影片
港鐵銅鑼灣站 C 出口, 步行約4分鐘
繼續閱讀
開飯介紹
親民日式食堂，餐廳由日本人老闆主理。壽司、刺身食材保證新鮮。多款人氣鍋物用料豐富，是抵食之選。
繼續閱讀
附加資料
晚市每人最低消費$100（包括加一服務費）
營業時間
*截單時間: 14:30/22:30
星期一至日
12:00 - 15:00
18:00 - 23:00
以上資料只供參考, 請與餐廳確認詳情
相關文章
在鵝頸橋附近，會在一個不起眼處，找到246食堂。一個lunch set百幾蚊，而且是水準之作。有魚生飯，有天婦羅，有咖哩，應有盡有。我就叫了蔥吞拿魚蓉飯，十分新鮮，吞拿魚蓉撈飯，啖啖入口即溶，好香吞拿魚味。湯是三文魚湯，我本來很怕熟的三文魚會好腥，但這個湯沒有腥味，很甜，正！沙律有柚子味十分清新，而小吃應該是醃雞肉，惹味。overall 十分抵食！
繼續閱讀
由於今晚收工夜咗，原本想食嘅舖頭又要等位，行下行下就黎咗246。開頭只係想點幾件壽司填飽肚就算，只叫了海膽山（唔記得全名），油甘魚同黑鮪。呢座海膽山味道冇得輸，全完冇唔新鮮嘅味，海膽肉粒粒分明，唔係爛溶溶果d，我坐吧枱位睇住師父細心堆砌，而師父亦好貼心提醒我快d食，因為紫菜腍咗就唔好食。另外油甘魚同黑鮪亦好高質，肉質鮮嫩無筋又唔腥，第一次點的油甘魚是白肉帶紅邊的，而第二次再點時，已經變做魚腩位置，入口充滿油香，一食難忘，$20兩件呢個價錢銅鑼灣真係搵唔到，真心覺得抵食😎👍不過到離開嘅時候先見到有塊白板寫住一d係menu裡面冇嘅菜式，如果客人入座時店員能夠簡單介紹下會更好，等客人知道有咩是日精選或推介。
繼續閱讀
食物:「👌🏻三文魚壽司」三文魚新鮮，算大件，但壽司飯易散開。「👌🏻明太子蛋卷$40」即叫即整，上菜時熟辣辣，蛋味濃但明太子份量很少，並不特別，好普通的蛋卷。「👌🏻和牛筋飯$60」個份量完全被騙了，超級細碗，唔想食太飽既人好適合，味道不錯的。「👎🏻自選海鮮丼」一個字貴，不值一試。👌🏻環境:餐廳環境闊落樓底高，乾淨企理，適合聚會。但要注意洗手間係男女混合的。👌🏻服務:一入去會俾杯熱茶，之後自己係菜單上寫數量俾侍應就可以了，上菜算快，服務普普通通。不值得一試，無網上講到咁大件抵食。
繼續閱讀
2228 瀏覽
三年前吧？香港興起日本海鮮丼熱潮，「豊州水產海鮮丼專門店」正是引發熱潮的店子。開業初期，據講日日排長龍，同時亦刺激了了很多本地小店爭相仿效。由於「豊州水產海鮮丼專門店」打正日本過江龍旗號、貨源來自東京築地市場（當日尚未搬遷）、餐廳的老闆之一又在築地經營漁獲批發，即使後來有其他競爭對手仿效，初期仍然有優勢。只不過，熱潮過後，加上競爭對手越來越多、又以平價取勝，幾位股東決定轉型，變成了今日的「246 食堂」；唯一不變，就是在日本豐州市場經營漁獲批發的其中一位老闆繼續作為供應商，刺身保證新鮮、兼價錢合理。餐廳雖然在灣仔、亦非常靠近銅鑼灣，但並非位於人流最暢旺的街道，如果不是有個安裝了射燈的大招牌，很難引人注意。餐廳的門面計，尤其是那個招牌的字體及用色，有明顯的昭和時代風味，刻意營造庶民風格；加上以食堂為名，價錢親民。