轉左最愛士多啤梨主題， 馬上約友人一齊黎試。 需要提早預約， 早到左要等候才能入席。 等到好心急。 甜品超多款式， 還有廚師即場製作雞蛋仔，梳呼呢，同班戟。cake, 都有好多款， 最愛拿破崙士多啤梨都有。 好好味。 半熟蛋撻配燕窩必食呀！有兩杯特飲， 不過味道麻麻。 意想不到還有幾款熱食供應， 還有經常轉新。 最後要黎士多啤梨牆， 拍照及取新鮮士多啤梨食。 打卡一流提示， 必須預先致電訂位， 同埋電影公司提供優惠仲抵嫁。

.未到復活節🐰，就好似同家人去咗一次日本旅行咁🇯🇵，因為嚟到帝都酒店，吃了一頓超豐富又勁開心嘅自助晚餐。🥰🥰.今期2+2cafe 主題係東瀛潮食，cafe 內打造了一個海鮮市場，淋淋種種的冰鎮海鮮，無限量供應；.🎏人氣吉列牛堡、廣島燒、吉列雞排等炸物；.🎏日式大盛烤魚拼盤、灸燒波士頓龍蝦、秋葵、蝦等串燒；.🎏火灸黑松露三文魚壽司、和牛壽司、魚生壽司等；.🎏各式刺身, 源源不絕；.🎏鮑魚三文魚籽蟹肉茶碗蒸蛋(每位一客)；.🎏就連即淥粉麪區都係主打日式湯麪和烏冬，我就即興自制了一碗日式海鮮湯麪，非常滿足！.🎏水果和甜品方面，非常有驚喜，發現了一幅士多啤梨牆，牆上掛滿了一籃籃的士多啤梨，任摘任食，太開心了！.🎏甜品之中，最值得一試就係賣相超靚嘅草梅綠茶芝士蛋糕，好好食，入口軟綿，超好味；半熟燕窩芝士撻和焦糖燉蛋都值得推介；.🎏還有各款Movenpick雪糕, 草莓及芝士主題甜品等.......食到大約7：45左右，聽到“鈴...鈴...”聲, 全場燈光熄晒，之後有待應叫我們出去睇表演；😋.🎏甜品師推出了一個大草莓球，燃點起紅紅的火焰，突然 “拍”一聲，草莓球爆出了很多朱古力蛋糕和棉花糖，全場

今次去到帝都酒店嘆佢地新出既瀛食自助餐🤗，一般既凍盤如凍蝦、蟹腳、青口等都有，而且會不停refill😝，食左輪凍盤、沙律後就可以向刺身、壽司進發！火灸和牛壽司入口好嫩滑，仲見到廚師特別製作既king size火灸三文魚壽司🤣，真係有衝動想試下～另外仲有成盤既刺身飯同冷麵。主菜方面最回本既梗係任食燒龍蝦啦，可以揀芝麻醬或照燒汁；仲有新出既吉列牛堡原來係薯餅黎，另外佢地個龍蝦長通粉同鮑魚雞粒炒飯都唔錯嫁😶每位仲會有張美食卡比你換鮑魚三文魚籽蟹肉茶碗蒸，記得去拎吖！黎到帝都酒店，一定要留一留肚食佢地既甜品😍，今次係草莓同芝士主題吖！！完全岩哂K😎，佢有一幅草莓牆比你夾草莓食🍓，仲有大量草莓同芝士既甜品😋，特別推介草莓芝士千層酥！千層酥好酥脆，裏面夾住香滑既忌廉芝士～仲有草莓芝士蛋糕、草莓朱古力日式芝士蛋糕、燕窩芝士撻、雜莓oreo芝士蛋糕、紅豆年糕湯等！一定要留肚食movenpick雪糕吖，有成6款比你揀嫁～😆仲有即製雞蛋仔…到特定時間聽到鈴聲就要出去睇表演啦！玩火既Brownie同棉花糖～真係要準備定相機拍片吖📷 整體黎講，食物款式唔算好多，甜品部分印象更為深刻😆

2+2 buffet, 好朋友一起同我預祝生日,除了自助餐,仲送一支紅酒同蛋糕🤗特色食品：鲍魚茶碗蒸.海鮮選擇不多,有龍蝦,蟹,但冇蒸魚,日本刺身選擇也較少,三文魚,吞拿魚....,冇八爪魚,菜也較少,只有白菜仔,冇其他選擇,如果有芝士焗四蔬更好.送紅酒味道一般,可以接受.送朱古力蛋糕,由於蛋糕只有二種選擇,也難選.總之,菜式可以接受.

非常難食， 無一樣野得。以628一位晚餐自助餐依個價錢， 餐廳簡直係食水太深。。。所有用料都係次一級的貨， 唔符合628的水準，你食過第二間628就明我講咩。如果想開開心心食餐性價比高的， 請勿試此 buffer。 小弟睇左其他平台的廣告，誰料中伏。。。攪到幾唔好意思請人食生日飯，好彩朋友不太介意啦