室內裝潢介乎傳統（非連鎖店）日式居酒屋及日本市場內的大眾食堂兩者之間，簡約、兼帶點庶民風情。大部份均為卡座，亦設有一張高身吧枱，但就見不到刺身凍櫃 ⋯⋯ 以親民食堂定位，沒有正規壽司吧枱也算正常吧!?四周牆上貼了很多告示：繁忙時段限時90分鐘、繁忙時段最低消費、使用信用卡的最低消費金額、儲印花送美食優惠 ⋯⋯ 條款有點複雜、又有點混亂；不過，正常晚飯、又食得夠飽的話，有關的最低消費及信用卡簽帳條款應該符合。打開彩色印刷過膠餐牌，全部劃一只有三個價錢：$20、$40 及 $60；難怪取名「246 食堂」。無論定價及餐牌設計皆貼近迴轉壽司或連鎖居酒屋；款式同樣多元化，壽司、刺身、炸物、鍋物、燒烤、天婦羅 ⋯⋯ 等等樣樣都有，到底質素如何呢？餐廳前身係海鮮丼專門店，當然繼續有得食，而且採用了類似「勝手丼」的自選形式。落單就係全自助。大大張硬卡紙、鮮黃底色加上各款美食的卡通圖案，設計突破傳統。落單紙表面燙上膠膜，配合黑色水筆落單，擦走之後可以重複使用；又是一個䀡心及環保設計，有心思又抵讚。壽司及刺身款式唔算多，但我最受香港人歡迎的基本款式都有齊。服務態度熱誠的侍應姐姐話：「轉型後唔係以海鮮丼為主，多了很多其他選擇，所以刺身款式無可避免要減少啲！」油甘魚壽司(2件)（$20）比迴轉壽司還要扺食！賣相唔係太吸引，並非最肥美的腩位部份；勝在夠新鮮。火炙鰈魚邊壽司(1件)（$20）即右口魚鮨邊位，其他壽司店通常都是左口魚(鮃)魚邊，兩者味道分別其實不大。與油甘魚相同，賣相一般。火炙效果唔夠明顯，亦見不到明顯的油脂滲出來。入口雖然夠滑，但油香一般。大三元壽司（$60）顧名思義有三種食材，全部都係吞拿魚，還要是黑鮪（藍旗吞拿魚)；最底層是深紅色的赤身，中間一層是粉紅色的中とろ，最上層是淡粉紅色的吞拿魚蓉，之後還要灑上點點蔥白。賣相雖然有點浮誇，但見到這件重磅級壽司，顏色由深紅慢慢變淺，確實非常吸引。一啖鯨吞整件壽司，口感複雜，既有とろ的油香、又有赤身的綿滑、也有吞拿魚蓉的細膩黏口，更有蔥花香氣 ⋯⋯ 原來同一時間、同一啖品嚐三款不同部位的吞拿魚如此美味。黑鮪大拖羅刺身(1件)（$60）油脂分布細密，原本是粉紅色的大とろ甚至變成接近白色。完全沒有筋膜，每啖入口差不多立即被口腔熱力融化為點點油脂。稍嫌美中不足之處，就是油脂香氣未夠濃烈。如果兩件大とろ的厚度可以二合為一，肯定會更加美味！海膽富士山紫菜杯（$60）一如其名，紫菜杯內只有少量米飯，表面鋪滿厚厚的海膽，分量差不多是一般海膽軍艦的兩倍，這個價錢簡直是超值！由於海膽份量實在太多，送到面前時海膽已開始傾瀉出來，即刻整件放入口中。紫菜香脆；海膽滑溜、甘甜，但海膽獨有的香氣未算濃郁。友善的侍應姐姐坦白證實：「海膽是韓國産，如果是日本產，根本冇可能做到這個份量及價錢。但其實韓國海膽的進口價格也不便宜。」特大海鰻壽司（$40）表面缺少火炙效果，肉質唔夠鬆化，鰻魚醬汁太稠、亦沒有濃郁甜香味道。勝在大大條海鰻，性價比超值，兩個人分享都綽綽有餘。鱈魚片（$20）香口、鬆脆、微微香辣，小公主的最愛零食之一，差不多每次光顧日本菜都會落單。據聞 Sogo 地庫超市有大大包發售，自己去買就慳返唔少了。叫了兩款天婦羅，分別配了天婦羅汁及白蘿蔔蓉，可以說是驚喜。雖然在日本只是標準要求，但對於香港（大多數）日式居酒屋來說，可能就是苛求了。日本產南瓜天婦羅（$20）軟糯香甜。軟殼蟹天婦羅（$60）賣相與理想中的天婦羅有一些距離；話說回頭，始終只是定位庶民居酒屋 / 日本市場食堂，不能要求天婦羅專門店的烹調技巧級數。軟殼蟹大大隻、從中剖開兩邊。咬落去表面鬆脆，內裏軟滑，充滿蟹汁及蟹肉鮮甜。從橫切面也可以看到軟殼、蟹膏、蟹肉、流出來的蟹汁，就算唔食入口都知道一定好好味。唐揚炸雞（$20）是最鍾意的日式居酒屋小食之一，$20 有三大件非常抵食。用味醂及日式醬油醃制雞件至上色，炸熟後呈深金黃；表面的雞皮香脆，內裏的雞肉軟腍嫰滑兼熱辣辣、又夠入味。小女兒獨佔兩件，我就只分到半件，有啲唔夠喉 ⋯⋯比較其他美食，燒牛脷串（$40）只有兩件，加上唔算大件、亦唔算厚切，就唔算便宜了。咬落去爽口彈牙，唔韌、又多肉汁，灑在表面的黑椒碎及海鹽調味適中 ⋯⋯ 味道出色，拍得住日式串燒餐廳的出品。A4和牛壽喜燒鍋（$60）有齊日本壽喜燒(すき焼き) 的配料食材：豆腐、大蔥、津菜、芋絲、鮮冬菇、金針菇及牛肉，A4和牛也有三片。食堂當然是一整鍋送上，不要期望會有專人侍候，逐樣材料席前涮涮。未煮熟之前的牛肉遍佈均勻脂肪，雖然未至於雪花般細密分佈，但這種賣相肯定是日本產牛肉獨有，不會是美國安格斯肥牛或澳洲產黑毛和牛。這個價錢居然可以食到 A4 和牛，即使唔係最頂級的肉眼部位，已經是超值了！不用多說，A4 和牛肉質軟滑、入口充滿油花；鹹中帶甜的壽喜燒湯汁，更可以帶出和牛鮮味。如果多一隻生雞蛋，用來蘸和牛就更加完美。「246 食堂」的裝修風格模仿日本市場內食堂，定價也是同食堂一樣親民；另一方面，又參考了日式居酒屋的多元化美食選擇，適合三五知己飯局。雖然抵食，但唔代表唔注重質素；部份刺身壽司款式所選用的食材甚至可以用超值去形容。同一位笑容可掬、待客態度熱誠有禮的侍應姐姐透露：「餐廳不定期，通常是星期五六日，會有飛機貨。價錢當然再不會是 $20、$40、$60；不過就較其他聽抵食，前幾天就有依左木，半條只是 $150。」總結：抵食、質素喜出望外、服務態度又好 ⋯⋯ 值得推介。
繼續閱讀
早排碌IG嘅時候成日都見到個好澎湃嘅海膽紫菜杯出現🤤小編一直都好想去試吓，而且上網睇吓原來價錢亦都唔算太貴😚所以都一直期待左好耐😝246食堂係一間以日本的大眾酒場及平民食堂為概念😯料理價錢均一劃分為$20、$40、$60😱而且店內大部份嘅食材都係黎至豊洲市場內的豊洲水産，絕對有保證😏-🍴海膽富士山海膽富士山以紫菜杯做底😌中間放上一小舊醋飯，最後就堆上滿滿嘅韓國海膽係紫菜杯上面😎呢個海膽杯真係非常壯觀🥰啲海膽真係對到好似成咗富士山咁。海膽入口味道鮮甜，海膽味重😉而且口感Creamy。