本身自己同朋友都幾鍾意食甜品 但係呢個甜品放題既甜品我地都唔係幾想食 雖然價錢唔係好貴 但係嘢食既質素好一般 cp值唔高 唔係特別推介 個主題係士多啤梨 啲士多啤梨都算唔錯既 入到去佢會派杯嘢飲 杯嘢飲裡面有好多士多啤梨既果肉 面層有個奶蓋 嘢飲算係唔差既 ☺️至於蛋糕方面 我覺得士多啤梨既味道唔係好出 有少少死甜既感覺 個人唔係特別鍾意至於係佢既奶凍方面 佢既芒果奶凍食落去好酸同埋口感都唔似芒果 食個陣有少少懷疑自己拎錯嘢🙈而佢既士多啤梨奶凍都唔係特別好食 奶凍下層尚算可以 但係佢上面既士多啤梨醬無士多啤梨味而且有一種好化學既味道 另外佢有一個士多啤梨乳酪慕斯 個人覺得cream cheese落得太多 掩蓋左士多啤梨既味道 不過整體尚算可以 btw 如果淨係拎士多啤梨食我覺得唔錯依家越黎越興櫻花味既食品 佢裡面有一個甜品係櫻花既製品叫櫻花寒天啫喱 個人覺得質素有啲差 呢個甜品有三種味道 第一啖食落去有少少似生鏽既鐵味 第二啖食到罐頭蜜桃既味道 最後先食都淡淡既櫻花味 呢個甜品既味道略為淡 唔係太適合鍾意食甜嘢既朋友 係一個甜品放題黎講 味道太寡 唔會有令人想再食既感覺 另外佢仲有個朱古

諗緊生日食咩好，知道帝都酒店2+2 café既新自助晚餐係和風主題，岩哂鍾意食日本野既我，所以即刻拉左屋企人黎食自助餐慶祝我揀左第一時段入場，環境唔錯，食物種類多，即刻相機食左先任食火炙波士頓龍蝦即席會有師傅幫你燒龍蝦，燒到香噴噴，仲有兩隻日式醬汁揀～不過條隊都排得幾長，好彩一入座就mark實左龍蝦counter，之後可以不斷無限encore！吉列炸牛扒日本吉列牛紅到黎香港但我一直都冇機會食，今次梗係食盡佢！炸到脆卜卜既牛扒肉味香濃，又唔太油膩，岩岩好～另外仲有即切刺身同壽司，特別鍾意食黑松露三文魚壽司，三文魚好肥美鮮甜，配埋黑松露醬，陣鹹香味一流其他熱盤賣相都好吸引，不過我後來已經冇哂戰鬥力試哂咁多款，變左主攻海鮮士多啤梨芝士甜品今次自助晚餐既甜品原來都有主題，係士多啤梨加芝士。全部甜品睇落都好靚，一開始唔都唔知食邊件好～甜品味道都唔會太甜，特別鍾意士多啤梨綠茶mousse cake，個士多啤梨外型好頂癮，兩種味道都好夾！冇諗過仲有一個士多啤梨牆好可以比你任夾士多啤梨，D士多啤梨都算大粒，幾甜每次食自助餐都好期待雪糕！呢度就可以任食佢既Movenpick雪糕，我覺得法式焦糖燉蛋味最好

第一次寫食評，呢間野實在太差......真唔明白咁差噶，質素咁少品種，點解會收咁貴....真系奇蹟....d肉無新鮮，海鮮唔新鮮....雪糕散噶....d杯碟殘舊....最好食嘎只有沙律....嘎醬.....甜品過得去嘎.....個特別推介嘎燉蛋....下面係水一樣.....排骨、牛肉真系咬左一淡就唔想食，其他噶更加唔想試.....d刺身亦唔新鮮......絕對唔會再黎第二次.....

見facebook正推廣3月份新出的士多啤梨芝士甜品，作為甜品迷，當然要試一試。雖然話鐘意食甜品，但其實平時唔多去甜品buffet，頂多係正餐buffet搭埋甜品任食個種。平日黎到幫襯，原來都唔少人，特別係估唔到好多小朋友，因為本身諗住會係女性黎食居多。甜品款式唔算多，得10款左右，另外仲有雪糕同即場整既雞蛋仔、班戟等等。原個要自己切件的士多啤梨抹茶蛋糕都ok，但有時中間d抹茶cream好似未解夠凍，有d似沙冰。而細細舊易夾的new york cheesecake就最好食，比燕窩芝士撻好食。一杯杯的甜品有一隻特別奇怪，就係朱古力熱情果奶凍，因為兩種味根本唔合拍，到頭來最少人攞就係佢。雪糕係movenpick，自己覺得味道最好個款係藍莓芝士餅。其實最估唔到係有少量熱食供應，個蘿蔔糕好濃味幾好食，而最正係卡邦尼長通粉(or意粉)，因為同樣d醬料好入味、好濃厚芝士感，可以中和返d甜膩。另外仲有哈蜜瓜粒同菠蘿粒，不過味道普通。質素唔係話頂級，但$140左右食到唔少野(雖然覺得蛋糕款式可以再多返d)，味道又過得去，咁已經算係滿足到甜品控一時的心癮。

個名叫海鮮自助晚餐，但係冇生蠔，冇螺，得幾款冷盤，冷盤海鮮都唔新鮮，熟食又小，未食過一間酒店自助餐冇蠔食！真係貼錢買難受！！！！！！！！！！！！！！魚生又唔新鮮，甜蝦仲好笑，係爭鮮個d cheap cheap甜蝦，細條過bb仔手指尾！！！！！！！！！其中一款甜品朱古力奶凍係酸既！擺得太耐變壞左！！！！！！！依間食過幾次，愈食愈差，經過今次真係blacklist!!!!!!!!!!!!!!!!!!!!!!