雖然表面嗰層紫菜好快就淋左，但因為海膽底下都有啲醋飯喺度🤔所以入口食落口感亦都唔會太過單調，亦都唔會有膩既感覺😜整體來講，呢一個海膽杯真係超級有滿足感，而且海膽質素都唔算太差，抵食👍-🍴特大海鰻壽司海鰻壽司以蒲燒方式製作，一大條鰻魚鋪在壽司飯上面🤭海鰻有接近25cm長，真係超級大條，勁誇張😏鰻魚入口完全冇細骨，不過食落就唔算好肥美🤫偏向比較薄身，都算係相當唔錯😌而且鰻魚表面亦都有非常多醬汁，所以入口食落感覺亦唔會太乾身，不過整體嘅味道就略為甜左少少😅整體來講，個人覺得呢一款海鰻壽司都算係幾抵食，而且完全冇骨果下真係超級加分😁-🍴芝士天蝦卷卷物入面有香脆炸蝦🍤同青瓜條🥒，表面再加上一層炙燒芝士🧀，成個配搭都非常豐富。卷物因為表面有層芝士喺度，所以入口都會有少少黏黏地嘅感覺🤔不過同時口感亦相對比較豐富，香脆嘅炸蝦配上爽口味道清新嘅青瓜條一齊食，成個配搭都有少少清新嘅感覺😉而且配上本身入口比較膩嘅芝士一齊食，反而中和左芝士本身嗰種膩嘅感覺😯所以整體來講入口都算有驚喜。-🍴大三元壽司呢一舊壽司🍣以黑鮪赤身、黑鮪腹身同蔥花黑鮪腹身魚腩蓉組成，今次真係一次過滿足晒三個願望🤗呢一件壽司就好似鮪魚丼嘅濃縮版咁😉一件壽司裏面集齊有肥有瘦既鮪魚。配上有少少蔥花嘅香味，而成件壽司嘅味道都變得冇咁單調😌而且壽司入口食落都唔會話食到有一條條筋喺度。一啖可以食到三款鮪魚嘅口感同味道真係非常豐富，非常滿足😋-🍴赤牡丹蝦壽司赤牡丹蝦🦐入口口感爽滑，而且味道鮮甜，都算係相當唔錯😏配上醋飯，本身醋飯入口仲有少少暖暖地嘅感覺😆而且入口亦可以食得出有淡淡的白醋味，都算係相當唔錯。不過以呢個價錢來講就有少少貴😳冇乜亮點，唔多抵食，所以都唔太推薦大家叫呢一個🤫-🍴清酒煮藍青口小食選用左來自加拿大嘅藍青口，配上清酒🍶烹調而成。藍青口雖然就唔算好大隻，不過就勝在隻隻都好肥美脹卜卜咁😜而且分量亦都算適中。入口味道方面，藍青口入口味道鮮甜😚帶有陣陣嘅青口香味。另外，藍青口入口帶有好重嘅清酒味😏絕對係意料之外。不過酒味重又衍生左另一個問題就係藍青口入口會多咗一種苦澀味😎對於小編呢一種唔係太好酒味嘅人來講，呢款小食會有啲難入口🤫-🍴炸蝦天婦羅 / 日本產番薯天婦羅炸蝦天婦羅🍤足足有小編成隻手掌咁長，非常大隻🤭而且天婦羅本身做得非常乾身，入口食落口感香脆唔油膩😍亦都唔會食到成口炸漿😳而且中間嘅大蝦入口口感爽嫩，而且入口食落唔會有好重嘅梳打粉味，亦係加分位😆番薯天婦羅🍠雖然一份只有三件，但質素絕對比平時食到嘅番薯天婦羅好😏天婦羅本身做得亦係比較乾身，入口食來都唔油膩，而中間嘅番薯入口有好香嘅地瓜香味😚甜甜地粉粉地嘅口感，都算係唔錯，唯一缺點就係番薯切得比較薄身😅唔係好夠過口癮。-🍴錫紙牛油焗鮮雜菇唔好見啲鮮雜菇🍄好似乾爭爭，冇乜色水咁，其實聞落亦有好香嘅牛油味🤗而且啲雜菇入口亦有好香嘅牛油味，隱約會食到有少少香甜嘅雜菇味😝而且當中嘅雜菇已經整得非常淋身，所以入口食落個牛油味都算係突出☺️-🍴A4和牛壽喜燒鍋和牛壽喜燒鍋選用日本鹿兒島A4和牛🐪，配搭大蔥、娃娃菜🥬、冬菇🍄、豆腐同葛絲製成。和牛嘅份量雖然就唔算好多，只有四塊左右👉👈不過入口塊塊都好有牛肉香味，而且食落亦有少少入口即溶嘅感覺😋真心非常高質。而個壽喜燒湯底方面，壽喜燒湯入口味道香甜😌而且同個和牛味道亦非常之夾，香甜嘅味道當中有夾雜着淡淡的牛肉香味😚配上其他配菜一齊食，其實份量都非常充足，所以以呢個價錢來講真心絕對係好抵食👍
繼續閱讀